Qeveria e Kosovës ka zhvilluar sot mbledhjen e radhës në të cilën janë bërë disa propozim-vendime radhazi përgjatë gjithë mbledhjes.

Me këtë rast Qeveria ka miratuar propozim-vendimin për rimbursimin e tërheqjes së 10 përqindëshit nga Trusti Pensional i Kosovës.

Miratimi i këtij propozim-vendimi u bë pa asnjë votë kundër dhe asnjë abstenim.

Ministri i Financave, Punës dhe Tranfereve,Hekuran Murati në propozim theksoi se ky propozim-vendim është si obligim për Rimëkëmbjen Ekonomike gjatë pandemisë, ku meqë rast autorizohet Qeveria e Kosovës që në konsultim me Fondin Pensional dhe Kursimeve Pensionale përmes një vendimi të përcaktojë metodologjinë për rimbursimin e personave që kanë tërhequr 10% nga Trusti.

“Përcaktohet që rimbursimi do të fillojë nga vitit fiskal 2023 dhe do të vazhdojë në vitet pasuese. Shuma përcaktuese do të caktohet përmes ligjit. Ky ligj do të sigurojë më tepër siguri fiskale. Duke konsideruar vendimin e propozuar sot si të nevojshëm për zbatimin e obligimeve ligjore, ju ftoj ta aprovoni në këtë mbledhje”, tha ndër të tjerash ministri Murati në fjalën e tij.

Ndryshe përgjatë përballjes me situatën e krijuar nga virusi COVID-19, qytetarëve iu mundësua që të bëjnë tërheqjen e 10% të Trustit, në mënyrë që stabiliteti i tyre financiar të jetë më i lehtë, e më pas edhe të rimbursohen.

Kosova dhe Shqipëria pritët të hapin edhe një pikë të përbashkët kufitare. Kjo nismë sapo është miratuar nga kabineti qeveritar.

Zv/ministri i Punëve të Brendshme, Blerim Gashani ka njoftuar ministrat për këtë nismë duke thënë se pika kufitare do të hapet në Krushevë të Dragashit dhe Shishtavec të Kukësit.

Ai tha se objekti pritet të ndërtohet në Shishtavec ndërsa do të jetë i hapur për kalim 24/7 për kalimin e udhëtarëve dhe të mallrave.

Kjo nismë është bërë sipas marrëveshjes të arritur mes dy vendeve në prill të vitit 2013.

Kryeministri i Republikës së Kosovës, Albin Kurti, priti sot në takim ambasadorin e Republikës së Shqipërisë në Kosovë, z. Qemajl Minxhozi.

Në takim u diskutua për bashkëpunimin ndërmjet Shqipërisë e Kosovës, që sipas ambasadorit Minxhozi, është përmirësuar shumë përgjatë dy muajve të Qeverisë Kurti 2.

“Asnjë qeveri, në periudha më të gjata kohore, nuk ka bërë më shumë sesa që keni bërë ju gjatë këtyre dy muajve për përmirësimin e bashkëpunimit ndërmjet dy vendeve”, ka thënë z. Minxhozi, duke përmendur edhe tri vendimet që do të kalojnë sot në mbledhjen e Qeverisë.

Kurti shprehu interesimin dhe gatishmërinë për të vazhduar bashkëpunimin ndërmjet dy vendeve dhe që investimet e jashtme që po bëhen në Shqipëri të vazhdojnë edhe në Kosovë.

Minxhozi dhe Kurti biseduan edhe rreth përgatitjeve për Samitin e Liderëve të Ballkanit Perëndimor, që do të mbahet në Tiranë, të enjten, 10 qershor, e ku do të marrë pjesë edhe kryeministri Kurti.

Në orën 15:00 është paraparë të nisë mbledhja e Qeverisë së Kosovës. Siç është mësuar, në rend dite do të jenë rreth 20 pika, ndërsa një nga to do të jetë shqyrtim i propozim-vendimit për rimbursimin për qytetarët që kanë tërhequr 10 për qind nga kursimet pensionale, bazuar në Ligjin për Rimëkëmbje Ekonomike vitin e shkuar.

Ky është rendi i ditës:

Këshilli i Bashkimit Evropian ka vendosur që t’ia zgjasë misionin EULEX-it në Kosovë deri më 14 qershor 2023.

Në vendimin e datës 3 qershor 2021 që është publikuar në Gazetën Zyrtare të Bashkimit Evropian shuma e ndarë për shpenzimet e këtij misioni nga 15 qershori 2021 deri më 14 qershor 2023 do të jetë 173 milionë e 693 mijë e 683 euro.

Ndërkaq jashtë kësaj shume, shuma që parashihet për misionin e EULEX-it për zbatimin e mandatit të tij në Kosovë do të jetë 57 milionë euro dhe shuma e parashikuar për të mbuluar mbështetjen për procedurat gjyqësore të zhvendosura brenda një shteti anëtar do të jetë 115 milionë e 793 mijë e 683 euro.

Ky mision kishte mandat deri më 14 qershor 2021.

Misioni i Bashkimit Evropian për Sundim të Ligjit në Kosovë (EULEX) ka filluar në vitin 2008 si misioni civil më i madh në kuadër të Politikës së Përbashkët të Bashkimit Evropian për Siguri dhe Mbrojtje.

Misioni i përgjithshëm i EULEX-it është t’i mbështesë institucionet përkatëse të sundimit të ligjit në Kosovë në rrugën e tyre drejt rritjes së efektivitetit, qëndrueshmërisë, shumë-etnicitetit dhe llogaridhënies, të lira nga ndërhyrjet politike dhe në përputhje të plotë me standardet ndërkombëtare për të drejtat e njeriut dhe praktikat më të mira evropiane.

Në kuadër të mandatit të tij, Misioni zhvillon aktivitete të monitorimit dhe ka funksione ekzekutive të kufizuara.

EULEX-i vazhdon t’i mbështetë Dhomat e Specializuara dhe Zyrën e Prokurorit të Specializuar në përputhje me legjislacionin përkatës të Kosovës.

Misioni i tashëm i EULEX-it është t’i asistojë autoritetet e Kosovës në ngritjen e institucioneve të qëndrueshme dhe të pavarura të sundimit të ligjit.

Misioni vazhdon t’i mbështesë Dhomat e Specializuara dhe Zyrën e Prokurorit të Specializuar me seli në Hagë në përputhje me legjislacionin përkatës të Kosovës.

Loja e madhe