Në 24 orët e fundit në Kosovë janë vaksinuar 9 mijë e 565 persona kundër COVID-19.

Ndërsa, deri tani në vend janë dhënë 196 mijë e 829 vaksina.

47 mijë e 141 persona janë vaksinuar me dozën e dytë të vaksinës.

Kështu është bërë e ditur nga Ministria e Shëndetësisë.

“Në 24 orët e fundit janë dhënë 9.565 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 196.829 doza të vaksinës. Deri më sot 47.141 qytetarë janë vaksinuar me dozën e dytë”, është thënë nga MSH.

Me furnizimin e vendit me dozat e para të vaksinave Anti-COVID nga marrëveshja e nënshkruajtur me Pfizer, është parë një numër më i madh i të vaksinuarve në vend në krahasim me javët e kaluara.

Kjo pasi, në mungesë të vaksinave, ka pasur raste kur janë ndalur thirrjet e qytetarëve për vaksinim./FrontOnline

Deputeti i Partisë Demokratike të Kosovës, Bedri Hamza ka thënë se Memli Krasniqi nuk e ka asnjë kundërkandidat në garën për kryetar të partisë.Hamza në një konferencë për media tha sot se Krasniqi i ka të gjitha karakteristikat e liderit të partisë.“I ka të gjitha karakteristikat që duhet t’i ketë një lider. Ka qenë një garë e hapur.

Fakti pse e kemi vetëm ai kandidat do të thotë që të gjithë jemi pajtuar që ta mbështesim Krasniqi në këtë proces. Nuk ka pasur ndikimi, gara ka qenë e hapur dhe kushdo që e ka ndjerë veten që është për këtë pozitë e ka pasur këtë të drejtë”, ka thënë Hamza.“Gara me një kandidat edhe në këtë proces do të jetë demokratike”, tha më tutje Hamza.

Policia Rajonale e Prizrenit në një komunikatë për media ka njoftuar se me datë 1 korrik 2021, policia në Suharekë kishte pranuar një informacion se një person i dyshuar kishte kanosur vëllain dhe kunatën e tij. I dyshimti ishte në posedim të armës ilegale dhe shkak për kanosjen ishte mosmarrëveshja pronësore.

Policia kishte dalë në vendin e ngjarjes por i dyshimti fillimisht armën nuk e kishte deklaruar, ndërsa gjatë kontrollit të hapësirës për rreth policia gjeti një qante dore ku brenda kishte tredhjet e shtatë (37) fishek të pistoletës.Pas autorizimit nga gjykatësi i procedurës paraprake, hetuesit kryen kontrollin e tri shtëpive të banimit dhe në cilësinë e provës materiale policia sekuestroj një armë të tipit revolver dhe pesë (5) fishek kalibër i panjohur.

Për të gjitha veprimet u informua prokurori i shtetit dhe me aktvendim të tij,  i dyshimti A.B i lindur në vitin 1957, u ndalua ne mbajtje në afat prej 48 orë. Rasti është duke u hetuar, thuhet në njoftim

Zëvendësministri i Mjedisit, Planifikimit Hapësinor dhe Infrastrukturës, Hysen Durmishi, ka mbajtur konferencë për medie.Durmishi ka thënë se kanë dorëzuar në Prokurorinë Speciale kontratën e nënshkruar nga ish-ministri Pal Lekaj, ku vlera e parashikuar ishte 500 mijë euro ndërsa kishte përfunduar në vlerë prej 5 milionë e 300 mijë euro.“Bëhet fjalë për kontratë për mirëmbajtjen e urave në rrugët regjionale dhe rajonale të Kosovës për vitet 2017-2019. Kontrata është nënshkruar në mars të vitit 2018 në kohën e ministrit Pal Lekaj ku vlera e parashikuar e kësaj kontrate ka qenë 500 mijë euro e cila ishe bërë publike në platformën elektronike e cila kishte përfunduar në vlerën prej 5 milionë e 300 mijë euro”.

“Në kushtet e përgjithshme ndryshohet neni 24 meqë rast i gjithë buxheti i paraparë për ndërtimin e urave në gjithë territorin vendoset në këtë kontratë që është në kundërshtim me ligjin. Pse kjo kontratë ka shkuar deri në 5 milionë euro e 300 mijë”.
Ai shtoi se janë duke verifikuar të gjitha kontratat dhe ku kanë dyshime për keqpërdorime do t’i dërgojnë në prokurori.“Në fund të kontratës kjo sasi prej 350 metrave katror arrin në 103 e 811 metra katror ose 519 mijë e 58 euro. Nga 450 euro arrin në 1 milion e 38 mijë euro. Ne në ministri jemi duke shikuar të gjitha vendimet dhe kontratat që kanë ndodhur në të kaluarën dhe kurdo që ka elemente të veprës penale do t’i dorëzojmë në prokurori”.

“Është çështje e prokurorisë dhe konsiderojmë se është korrupsion i madh dhe tentim i buxhetit të shtetit shumë i madh dhe i bëjë thirrje prokurorisë ta trajtojë me prioritet. Natyrisht kemi dorëzuar komplet dosjen prej momentit të përgatitjes për tender deri në mbylljen e kontratës dhe në dosje janë të gjithë të përfshirë nëse kanë kryer vepër penale”.“Ka edhe shumë raste të ngjashme një rast është ngritur aktakuzë i natyrës së njëjtë por ka shumë vendime të jashtëligjshme. Këto shkelje janë vepra penale dhe duhet të trajtohen nga prokuroria. Vendimi është marrë nga ministri për gurthyesit që janë në procedurë që të bëhet vlerësim dhe të ndalet degradimi i mjedisit dhe është vendim i ministrit”. EO

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.

Numrat e telefonit dhe adresat elektronike kontaktuese për të kontaktuar Policinë e Kosovës:
– 192 dhe 080019999 (pa pagesë)
– 039 432 327-Drejtoria Rajonale Pejë
– E-mail adresa: [email protected]