Ministria e Shëndetësisë ka bërë të ditur se terminët për vaksinim tashmë mund t’i bëjnë edhe qytetarët mbi 55 vjeç.

Sipas MSH’së, aplikimin mund ta bëjnë edhe personat me sëmundje kronike, punëtorët shëndetësorë, mësimdhënësit, Forcat e Sigurisë (Policia dhe FSK), pjesëtarët e Këshillit të Sigurisë së Kosovës, pjesëtarët e Agjencisë së Kosovës për Inteligjencë, pjesëtarët e Autoritetit Civil të Kosovës e zjarrfikësit.

Ndërsa, mundësinë për ta marrë vaksinën do ta kenë edhe ata që për të udhëtuar jashtë vendit kanë kusht vaksinimin.

Njoftimi i plotë:

Caktimi i terminit për marrje të vaksinës kundër COVID-19 përmes platformës eKosova (https://ekosova.rks-gov.net/) është i mundur për:

• Qytetarët mbi moshën 55 vjeçare

• Personat me sëmundje kronike pa dallim moshe

• Qytetarët që i takojnë ndonjërit nga profesionet si: Punëtorë shëndetësorë; Mësimdhënës, Forcat e sigurisë (Policia dhe FSK), pjesëtarët e Këshillit të Sigurisë së Kosovës; pjesëtarët e Agjencisë së Kosovës për Inteligjencë, pjesëtarët e Autoritetit Civil të Kosovës, zjarrfikësit

• Qytetarët të cilëve i’u kërkohet vaksinimi nga Ambasadat për udhëtim jashtë vendit (për çështje të vizave).

Ministria tërheq vëmendjen se cilado kategori e qytetarëve që merr mesazhin/njoftimin për vaksinim, me rastin e paraqitjes në qendrën e vaksinimit sipas vendbanimit të tij, të ketë me vete dëshmi për kategorinë të cilës i përket.

Gjykata Supreme ka vërtetuar dënimin me burgim të përjetshëm ndaj ish-policit Shefki Spahiut për vrasjen e një të riu në një kazino në Suharekë.

“Kolegji i Gjykatës Supreme, në çështjen penale të akuzuarit Sh.S. për shkak të veprës penale vrasje e rëndë nga neni 179 par.1 nënpar.1.4 dhe nënpar.1.6 të Kodit Penal të Republikës së Kosovës (KPRK), dhe veprës penale manipulim me provat nga neni 397 par.1 të KPRK, duke vendosur përkitazi me ankesën e mbrojtësit të të akuzuarit e paraqitur kundër aktgjykimit të Gjykatës Themelore në Prizren, dhe aktgjykimit të Gjykatës së Apelit të Kosovës, në seancën e kolegjit të mbajtur më 20 maj 2021, me shumicë të votave, aprovoi pjesërisht ankesën e mbrojtësit të të akuzuarit Sh.S., vetëm sa i përket cilësimit juridik të veprës penale të vrasjes së rëndë nga neni 179 par.1 nënpar.1.4 dhe nënpar.1.6 të KPRK, për të cilën i akuzuari është shpallur fajtor, ashtu që në veprimet e të akuzuarit kjo gjykatë gjen se përmbushen elementet e veprës penale të vrasjes së rëndë nga neni179 par.1 nënpar.1.4 të KPRK. Në pjesën tjetër aktgjykimi mbetet i pandryshuar”, thuhet në njoftim.

Supremja ka njoftuar se ë seancën publike të kolegjit, të mbajtur me 20 maj, kanë marrë pjesë i akuzuari Shefki Spahiu, mbrojtësi i tij, avokati E.K., përfaqësuesi i palës së dëmtuar avokat A.R., të dëmtuarit H.A., e A.A. Prokurori i Shtetit nuk mori pjesë në këtë seancë, por me parashtresë, propozoi që ankesa e mbrojtësit të të akuzuarit të refuzohet si e pabazuar, ndërsa aktgjykimet të vërtetohen.

“Kolegji i Gjykatës Supreme, përmes aktgjykimit PA.II.nr.3/2021, vlerësoi rrethanat rënduese, të cilat i kanë marrë në konsideratë gjykatat më të ulëta, por theksoi posaçërisht rrethanat si në vijim; se vepra penale është kryer me shkallën e lartë të dashjes, i akuzuari ka qenë pjesëtar i Policisë së Kosovës dhe se vepra është kryer me armë zyrtare, rrethanë e cila vlerësohet si posaçërisht rënduese nga fakti se vet pozita e të akuzuarit ka shkaktuar pasoja jo vetëm ndaj viktimës, por edhe te besimi në institucionet e sigurisë dhe të qytetarëve në përgjithësi, pastaj rrethanat nën të cilat është kryer vepra pa ndonjë motiv, viktima ka qenë person i pambrojtur dhe nuk ka pasur mundësi të mbrohet, sjellja e tij pas kryerjes së veprës penale, duke tentuar fshehjen e krimit dhe asgjësimit të provave, faktin se viktima ka qenë e moshës së re, i martuar dhe prind i fëmijëve të mitur”, thuhet në njoftim.

Shefki Spahiu, ish-pjesëtar i Policisë së Kosovës, në shtator të vitit të kaluar, me aktgjykim të Gjykatës Themelore të Prizrenit, u shpall fajtor për veprat penale “Vrasje e rëndë” dhe “Manipulim me prova”, për vrasjen e 32-vjeçarit Jetmir Aliaj nga fshati Mushtisht i Suharekës, në vendin e tij të punës, në marsin e vitit 2019.

Jetmir Aliaj ishte vrarë me armë zyrtare paraditen e 17 marsit të 2019-s në një kazino afër rrugës për në fshatin Reshtan të Suharekës. Në aktakuzën e ngritur nga Prokuroria Themelore e Prizrenit, të cilën e posedon edhe KOHA, thuhet se Shefki Spahiu, me qëllim të fitimit të dobisë pasurore, me dashje dhe në mënyrë dinake, e privon nga jeta Jetmir Aliaj, punëtor i kazinosë.

Disa ditë pas kësaj vrasjeje, me iniciativë të kryetarit të Suharekës, Qeveria e Kosovës kishte marrë vendim për mbylljen e të gjitha kazinove.

Raportuesja për Kosovën në Parlamentin Evropian, Viola Von Cramon pas vizitës disa ditore në Kosovë.Cramon tha se ka folur me kreun e Qeverisë, Albin Kurtin për dialogun por jo diçka specifikisht.

Ajo tha se presin që javëve të ardhshme mund të shihet një përafrim të pozicioneve ndërmjet Kurtit e presidentit serb Aleksandar Vuçiq dhe sipas saj kjo mund të bëhet përmes negociatave.

“Natyrisht se kemi folur për dialogun dhe kemi folur për procedurën e tij se si të merret me dialogun, por nuk jemi fokusuar në çështje specifike.Mendoj që në fillim të dialogut dhe asnjëherë nuk i kam takuar personalisht më përpara dhe shpresoj që në javët e ardhshme do të shohim një ngushtim të pozicioneve, një afrim të pozicioneve origjinale dhe kjo mund të bëhet përmes negociatave”, tha Von Cramon.

Cramon ka folur edhe për procesin e liberalizimit të vizave.

“Shpresojmë se në një moment do të shohim qëndrime më pak të polarizuara dhe gjatë presidencës së Gjermanisë kemi mundur ta kemi këtë temë në agjendë derisa Kosova i ka përmbushur kushtet teknike prandaj është çështje e Këshillit të Evropës dhe në këtë pikëpamje disa shtete anëtarë hezitojnë”, tha ajo.

Në fillim Cramon tha se është takuar me përfaqësuesit e KFOR-it.

“Jemi takuar me përfaqësuesit e KFOR-it pastaj ishte me ministrin nga Lista Serbe që ishte takim interesant në lidhje me perceptimin e tyre të minoriteteve serbe dhe si është bashkëpunimi me Qeverinë e re.Me ndihmën e BE-së, Qeveria e re ka filluar të punojë në këtë qasje dhe është një prej prioriteteve, çështja e furnizimit me energji që tashmë po zgjidhen dhe jam e kënaqur që publiku më i gjerë po i kuptoj çështjet e ndryshimeve klimatike.Ka një fokus të veçantë në edukimin mjedisor dhe pse duhet t’i mbrojmë kafshët, pastaj pika tjetër gjatë udhëtimit ishte në Brezovicë dhe kemi folur me OJQ të ndryshme. Të dielën kemi shkuar në Prizren dhe është shtylla e trashëgimisë suaj dhe Prizreni është model i komunitetit multi-etnik jo vetëm në Kosovë por në regjion”, shtoi ajo.

“Kemi folur me udhëheqësit e opozitës në Parlament kemi pasur takim me presidenten e Kosovës”.

Cramon i’u ka bërë thirrje krerëve institucional që të marrin pjesë në paradën e krenarisë si dhe të lejohet me Kodin Civil martesa e gjinisë së njëjte.

Ministria e Shëndetësisë ka njoftuar se gjatë 24 orëve të fundit në Kosovë janë dhënë 6.975 doza të vaksinës kundër COVID-19.

Deri më tani në Kosovë me dozën e parë janë vaksinuar 170.098 qytetarë.

Ndërsa, 37.057 qytetarë janë vaksinuar me dozën e dytë të vaksinës.

Ndryshe gjatë 24 orëve të fundit 6 qytetarë janë infektuar me COVID-19./FrontOnline

Vlera e arit është duke pësuar rënien më të madhe mujore që nga viti 2016.

Kjo rënie ka ardhur pas shtrëngimit të politikave nga Rezerva Federale, gjë që ka rritur çmimin e arit në 1,800 dollarë për ons [28.34 gram].

Rritja rekorde e stoqeve amerikane dhe rritja e dollarit, gjithashtu ka rënduar edhe metalin e çmuar. Investitorët po vlerësojnë edhe kufizimet e reja të udhëtimit në Evropë mes shqetësimeve rreth variantit Delta të COVID-19.
Zyrtarët e Rezervës Federale që u takuan në qershor iu përgjigjën rreziqeve në rritje të inflacionit duke tërhequr rritjen e normës së interesit.

“Ari ka filluar të gjejë mbështetje në nivelin 1,775 dollarë. Ne kemi filluar të shohim investitorë që kthehen përsëri në metale”, tha John Feeney, menaxher i zhvillimit të biznesit në Guardian Gold Australia.

Çmimi i arit është ulur në 6.9 për qind gjatë këtij muaji, më së shumti që nga nëntori i 2016-së.

British Columbia mbylli shkollat ​​dhe universitetet të hënën, për shkak të nxehtësisë ekstreme në provincën perëndimore kanadeze në një rekord kombëtar gjatë fundjavës, në një vend që është i njohur gjerësisht për dimrin e tij të egër.

Lytton, një qytet në British Columbia, afërsisht 200 km në veri të Vancouver, raportoi të dielën një temperaturë prej 46.6 ° C. Para fundjavës, temperatura historike në Kanada ishte 45 ° C, e vendosur në Saskatchewan në 1937, sipas Environment and Climate Change Canada.

E hëna ishte parashikuar të ishte edhe më e nxehtë, pasi shumica e Kanadasë perëndimore vendosi rekorde lokale të temperaturës, duke i shtyrë njerëzit të strehohen në plazhe dhe fronte të liqenit.

Postimet në mediat sociale me këshilla për të qëndruar freskët pa kondicionerë u bënë virale, në një provincë ku më pak se 40% e shtëpive kanë kondicionim të ajrit, sipas një studimi të vitit 2018 nga B.C. Hidro, shkruan “Reuters”, përcjell albinfo.ch.