Duket se raportet e mira mes Kosovës dhe Maqedonisë së Veriut janë riafirmuar edhe një herë, kanë theksuar ministrat e Jashtëm nga të dyja shtetet në një takim që u zhvillua brenda Ministrisë së Punëve të Jashtme të Kosovës, transmeton albinfo.ch.

Gjatë takimit, ministri i Jashtëm i Maqedonisë së Veriut, Bujar Osmani, ka thënë se janë të gatshëm që t’ia vënë në dispozicion Kosovës njohuritë dhe përvojat për anëtarësimin në Bashkimin Evropian.

“Maqedonia e Veriut si anëtare e NATO-s e përkrahë plotësisht perspektivën euroatlantike të Republikës së Kosovës, shpreha kënaqësinë që nga ky vit edhe pjesëtarë të armatës së Maqedonisë së Veriut të jenë pjesë e KFOR-it këtu. Ambicia jonë është integrimi i plotë i gjashtë vendeve të Ballkanit Perëndimor në BE dhe si vend negocues me BE-në dhe eksperiencë të gjatë në këtë drejtim jemi të gatshëm t’i vëmë në dispozicion të Kosovës të gjitha njohuritë dhe përvojat tona të deritanishme”, ka theksuar Osmani.

Ai po ashtu ka shtuar se mbështet përpjekjet për të mbyllur çështjet e hapura në rajon, dialogun me Serbinë dhe rrugëtimin drejt BE-së të të gjitha shteteve të Ballkanit Perëndimor.

“Republika e Maqedonisë së Veriut mbështet përpjekjet për të mbyllur çështjet e hapura në rajon. Mbështet dialogun mes Kosovës dhe Serbisë dhe vlerëson se qëllimi final i dialogut duhet të jetë njohja e ndërsjellë dhe rrugëtimi evropian i gjithë rajonit”, tha ai.

Drejtoria Rajonale e Policisë në Prizren ka njoftuar se zyrtarët policor po vazhdojnë me kontrollet e tyre  për ta parë nëse po zbatohet masat kundër COVID-19, në përputhje me Ligjin për parandalimin dhe luftimin e pandemisë COVID-19, dhe vendimet e fundit të qeverisë.

Krahas angazhimeve në përputhje me dispozitat e parapara ligjore, me qëllim të vetëdijesimit të qytetarëve për respektimin e masave për mbrojtjen nga pandemia, policia ka shtuar kontrollet dhe angazhimet në:

qendrat tregtare, lokalet e gastronomisë, transporti publik e po ashtu edhe respektimi i masës së kufizimit të lëvizjes.

Policia e Kosovës vazhdon të apelojë tek qytetarët për respektim të masave kundër COVID-19.

Zyra e Prokurorit të Specializuara ka njoftuar se në rastin e Pjetër Shalës, përveç 4 dëshmitarëve, do të prezantojnë edhe 8 dëshmitarë.Kështu bëri të ditur Zyra e Prokurorit në seancën që po mbahet ndaj Pjetër Shalës në Gjykatën Speciale.
“Ne parashikojmë që na ka mbeutr shumë pak hapa hetimore në këtë proces. Në fakt kemi paraqitur 4 dëshmitarë, dhe parashikojmë që të prezantojmë edhe 8 dëshmitarë të tjerë shtesë”, tha përfaqësuesja e Zyrës së Prokurorit.

Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill 2021, në bazë të një kërkese për bashkëpunim në zbatimin e fletarrestimit dhe urdhrit për transferim lëshuar nga Gjykata Speciale.Ndaj Shalës është konfirmuar një aktakuzë. Ai akuzohet për krime lufte si ndalim arbitrar, trajtim mizor, torturë dhe vrasje të paligjshme. Krimet për të cilat akuzohet ai pretendohet se u kryen përafërsisht midis 17 majit 1999 dhe 5 qershorit 1999, kundër personave që thuhet se u mbajtën të ndaluar në fabrikën e metalit në Kukës të Shqipërisë.

Të premten ka ndërruar jetë në moshën 49 vjeçare, Besnik Skeja, aktivist shumëvjeçar i shoqatave humanitare në Prizren. Lajmin për vdekjen e tij e kanë bërë të afërm dhe miq, me përkujtime mortore në rrjete sociale.

“Lajm mortor që sot tronditi Prizrenin.Paska ndërruar jetë haxhi Besnik Skeja, një atdhetar dhe besimtar i devotshëm, shok i sinqertë sa s’bëhet më,humanist i dalluar i shoqatës “Arasta”, që gjatë do të mbahet mend.

Ngushëllime familjes,shokëve dhe nevojtarëve që ju trokiste derë më derë,jo vetëm në ditë Ramazani e Bajrami… Allahi të mëshiroft e shpërbleft Besnik,do të na shoqërojë gjithmonë hija jote e Xhehnetit !”, thuhet në një nga përkujtimet mortore.

Varrimi i të ndjerit do të bëhet sot me ikindi në varrezat e qytetit të Prizrenit.

Policia e Kosovës-Drejtoria Rajonale e Policisë në Pejë, me datë 26.02.2021, ka lëshuar kërkesë për bashkëpunim me qytetarë për arrestimin e personit të kërkuar: KUSHTRIM (Luan) BOJAJ, i cili kërkohej për veprën penale “Vjedhje e rëndë”.

Policia e Kosovës falë bashkëpunimit me qytetarë pas publikimit të fotos së personit të kërkuar, ka arritur të siguroj informacion lidhur me vendndodhjen e të kërkuarit dhe me datë 22.04.2021,është bërë arrestimi i tij nga hetuesit e stacionit policor Klinë.

I dyshuari i lartcekur është dërguar në ndalim policor.

Rritja e besimit në Policinë e Kosovës, rritja e bashkëpunimit të qytetarëve me Policinë e tyre do të qojë në përforcimin e mëtejshëm të Policisë dhe në të njëjtën kohë edhe në rritjen e efikasitetit dhe suksesit në punët policore.

“Për suksese në parandalimin e krimeve, qytetarët nuk duhet hezituar, duhet të kthehen në Polici pa uniforma dhe vetëm me bashkëpunimin e tyre si në të gjitha vendet e qytetëruara, do të arrijmë të jetojmë në një vend më të sigurt”, thuhet në komunikatën e policisë.

Policinë e Kosovës në Rajonin e Pejës po e ndihmojnё qytetarët, falenderojmë të gjithë për besimin dhe rritjen e bashkëpunimit në realizimin e planeve për të mirën e vet qytetarëve dhe vendit.