Instituti Hidrometerologjik njofton se sot vendi do të përfshihet nga vranësirat e dendura të cilat parashihen të përcjellën me riga shiu dhe shkarkime rrufesh, shkruan Gazeta Blic.Temperaturat minimale do të lëvizin ndërmjet 10-13 gradë Celsius, ndërsa maksimalet e ditës parashihen të lëvizin ndërmjet 25-26 gradë Celsius.

“Të enjten priten kushte tjera meteorologjike, pasi që vendi ynë do të përfshihet nga vranësirat e dendura të cilat parashihen të përcjellën me riga shiu dhe shkarkime rrufesh”, thuhet në njoftim.
Njoftimi i plotë:
Moti për dy ditë 09-10.06.2021Të mërkurën do të mbajë mot me vranësira të shpërndara dhe intervale të gjata me diell. Temperaturat minimale do të lëvizin ndërmjet 11-12 gradë Celsius, ndërsa maksimalet e ditës parashihen të lëvizin ndërmjet 25-27 gradë Celsius. Të enjten priten kushte tjera meteorologjike, pasi që vendi ynë do të përfshihet nga vranësirat e dendura të cilat parashihen të përcjellën me riga shiu dhe shkarkime rrufesh.

Temperaturat minimale do të lëvizin ndërmjet 10-13 gradë Celsius, ndërsa maksimalet e ditës parashihen të lëvizin ndërmjet 25-26 gradë Celsius. Do të fryjë erë kryesisht nga verilindja me shpejtësi 1-7m/s.

Pas rezultateve të zgjedhjeve nacionale të cilat u zhvilluan më 14 shkurt, Lidhja Demokratike e Kosovës mori për bazë “ndëshkimin me votë” që ia dhanë qytetarët dhe nisi reformën brenda partisë.

Por siç duket ndryshimet që u bënë brenda partisë po vazhdojnë edhe tash.

Ish-nënkryetari i LDK-së, Agim Veliu duket të jetë shkarkuar edhe nga posti i kryetarit të Degës së LDK-së në Podujevë.

Sipas disa publikimeve nga anëtarë të kësaj partie në Llap theksohet se tashmë degën e LDK-së në Podujevë do ta drejtojë ish-deputeti Ekrem Hyseni.

Hyseni madje pretendohet të jetë kandidat për kryetar të Podujevës në zgjedhjet e kësaj vjeshte.

Ndryshe Veliu më parë është larguar edhe nga posti i nënkryetarit të LDK-së, ndërsa degën e kësaj partie në Llap e ka drejtuar për më shumë se dy dekada. Poashtu për pesë herë radhazi Veliu kishte arritur që të zgjidhej Kryetar i Komunës së Podujevës.

Ushtruesja e detyrës së shefes së Grupit Parlamentar të Lëvizjes Vetëvendosje, Mimoza Kusari-Lila ka thënë se nga takimi Kurti-Vuçiq në Bruksel nuk mund të pritet shumë dhe se arritja e një marrëveshje finale me Serbinë e udhëhequr nga Aleksandar Vuçiq, sipas saj është e vështirë.Duke vlerësuar nga ajo që është parë deri më tani, siç thotë Kusari-Lila nuk ka ndonjë mundësi për përafrim në çfarëdo aspekti

“Me këtë Serbinë e Vuçiqit është shumë e vështirë me pas një marrëveshje finale e cila mund të ketë kredibilitet siç po e shohim ne deri tash, nga ajo që po shihet, sa do të realizohet mbetet të shihet”, u shpreh Kusari-Lila.

Ajo tha se “sa i përket prioritetit, është e vërtetë që Bashkësia Ndërkombëtare insiston dhe kërkon, por absolutisht unë nuk pajtohem me faktin që Kurtit po i shkon gjithë energjia ose koha duke u marrë me dialogun me Serbinë”.

“Në Bruksel ka qenë me i taku edhe komisionerët, Brukseli nuk është vetëm për dialogun por edhe për procesin i cili pashmangshëm është ai i rrugës tonë drejt Bashkimit Evropian dhe mënyrën si po synohet të portretizohet është pak më e rënduar sesa që është”, theksoi ajo.

Sipas Kusari-Lilës, është vështirë të parashikohet se çfarë do të nxirret nga ky takim në Bruksel, por se siç tha ajo mbetet që kryeministri Albin Kurti të flas në Kuvend si para edhe pas takimit në lidhje me qasjen dhe prioritetet.

“Megjithatë, takimi do të jetë, por çka do të nxjerrë është vështirë e parashikueshme, edhe pse nuk shihet shanca që do të ketë përafrim nga çfarëdo aspekti. Takime do të ketë por cili do të jetë rezultati por sa do të mund të arrihet. Kryeministri do të jetë në Kuvend të raportojë para se të shkojë në Bruksel, besoj se do të jetë edhe pasi të kthehet. Mbetet t’i lihet atij të tregojë qasjet dhe pritshmëritë, edhe pse nga ajo që po shihet nuk është se mund të presim shumë nga ky takim në Bruksel”, u shpreh ajo.

E pyetur nëse do të jetë kandidate për kryetare të Komunës së Gjakovës, Kusari-Lila as nuk mohoi definitivisht e as nuk pohoi mundësinë për tu bërë pjesë e garës.

Ajo tha për Telegrafin se ende nuk ka vendim final.Megjithatë, siç u shpreh ajo ka kërkuar votën e qytetarëve për të qenë pjesë e Kuvendit të Kosovës dhe puna që po bën tani ka peshë e përgjegjësi të madhe.

“Vendim nuk kam, kjo është e sigurt. Por, është sfidë në vetvete se puna që jam tu e kry tash është me peshë e përgjegjësi të madhe. Unë kam kërkuar votë për të qenë deputete e Kuvendit të Kosovës se e kam ditë më herët që nuk do të jem në ekzekutiv. Unë nuk thashë që vendim nuk ka final, por së shpejti do të ketë edhe datë të zgjedhjeve dhe të gjitha partitë do të prezantojë kandidatët e tyre, nëse do të ketë”, tha Kusari-Lila.

Anëtari i Kryesisë së LDK-së, Armend Zemaj, ka folur pas mbledhjes që mbajtën ku temë kryesore diskutimi kishin zgjedhjet lokale dhe propozimin e kandidatëve për kryetarë komunash.

Ai ka thënë se shumica e kryetarëve aktualë vetëm se janë rikandiduar për të garuar sërish.

“U dha vlerësimi për disa komuna për avancimin e tyre. Ishte një numër i të nominuarve që e morën edhe përkrahjen e Kryesisë dhe për këtë do të lëshohet një deklaratë e plotë”.

Zemaj ka thënë se edhe organizimi nëpër degë dhe avancimi i LDK-së për zgjedhjet lokale të vjeshtës ishin temë diskutimi.

“Ka besim të plotë se LDK do të jetë shumë e fuqishme në zgjedhjet lokale”.

Pak më parë ndodhën tri aksidente në rrugën nacionale Prishtinë-Pejë, ku si pasojë shtatë persona janë lënduar.

Rasti është konfirmuar nga zëdhënësi i Policisë së Kosovës, Bajram Krasniqi.

Ai po ashtu njoftoi se Policia ka shtuar masat dhe aktivitetet për të rritur sigurinë në trafik.

Tutje, Krasniqi u shpreh se këto ditë ka rekord të ndëshkimeve për shkelësit e rregullave të trafikut. Për tetë ditë të shkuara, janë 13.319 gjoba të shqiptuara.

“Më herët u njoftuam për tri aksidente në rrugën nacionale Prishtinë-Pejë (tek Kroi i Mbretit). Në tri aksidentet janë përfshirë dymbëdhjetë vetura dhe si pasojë e aksidenteve deri në këto momente, shtatë persona janë deklaruar se kanë pësuar lëndime.

Policia e Kosovës apelon, kërkon nga pjesëmarrësit në trafik që të respektojnë rregullat e trafikut rrugor, polica ka shtuar masat dhe aktivitetet për të rritur sigurinë në trafik. Ndaj kundërvajtësve po zbatohet zero tolerancë, kështu këto ditë kemi numër rekord të ndëshkimeve për shkelësit e rregullave të trafikut. Për tetë ditë të shkuara, janë 13 319 gjoba të shqiptuara, aktivitete do të vazhdojnë, POR kërkohet nga të gjithë pjesëmarrësit në trafik respektim i rregullave të trafikut, në mënyrë që rrugët tona të jenë më të sigurta”.

Tri aksidente kanë ndodhur në magjistralen Prishtinë-Pejë, minuta më parë.

Në njërin aksident janë përfshirë pesë vetura, në tjetrin katër dhe në një tjetër janë përfshirë tri vetura.

Aksidentet kanë shkaktuar edhe kolonë të gjatë automjetesh.

Nga aksidentet ka edhe persona të lënduar.

“Në këto momente (18:29) policia, konkretisht njësitet e autostradës janë duke u marrë me tri aksidente të ndara. Aksidentet kanë ndodhur në një distancë jo të largët (brenda një kilometri), në rrugën nacionale Prishtinë-Pejë. Në një aksident janë të përfshira pesë vetura, në tjetrin katër dhe në të tretin tri, pra në tri aksidentet janë të përfshira dymbëdhjetë vetura. Këto janë informata fillestare nga njësitet në teren, sipas tyre ka edhe persona të lënduar, për numrin e tyre do t’u njoftoj më pas”, ka njoftuar Policia e Kosovës.