Nënkryetari i LDK-së, Lutfi Haziri tha se me deputetin Agim Veliu takohet sepse e ka mik dhe nuk takohet me të për të folur vetëm për politikë. Haziri për Gazetën Express u shpreh se asgjë nuk e ndal të takohet me Veliun dhe se ai ka pasur dhe do të ketë rol të pazëvendësueshëm në LDK.

Pas takimit të kryesisë së LDK-së u raportua se Lutfi Haziri është takuar me deputetin Agim Veliu në një nga lokalet e Prishtinës. Tashmë dihet se Veliu është të paktën njëri nga deputetët skeptik të LDK-së për ta votuar Vjosa Osmanin për presidente.

E lidhur me këtë takim Lutfi Haziri i tha Gazetës Express se asgjë nuk e ndal që të takohet me Veliun pasi e ka shok dhe mik.

“Agimin e kam mik dhe shok. Pse duhet vetëm për politikë të takohemi. Asgjë nuk na ndal me u taku sepse Agimi ka pasur dhe do të ketë rol të pazëvendësueshëm në LDK”, tha Haziri.

Veliu e ka quajtur gabim të udhëheqjes së LDK-së që tërë presionin për zgjedhjen e presidentit ta marrë përsipër.

“Është gabim i madh i udhëheqjes së LDK-së që e ka pru veten në këtë situatë që i gjitë presioni të bie mbi LDK-në për zgjidhjen e presidentit sepse LDK-ja është parti e tretë tash, është parti opozitare që nuk e ka përgjegjësinë Sigurisht ajo do të duhej të ishte temë e bisedës në tryeza të subjekteve politike, pozitë e opozitë në mënyrë që të ketë një pajtueshmëri për një kandidat cilido që ta merr mbështetjen e 2/3 ai zgjidhet, unë po them që do të ishte mirë që ta kemi një president me konsensus.”, tha Veliu për Express të premten.

Ish-kryetari i Podujevës ka thënë se nuk ka vendosur nëse do ta votojë Vjosa Osmanin për shefe të shtetit. Këmbëngul se kur LDK-ja ta diksutojë këtë çështje, duhet të shohë se ku është përfitimi për partinë vota pro Osmanit.

Lidhja Demokratike e Kosovës aktualisht është duke mbajtur mbledhjen e Grupit Parlamentar në zyrat e partisë.

Kryetari Lumir Abdixhiku ka deklaruar pas takimit të parë me Vjosa Osmanin se votat e deputetëve të LDK-së për presidentin do të jenë në linjë me vendimin që e merr partia.

Por ende nuk dihet nëse ish-ministri i Punëve të Brendshme, Agim Veliu do ta votojë Vjosa Osmanin për presidente marrë parasysh përplasjet që kanë pasur dhe raportet e acaruara mes tyre.

Në Qendrën e Vaksinimit në sallën 1 Tetori në Prishtinë nga mëngjesi e deri tani janë vaksinuar rreth 93 profesionistë shëndetësorë, ndërsa në total 103 persona janë vaksinuar në këtë qendër me Astra Zeneca, vaksinë kjo e cila ka arritur të dielën në Kosovë.

Koordinatori i kësaj qendre, Niman Bardhi ka deklaruar se kur po vazhdon imunizimi i profesionistëve shëndetësorë të kujdesit primar vetëm gjatë ditës së sotme është paraparë të vaksinohen në sallën 1 Tetori rreth 700 persona.

Ai tha se këto lista i kanë pranuar nga Instituti Kombëtar të Shëndetit Publik dhe Qendrat e Mjekësive Familjare.

Bardhi: Deri më tani aktualisht janë të vaksinuar 103 persona

“Deri më tani aktualisht janë të vaksinuar 103 persona që 10 kanë qenë dje dhe 93 deri në këtë moment që po flasim dhe për nga numri ne kemi listat e ndërtuara që kanë ardhur nga Instituti i Shëndetit Publik dhe Qendrës Kryesore të Mjekësisë Familjare që në varësi të numrit që i kemi të paraparë aty dhe ardhjes së tyre ne aq sa vijnë do i realizojmë gjatë ditës së sodit sepse ashtu kanë qenë të paraparë. Por nuk do mund të thirremi në numra të saktë sepse janë në orare të punës dhe si do mbulohen ato ngelet çështje e vetë menaxhimentit. Sipas listave shohim shpresojmë me numrin e paraparë nga fillimi pritet të jenë rreth 700”, theksoi Bardhi.

Bardhi po ashtu tha se deri në këto momente në këtë qendër të vaksinimit gjithçka ka shkuar sipas planit pa asnjë parregullsi.

Ai tha se ekipet e imunizimit punojnë me dy turne duke nisur me orarin nga 08:00 deri në 19:30.

Bardhi: Gjithçka ka shkuar mirë deri më tani

“Aktualisht i kemi katër ekipe mjekësore që janë të gatshme për aplikimin e vaksinimit dhe deri më tani ka vijuar shumë mirë dhe nuk kemi pasur ndonjë parregullsi apo ndonjë gjë që ka qenë për tu shqetësuar apo diskutuar…Orari zyrtar që e kemi ne çdo ditë nga sot e tutje deri kur të përmbyllet kjo pjesa e parë të vaksinimit me këto dozat e ardhura është nga ora 08:00 deri në 19:30… Ne i kemi ekipet e ndara në dy grupe që është turni i paradites dhe turni pas ditës. Turni i paradites edhe pak kohë iu ngelet dhe e përmbyllin dhe pastaj vjen turni i pasdites deri në orën 19:30”, deklaroi ai.

Koordinatori i qendrës 1 Tetori në Prishtinë, Niman Bardhi po ashtu tha se nga të gjithë personat që kanë marr dozën e parë të vaksinës AstraZeneca asnjëri nuk ka pasur ndonjë reaksion shqetësues.

Bardhi: Ata që e kanë marr vaksinën nuk kanë pasur ndonjë reaksion për tu shqetësuar

“ Deri më tani sipas asaj që kemi përcjell dhe keni parë edhe ju që 15 minutëshin e parë gjithmonë i përcjellim nuk kemi pasur reaksione të tilla…E kanë numrin kontaktues tonë dhe gjatë plotësimit të formularit që e bëjnë“, u shpreh koordinatori i qendrës së vaksinimit 1 tetori.

Krahas profesionistëve shëndetësor me 24 mijë vaksinat e dhuruara nga COVAX do të vaksinohen edhe personat e moshës mbi 80 vjeç.

Ka përfunduar takimi ndërmjet kryetarit të LDK-së, Lumir Abdixhiku dhe deputetëve të kësaj partie, raporton Front Online.

Në një konferencë për medie, Abdixhiku ka thënë se kanë vendosur të marrin pjesë në votimin e Vjosa Osmanit për Presidente.

“Kemi diskutuar për pozitën apolitike të Osmanit. Është njeriu që e bën presidentin e jo një letër. Pas një diskutimi të hapur gjithë kemi marr vendim që ne s’do të bëjmë obstruksione në zgjedhjen e presidentit. Do të MARRIM PJESË NË VOTIM” ka thënë ai.

Tutje, i pari i LDK-së, tha se pret që këtë vendim ta respektojë secili deputet.

“Pres që secili deputet të respektojë vendimin e shumicës dhe pres që nga secili deputet të sillen si institucionalist dhe ta kapërcejnë veten dhe cfarëdo hidhërimi që mund të kenë”, tha Abdixhiku.

Ministrja e Arsimit dhe Shkencës, Arbërie Nagavci ka mbajtur takim ku kanë marrë pjesë zyrtarë të MASh, përfaqësues të Kolegjiumit të DKA-ve, SBAShK-ut, Këshillit të Prindërve, IKShPK-së, drejtorë të shkollave dhe mësimdhënës.

Takimi i sotëm është vazhdimësi e takimit të së premtes, për të shqyrtuar mundësitë e organizimit të mësimit gjatë ditëve në vijim, respektivisht mundësinë e pushimit pranveror, zëvendësimin e ditëve të humbura gjatë këtij viti shkollor dhe mësimin plotësues për nxënësit e nivelit fillor dhe atyre që kanë mbetur prapa në mësime.

Ministrja Nagavci theksoi brengën e saj për cilësinë e mësimnxënies gjatë këtij viti të vështirë dhe sfidues shkollor, por theksoi se primar mbetet shëndeti i personelit arsimor dhe i nxënësve.

Ministrja, po ashtu, kërkoi bashkëpunimin e të gjithëve, në mënyrë që të menaxhohet sa më mirë që të jetë e mundur situata dhe të arrihet cilësi në mësimnxënie për aq sa është e mundur.

Të gjithë pjesëmarrësit në takim u pajtuan se është i nevojshëm pushimi pranveror për shkak të ngarkesës së madhe të mësimdhënësve gjatë punës me grupe, dezinfektimit të shkollave, si dhe për të zbutur situatën aktuale pandemike në arsim dhe atë në përgjithësi.

Ministrja Nagavci kërkoi nga Kolegjiumi i DKA-ve që të deri nesër të dalin me rekomandime rreth çështjeve që u diskutuan, në mënyrë që të merret një vendim i qartë dhe të gjithë akterët e përfshirë në arsim të informohen me kohë./Front Online

Në sallën “1 Tetori” në Prishtinë të martën ka filluar vaksinimi i personelit shëndetësor kundër Covid-19.Me këtë rast, njëra nga punonjëset shëndetësore që është vaksinuar ka qenë edhe doktoresha Kade Bjetullahu.Ajo pas vaksinimit për EO është shprehur se ndihet mirë, kurse u ka bërë thirrje të gjithëve të vaksinohen.

“Unë posa e mora vaksinën dhe po ndjehem shumë mirë. Shpresoj që nuk kemi me pas telashe më tutje. Gjithçka ka qenë në rregull dhe u rekomandoj te gjithëve marrjen e vaksinën sepse është e nevojshme”, tha ajo.Përveç personelit shëndetësor do të vaksinohen edhe personat e moshës mbi 80 vjeç.Vaksinimi në komuna do të fillojë nga dita enjte.

Ministrja e Arsimit dhe Shkencës, Arbërie Nagavci ka mbajtur takim ku kanë marrë pjesë zyrtarë të MASh, përfaqësues të Kolegjiumit të DKA-ve, SBAShK-ut, Këshillit të Prindërve, IKShPK-së, drejtorë të shkollave dhe mësimdhënës.

Takimi i sotëm është vazhdimësi e takimit të së premtes, për të shqyrtuar mundësitë e organizimit të mësimit gjatë ditëve në vijim, respektivisht mundësinë e pushimit pranveror, zëvendësimin e ditëve të humbura gjatë këtij viti shkollor dhe mësimin plotësues për nxënësit e nivelit fillor dhe atyre që kanë mbetur prapa në mësime.

Ministrja Nagavci theksoi brengën e saj për cilësinë e mësimnxënies gjatë këtij viti të vështirë dhe sfidues shkollor, por theksoi se primar mbetet shëndeti i personelit arsimor dhe i nxënësve.

Ministrja, po ashtu, kërkoi bashkëpunimin e të gjithëve, në mënyrë që të menaxhohet sa më mirë që të jetë e mundur situata dhe të arrihet cilësi në mësimnxënie për aq sa është e mundur.

Të gjithë pjesëmarrësit në takim u pajtuan se është i nevojshëm pushimi pranveror për shkak të ngarkesës së madhe të mësimdhënësve gjatë punës me grupe, dezinfektimit të shkollave, si dhe për të zbutur situatën aktuale pandemike në arsim dhe atë në përgjithësi.

Ministrja Nagavci kërkoi nga Kolegjiumi i DKA-ve që të deri nesër të dalin me rekomandime rreth çështjeve që u diskutuan, në mënyrë që të merret një vendim i qartë dhe të gjithë akterët e përfshirë në arsim të informohen me kohë./Front Online

Drejtoria e Krimeve Ekonomike dhe Korrupsionit në Policinë e Kosovës ka arrestuar dy ish-drejtorë të Telekomit nën dyshimet për keqpërdorim të detyrës zyrtare, raporton Front Online.

Front Online merr vesh se të arrestuarit janë Armend Osaj dhe Trim Musliu.

Trim Musliu ka qenë drejtor i Marketingut në Telekom dhe Armend Osaj, drejtor i Financave.

Ata janë arrestuar nën dyshimet për keqpërdorim të detyrës zyrtare/Front Online/