Kosova për herë të parë do të jetë pjesëmarrëse në stërvitjen ushtarake më te madhe në rajon “Defender-Europe 21”.

“DEFENDER-Europe 21” është stërvitje vjetore e përmasave të mëdha ushtarake amerikane në Evropë dhe Afrikë, i përbashkët, shumëkombësh, i dizajnuar për të ndërtuar gatishmërinë dhe ndërveprimin ndërmjet ushtrisë amerikane, NATO-s dhe partnerëve tjerë.

Me këtë rast, ushtarët e FSK-së radhiten përkrah ushtrive të shteteve anëtare të NATO-s nën udhëheqjen e partnerit strategjik Shteteve të Bashkuara të Amerikës.

Kosova do të jetë gjithashtu në mesin e 16 vendeve pritëse, me ç‘rast trupat e ushtrive të shteteve anëtare të NATOS do të zbarkojnë në Kosovë; në mesin e tyre ushtarakë të ushtrisë Amerikane, pjesëtar të forcave nga Komanda Evropiane e SHBA si dhe Komanda Supreme Operacionale e NATO-s.

Komanda e Lartë (HICON) dhe Audienca Sekondare do të jenë të vendosur në Aeroportin e Gjakovës, kurse Ushtrimi Fushor do të realizohet në Zonën e Trajnimit në “Baba i Bokës” në komunën e Gjakovës.

Validimin e kapaciteteve të këmbësorisë do t’a bëjë ekipi vlerësues i KDS në bashkëpunim me ekipin ushtarak amerikan të Brigadës të Ndihmës së Forcave të Sigurisë (Security Force Assistance Brigade- SFAB).

Pjesa kryesore e ushtrimit do të realizohet nga data 17 deri 29 maj 2021.

Për detajet e pjesëmarrjes së Kosovës në këtë ngjarje, Ministri i Mbrojtjes Armend Mehaj së bashku me Komandantin e FSK-së Gjenerallejtënant Rrahman Rama do të mbajë konferencë për media, me datë 6 Maj, 2021, duke filluar nga ora 14:30,

Deputetja Ganimete Muliu, e shpreh dashurinë ndaj partisë edhe në të dhënat personale
Ganimete Musliu, deputete e Partisë Demokratike të Kosovës, në Formularin për Broshurën e Parlamentarëve, tek ka shkruar të dhënat e saj, ka shprehur edhe dashurinë për PDK-në, duke vizatuar madje edhe një zemër.

Në Formularët e regjistrimit të deputetëve të cilët i ka siguruar KALLXO.com, te rubrika për përkatësinë partiake, Musliu ka shkruar ‘MË E MIRA – PDK <3’.

KALLXO.com, ka kërkuar qasje në këta formular, plotësimi i të cilëve kishte nisur të bëhej nga data 17 mars, disa ditë para konstituimit të Kuvendit.

25 vjeçari Shukri Krasniqi, vuan nga një sëmundje e rëndë në kurriz dhe për këtë shkak, familjarët e tij kanë nevojë për ndihmën e qytetarëve.

Për shërimin e tij nevojiten edhe 20 mijë euro pasi paratë e tjera i kanë siguruar familjarët. Operacioni i tij në total kushton 70 mijë euro.

I riu është baba i dy fëmijëve.

Familja e tij iu ka bërë thirrje njerëzve të vullnetit të mirë të ndihmojnë me aq sa kanë mundësi.

Gazetari Adriatik Kelmendi ka marrë dozën e parë të vaksinës AstraZeneca kundër COVID-19 në Kosovë.

Organizata dhe Agjencitë e Kombeve të Bashkuara që veprojnë në Kosovë kanë mundësuar që të punësuarit e tyre, si dhe familjarët, ta marrin vaksinën, prandaj edhe Kelmendi e mori atë si familjar, njofton Klan Kosova.