Ambasada e Kosovës në Gjermani ka një njoftim të ri për masat antiCOVID

Ambasada e Kosovës në Gjermani ka dalë me një njoftim të ri rreth masave me rastin e udhëtimeve nga Kosova në këtë shtet.

Sipas në njoftimi të ri, nga sot të gjithë personat që udhëtojnë përmes rrugëve ajrore drejt Gjermanisë duhet të paraqesin një rezultat negativ të testit për COVID-19 para se të fillojnë udhëtimin e tyre.

“Njoftim i rëndësishëm për të gjitha udhëtimet ajrore drejt Gjermanisë: Kërkesa të reja të testimit për hyrje në Gjermani!.Nga data 30 mars 2021 të gjithë personat që udhëtojnë përmes rrugëve ajrore drejt Gjermanisë duhet të paraqesin një rezultat negativ të testit për COVID 19 para se të fillojnë udhëtimin e tyre. Kjo vlen pa marrë parasysh vendin nga ku ka udhëtuar personi. Për më shumë informata vizitoni faqen tonë të internetit: ëëë.pristina.diplo.de/covid19-einreise-sq”, ka bërë të ditur përmes një njoftimi në Facebook ambasada e Kosovës në Gjermani.

Zëdhënësi i Ministrisë së Shëndetësisë, Faik Hoti, ka thënë se rreth 300 persona – që janë kryesisht personel shëndetësor – janë vaksinuar gjatë ditës së sotme.

“Sot vaksinimi është zhvilluar në dy qendra të vaksinimit – në Sallën 1 Tetori ku janë vaksinuar punëtorët e kujdesit parësor shëndetësor të Komunës së Prishtinës dhe qendra e dytë e vaksinimit ka qenë Klinika Infektive ku janë vaksinuar personeli shëndetësor i Klinikës Infektive dhe një numër i konsiderueshëm i shërbimeve të tjera që kryejnë punë në Klinikën Infektive”.

“Deri në ora 14:00 në Klinikën Infektive kanë qenë rreth 100 persona të vaksinuar, derisa deri në orën e njëjtë në Sallën 1 Tetori janë vaksinuar mbi 100 persona. Mund të themi se sot diku nga 250-300 persona, kryesisht personel shëndetësor, i janë nënshtruar procesit të marrjes së dozës së parë të vaksinës kundër COVID-19”.

Ai, në Info Magazine të Klan Kosovës, ka thënë se procesi i vaksinimit do të vazhdojë ditëve në vijim ku presin një intensitet më të shtuar.

“Presim që brenda disa ditëve ose javëve ta përmbyllim krejt procesin e vaksinimit të të gjithë punonjësve shëndetësorë në Kosovë, pasi ata janë kategori prioritare dhe pasi do të administrohet nga një dozë prej 24 mijë dozave në dispozicion i bie që të gjithë punonjësit shëndetësorë do të mund ta marrin dozën e parë të vaksinës”.

“Procesi ka shkuar shumë mirë dhe gjithçka ka qenë në skenarët që ne i kemi parashikuar. Ajo që na gëzon më së shumti është që personeli shëndetësor ka treguar gatishmëri për t’u vaksinuar duke dërguar mesazh edhe te popullata që vaksina është e sigurt dhe është mënyra më e mirë për ta parandaluar përhapjen e COVID-19”.

Hoti iu ka bërë thirrje qytetarëve që të mos paraqiten te Qendrat e Vaksinimit pa u ftuar paraprakisht, derisa ka thënë se tashmë është në dispozicion platforma elektronike – https://ekosova.rks-gov.net/ – ku qytetarët mund të regjistrohen për ta marrë vaksinën kundër COVID-19 kur t’iu vijë radha (varësisht nga kategoria ku bëjnë pjesë).

Por, a është vaksinuar vetë zëdhënësi i Ministrisë së Shëndetësisë?

“Unë kam qenë i prekur nga COVID-19 dhe do të vaksinohem në mundësinë e parë. Si personel i Ministrisë së Shëndetësisë do të doja që të shoh më shumë të tjerë duke u vaksinuar sesa ne, por në momentin e parë që më ofrohet kjo mundësi do ta bëj pa asnjë hezitim”.

Zëdhënësi i Qeverisë së Kosovës, Përparim Kryeziu, ka folur rreth masave anti-Covid të cilat mund të merren pas rritjes së rasteve pozitive ditëve të fundit.

Kryeziu nuk ka përjashtuar marrjen e masave, por ka deklaruar se do të shikohet që masat kufizuese të kenë edhe natyrë mbështetëse.

I pyetur nëse do të ketë mbyllje për shkak të rritjes së numrit të rasteve pozitive me koronavirus, Kryeziu ka deklaruar se duhet të studiohet situata.

“Ka nevojë për një studim të mirëfilltë të situatës. Ajo i mbetet së pari Ministrisë së Shëndetësisë e së dyti bashkëpunimit që ka me institucioneve këshillëdhënëse e ekspertëve shëndetësorë të propozojnë masat, kjo pastaj vije në Qeveri dhe konsultohet me Kryeministrin dhe me ministrat. Që të sigurohet që secila masë që ka natyrë kufizuese, të ketë edhe natyrë mbështetëse”, ka deklaruar Kryeziu në Kanal10.

Ndryshe, ditëve të fundit në Kosovë është shënuar numër i madh i rasteve pozitive me koronavirus.

Rritja e numrit të rasteve pozitive dhe vdekjeve si pasojë e koronavirusit, është kërkuar të merren masa të cilat do të ndikojnë në përmirësimin e situatës me koronavirus.

Të dielën ka arritur në Kosovë kontingjenti i parë i vaksinave anti-Covid. 24 mijë dozat e ardhura do t’u shpërndahen personelit mjekësor dhe të moshuarve të moshës mbi 80-vjeçare.

Ish-deputeti nga Lidhja Demokratike e Kosovës, Fatmir Rexhepi, e ka përshëndetur vendimin e Lidhjes Demokratike të Kosovës për të qëndruar në sallën e Kuvendit kur bëhet votimi për ta bërë presidente Vjosa Osmanin.

Në një lidhje direkte në emisionin Info Magazine, ai ka thënë se ky vendim i LDK-së është i arsyeshëm dhe në interes të vendit.

Sipas tij, Vjosa Osmani është shumë e përgatitur për rolin e presidentes.

“Osmani është një ndër më të përgatiturat prej formatit politik të sotshëm. Është një e mirë që ajo të votohet dhe besoj se ajo me potencialin e vet do t’i përmbahet frymës kushtetuese”.

“Nuk kam asnjë dilemë që ajo nuk do ta kryejë punën e saj në mënyrë të shkëlqyeshme”.

Lidhja Demokratike e Kosovës ka marrë vendim që deputetët e saj të qëndrojnë në seancë kur Vjosa Osmani, do të votohet për presidente.

E këtë vendim e ka kritikuar kryetari i Partisë Socialdemokrate Dardan Molliqaj.

Molliqaj tha se LDK do të jetë përgjegjëse për pasojat që do të prodhojë pushteti.

Postimi i plotë:

Lumiri “krejt dhe drejt “

LDK paska vendosur, të gjithë në rresht për Vjosa Osmanin presidente. Kjo na qenka tradita e LDK-së – institucionalizmi. Epo, nuk është e vërtetë. LDK e mban veten si subjekt i ngjarjeve që prodhoi rrëzimi i monizmit. Thotë se është sinonim e simbol i pluralizmit demokratik. Nëse është kështu, veprimi i tyre për ta mundësuar presidentin “Krejt dhe Drejt” është vulosje e qeverisjes centraliste, ku të gjitha institucionet qojnë në një adresë, tek lideri suprem. Ky veprim po e instalon praktikën e byrosë politike të dikurshme, nën formën e demokracisë parlamentare.

Për më tepër, LDK duhet ta dijë se do ta mbajmë përgjegjëse për pasojat që do të prodhojë ky koncentrim pushteti. Me shembuj nga historia i dimë bolshevikët, me shembuj nga aktualiteti po i shohim popullistët. Askush s’mund të shfajësohet nesër për pasojat. Këtu jemi dhe po ju shohim. Ky është oportunizëm elektoral i llogaritur keq. Keq sepse ju prapëseprapë nuk po e ngritni një valë, qoftë edhe populliste. Thjesht jeni bërë konfirmues të tjetrit.

Veprimi juaj është strukje. Strukje sepse keni pranuar instancë gjykimi jashtë vullnetit tuaj. Është mizore kjo instancë, sa më shumë dëshmohesh, me fajtor do të ndjeheni.

Pas reagimit për zyrtarët publik që nuk kanë deklaruar pasurinë, ambasada e Amerikës në Prishtinë ka lëshuar edhe një tjetër komunikatë, kësaj radhe për organizimet e qeverisë që bëhen jashtë Kosovës.

Ambasada nëpërmjet një reagimi të lëshuar përmes Twitterit, ka thënë se kundërshton mbledhjet e qeverisë së Kosovës që bëhen jashtë territorit të Kosovës.

Ata kanë bërë thirrje të ndalet kjo praktikë, si dhe organizimet të bëhen përbrenda territorit të Kosovës, pasi që bizneset këtu janë në vështirësi dhe kanë nevojë që paratë e taksapaguesve të shpenzohen aty.

“Ne kemi kundërshtuar prej kohësh mbajtjen e mbledhjeve të qeverisë së Kosovës jashtë Kosovës dhe i përgëzojmë udhëheqësit institucionalë që po punojnë për të ndaluar këtë praktikë të kotë. Sektori i turizmit është duke çaluar. Nëpunësit publikë duhet të shpenzojnë paratë e taksapaguesve në Kosovë”, thuhet në postimin e ambasadës.