Pas datës 1 korrik pritet të ketë masa lehtësuese për sektorin e hotelerisë, por gjithmonë duke u bazuar në situatën epidemiologjike, kështu tha përfaqësuesi i departamentit të estradës në Odën e Hotelerisë, Afrim Muçiqi.

“Është lajm i gëzueshëm për sektorin që ne përfaqësojmë, dhe sado pak e ka kthyer atë shpresën e këtyre bizneseve që më në fund t’i kthehen një far lloje normaliteti pasi që masat janë më të mirat në rajon, nuk është ashtu siç e kemi pritur por 95% e atyre propozimeve ne si odë i kemi bërë ne kanë kaluar”.

“Në takimin e parë që kemi pasur me zyrtarët e qeverisë jemi dakorduar që këtë manual deri me datën 1 korrik ta respektojmë varësisht prej rasteve epidemiologjikë në nivel vendi atëherë shpresoj që me 1 korrik të kemi masa të tjera dhe të shkojmë drejt normalitetit”.

Ndërsa, për pakon e rimëkëmbjes e cila shumë shpejt do të prezantohet nga Qeveria, Muçiqi tha se duhet të jenë të përfshirë edhe këta të fundit dhe me një vlerë më të madhe jo nga ajo që ka qenë prej 170 euro për punëtorët.

“Unë mendoj që është dashtë që ministria e Ekonomisë dhe e Financave të na kenë parasysh, mirëpo duhet të na kenë parasysh që të rritet kjo vlerë e rimëkëmbjes ekonomike”, tha ai për eo.

Në fund Muqiqi tha se për t’u rimëkëmbur ky sektor kërkon edhe dorën e shtetit.

Presidentja e Komisionit Evropian, Ursula von der Leyen, i ka dërguar një letër urimi kryeministrit të Kosovës, Albin Kurti.

Në letren e saj von der Leyen shkruan se dëshiron të shoh avancimin e Kosovës në rrugën e saj evropiane.

“Ne dëshirojmë që ta shohim avancimin më të shpejtë të Kosovës në rrugën e saj evropiane dhe do të vazhdojmë ta mbështesim progresin e arritur në reformat që i kërkon kjo”.

E para e Parlamentit Evropian thekson se duke e ditur rëndësinë që e ka liberalizimi i vizave për qytetarët e Kosovës, do të vazhdohet të avokohet për një vendim pozitiv për këtë proces.

“Duke e njohur rëndësinë që e ka për qytetarët e Kosovës, ne do të vazhdojmë të avokojmë për një vendim pozitiv të BE-së për liberalizimin e vizave”.

Ajo shtoi se mezi pret që të punojë së bashku me kryeministrin e Kosovës, në avancimin e marrëdhënieve BE-Kosovë.

“Pres me padurim që të punojmë së bashku për avancimin e marrëdhënieve BE-Kosovë”, ka thënë Von Der Leyen, njofton Qeveria e Kosovës.

Kryetari i Lëvizjes Vetëvendosje, njëherësh edhe kryeministër i Kosovës, Albin Kurti në mbledhjen e Këshillit të Përgjithshëm të Vetëvendosjes ka folur edhe për zgjedhjet lokale që do të mbahen në tetor të këtij viti.

Ndër të tjera ai ka thënë se VV synon t’i fitoj ¾ e komunave duke konfirmuar se bashkëpunimi me Listën Guxo do të vazhdoj edhe për këto zgjedhje.

Por, ajo që bie në sy është edhe një deklartë drejtuar anëtarëve të VV-së ku thotë se Aktivisti i Lëvizjes nuk duhet të jetë i lidhur me individin, por me idenë dhe programin. Aktivist, thotë ai, nuk duhet të kërkojë miqësinë me kryetarin, por miqësinë me qytetarin, transmeton “Indeksonline”.

Ai ka bërë thirrje që të ndalen fushatat negative dhe të ndalen edhe vetëshpalljet apo vetëkandimet, si dhe pretendimet që dikush ka mbështetje nga niveli i tretë apo nga kryesia e Lëvizjes.

“Aktivisti i Lëvizjes nuk duhet të jetë i lidhur me individin, por me idenë dhe programin. Aktivisti nuk duhet të kërkojë miqësinë me kryetarin, por miqësinë me qytetarin. Asnjë prej kryetarëve nuk ka për të qeverisur vetëm me miqtë e vet, e asnjë grup shoqëror nuk do të marrë në kontroll asnjë qendër apo asnjë komunë. Prandaj fushatat negative duhet të ndalen, ashtu siç duhet të ndalen edhe vetëshpalljet apo vetëkandidimet, si dhe pretendimet që dikush ka mbështetje nga niveli i tretë apo nga kryesia e Lëvizjes. Mbështetja jepet vetëm në mënyrë statutore, demokratike dhe institucionale, nuk është mbështetje një fotografi apo një takim diku.

Pushteti nuk duhet të na ndryshojë, por për të mos rënë pre e ndryshimit, duhet t´ia kujtojmë vetes vazhdimisht idealet tona, dhe sakrificat e dëshmorëve. Ne duhet të jemi vazhdimisht syhapur, dhe të sinjalizojmë parregullsitë në raport me qeverisjen dhe administratën, siç janë edhe qytetarët në vendet e zhvilluara evropiane e perëndimore. Vetëm ashtu do të mund ta zhvillojmë e fuqizojmë vendin tonë”, ka thënë ndër të tjera Kurti.