Deputeti nga radhët e Lëvizjes Vetëvendosje, Haxhi Avdyli i ka dalë në mbrojtje kryediplomates së Kosovës, Donika Gërvallës pasi që e njejta ka marrë shumë reagime për deklaratën që kishte bërë kohë më parë për Gjykatën Speciale.

Avdyli në një shkrim në Facebook ka thënë se kjo deklaratë është nxjerrë nga konteksti dhe është bërë në rrethana tjera.
“Eksponentë të politikës e parapolitikës e shërbëtorë të pushteteve të kaluara , dje gjatë tërë ditës i bënë gjyqin publik, Zv KM dhe Ministres së PJ z.Donika Gërvalla, për një deklaratë të vjetër,të shkëputur, e nxjerrur nga konteksti dhe e thënë në rrethana krejt tjera.

Ky gjyq publik më kujton regjimet e vjetra diktatoriale ku pasi identifikohej armiku popullit, dënohej pa gjyq që të diciplinoheshin masat popullore”, tha Avdyli.

Deputeti tutje, shton se Gërvalla la jetën e saj në Gjermani për t’i shërbyer Kosovës.

Një njeri që pretendon se ka udhëtuar në kohë që nga viti 2582 tregon një zbulim të madh, astronautët do të gjejnë një Tokë të dytë këtë fundjavë që vjen.Aventurieri, i njohur si “autentikimetraveraler” në TikTok, postoi një video të shtunën se diçka do të ndodhë më 8 Maj 2021.

Në videon e shoqëruar me grafikë të ngjashme me filma shkencor, ai paralajmëroi: Kjo nuk është një shaka.

Më 8 Maj, 2021, astronautët do të zbulojnë një planet pikërisht si Toka, në sistemin tonë diellor. Do të jetë një klon i saktë i Tokës sonë, me një efekt të pasqyruar.

Ai shtoi se do të jetë hera e parë që njerëzit gjejnë një jetë tjetër njerëzore në galaktikë. Videoja e tij ka grumbulluar shpejt më shumë se 1.6 milion shikime në vetëm 48 orë dhe është komentuar nga mijëra njerëz. Shumë prej njerëzve shprehen se mezi presin 8 Majin për të provuar saktësinë e fjalëve të tij dhe shumë të tjerë shprehet mosbesues ndaj këtyre teorive, sipas Daily Star.

Në mënyrë të çuditshme, një udhëtar tjetër në kohë i cili gjithashtu pretendonte të vinte nga viti 2582, doli me një teori konspirative se Toka do të hyjë në “tre ditë errësirë” në 2026 dhe paralajmëroi njerëzit të mos përdorin ndriçime të bëra nga njeriu gjatë asaj periudhe.Një burrë që pretendon të jetë nga viti 2485 paralajmëroi shikuesit se do të ketë një zbulim të madh në 7 Tetor 2021.

Gazetari Ridvan Berisha, i cili është përfolur shumë për intervistën e tij me ish-kryetarin e PDK-së, Kadri Veselin, sot ka folur për këtë ngjarje.

Berisha, tha në Kanal10 se aty nuk ka pasur kurrfarë presioni apo diçka të ngjashme, por se Veseli kishte presion të jashtëzakonshëm pasi ishte ndër paraqitjet e tij të para në televizione.
Berisha më tutje tha se Veseli në ato momente kishte pasur problem me frymëmarrje.

“Kjo me Kadriun, u kanë ndër paraqitjet e para pasi u bërë kryetar i PDK-së, edhe ka qenë në presion të jashtëzakonshëm, ka pas problem me frymëmarrje, nuk ka pasur kurrfarë presioni”, është shprehur Berisha.

Komisioneri Evropian për Fqinjësi dhe Zgjerim të BE-së, Oliver Varhey ka deklaruar se Bashkimi Evropian do të investojë për të ndihmuar dialogun Kosovë-Serbi.

“Ne patëm një vizitë të suksesshme të presidentit serb në Bruksel dhe bisedime të suksesshme poashtu për këtë çështje. Ne do të investojmë kapacitetet tona për të ndihmuar dialogun dhe për ta bërë atë një histori suksesi”, tha ai.

Gazetarët tentuan të merrnin një përgjigje nga ai lidhur me dialogun ndërpartiak në Serbi dhe gjendjes së demokracisë në rast se ka përsëri bojkot të zgjedhjeve, por ai theksoi se në Serbi ka shkuar për të sjellë vaksina dhe jo për të folur rreth kësaj teme.

Gjatë ditës Varhey do të vizitojë disa lokacione të Serbisë, meqë rast do të jetë i pranishëm edhe në shpërndarjen e 1 mijë e 170 vaksinave, të cilat janë pjesë e një donacioni të BE-së të destinuar në Ballkanin Perëndimor me 651 mijë doza gjithsej.

Në kuadër të realizimit të projekteve kapitale, përkatësisht të rregullimit të infrastrukturës rrugore, në fshatin Burim të Komunës së Malishevës, ka filluar hapja dhe rregullimi i disa rrugëve në lagjet e këtij fshati.

Punimet në këto rrugë i ka parë nga afër edhe nënkryetari i Komunës së Malishevës, Hajdin Berisha, i cili ishte i shoqëruar edhe asamblisti Avdi Morina, që vije po nga ky fshat.

Nënkryetari Berisha është takuar edhe me banorët e këtyre lagjeve, të cilët i ka uruar për rregullimin e rrugëve.

“Rregullimi i Infrastrukturës, vazhdon të mbetet një prej prioriteteve tona si qeveri komunale, pasi rregullimi rrugëve, ka ndikim të drejtpërdrejt në jetën e qytetarëve. Për këtë qëllim, edhe këtu kemi filluar me hapjen e këtyre rrugëve, ku po bëhet zgjerimi i tyre dhe së shpejti do të përgatiten për asfaltim”, ka thënë Berisha.

Rregullimi i rreth një kilometri rrugë në lagjet e fshatit Burim, mundësohet nga buxheti i Komunës së Malishevës.

Në drejtim të kryediplomates së Kosovës, Donika Gërvallës ka pasur dje gjatë ditës disa reagime lidhur me një deklaratë që e njëjta e kishte bërë dikur për Gjykatën Speciale.

Gërvalla atë kohë kishte thënë se do të ndihmonte me materiale sapo të formohej Gjykata Speciale kundër, siç thoshte ajo, kokave të organizatës kriminale Hashim Thaci dhe Kadri Veseli.

“Brenda mundësive që kam patjetër që do të kërkoj materiale në Speciale. Po kam material. Kemi kryetar të parlamentit që unë e quaj më të turpshme se sa Thaci që është president. Gjithë bota e di kush është Kadri Veseli dhe gjithë bota e di kush është Hashim Thaci. Kadri Veseli ka qenë koka e organizatës që ka bërë krime ndaj kundërshtarëve politikë”, kishte thënë Gërvalla në Dukagjin.

Ndaj kësaj deklarate kanë reaguar në Partinë Demokratike të Kosovës.

Sekretari i Përgjithshëm i PDK-së, Betim Gjoshi ka ‘goditur’ ministren e qeverisë Kurti, duke thënë se ministrja e Kosovës është deklaruar e gatshëm të dërgoj dëshmi në Gjykatën Speciale, kundër Thaçit dhe të tjerëve.

“Ka ministra që kanë thënë, se janë të gatshëm, dhe se janë tuj bo përpjekje të çojnë dëshmin në Gjykatën Speciale, duke aluduar për kryediplomatën e Kosovës, Donika Gërvallën, tha Gjoci në Kanal10.

Në anën tjetër, kryetari i PSD-së, Dardan Molliqaj, ka publikuar një deklaratë të vjetër të kryeministrit Albin Kurti, i cili atëherë ishte deputet, ku thoshte se Gjykata Speciale nuk duhej krijuar.

Ai i ka kujtuar Kurtit se e ka emëruar sic thotë ai një zëvendëskryeministre që ka treguar publikisht se ka deponuar dosje kundër UCK-së.

Ish-kreu i OVL të UCK-së, Faik Fazliu, ndërkaq ka komentuar në emisionin Pressing deklaratën e Gërvallës për Specialen.

Fazliu, ka thënë se shpreson që Gërvalla të jetë tërhequr nga ai pozicion dhe ka thënë se kundërshtarët politikë kanë rënë në grackë të prokurorisë serbe.

“Nuk kam asgjë kundër. Dua vetëm të them se a e mban ende atë qëndrim apo jo. A po e dika gjithë bota se Hashim Thaçi dhe Kadri Veseli janë krye kriminel. Apo vetëm Serbia dhe disa bashkëpunëtore politikë të cilit fatkeqësisht për inate politike kanë rënë në kurthin e Serbisë dhe kanë quar ujë në mullirin e Serbisë për të cilësuar si kriminale UCK-në. Qëllimi është aty tek e fundit”, ka thënë ai.