Ministria e Shëndetësisë e Republikës së Kosovës njofton se numri total i rasteve aktive me coronavirus është 1.074.

MSH bën të ditur se në 24 orët e fundit janë shëruar 134 qytetarë, derisa numri i përgjithshëm i të shëruarve është 104.188.

Në 24 orët e fundit janë dhënë 667 doza të vaksinës kundër COVID-19, ndërkaq prej fillimit të vaksinimit në të gjitha qytetet e Kosovës janë dhënë 80.803 doza të vaksinës.

Kryesia e Kuvendit të Kosovës do të mbajë sot mbledhjen e radhës, ku pritet të caktohet data e seancës së re të legjislativit.

Në rendin e ditës janë miratimi i procesverbalit të mbledhjes së mëparshme të Kryesisë së Kuvendit, përgatitjet për seancë plenare, deklarimet jashtë rendit të ditës, pyetjet parlamentare, miratimi i procesverbalit nga seanca e mëparshme.

Pika tjera të rendit të ditës janë propozim-vendimet për ndryshimin dhe plotësimin e vendimit për formimin e komisioneve parlamentare, shqyrtimi i parë i Projektligjit për ndryshimin dhe plotësimin e Ligjit për Përgjegjësitë Disiplinore të Gjyqtarëve dhe Prokurorëve, shqyrtimi i raportit vjetor të Agjencisë për Informim dhe Privatësi për vitin 2020, si dhe debati parlamentar në lidhje situatën ekonomike si pasojë e pandemisë COVID-19.

Numër i madh i aksidenteve po shkaktohen ditë për ditë në Kosovë.Shumë prej tyre po përfundojnë edhe me fatalitet.Andaj Policia e Kosovës ka bërë të ditur se sot do të mbajnë një konferencë për media e cila do t’i dedikohet sigurisë në trafikun rrugor, raporton Gazeta Express.

Për gjendjen e sigurisë në trafikun rrugor, planifikimet operacionale dhe angazhimet policore në këtë konferencë do të flasin përfaqësues të lart të PK-së.
“Përmes kësaj shkrese zyrtare ju njoftojmë që me 08.06.2021, Policia e Kosovës do të mbajë konferencë për media, e cila i dedikohet sigurisë në trafikun rrugor.

Për gjendjen e sigurisë në trafikun rrugor, planifikimet operacionale dhe angazhimet policore në këtë konferencë do të flasin përfaqësues të lart të PK-së”, thuhet nga Policia e Kosovës.Kujtojmë që vetëm gjatë të dielës, 5 persona kanë vdekur si pasojë e një aksidenti dhe një vetëaksidenti në trafik.

Instituti Hidrometerologjik njofton se në vendin tonë do të mbajë mot i ndryshueshëm i përcjellur me riga shiu të intensitetit mesatar dhe me shkarkime rrufesh.

Temperaturat minimale do të lëvizin ndërmjet 10-12 gradë celsius, ndërsa maksimalet e ditës parashihen të lëvizin ndërmjet 23-26 gradë Celsius.

Do të fryjë erë nga drejtimi i juglindjes dhe veriperëndimit me shpejtësi 1-11 m/s.

Lista Guxo e cila në zgjedhjet nacioale garoi në një koalicion parazgjedhor me Vetëvendosjen do të vazhdoj bashkëpunimin më këtë subjekt edhe në zgjedhjet lokale të cilat pritet të mbahen në vjeshtën e këtij viti.

Deputeti i Kuvendit të Kosovës, Haxhi Avdyli ka thënë se modalitetet e këtij bashkëpunimi me VV-në do të bëhen të ditura në një periudhë të mëvonshme kohore.

“ Në keto zgjedhje do të bashkëpunojmë vetëm më VV-në sepse edhe në marrëveshjen për koalicion parazgjedhor që kemi në një nga pikat parashihet edhe bashkëpunimi në zgjedhjet lokale”, ka thënë Avdyli për “Indeksonline”.

I pyetur se a do të ketë ndonjë kandidatë nga kjo listë për kryetarë të komunave, ai ka thënë se tani për tani nuk mund të thotë asgjë për këtë çështje.

E ditë më parë një tjetër deputet i këtij subjekti, Burim Karameta ka thënë se shumë shpejt do të vendoset fati politik i Listës Guxo se si do të ecet përpara duke shtuar se në zgjedhjet lokale duhet shkuar me identitetin e tyre politikë e partiak.

“Disa deputetë dhe disa koordinatorë që na kanë ndihmuar të bëhemi deputetë e ministra bashkë me mua mendojnë se ne asesi nuk duhet të shkojmë në zgjedhje pos me identitetin tonë politikë e partiak, gjithmonë në kohezion të përbashkët me LVV-në”, kishte deklaruar ai.

Shumë shpejtë pritet të dekretohet edhe data e zgjedhjeve lokale.