Ambasadorja e Kosovës në Izrael, Ines Demiri ka pritur në takim ministrin e Bashkëpunimit Ranojal të Izraelit, Ofir Akunis.

Ajo u shpreh e nderuar për këtë vizitë të tij teksa tregoi që u dakorduan për thellimin e bashkëpunimeve në fusha të rëndësishme.

“E nderuar thellë nga vizita e H.E. Z. Ofir Akunis – Ministri i Bashkëpunimit Rajonal i Izraelit, në Ambasadën e Kosovës në Jeruzalem.

Ramë dakord për thellimin e bashkëpunimeve tona në fushën e shkencës, teknologjisë dhe shumë fusha të tjera të rëndësishme për përfitimin e ndërsjellë të vendeve tonë“, shkroi Demiri në Facebook.

https://twitter.com/InesDemiri1/status/1389217653672271876

Kadri Veseli ka arritur dje në Kosovë për një vizitë tek familjarët e tij.

Në një përgjigje për lajmi.net, Zëdhënësja e Dhomave të Specializuara, Angela Griep ka thënë se nuk mund të jap informacione për qëndrimin e Veselit në Kosovë.

“Për arsye operacionale dhe për të respektuar privatësinë e Z. Veseli, ne nuk mund të japim ndonjë informacion shtesë mbi vizitën e kujdestarisë”, thuhet në përgjigjen e Griep.

Kujtojmë se në media është raportuar se Veseli ka vizituar edhe babain e tij i cili po qëndron në Spitalin e Mitrovicës për arsye të gjendjes shëndetësore.

Gjatë qëndrimit të Veselit në Kosovë, ai ka qenë në shoqërinë e pjesëtarëve të EULEX-it dhe Policisë së Kosovës.

Rreth 1 milion e gjysmë euro detyrime financiare ka marrë Ministria e Drejtësisë për mbrojtjen ligjore të të akuzuarve të Zyrës së Prokurorit të Specializuar në Hagë.

Një javë pas vendimit për deklasifikimin e pagesave, Ministria e Drejtësisë ka dërguar të dhënat për këto pagesa te mediat të cilat kishin kërkuar qasje në to.

Në listën e pagesave janë 7 kosovarët e akuzuar që po mbahen në paraburgim në Hagë.

Më së shumti para janë aprovuar për mbrojtjen e kreut të OVL të UÇK-së, Hysni Gucati, gjithsej 315.150 euro, e më së paku para për mbrojte nga të akuzuarit deri tani ka përfituar ish-kryekuvendari, Kadri Veseli. Sipas këtyre të dhënave, avokatit Ben Emmerson që e përfaqëson Veselin, në muajin mars të këtij viti i është aprovuar një fletëpagesë në vlerë të 31 mijë euro.

Prej 1 milionë e gjysmë euro të aprovuara, që nga nëntori i vitit të kaluar janë ekzekutuar vetëm rreth 400 mijë euro për mbrojtjen e 7 të akuzuarve, ndërsa pjesa tjetër është ende obligim.

Të martën pritet të përgatitet plani qeverisës i Qeverisë Kurti.

KOHA mëson se Grupi Parlamentar i Lëvizjes Vetëvendosje ka mbajtur sot takim të mbyllur për t’i diskutuar pikat e planprogramit, që gjatë javës mund të hidhen në votim në Qeveri.

Kryeministri Albin Kurti kishte premtuar se planin qeverisës do ta bënte publik me t’u kthyer nga Brukseli.

Pas raportimit se Kroacia, Austria dhe Sllovenia kanë ofruar garancë që ish-krerët e UÇK-së që po mbahen në paraburgim në Hagë, një veprim i tillë po kërkohet edhe nga Qeveria e Kosovës.

Në një prononcim për lajmi.net, ish-kryetari i LDK-së Isa Mustafa, ka thënë se asnjëri nga krerët e UÇK-së nuk paraqet rrezik për drejtësinë.

“Jam shumë i bindur se asnjëri nga krerët e UÇK-së, të cilët tani po përballen me akuza në Dhomat e Veçanta në Hagë, nuk paraqesin rrezik për drejtësinë, nëse do tu lejohej të mbrohen në liri. Të gjithë ata kanë treguar gatishmëri të përballen me drejtësinë”, ka thënë Mustafa.

Tutje, ai ka thënë se iu takon institucioneve të vendit të garantojnë për ish-krerët e UÇK-së që po mbahen në paraburgim.

“Është më e pakta që institucionet e larta të vendit do duhej të bënin për qytetarët e vet. Pozitat e larta kërkojnë edhe marrje të përgjegjësisë së lartë, të pëlqeu apo jo”, ka thënë Mustafa për lajmi.net.

Kujtojmë se gjatë vitit 2004 kur kreu ish-gjenerali i UÇK-së Ramush Haradinaj, po mbahej në paraburgim nga Tribunali i Hagës për krime lufte, ish-presidenti i atëhershëm nga radhët e LDK-së, Ibrahim Rugova, kishte garantuar për lirimin e tij me kusht.

Drejtuesi i mediave të shkruara të Kosovës, Imer Mushkolaj, në ditën e Lirisë së Shtypit, tha se gazetarët duhet të ndjekin etikën në media. Ai ka përmendur edhe qasjen e institucioneve, të cilën e cilëson si jo të duhur

Në një konferencë të organizuar nga Asociacioni i Gazetarëve të Kosovë, Mushkolaj përmendi një fenomen brengosës për gazetarinë e pavarur dhe të lirë.Ai tha se gazetarët duhet të ndjekin Etikën në Media në shkrimet e tyre dhe të mos merren me burime të pabaza dhe shpifje.

“Ne duhet që gazetarëve tua sjellin ne mendje Kodin e Etikës. Ndodh që shpesh herë të ketë lëshime por këtu po them që gazetarët të mos shpikin qëllimisht. Ky është një fenomen që po ndodh në mediat online në Kosovë” tha Mushkolaj.Po ashtu, Mushkolaj përmendi edhe qasjen e fundit që institucionet e vendit kanë ndaj mediave online.
“Kohëve të fundit kemi parë qasje jo të duhur të institucioneve ndaj mediave. Ata kanë zgjedhur rrugë jo të duhura të ju qasen mediave” tha ai.
Brengosese për Mushkolajn mbetet edhe mosdija e zyrtarëve institucional që nuk kanë njohuri lidhur me mediat online.“Unë kam takuar njerëz të institucioneve por me vjen keq të them se njohuritë ndaj kësaj janë zero.

Duhet që mediat t’ua sqarojnë më shumë”, tha mes tjerash ai.Më rastin e ditës Botërore të Lirisë së Shtypit, Asociacioni i Gazetarëve të Kosovës ka prezantuar para objektit të Kuvendit të Kosovës, kërcënimet e lëndimet e gazetarëve që kanë marr në përpjekje të dhënies së lajmit dhe hulumtimeve të ndryshme.