Qarku i Kukësit është i pari i cili ka mbyllur numërimin e votave për kandidatët për deputet.Ky është një qark që përfaqësohet nga 3 deputet dy nga Partia Demokratike dhe një nga Partia Socialiste.

Sipas të dhënëve të KQZ nga PD, kandidatët më të votuar janë:

Flamur Hoxha – 9 159 vota,Isuf çelaj 5 257 votaShyrete Koka – 3 622 vota.
Ndërsa nga PS, kandidatët më të votuar janë:
Gerta Duraku me 5 368 vota,Petrit Malaj 3 666 votaHalim Dauti – 2 059 vota.Ndërkohë në parlament ku demokratët kanë dy mandate sipas rezultateve kandidatët për deputete për këtë qark do të jenë Flamur Hoxha dhe Isuf Çela ndërsa nga radhët e socialistëve do të jetë në parlament kandidatja Gerta Duraku.

Sonte, disa të rinj kanë ndezur 352 qirinj para Ministrisë së Shëndetësisë, për të përkujtuar 352 persona që kanë vdekur nga pandemia COVID 19, prej ditës kur është formuar Qeveria Kurti 2.

Me këtë aksion, ata kanë shprehur protestën ndaj Qeverisë Kurti për dështimin në menaxhimin e pandemisë dhe dështimin në sigurimin e vaksinave për qytetarët e Kosovës.

Këta të rinj kanë lënë disa mesazhe ku thuhet se pritja për sigurimin e vaksinave është bërë e papranueshme dhe çdo ditë po rritet ankthi nga vdekjet si pasojë e virusit.

“Duam vaksina shpejt – jo arkivole për prindërit dhe gjyshërit tanë”, thuhej në mesazhin e të rinjve. /Telegrafi/

Kryetari i Suharekës, Bali Muharremaj, ka njoftuar se sot në mbledhjen e degës së AAK-së në këtë qytet është diskutuar për votën e Albena Reshitajt.

“Kryesia e AAK-së Dega në Suharekë sot mbajti takimin e radhës, ku është diskutuar për tema të ndryshme nacionale, e veçanërisht rreth qëndrimeve të deputetes znj.Albena Reshitaj”, ka njoftuar Muharremaj në Facebook.

Mirëpo ai thotë se të menduarit ndryshe është vlerë e demokracisë në AAK.
Reshitaj ndjen keqardhje që veproi ndryshe nga AAK për Osmanin: Ramushi më tha “nuk është mirë të ndahesh nga grupi”
“Në bazë të diskutimeve konstatuam se të menduarit ndryshe është vlerë e demokracisë në Aleancën për Ardhmërinë e Kosovës.

Ne jemi bashkë dhe do të veprojmë në shërbim të qytetarëve”, ka shkruar më tej Muharremaj./Telegrafi/

Një rast i dhunës në familje ka ndodhur dje në fshatin Restelicë të Dragashit ku djali e ka detyruar nënën e tij të futet në një taksi, dhe të vazhdojnë për në Serbi.

Burimet e Sinjalit brenda Policisë njoftojnë se një person i dyshuar, me probleme psikike, e ka detyruar me forcë nënën e tij të futet në një taksi, dhe të vazhdojnë për në Serbi.

Sipas burimeve të gazetës, palët janë ndaluar dhe intervistuar, me ç’rast me vendim të prokurorit i dyshuari është dërguar në Repartin e Psikiatrisë në Prizren, për t’u trajtuar më tutje.

Brenda një jave dy vëllezër nga Malisheva kanë vdekur si pasojë e infektimit me COVID-19.

Nënkryetari i Komunës së Malishevës, Hajdin Berisha, ka thënë  se të njëjtit kanë pasur edhe sëmundje të tjera shoqëruese.

Berisha ka shtuar se ky rast ka tronditur banorët e komunës.

“Është e vërtetë, sot i dyti është varrosur. Realisht për rastin e parë, atë ditë që është varrosur ka ardhur konfirmimi që është pozitiv, ka vdekur para 4-5 ditësh. Kurse për rastin e sotëm, e kemi pasur dje ose pardje është konfirmuar me COVID-19. Kanë pasur edhe sëmundje të tjera shoqëruese, por jashtëzakonisht një dhimbje të madhe e kemi për këtë rast që na ka tronditur të gjithëve”, theksoi ai.

Nënkryetari i Komunës ka treguar edhe për moshën e viktimave.

“Saktë nuk e di, i pari ka qenë 62 ose 63-vjeç, kurse i dyti 57 ose 58-vjeçar, sepse për momentin s’i kam shënimet”, tha ai për KALLXO.com.

Berisha ka thënë se viktima e dytë është trajtuar në Klinikën Intensive në Spitalin e Prizrenit.

Gjykata e Qarkut në Pfäffikon të Cyrihut ka dënuar një kosovar 44 vjeçar me një dënim me burg me kusht prej 16 muajsh për vjedhje masive, katër muaj më shumë se që kishte kërkuar prokurori, shkruan 20minuten.ch. Veç kësaj ai është dënuar edhe me dëbim 7 vjeçar nga Zvicra.

Meqenëse vjedhja e konstatuar bën pjesë në deliktetet e ashtuquajtura “të katalogut”, krahas dënimit, është i detyrueshëm edhe dëbimi nga Zvicra, transmeton albinfo.ch.Pasi ai deri tani ka qëndruar në burg për gati një vit, ai do t`i dorëzohet zyrës së emigracionit për dëbim. Ai tani do të krijojë familje me partneren e tij aktuale në Kosovë, është shprehur babai i divorcuar i dy fëmijëve.

Kosovari ka jetuar dhe punuar në Zvicër që nga viti 2009 pa leje qëndrimi apo pune, kryesisht në Gjenevë. Ai kishte punuar më parë si punëtor i pa kualifikuar, ngjyrosës dhe shtrues pllakash. Sipas avokatit të tij, megjithatë, ai ishte regjistruar në kompaninë e sigurimeve shëndetësore dhe AHV në Gjenevë dhe për këtë kishte menduar se ishte me qëndrim të rregullt në Zvicër.44-vjeçari që punonte për një shërbim privat postar (korier) nuk ka dorëzuar në destinim mbi njëqind paketa. Për më tepër, ai i ka përvetësuar ose i ka shitur ato.Në shtatë faqe, aktakuza radhit të gjitha mallrat që ishin në 115 pakot të cilat 44-vjeçari nuk ua ka dorëzuar marrësve por i ka grumbulluar në shtëpinë e tij.Aty përfshihen: veshje të grave dhe të burrave, syze dielli, vathë, termometra zgare, çizme gome, atlete etj.

Nga janari deri në arrestimin e tij, në fillim të korrikut 2020, ai i kishte bërë turnetë e tij të punës të shtunave në zonat e komunave të Kantonit të Cyrihut, si: Nürensdorf, Wangen dhe Brüten.
Ai ka punuar për një shërbim korrier privat që shpërndan paketat në emër të Swiss Post. Vlera e mallit të vjedhur në këtë mënyrë ka qenë rreth 44,000 franga.I pyetur nga gjykatësi përse nuk i kishte dorëzuar paketat, ai pati një përgjigje të çuditshme: “Nga zhgënjimi dhe zemërimi, sepse nuk gjeja adresën e dorëzimit”.Në atë kohë ai sapo kishte ardhur nga Gjeneva për të jetuar në Cyrih dhe nuk i njihte rrugët përkatëse. Kjo është arsyeja pse ai kryesisht i mbante paketat në shtëpi dhe shiste një pjesë të vogël të tyre.“Pasi i kisha grumbulluar mallrat në banesën time, nuk dija çfarë të bëja me to”. Ai ndihet keq dhe betohet se nuk do të bëjë kurrë më diçka të tillë në jetë.44-vjeçari nuk kishte asnjë problem me dënimin me burg: “Unë do të kisha pranuar një dënim më të gjatë, ndihem fajtor”. Por, kur gjykatësi përmendi dëbimin shtatë-vjeçar nga vendi, ai është shprehur: “Unë nuk mund të kthehem në Kosovë, më jepni edhe një shans tjetër”.

Diplomatët e Gjermanisë dhe Francës mohuan të martën të kenë hartuar ndonjë dokument për rrugën e përmbylljes së procesit të bisedimeve ndërmjet Kosovës dhe Serbisë. Dokumenti që u publikua nga mediat në Kosovë, flet për themelimin e një “distrikti autonom” në veriun e Kosovës si dhe që Kosova dhe Serbia të njohin tërësinë tokësore dhe sovranitetin e njëra tjetrës.

Në dokument mes tjerash thuhet se Kisha Ortodokse Serbe do të këtë “status të privilegjuar”, ndërsa Serbia, pas ratifikimit të marrëveshjes ligjërisht detyruese “nuk do ta pengojë anëtarësimin e Kosovës në organizata ndërkombëtare dhe rajonale”.

Dokumenti joformal (non-paper), pretendohet se është përgatitur nga Gjermania dhe Franca, si një nismë për përmbylljen e bisedimeve Kosovë – Serbi. Gazeta shkroi se nuk ka mundur ta konfirmojë vërtetësinë e dokumentit, “por disa diplomatë… pak a shumë kanë konfirmuar se pikat që përmenden në të janë në përputhje me ato që pritet të diskutohen në dialog”.

Por, të martën, ambasadori gjerman në Kosovë, Jorn Rohde, shkroi në rrjetet sociale se “i ashtuquajturi ‘non-paper’ franko-gjerman, i publikuar nga Koha Ditore është lajm i rremë. Mund të ketë dokument, por sigurisht që nuk është franko-gjerman. Ne e përkrahim plotësisht dialogun e udhëhequr nga Bashkimi Evropian dhe Miroslav Lajçak, siç e theksoi përsëri ministri i Jashtëm i Gjermanisë, (Heiko) Maas, të enjten e kaluar në Prishtinë”, shkroi ai.