Ministri i Financave, Punës dhe Transfereve, Hekuran Murati, ka shpjeguar mënyrën se si mund të aplikohet për shtesat prej 170 euro për lehonat dhe fëmijët.Ai ka treguar se aplikimi do të mund të bëhet që nga nesër në portalin e-Kosova.Për mbështetje mund të aplikojnë të gjitha lehonat që kanë lindur fëmijën pas datës 1 gusht 2021 dhe që janë të moshës mbi 18-vjeç.

“Lehonat që kanë qenë të papuna në 12 muajt e fundit do të mbështeten me 170 euro në muaj për 6 muaj radhazi, ndërsa lehonat që figurojnë të punësuara në ndonjërin prej muajve në 12 muajt e fundit, do të mbështeten me 170 euro në muaj për 3 muaj radhazi”, ka shkruar Murati.Ndërkohë, për shtesat për fëmijët mund të aplikojnë të gjitha nënat që kanë lindur fëmijët në vitin 2020 apo 2021.“Nga 1 janari 2022, aplikimi do të hapet edhe për fëmijët që kanë lindur në vitin 2018 e tutje, dhe njësoj do të zgjerohen grupmoshat e fëmijëve që përfitojnë, çdo 6 muaj, derisa të mbulohen të gjitha moshat nën 16 vjeç”, thuhet në postimin e Muratit.

Në klinikat COVID-19, të QKUK-së, në trajtim janë 377 pacientë, 38 më pak se ditën e kaluar.

Nga numri i tyre, 372 të konfirmuar me COVID-19, 328 me oksigjeno-terapi.

Në spitalet e përgjithshme janë të shtrirë 666 pacientë, 31 më pak se një ditë më parë. Prej numrit të përgjithshëm, 553 të konfirmuar me COVID-19 pozitivë dhe 534 me oksigjeno-terapi.

Numri i pacientëve sipas klinikave COVID-19 dhe spitaleve të përgjithshme

Klinika Infektive, 92 pacientë

Klinika Infektive II ( Mjekësi Sportive), 94 pacientë

Klinika Infektive III ( Interno), 67 pacientë

Klinika e Pulmologjisë, 82 pacientë

Mjekimi Intensiv COVID-19 dhe Mjekim Intensiv në Klinikë Infektive 26 pacientë

Klinika e Gjinekologjisë, 13 pacientë

Klinika e Pediatrisë, 3 pacientë

Spitali i Prizrenit, 139 pacientë

Spitali i Gjakovës, 79 pacientë

Spitali i Pejës, 192 pacientë

Spitali i Gjilanit, 96 pacientë

Spitali i Vushtrrisë, 27 pacientë

Spitali i Mitrovicës, 62 pacientë

Spitali i Ferizajt, 71 pacientë.

Kryetari i Delegacionit për bisedime për çështjen e personave të humbur në dialogun Kosovë-Serbi ka vizituar OVL-UÇK-në pas debatit të fundit lidhur me hapjen e arkivave për UÇK-në.

Hoti ka postuar një fotografi në Facebook ku ka shkruar se UÇK është themeli i palëkundur i Republikës.

“Ushtria Çlirimtare e Kosovës është themeli i palëkundur i Republikës tonë. Jashtëzakonisht i nderuar nga pritja dhe bashkëbisedimi motivues me përfaqësuesit e OVL të UÇK-së! Zemrat tona rrahin vetëm UÇK”, ka shkruar ai.

Një deklaratë e zëvendëskryeministrit Besnik Bislimi lidhur me arkivat për UÇK-në ka ngjallur reagime të skenës politike.

Besnik Bislimi dje tha se pala serbe është dakorduar që të hapen arkivat shtetërore gjatë takimeve që ka pasur në Bruksel dy ditë më parë.

“Gjatë takimit trilateral, pala serbe ka deklaruar se janë dakord që të hapen të gjitha arkivat, sipas tyre nënkupton edhe arkivat shtetërore të Kosovës që kanë të bëjnë me UÇK-në. Unë mendoj që kjo është në interes tonë sepse shumica e varrezave masive ku pretendohet se janë pjesët e mbetura të mbi 1600 qytetarëve ndodhen në këto varreza për të cilat kanë informata kryesisht arkivat ushtarake të Serbisë”, tha ai.