Aleanca për Ardhmërinë e Kosovës nuk do ta pengojë zgjedhjen e Vjosa Osmanit në postin e presidentes së vendit.

Këtë garancë e dha për Front Online, deputeti i saj, Bekë Berisha.

Sipas tij, përdorimi i gazit e mjeteve tjera që në të kaluarën shërbenin për këso qëllime, tash është diçka e “daltë mode”.

“Jo nuk do të ketë këso skena në seancën që do të thirret për votimin e Vjosa Osmanit. Gazi e format e tjera janë demode”, u shpreh shkurt për Front Online deputeti Berisha.

Siguri dha edhe kur tha se partia e tij nuk do t`ia bëjë kuorumin për t`u bërë presidente pretendentes Vjosa Osmani.

“Ne kurrë nuk kemi ndryshuar mendim. Gjithmonë kemi thënë se kandidati ynë i vetëm për president është Ramush Haradinaj”, deklaroi Berisha.

Megjithatë, ligjvënësi i AAK-së nuk la pa përmendur diçka.

“LDK-ja po do t`ia bëjë numrat. Ju priftë e mbara. Ne nuk kemi çka komentojmë për këtë qëndrim të tyre”, tregoi ai për Front Online.

Kosova prej 5 nëntorit vazhdon të jetë me ushtrues detyre të Presidentit.

Deri para pak ditësh këtë post e mbajti Vjosa Osmani. E tash deri sa kjo e fundit t`i sigurojë votat e nevojshme, në karrigen presidenciale përkohësisht është ulur Glauk Konjufca, i zgjedhur 1 javë më parë kryeparlamentar i ri i Kuvendit.

Presidenti i Republikës së Kosovës, sipas Kushtetutës së Kosovës zgjedhet nga kuvendi, me votim të fshehtë.

Zgjedhja e presidentit bëhet me dy të tretat e votave të të gjithë deputetëve të kuvendit.

Nëse asnjëri kandidatë nuk merr shumicën prej dy të tretave në dy votimet e para, organizohet votimi i tretë në mes të dy kandidatëve të cilët kanë marrë numrin më të lartë të votave në votimin e dytë dhe kandidati që merr shumicën e votave të të gjithë deputetëve, zgjedhet president i Republikës së Kosovës.

Nëse në votimin e tretë, asnjëri kandidat nuk zgjidhet president i Republikës së Kosovës, shpërndahet kuvendi dhe shpallen zgjedhjet e reja, të cilat duhet të mbahen brenda 45 ditësh.

Shefja e grupit Parlamentar të Lëvizjes Vetëvendosje, Mimoza Kusari-Lila është deklaruar pas mbledhjes së Kryesisë së Kuvendit lidhur me thirrjen e seancës për votimin e presidentit.

Ajo tha se kjo çështje nuk ka qenë temë diskutimi në mbledhjen e sotme të kryesisë.

Më tutje Lila tha se deri të premten pritet që të bëhet betimi i deputetëve të rinj.

Pas kësaj ajo deklaroi se do të thirret një seancë e jashtëzakonshme për votimin e presidentit.

“Hapi i parën është betimi i deputetëve të rinj. Sipas të gjitha gjasave të premten në rendin e ditës do të jetë edhe betimi i deputetëve të rinj dhe pastaj seanca për zgjedhjen e presidentit do të jetë seancë e jashtëzakonshme. Sot nuk ka qenë temë kjo çështje”, ka thënë Lila./Front Online/

Gjykata Penale e ka dënuar me 23 muaj burg me kusht, me dy vite provë dhe dhjetë vjet dëbim nga vendi. Gjykata Kantonale duhet të gjykojë përsëri çështjen
Një kosovar 27-vjeçar është dënuar për sulm fizik. Ai nuk arriti t`i shpëtonte gjykimit duke u përpjekur të paraqitej viktimë.

Ngjarja ka ndodhur në mars të vitit 2017 përpara një klubi të Lucernit, shkruan Luzerner Zeitung.

Pesë persona ishin të përfshirë në ngjarje. Shkas për zënkën kishte qenë një cigare hashishi, transmeton albinfo.ch. Si pasojë, aty u zhvillua një konflikt fizik që u regjistrua edhe nga kamera e instaluar në lokal.

I pandehuri ka goditur njërin nga personat me shqelm në pjesën e pasme të kokës dhe në fytyrë.

Në seancën dëgjimore në Gjykatën Penale të Lucernit shtator të vitit 2020, prokurori kishte kërkuar për të 18 muaj burg me kusht për v eprën penale të sulmiot fizik, me periudhë prove tre vjeçare. Përveç kësaj, kosovari i akuzuar duhej të dëbohej nga vendi për dymbëdhjetë vjet.

Paditësi privat gjithashtu ka kërkuar dëmshpërblim dhe kompensim të humbjes së fitimeve prej 90,000 franga, në favor të viktimës.

Mirëpo, i akuzuari e sheh veten si viktimë dhe kërkon pafajësi.

Dhjetë vjet dëbim nga vendi

Tani është në dispozicion gjykimi i gjykatës penale. Ky gjykim e konsideron të akuzuarin jo si viktimë, por si kryerës të veprës penale.

Kështu, gjykata në fjalë e ka dënuar 27-vjeçarin me 23 muaj burg me kusht me një periudhë prove prej dy vitesh dhe dhjetë vjet dëbim nga vendi, transmeton albinfo.ch. Në këtë dëbim përfshihet edhe futja e tij në sistemin e informacionit të zonës së Shengenit.

Ai po ashtu duhet të paguajë shpenzimet gjyqësore dhe procedurale si dhe kompensimin e paditësit privat prej 11,000 frangash.

Në vendimin e saj, gjykata shkruan se i akuzuari duhet të kompensojë viktimën për 100 përqind të dëmit të shkaktuar. Por për këtë, viktima duhet t`i referohet gjykatësit civil për të përcaktuar shumën përkatëse të dëmit.

Avokati mbrojtës, nga ana tjetër nuk sheh ndonjë lidhje shkakësore midis paaftësisë së viktimës për punë dhe zënkës, përcjell albinfo.ch. Sipas tij janë sëmundjet e mëparshme shkaku i gjendjes aktuale të shëndetit të viktimës.

Por, Gjykata Penale e kundërshton këtë. Për këtë arsye, Gjykata Kantonale duhet të gjykojë përsëri çështjen.

Të dielën në Kosovë ka arritur kontingjenti i parë i vaksinave antiCOVID të kompanisë AstraZeneca, i cili përmban 24 mijë doza të kësaj vaksine.

Në Klinikën Infektive të Qendrës Klinike dhe Universitare të Kosovës, tashmë ka filluar vaksinimi i stafit shëndetësor, shkruan Reporteri.net.

Ndërsa, gjatë ditës së djeshme për herë të parë me AstraZeneca u vaksinua kryeministri i Kosovës, Albin Kurti, zyrtarja e OBSh-së në Kosovë, Isme Humolli, infektologu, Sali Ahmeti dhe aktori Selman Jusufi.

Platforma e shërbimeve online https://ekosova.rks-gov.net/ ka lansuar një aplikacion ku mund të aplikoni për vaksinimin anti-Covid. Bëhet fjalë për opsionin “Aplikimi për vaksinim kundër Covid-19”.

Për të aplikuar, ju duhet të hyni në https://ekosova.rks-gov.net/ dhe të klikoni tek opsioni “shërbimet”, duke zgjedhur më pas opsionin “shëndetësia”, çka ju mundëson qasjen në opsionin “Aplikimi për vaksinim anti-Covid.

Çka duhet të bëni në vijim është të klikoni opsionin “Regjistrohu” dhe duke plotësuar fushat që kërkohen.