Mutacioni indian prek edhe personat e vaksinuar plotësisht, por pasojat e infektimit janë shumë herë më të lehta se tek të pavaksinuarit. Këtë e pohojnë autoritetet izraelite, të cilët konstatojnë se 40% e të prekurve nga i ashtuquajturi varianti Delta janë persona që e kanë përmbyllur plotësisht ciklin e vaksinimit. Mutacioni indian po përhapet prej mesit të qershorit në këtë vend.Megjithatë shifrat e të shtruarve në spitale apo të viktimave nuk kanë pësuar rritje.57% e popullsisë izraelite janë vaksinuar me të dyja dozat e Pfizer, ndërsa qeveria po përpiqet të përshpejtojë ritmet e imunizimit të popullatës duke u bërë thirrje të vaksinohen edhe fëmijët e moshave nga 12 deri 15 vjeç dhe adoleshentët.

Sakaq, një tjetër studim i publikuar nga revista shkencore Nature arrin në konkluzionin se imuniteti i krijuar nga vaksinat Pfizer, dhe Moderna mund të zgjasë për një kohë të gjatë.Nga analizat e gjakut të disa të vaksinuarve me këto vaksina është konstatuar prani e lartë e qelizave imunitare të tipit B, që njihet ndryshe edhe si kujtesa qelizore imunitare.Këto qeliza mund të qarkullojnë nëpër vena për vite e madje edhe për dekada, ndaj dhe mund të mos jetë nevoja për doza të tjera përforcuese.

E kaltra për drejtësi dhe besnikëri, e kuqja për guxim dhe sakrificë janë ngjyrat simbol të karabinierisë, që shërben në Njësinë e Specializuar Shumëkombëshe (MSU) të KFOR-it.

Nën këto dy ngjyra emblematike, me nderime ushtarake komandanti i kësaj njësie, Stefano Fedele, dhe komandanti i Forcave paqeruajtëse të NATO-s në Kosovë (KFOR) Gjeneralmajori Franco Federici, mirëpritën kryeministrin, Albin Kurti, Ministrin e Mbrojtjes, Armend Mehaj dhe Ministrin e Punëve të Brendshme, Xhelal Sveçla.

Në prani edhe të udhëheqësve të njësive të këtij regjimenti u prezentuan funksioni dhe aktivitetet e MSU-së që vepron në Kosovë që nga viti 1999.

Më pas, gjatë drekës së punës u diskutua situata e sigurisë në vend dhe bashkërendimi i veprimeve ndërmjet institucioneve të Republikës së Kosovës dhe KFOR-it.

Një shqiptar e ka kërcënuar ish-emisarin special të SHBA’së për ndërmjetësimin e dialogut Kosovë-Serbi, Richard Grenell, pasi ky i fundit ua uroi serbëve Vidovdanin në Betejën e Kosovës, ku luftuan popujt e Ballkanit Kundër Perandorisë Osmane.

Një shqiptar i ka shkruar Grenellit përmes rrjeteve siciale duke i thënë se ‘nëse vjen në Shqipëri, ne do ta prejmë kokën’.

“Nëse vjen në Shqipëri ne do ta prejmë kokën, ne jemi duke të pritur ty, ne nuk harrojmë, mbaje në mend”, i kishte shkruar shqiptari, Bekim Xhika.

Këtë kërcënim e postoi vetë Grenell në rrjetin social ‘Instagram’, duke thënë se ‘ky kërcënim nuk e reflekton popullin shqiptar.

“Ky kërcënim nuk e reflekton popullin shqiptar. Ai duhet të raportohet në polici”, shkroi Grenell.

Ky kërcënim erdhi pasi dje Grenell ka uruar serbët për Vidovanin duke thënë se sot përkujtohen martirët e “shenjtë serbë” dhe Shën Princ Lazari.

“Sot ne ndërrojmë heronjtë e Vidovdanit. Në këtë ditë më 1389, beteja kundër Otomanëve në Kosovë filloi. Sot është një ditë përkujtimi për Shën Princ Lazarin dhe martirët e shenjtë serbë”, shkroi ai.

Memli Krasniqi është kandidati zyrtar për të parin e PDK-së, mirëpo, sipas Betim Gjoshit, edhe Enver Hoxhaj pritet të zyrtarizojë kandidaturën e tij në ditët në vazhdim.

Gjoshi tha se nuk janë vetëm këta dy emra, pasi PDK’ja ka disa figura meritore për këtë post.

“Enver Hoxhaj pritet të zyrtarizojë në ditët në vazhdim kandidaturën e tij, mirëpo do të jenë edhe disa kandidatë tjerë, duke qenë se në PDK ka disa figura tjera të ngritura”, tha Gjoshi për Kanal 10.

Gjoshi tutje shtoi se Konventa e 10-të e PDK-së do të fillojë të shtunën me 3 korrik në ora 9:30.

Kujtojmë, Partia Demokratike e Kosovës, ka qenë prej fillimit të nëntorit të vitit të kaluar me ushtrues detyre të kryetarit, Enver Hoxhajn, pas dhënies së dorëheqjes të ish-kryetarit Kadri Veseli, pas konfirmimit të aktakuzës ndaj këtij të fundit nga Gjykata Speciale.

Enver Hoxhaj ishte edhe kandidat për kryeministër nga PDK’ja në zgjedhjet e 14 shkurtit.

Kryetari i Aleancës për Ardhmërinë e Kosovës (AAK), Ramush Haradinaj, tregoi që Aleanca po paraqet sot para qytetarëve të vendit qëllimet programore për qeverisjen në komuna, për periudhën që vjen si dhe kandidatët për kryetar të komunave.

Ai po ashtu tha që Aleanca do të garojë në të gjitha komunat e Kosovës, ku deri më tash janë zyrtar 15 kandidatë.

“Ju siguroj që ne jemi fitues, nuk ka më fitues se Aleanca për Ardhmërinë e Kosovës, në Kosovë. Pse jemi fitues, sepse ne qëndruam çdo herë. Po e filloj para pluralizmit, periudhave të përpjekjeve për liri. Ne qëndruam, edhe atëherë kur plot të tjer nuk kanë mundur, ne qëndruam, por edhe fituam, fitoj Kosova, e fituam edhe lirinë”, tha Haradinaj para të pranishmëve.

“Ne qëndruam dhe besum me rikthy jetën, dhe e rikthymë. Jemi të parët që u përballëm me sulmet mbi vlerat e lirisë. Ishim cak i goditjeve në vlerat sublime të lirisë, po ne qëndrum pa bërë zhurmë, por bindëm të gjithë sepse ishim në të drejtën tonë.

“Pastërtinë e luftës së UÇK-së, flijimin e familjes legjendare të komandantit Adem Jashari, të luftëtarve të lirisë e ka pranuar edhe Gjykata Ndërkmobëtare e Drejtësisë”, u shpreh tutje ai.

Të gjithë këtë rezistencë Haradinaj e ndërlidhi edhe me zgjedhjet komunale, ku tha që do të qëndrojmë me qytetarin në çdo rrethan dhe kryetari do të jetë I qytetarëve pa dallim partie.

“E ne në këto rrethana qëndrojmë me qytetarin, ku ju premtojmë një jetë më të mirë dhe kryetari në komunë do të jetë i qytetarëve pa dallim partie”, tha Haradinaj.

“Kur qëndruam ne me taksën si dhe me të gjitha temat me të cilat fitoj Kosova, ne i morëm goditjet tjera, kurse të tjerët i mashtruan qytetarët”

Ai më tej tha se Qeveria Kurti është Qeveri e mashtrimit.

“Zotri Kurti, Qeveria e tij, është Qeveri mashtruese. Ai është një mashtrues. Kur e kam thënë në Qeverin e parë, që ai është mashtues, shumë prej njerzëve nuk më kanë kuptuar drejt. Ai e ka udhëheq lëvizjen e vet, i ka premtu Kosovës vetëvendosje e jo negociata, ai njeri u kthy në negociata pa e kthy taksën dhe reciprocitetin”, tregoi Haradinaj.

Në Kosovë ka arritur edhe kontingjenti i dytë i vaksinave të Pfizerit, që janë nga kontrata e lidhur mes Kosovës dhe kompanisë.

Ministri i Shëndetësisë, Arben Vitia, ka njoftuar se kanë arritur sot 106.470 doza të vaksinës së Pfizerit, ndërsa të hënën arritën 81.900.

Të nderuara qytetare e qytetarë, sot mbërriti edhe kontingjenti i dytë i vaksinave nga kontrata me Pfizer. 106.470 doza mbërritën sot. Ditët e javët në vazhdim priten akoma. Vaksina mbetet zgjidhja më e mirë në përballjen e suksesshme me pandeminë”, ka shkruar Vitia në Facebook.

Në Kosovë vaksinimi masiv ka nisur më 15 qershor.