Polica e Kosovës dhe autoritetet e sigurisë evropiane janë duke vazhduar me bashkëpunimet sa i përket ekstradimeve.
Indeksonline mëson se autoritet nga Brukseli pritet ta ekstradojnë një kosovarë i cili akuzohet për disa vepra të rënda.
Bëhet fjalë për Ridvan Ademin, që sipas burimeve tona, akuzohet për një sërë grabitjesh.
Konkretisht, Indeksonline mëson se Ademi dyshohet për 33 grabitje.
Shqipëria do të jetë pjesë e Këshillit të Sigurimit të Organizatës së Bashkuar, pasi u votua për të marrë një nga pesë vendet e përkohshme në këtë Këshill, me një mandat dyvjeçar.
Kryeministri shqiptar Edi Rama këtë e cilësoi lajm të bukur, duke publikuar edhe dokumentin e votave që mori Shqipëria.
“Me 175 vota nga 117 të nevojshme, Shqipëria sapo u zgjodh anëtare e Këshillit të Sigurimit të OKB për vitet 2022-2023”, ka shkruar Rama në Facebook.
Ndërkaq, ministrja e Jashtme, Olta Xhaçka, e cilësoi historik këtë vendim duke thënë se Shqipëria po shënon një hap të ri të marrëdhënieve 65 vjeçare me OKB-në.
“Në Asamblenë e Përgjithshme të OKB për një moment historik të marrëdhënieve 65 vjeçare të Shqipërisë me OKB: votimi si vend anëtar i Këshillit të Sigurimit për dy vitet e ardhshme”.
Bashkimi Evropian ka bërë të ditur agjendën e takimit për dialogun në nivel të lartë ndërmjet kryeministrit të Kosovës, Albin Kurti, si dhe presidentit të Serbisë, Aleksandar Vuçiq, i cili pritet të mbahet më 15 qershor.
Nëpërmjet një komunikate për medie, BE bën të ditur se para takimit Përfaqësuesi i Lartë i BE’së, Josep Borrell, do deklarohen për medie nga ora 08:20, derisa pas takimit, i cili pritet të përfundojë rreth orës 13:00, do dalë në konferencë Përfaqësuesi Special i BE’së për dialogun, Miroslav Lajçak.
“Do të ketë një deklaratë për media nga Përfaqësuesi i Lartë në fillim të takimit në 8:20 dhe një deklaratë për media nga Përfaqësuesi Special i BE pas përfundimit të takimit (rreth orës 13:00)”, thuhet në komunikatën e BE’së.
Të martën, më 15 qershor do të mbahet takimi i parë mes kryeministrit Kurti dhe presidentit të Serbisë, Aleksandar Vuçiq në Bruksel. Një prej temave më të nxehta të jetë marrëveshja për themelimin e Asociacionit të komunave me shumicë serbe.
Marrëveshja për Asociacionin është arritur në Bruksel, por Gjykata Kushtetuese e Kosovës e ka shpallur jo në përputhje në shumë pika me aktin më të lartë normativ të vendit.
Kurti ka deklaruar se “nuk do të ketë një Asociacion njëetnik”, ndërsa Vuçiq tha se “Kurti nuk ka nevojë të vijë aspak në Bruksel”, në qoftë se nuk do të flasë për Asociacionin.
Opinionisti Nexhmedin Spahiu ka thënë që njerëzit e institucioneve të Kosovës që nuk arrijnë ta shtrijnë veprimin e tyre në veri duhet të shkarkohen.
“Nuk e kam lexuar raportin në tërësi [të zëvendëskryeministrit Besnik Bislimi që e ka dërguar në Kuvend], e kam parë vetëm në disa pika, por është një përshkrim i gjendjes faktike ku thuhet se nuk guxojnë zyrtarët me kalu por ky është problem i vetë zyrtarëve, disa guxojnë e disa s’guxojnë, varësisht prej asaj se sa janë të gatshëm të ballafaqohen, të sfidohen me situatat”, ka thënë Spaihu në Info Magazine të Klan Kosovës.
“Nëe kemi këu disa institucione që veprojnë në veri, institucione të Kosovës dmth që e kanë shtri veprimin atje, dhe kemi disa insistucione të cilat nuk e kanë shtri veprimin e vet aty dhe kjo është për shkak të neglizhencës, frikës së vetë atyre institucioneve”.
Spahiu tha se qeveria duhet mbajtur raport për institucionet dhe qasshmërinë e tyre në veri, dhe të shkarkohen njerëzit e institucioneve që nuk mund të arrijnë të depërtojnë në atë pjesë të vendit.
“Qeveria e Kosovës dhe parlamenti i Kosovës do të duhej të mbante raport dhe ato institucione njerëzit të nuk kanë arritët ë depërtojnë në veri me i shkarku,, shumë thjeshtë”.
“Për shembull, a është komisioni për miniera apo komisioni për media, agjencia e veterinarisë apo cilado qoftë nga këto institucione të Kosovës të cilat nuk kanë arritur me e shtri ndikimin e vet në veri, do të duhej të shkarkoheshin”.
Spahiu tha se institucionet e Kosovës nuk përballen me barriera të depërtimin në veri, dhe se KFOR-i e garanton sigurinë e përgjithshme të Kosovësn ë atë pjesë.
“Nuk ka barrierë, barrierat eksitojnë vetëm në kokën e atyre që kanë frikë ose në kokën e tyre nuk arrijnë me e menaxhu një situatë të caktuar
“Këtu siguria e përgjithshme e Kosovës ëshë garantuar nga KFOR-i, tanke serbe ka në asnjë cep të Kosovës, e tash nëse dikush ka frikë, përshembull dikush ka frikë me e ndrru mahallën e vet, me dalë prej mahallës në mahallën tjetër , ai është problem i tij”.
“Nëse ka dikush për shembull ndonjë institucion që thotë unë s’muj për shkak që osht veri, le të ma lëshojë funksionin mu, unë po e marr edhe po i tregoj a po muj me e shtri funksionin e atij institucioni në veri”.
Institucionet e Kosovës vazhdimisht kanë kërkuar informacione nga kompania Facebook për llogari të qytetarëve të Kosovës, kryesisht në kuadër të hetimeve për vepra penale.
Nga janari i vitit 2013 e deri në muajin maj 2021, Kosova ka kërkuar plot 228 herë ndihmë nga Facebook-u.
Njëzet kërkesa për qasje në informacione të llogarive, janë dërguar vetëm në pjesën e parë të këtij viti, kurse 48 janë dërguar më 2020.
Facebook-u ka raportuar se afër 50 për qind e kërkesave janë refuzuar.
Kompania shpjegon se në shumicën e rasteve, zyrtarët qeveritarë bëjnë kërkesat për të dhëna që lidhen me përdoruesit.
“Në shumë prej këtyre rasteve, këto kërkesa të qeverisë kërkojnë informacione bazë të përdoruesit, siç janë emri, data e regjistrimit dhe kohëzgjatja e shërbimit. Përmes kërkesave të tjera gjithashtu mund të kërkohen IP adresat, kyçjet apo përmbajtja e llogarisë”, thuhet në një sqarim të Facebook-ut.
Gjatë vitit 2020, në total Facebook bënë të ditur se ka pranuar 364,605 kërkesa për qasje në informacione nga institucionet e ndryshme të botës.
Facebook-u rrit bashkëpunimin me shtetet
Arbër Bakija është inxhinier softuerësh dhe njohës i platformave sociale.
Ai thotë se prej vitesh Facebook-u ka krijuar një qasje të re sa i takon bashkëpunimit me shtetet e ndryshme në luftimin e krimit të organizuar, si dhe luftimin e terrorizimit.
“Facebook-u ka me miliarda përdorues dhe nuk mund t’i kontrollojë të gjithë dhe çfarë ndodh është se secili shtet, në një mënyrë apo tjetër, problematikat e veta që mund t’i dijë nëse dikush po prodhon lajme të rreme ose po promovon terrorizëm, apo siç ka qenë më parë ku organizoheshin thirrje për të shkuar në luftë në Siri dhe Irak, në njëfarë mënyre, shtetet janë duke i ndihmuar Facebook-ut që ta rregullojë këtë problem”, thotë Bakija.
Bashkëpunimi me Facebook-un ka ndikuar që të kontrollohet më shumë përmbajtja që qarkullon në Facebook, thotë Bakija.
“Facebook-u me anë të komunikimit me shtetet e ndryshme, në njëfarë mënyre po e largon përgjegjësinë pak prej vetes dhe t’iu ikë këtyre dënimeve, që për shembull një ditë Bashkimi Evropian mund të thotë, në rregull, do t’iu dënojmë sepse ke lejuar që të promovohet terrorizimi”, thotë Bakija.
Njohësja e fushës së sigurisë, Besa Kabashi – Ramaj beson se natyra e informacioneve që ofrohen nga Facebook në të shumtën e rasteve kanë karakter teknik.
“Nëse shohim një profil, i cili ka shpërndarë p.sh gjuhë të urrejtjes, është çështje e sigurisë publike, nëse ky profil është i vërtetë dhe qëndron prapa tij një person real, atëherë me të duhet të merren organet e rendit dhe sistemi i drejtësisë. Në rastet kur prapa profilit nuk është një person real, kjo ka shumë rëndësi të verifikohet se ku është burimi i profilit të rremë dhe cila është agjenda”, thotë Kabashi – Ramaj.
Kabashi – Ramaj thotë tutje se informacionet që mund të ofrojnë rrjetet sociale, janë të rëndësishme për të parandaluar fushata dezinformimi apo për qëllime destabilizimi.
“Është me rëndësi të dihet se prej ku burojnë profilet e rreme, prej kujt janë të financuara e kështu hallkë pas hallke, mund të arrihet deri te burimi i krejt kërcënimit që mund të jetë një akter, një grup, organizatë apo shtet”, thotë Kabashi – Ramaj.
Policia e Kosovës: Kemi bashkëpunim me rrjetet sociale
Policia e Kosovës thotë se ka bashkëpunim me rrjete te ndryshme sociale dhe se përmes këtij bashkëpunimi ka arritur që të marrë informacione të vlefshme për hetimin e veprave të ndryshme penale.
“Përmes këtij bashkëpunimi, pranohen të dhëna të vlefshme që kanë ndihmuar hetimin e rasteve dhe rrjedhimisht edhe arrestimin e personave të dyshuar”, thuhet në përgjigjen e Policisë së Kosovës.
Në të kaluarën në shumë raste, politikanë kosovarë kanë paraqitur në polici raste kur janë kërcënuar përmes rrjeteve sociale.
Një kërcënim i tillë i ishte bërë kryeministrit të Kosovës Albin Kurti vitin e kaluar.
Në kohën sa ishte kryeministër, ishte kërcënuar edhe Ramush Haradinaj. Për këtë rast, në shtator të vitit 2019 ishte dënuar një person që përmes rrjeteve sociale, kishte kërcënuar Haradinajn, në emër të atij që njihej si grupi militant Shteti Islamik (IS).
Përmes rrjeteve sociale ishte kërcënuar edhe ish-zëvendëskryeministri Bexhet Pacolli.
Misioni për më shumë transparencë
Nga viti 2013, Facebook-u ka nisur të publikojë raporte gjashtëmujore të transparencës.
Sipas një njoftimi të Facebook-ut, qëllimi i publikimit të këtyre raporteve, lidhet direkt me përpjekjet e kësaj kompanie që të jetë e hapur dhe proaktive në ruajtjen e privatësisë, sigurisë dhe qasjes së përdorueseve në internet.
Gjatë vitit 2018 Facebook-u ka fshirë rreth 14 milionë postime, që në një formë apo tjetër, përkrahnin aktivitete, grupime dhe veprimtari terroriste.
Pandemia trazoi internetin
Në kohën kur pandemia e COVID-19 mori hov të pandalshëm gjatë vitit 2020, në mbarë botën u shpeshtuan lajmet e rreme.
Gjatë kësaj kohe, Facebook-u u kritikua për paaftësi në luftimin e përmbajtjes së rrejshme. Që nga shfaqja e pandemisë COVID-19, Facebook-u tha se ka fshirë më shumë se 18 milionë postime të rrejshme, që kishin për qëllim dezinformimin.
Ndërsa në pjesën e parë të vitit 2021, Facebook-u thotë se ka fshirë më shumë se dhjetë milionë publikime të organizuara të gjuhës së urrejtjes.
Shqipëria do të jetë pjesë e Këshillit të Sigurimit të Organizatës së Bashkuar, pasi u votua për të marrë një nga pesë vendet e përkohshme në këtë këshill me një mandat dyvjeçar.
Shqipëria u mbështet nga 175 vende anëtare nga 190 që morën pjesë në votim.
Në garë për pesë vende ishin gjashtë shtete, përveç Shqipërisë edhe Brazili, Republika Demokratike e Kongos, Gaboni, Gana dhe Emiratet e Bashkuara Arabe.
Shqipëria ishte vendi i vetëm që nuk kishte qenë asnjëherë anëtare e Këshillit të Sigurimit.
Këshilli i Sigurimit, një organ i OKB-së me kompetenca të fuqishme, përbëhet nga 15 anëtarë, 5 prej të cilëve të përhershëm, ShBA, Mbretëria e Bashkuar, Franca, Rusia dhe Kina, si dhe 10 anëtarë jo të përhershëm, me një mandat dy vjeçar. Këshilli i Sigurimit merret me paqen dhe sigurinë ndërkombëtare dhe ka kompetenca të dërgojë paqeruajtës në rajone të trazuara, si dhe të miratojë sanksione. Veprimet e tij supozohet të parandalojnë dhe zgjidhin konflikte, por në vitet e fundit, kritikët thonë se pikëpamjet kontradiktore, veçanërisht mes pesë anëtarëve të përhershëm, kanë bllokuar marrjen e vendimeve për çështje urgjente.
Raportuesja e Parlamentit Evropian për Kosovën, Viola von Cramon, komentoi liturgjinë e djeshme fetare nga klerikët serbë në Kishën ortodokse në oborrin e kampusit të Universitetit të Prishtinës, i vlerësuar si provokim në Kosovë.
Von Cramon ka thënë se nuk e di nëse një veprim i tillë ishte provokim nga pala serbe, por sugjeroi që Kosova të fokusohet në agjendën e saj evropiane.
“Ky provokim nga pala e komunitetit serb mund të jetë i vërtetë apo jo. Nuk mendoj se është e nevojshme të konsiderohet si i tillë, sepse ne duhet të vazhdojmë me agjendën pozitive në lidhje me atë se për çka duhet të pajtohemi, çka është në agjendën e Kosovës që synohet të arrihet. Mendoj se për mua, edhe për ne në Bruksel, është më e rëndësishme të fokusohemi në gjërat e përbashkëta për të cilat duhet të punojmë, se të shpërqendrohemi nga këto, t’i quajmë reagime apo kthime prapa të pakëndshme nga Serbia. Prandaj, nëse një gjë e tillë ishte e qëllimshme, e rastësishme, apo thjesht ndodhi, nuk e di. Nuk dua të spekuloj. Do të doja të përpiqemi të gjejmë agjendën në të cilën ju dhe Bashkimi Evropian duan të punojnë, në emër të qytetarëve të Kosovës”, ka thënë ajo për KosovaPress.
Gjatë intervistës për Kosovapress, Von Cramon ka komentuar edhe “non-papers”, për të cilët tha se janë draftuar në Moskë e Beograd.
Sipas saj, të tillët kanë për qëllim të trazojnë Ballkanin.
“Unë thjesht do ta injoroj këtë, sepse shumica e ‘non-papers’ të draftuara jo në Bruksel, por në Moskë e në Beograd, në Hungari, në Budapest, krijojnë shumë frikë, panik, trauma dhe më shumë kanë për qëllim të trazojnë rajonin, se të sjellin një proces pajtueshmërie dhe kjo është shumë e trishtë, shumë fatkeqe, dhe ne duhet të flasim për pasojat që do kenë tek njerëzit në rajon, andaj nuk duhet t’i marrim ato në konsideratë. Do të doja t’i injoroja. Është temë shumë toksike dhe sigurisht që nuk është draftuar në Bruksel”, tha ajo.
Shkurtimisht, ajo ka komentuar edhe përplasjet e djeshme në Samitin e Tiranës, mes kryeministrit të Kosovës, Albin Kurti dhe homologes së tij serbe, Ana Bërnabiç. Sipas Kurtit, përplasjet ndodhën pasi kryeministrja serbe nuk pranonte asesi që ta njihte pavarësinë e Kosovës. E, sipas Von Cramon, Serbia duhet ta pranojë realitetin tashmë.
“Nuk isha prezente në atë tavolinë. Është e vështirë të komentoj atë gjë. Është fatkeqësi që ne ende jemi në këtë pikë. Çka të them. Nuk kam dëshmitarë të kësaj situate. Është e vështirë të them çkado nga jashtë. Andaj, do doja të jem konstruktive aq sa mundem. Do të përpiqem që nga ana e Komisionit të bëjë presion tek Serbia se ata duhet të jenë të gatshëm të pranojnë disa nga nevojat, realitetin dhe faktet se Kosova është në rrugën e duhur dhe se neve do ta na duhet një gjë e tillë edhe nga Serbia për rrugën drejt integrimit evropian, e cila përfshinë njohjen e Kosovës apo çfarë marrëveshje në të cilën Kosova diskuton nga niveli i njëjtë. Nuk dua ta komentoj këtë rast konkret”, ka deklaruar tutje Von Cramon.
Këshilli i Bashkësisë Islame në Prizren përmes një aktiviteti me moton “mos u ngut, familja po të pret”, kanë shpërndarë parfyme për vendosje në makina.
Ky aktivitet kishte për qëllim sensibilizimin e vozitësve dhe sigurinë në trafik
Njoftimi i plotë:
KBI-Prizren, 11 Qershor 2021
Kryetari i Këshillit të Bashkësisë Islame në Prizren, mr. Besim ef. Berisha, së bashku me Koordinatorin e SHH “BEREQETI” dega në Prizren, mr. Kurtish ef. Hoxhaj dhe disa nxënëse të Paraleles së Vajzave të Medresesë Alaudin-Prizren, për sensibilizim të vozitësve dhe rritjes së sigurisë në trafik, në sheshin Shadërvan dhe tek Ura e Gurit, kanë shpërndarë parfyme për vendosje në makina.
Aktiviteti u zhvillua në kuadër të vetëdijesimit të ngasësve të makinave për uljen e shpejtësisë gjatë vozitjes, e si moto ishte “mos u ngut, familja po të pret”.
Lutemi dhe bëjmë përpjekje që rastet e ndeshjeve me fatalitet të ulen, në të njejtën formë të rritet vetëdija për respektim të shenjave të komunikacionit.
Një grua shqiptare në Gjermani dhe i biri i saj, trevjeçar, janë zhdukur që nga e enjtja paradite, me policinë gjermane që po dyshon se janë kidnapuar drejt Shqipërisë.
Nasibe K. 34-vjeçare dhe Beni, i biri i saj, dyshohet se u kidnapuan me një Audi. Siç raporton “Bild”, për rastin dyshimet janë lidhur me ish-bashkëshortin e Nasibes, Blerimin.
Hetuesit kanë dyshuar se gjithçka ka ndodhur me plan të tij, dhe të enjten në mbrëmje ai u arrestua në Ratingen.
Një dëshmitar i ngjarjes ka thënë se teksa gruaja dhe i biri i saj po qëndronin në stacion të autobusëve, papritmas një veturë Audi është ndalur përpara dhe dy gra kanë dalë e i kanë tërhequr zvarrë.
Sipas burimeve të “Bildit”, Nasibja ishte larguar nga Blerimi nga Ratingeni drejt një qendre kujdesi në afërsi të Bonnit. Thuhet se ai tashmë e ka gjetur adresën e qendrës. Nën dyshimet se Blerimi ishte prapa kidnapimit, ai u arrestua të enjten, por për shkak se krimi ka qenë i pamundshëm të vërtetohet se është kryer nga ai, të premten është liruar nga Policia.
Megjithatë, ai është cak i hetimeve dhe policia ka thënë se ka nisur koordinimin ndërkombëtar për të gjetur nënën dhe të birin e saj.
Deputetja e PDK-së, Ganimete Musliu, ka thënë se debati i thirrur sot për dialogun është tentativë e Albin Kurtit për të mbuluar veprimet që janë në kundërshtim me kauzat e tij të dikurshme.
“Ky debat i thirrur sot nuk nënkupton asgjë tjetër përveç një tentativë të Albin Kurtit për të mbuluar veprimet e tij të cilat janë komplet në kundërshtim me kauzat e tij të rrejshme, propagandën shumëvjeçare dhe premtimet e tij elektorale. Albin Kurti, kudo që je, ti me vjet tëra ke vjellë vrer mbi secilin dialogues. Të gjithë e dimë se në këtë kontekst nuk e respektove asnjë normë, as institucionale dhe etike. Nuk hezitove të kontestoje çdo vlerë njerëzore dhe kombëtare të secilit që merrte pjesë në bisedimet me Serbinë. Në shumë raste nuk hezitove të deformosh edhe faktet rreth kësaj teme, për të vetmen arsye për ta mbajtur të ndezur urrejtjen e adhuruesve ndaj oponentëve politikë”.
Musliu ka thënë se kryeministri Albin Kurti do të takohet me presidentin serb Aleksandar Vuçiq më 15 qershor ani pse dikur si opozitar deklaronte se nuk do ta bënte një gjë të tillë pa kërkuar falje Serbia.
“Për të marrë primatin e “Shpëtimtarit të Kombit” me qindra herë ke deklaruar se nuk do të ulesh kurrë përballë Vuçiqit para se Serbia të kërkojë falje për gjenocidin që ushtroi ndaj popullit shqiptar të Kosovës,. Sot kemi datë konkrete kur do t’i ulesh përballë Aleksandar Vuçiqit, në ndërkohë që Serbia jo që s’ka kërkuar falje, por ka intensifikuar fushatën kundër Pavarësisë së vendit tonë. Albin për ta marrë pushtetin krijove kauza dhe standarde me të cilat padyshim do të përballesh vetë për aq kohë sa do të jesh në krye të Qeverisë. Je shumë gabim nëse mendon që mund t’i zhbësh kundërshtimet e tua të vazhdueshme si politikan opozitar”.
“Ke fshirë qindra e mijëra mesazhe e statuse në Facebook tëndin, por nuk mund ta fshih memorien institucionale të Kosovës. Ti i quaje tradhtarë të gjithë ata që pranonin të dialogun me Serbinë. Më 15 qershor ti Albin do ta bësh të njëjtën gjë, a je edhe ti tradhtar? Zajednica jote e dikurshme papritmas është shndërruar në Asociacion, kush pësoi transformim më të shpejtë – ti apo Zajednica? Si mund të kërkosh sot unitet politik kur për dy dekada rresht mbjelle urrejtje – a e cilëson veten si politikan dyfytrësh?”.
