Sot do të bëhet inaugurimi i Spitalit për Fëmijë në QKUK, i cili është donacion i Emirateve të Bashkuara Arabe.
Nga Presidenca kanë bërë të ditur se, inaugurimin e tij do ta bëjnë presidentja Vjosa Osmani dhe kryeministri Albin Kurti.
Në këtë ceremoni pritet të marrin pjesë edhe një delegacion nga Emiratet e Bashkuara Arabe, të cilat kishi nisur këtë projekt para disa viteve.
Ceremonia e inaugurimit do të mbahet sot prej orës 10:00.
Kryeministri i Kosovës, Albin Kurti, ka përkrahur idenë që të hapen arkivat e UÇK-së. Teksa ka folur për këtë, Kurti tha se me hapjen e arkivave, do të ndihmohej të gjendeshin të pagjeturit.Ai insiston se duhet të hapen edhe arkivat në Beograd sa më shpejt që të jetë e mundur.“Ne i kemi arkivat e shtetit tonë të cilat i përfshijnë ato gjatë luftës të UÇK-së dhe ne jeni shumë transparentë, mirëpo neve na duhet ta zbardhim fatin e të të pagjeturve, e për këtë ne duhet të hapim arkivat në Beograd sepse vrasjet e varrosjet e masakrave e më pastaj zhvarrosjet nuk janë bërë nga qytetarët serb, por nga shteti i Serbisë në mënyrë të organizuara, e që janë në arkivat e Serbisë që duhet të hapen një orë e më parë”, tha ai.
Shefi i Qeverisë ka thënë se shteti i Kosovës nuk ka çfarë të fsheh, pasi sipas tij, nga përfundimi i luftës, Kosova ka qenë nën administrimit e ndërkombëtarëve, raporton EO.
“Kosova siç e dini që nga viti 1999 e këndej, kemi qenë nën administrim ndërkombëtar, pra vend më transparent e më të hapur se Kosova nuk ka, e ajo që duhet të hapet është Serbia, sepse në katër luftëra që Serbia i ka bërë, gjenocidi që i ka bërë në Bosnjë e Kosovë, duhet të zbardhet e vërteta, që të dihen urdhërdhënësit”, tha Kurti.Sipas tij, për hapjen e arkivave duhet të flitet edhe në forume ndërkombëtare.
“Pikënisja jonë si Qeveri nuk është imagjinata jonë mbi gatishmërinë e Serbisë por mbrojtja e interesit tonë dhe vullneti për të drejtën dhe drejtësinë. Në çdo forum ndërkombëtar, kryefjalë duhet ta kemi hapjen e arkivave atje”, tha Kurti.Këto komente kreu i Qeverisë i bëri pasi morri pjesë në edicionin e 7-të të Shkollës Diplomatike organizuar nga Akademia Diplomatike e Kosovës dhe Fondacionin Friedrich-Ebertbert.
Në emisionin Kojshia Show, mysafirë ishin Hetem Ramadani – studiues i meditimit, e Daut Demaku – profesor i mendimit pozitiv dhe Albatros Rexhaj – shkrimtar.
Hetem Ramadani ka folur edhe për shpirtin, për atë se çfarë mund të sheh njeriu pasi të vdesë dhe se a mund ta ndjejë ose sheh trupin e tij.
Ai thotë se shumë njerëz që edhe sot janë në mesin tonë e kanë përjetuar vdekjen.
“Ata në një far forme janë kthyer nga vdekja dhe kanë treguar tregimet e tyre. Ata kanë qenë klinikisht të vdekur. Në një libër përshkruhen rrëfimet e 203 personave që janë kthyer nga vdekja klinike dhe janë pyetur se çfarë kanë përjetuar. Mbi 100 prej tyre kanë thënë se kanë parë dritë. Kanë qenë në një tunel por që ka qenë i ndriçuar”.
Ramadani thotë se kur janë pyetur ata për mendimet e tyre në atë kohë, pothuajse të gjithë janë penduar që s’kanë bërë më shumë për njerëzit.
“Pothuajse të gjithë në atë gjendje ishin penduar pse nuk kanë bërë më shumë mirë për njerëzit tjerë”.
Studiusi thotë se edhe personalisht gjatë meditimit e kishte larguar shpirtin nga trupi, por thotë se edhe te pacientët e vdekur klinikisht, shpirti largohet nga trupi.
“Te këtë pacientë vetja apo vetëdija është larguar gjatë operacionit dhe kanë parë e dëgjuar mjekët derisa ata operonin trupin e tyre. Me këtë mjekësi themi se ata klinikisht kanë qenë të vdekur”.
Ramadani thotë se varësisht nga kulturat e ndryshme parajsa dhe ferri tregohen ndryshe.
Ai thotë se dihet që trupi pas vdekjes shpërndahet por sipas tij edhe shkencëtarët thonë se jeta vazhdon edhe pas vdekjes se trupit./Telegrafi/
Gjetjet e studimeve të mëdha mbështesin idenë se stimulimi mendor mund të vonojë fillimin e demencës
Njerëzit që kanë punë stimuluese mendore kanë një rrezik më të ulët të demencës në vitet e mëvonshme sesa ata që nuk kanë punë të tilla, ka treguar hulumtimi.
Shkencëtarët shikuan më shumë se 100.000 pjesëmarrës të studimit nga Britania e Madhe, Evropa dhe SHBA, shkruan The Guardian.
Ata sugjeruan një shpjegim të mundshëm për përfundimin e këtij studimi të madh se stimulimi njohës shoqërohet me nivele më të ulëta të disa proteinave që mund të pengojnë procese të caktuara në tru.
Stimulimi njohës në punë u mat në fillim të studimit dhe ata që u përfshinë u ndoqën mesatarisht për 17 vjet për të përcaktuar nëse kishin zhvilluar demencë.
Studiuesit thanë se punët stimuluese njohëse përfshijnë detyra të kërkuara dhe liri të madhe për të vendosur në punë, ndërsa profesionet që konsiderohen jo stimuluese janë ato me kërkesa të ulëta dhe mungesë të kontrollit të punës.
Ata thanë se meqenëse një ekspozim i tillë ndaj stimulimit njohës në punë mund të zgjasë dekada dhe të shtojë dhjetëra mijëra orë, duhet “shumë më gjatë” sesa ndërhyrjet njohëse ose hobi stimulues njohës.
Ata zbuluan se incidenca e demencës ishte 4.8 për 10.000 njerëz në grupin me stimulim të lartë, dhe 7.3 në grupin me stimulim të ulët, duke marrë parasysh faktorë të tillë si mosha, gjinia, arsimi dhe mënyra e jetesës.
Autori kryesor Mika Kivimaki nga Instituti i Epidemiologjisë dhe Kujdesit Shëndetësor në Universitetin e Londrës, tha se “nivelet e demencës në moshën 80-vjeçare u panë te njerëzit që kishin një nivel të lartë të stimulimit mendor dhe u vëzhguan në 78.3 vjeç tek ata me nivele të ulëta stimulim mendor”.
Kjo tregon vetëm se vonesa mesatare në fillimin e sëmundjes është rreth një vit e gjysmë, por ndoshta ka dallime të rëndësishme në efekte, nga personi në person.
Sara Imarisio, kreu i kërkimit në Alzheimer Research UK, tha se “ky studim i madh shton dëshmitë se aktiviteti mendor është i rëndësishëm në zvogëlimin e rrezikut të demencës”.
Këto ushqime rekomandohen pasi ato janë të ulëta në fibra dhe treten lehtësisht
Dieta e rekomanduar nga mjekët dhe nutricionistët për njerëzit me dispepsi akute në gjuhën angleze quhet BRAT sipas inicialeve të ushqimeve që përfshijnë: banane, oriz të bardhë, salcë molle dhe çaj ose tost
“Dieta BRAT është e dobishme sepse është e butë, lehtësisht e tretshme dhe nuk përmban shumë yndyrë ose aromë, gjë që është thelbësore sepse nuk do të shkaktojë të vjella,” shpjegon James Elder, një internist në Texas Health Southwest Fort Worth.
Ushqime të tjera të lehta, të buta që mund të zëvendësojnë banane, oriz të bardhë dhe dolli, dhe salcë molle janë kreker, bollgur, vezë, pulë pa lëkurë.
Ushqimet që duhen shmangur janë ushqime të yndyrshme dhe të skuqura, ushqimi i pasur me fibra si frutat dhe perimet e papërpunuara, alkooli dhe kafeina.
Duket se kosovarët nuk po ia kanë frikën aq shumë Pandemisë për të bërë biznes.
Në bazë të të dhënave zyrtare, sivjet janë regjistruar rreth tetë mijë biznese të reja, kurse janë mbyllur vetëm katër sosh.
Pikërisht nga ndërmarrjet aktive, por edhe me metodat e tjera të mbledhjes së tatimit, Administrata Tatimore e Kosovës në periudhën janar-gusht ka inkasuar 399.3 milionë euro.
Kjo i bie 97 milionë euro më shumë se vitin e kaluar, e 64 milionë më tepër se më 2019.
Drejtori i ATK-së, Ilir Murtezaj, konsideron se kjo performancë është e kënaqshme.
“ATK ka arritur që të rrisë të hyrat tatimore më shumë sesa rritja ekonomike apo rritja e qarkullimit gjatë kësaj periudhe”, thotë ai, njofton Klan Kosova.
Megjithatë, sfidë për ATK-në mbetet veriu i vendit, meqë atje vazhdojnë të operojnë biznese që nuk i paguajnë tatim shtetit të Kosovës.
“Nuk mund të themi 100% që është monitorimi i plotë, mirëpo si institucion bëjmë përpjekje të identifikojmë përpjekjet për evazion fiskal edhe në atë pjesë të vendit”, vlerëson ai.
Sipas Murtezajt, një nga synimet kryesore të institucionit që e drejton është luftimi i ekonomisë joformale në gjithë vendin.
Qeveria e Kosovës në mbledhjen elektronike të mbajtur dje, ka marrë vendim për masat e reja për luftimin dhe parandalimin e COVID-19, masa këto të cilat kanë hyrë në fuqi sot (13 shtator) dhe do të zgjasin deri më 26 shtator.
Në mesin e masave që ka ndërmarrë Qeveria është shtyrja e procesit mësimor edhe për dy javë, si dhe mbyllja e çerdheve.Qeveria ka paraparë që familjet me fëmijë të regjistruar në çerdheve prindërit e të cilëve janë të punësuar, njëri nga ta të lirohet nga obligimi për tu paraqitur fizikisht në punë gjatë kësaj periudhe.
“Aktiviteti mësimor në institucionet publike dhe private të arsimit parauniversitar, duke përfshirë edhe institucionet e arsimit parashkollor dhe të qëndrimit ditor pezullohet deri me datë 26 shtator 2021. Ky pezullim vlen edhe për aktivitetin mësimor me prezencë fizike në institucionet publike dhe private të arsimit universitar.Për familjet me fëmijë të regjistruar në institucione parashkollore dhe me dy prindër të punësuar (ose qe ka vetëm një prind dhe ai prind është i punësuar), njëri prind lirohet nga obligimi për t’u paraqitur fizikisht në punë gjatë periudhës 13 – 26 shtator 2021″, thuhet në vendim.Po ashtu në vendim theksohet se Bartja e maskës duke mbuluar hundën dhe gojën është obligative në të gjitha rastet, përveç: Gjatë ngasjes së automjetit vetëm, apo kur në automjet janë prezentë ekskluzivisht anëtarët e ngushtë të familjes; Gjatë vrapit, çiklimit dhe ushtrimeve fizike dhe Gjatë ngrënies apo pijes. Kufizimi i qarkullimit të qytetarëve vazhdon të jetë nga ora 22:00 deri në ora 05:00.Më poshtë ua sjellim të gjitha masat antiCOVID-19 të vendosura nga Qeveria:
A. [Zbatimi territorial]1. Ky vendim zbatohet në të gjithë territorin e Republikës së Kosovës.B. [Hyrjet dhe daljet e qytetarëve në dhe nga Republika e Kosovës]2. Çdo person i cili hyn në Republikën e Kosovës, duhet të posedoj një nga dëshmitë e mëposhtme:2.1 Certifikatën e vaksinimit për vaksinimin e plotë ose marrjen e një dozë të vaksinës kundër COVID-19;2.2 Testi RT-PCR negativ për COVID-19, jo më i vjetër se 72 orë;2.3 Dëshmi se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë ose rezultat pozitiv i testit të antitrupave serologjik –IgG, i lëshuar më së shumti para 30 ditëve;2.4 Test i shpejtë antigjen negativ jo më i vjetër se 48 orë.3. Shtetasit e Republikës së Kosovës, si dhe personat me leje qëndrimi të përkohshëm ose të përhershëm në Kosovës, të cilët hyjnë në Republikën e Kosovës, në rast se nuk posedojnë një nga dëshmitë sipas pikës 2.1 deri 2.4, duhet të vetë-izolohen për 7 ditë. Këta persona duhet të plotësojnë deklaratën nën betim për vetë-izolim në pikën kufitare përkatëse.4. Nga kërkesa për të poseduar ndonjërën nga dëshmitë sipas pikës 2.1 deri 2.4 , lirohen:4.1 Personat të cilët hyjnë në Kosovë përmes aeroportit apo përmes pikave kufitare tokësore dhe largohen nga Kosova brenda tre (3) orësh përmes aeroportit ose pikave kufitare tokësore, me kusht që në hyrje të nënshkruaj deklaratën se do ta lëshojë Kosovën brenda tre (3) orësh;4.2 Personat, të cilët punojnë si transportues profesionist (vozitës), me kusht që të respektojnë protokollin për transport ndërkombëtarë për mbrojtje nga COVID- 19;4.3 Shtetasit e Republikës së Kosovës që kanë dalë jashtë Kosovës në 12 orët e fundit;4.4 Qytetarët e huaj, të cilët kalojnë nëpër Kosovë përmes transportit të organizuar me autobus ose me linjë të rregullt ndërkombëtare, transit, me kusht që të nënshkruhet deklarata se do ta lëshojnë territorin e Kosovës brenda pesë (5) orësh;4.5 Diplomatët e huaj, të akredituar në Kosovë;4.6 Personat nën moshën gjashtëmbëdhjetë (16) vjeçare.C. [Mbrojtja dhe siguria në punë]5. Në institucionet publike dhe private, deri me datë 26 shtator 2021, vazhdohet obligimi që të paraqitet në punë vetëm stafi esencial, ndërsa stafi jo esencial obligohet të punojë nga shtëpia. Për qëllime të këtij vendimi, staf esencial konsiderohen punëtorët prania fizike e të cilëve në vendin e punës është e domosdoshme për kryerjen e detyrave të punës.6. Punëdhënësit publikë dhe privatë obligohen që në bashkëpunim me punëtorët të përcaktojnë stafin esencial.7. Punëdhënësit publikë dhe privatë udhëzohen të krijojnë kushtet për kryerjen e detyrave të punës nga shtëpia për punëtorët që nuk janë staf esencial për nevojat e punëdhënësit.8. Të gjithë punonjësit e institucioneve publike, si dhe personeli i ndërmarrjeve publike në pronësi të Qeverisë apo të një komune, duhet të posedojnë një nga dëshmitë e cekura në pikën 2.1 deri 2.4, në mënyrë që t’ju lejohet hyrja në ambientet e punës.9. Nëpunësi më i lartë administrativ i çdo institucioni publik është i obliguar të caktojë një apo më shumë persona përgjegjës që do të kontrollojnë posedimin e ndonjërës nga dëshmitë e cekura në pikën 2.1 deri 2.410. Gratë shtatzëna, lirohen nga obligimi për t’u paraqitur fizikisht në punëÇ. [Masat e përgjithshme të mbrojtjes dhe higjienës]11. Obligohen institucionet publike e private, si dhe subjektet tjera, të mbajnë dezinfektues për duar dhe një sasi të maskave në vende të qasshme në hyrje të objektit si dhe në ambientet e brendshme.12. Obligohen institucionet publike e private, si dhe subjektet tjera që në hyrje të çdo objekti të vendosin shenja të dukshme të rregullave të sjelljes për mbrojtje nga COVID-19, përfshirë shenjën e ndalimit të hyrjes në objekt pa maska, respektimin e distancës.13. Obligohen përgjegjësit e institucioneve publike e private dhe subjektet e tjera që të kryejnë dezinfektimin dhe ajrosjen e hapësirave të mbyllura.14. Bartja e maskës duke mbuluar hundën dhe gojën është obligative në të gjitha rastet, përveç:14.1 Gjatë ngasjes së automjetit vetëm, apo kur në automjet janë prezentë ekskluzivisht anëtarët e ngushtë të familjes;14.2 Gjatë vrapit, çiklimit dhe ushtrimeve fizike;14.3 Gjatë ngrënies apo pijes.15. Ndalohet hyrja në ambientet e mbyllura pa maskë.16. Obligohen të gjitha institucionet publike dhe private që të përcaktojnë një punonjës të monitorojë zbatimin e masës të përcaktuar në pikën 15.D. [Kufizimi i qarkullimit]17. Kufizimi i qarkullimit të qytetarëve vazhdon të jetë nga ora 22:00 deri në ora 05:00, përveç:17.1 Rasteve të natyrës urgjente (për të kërkuar ndihmë mjekësore, blerje të barnave, për të ofruar kujdes ose ndihmë mjekësore, për të shmangur dëmtimin ose për t’i shpëtuar një rreziku lëndimi);17.2 Qarkullimit për personelin shëndetësor, të sigurisë dhe operatorët që kryejnë punë apo shërbime publike;17.3 Personelin e ndërrimit të natës të operatorëve ekonomikë që sigurojnë funksionimin e zinxhirit të furnizimit (përfshirë transportin e mallrave/shërbimeve), por me kusht që të pajisen me leje të veçantë nga sistemi EDI i Administratës Tatimore të Kosovës.17.4 Personat të cilët ofrojnë dëshmi se duhet të jenë në aeroport gjatë orarit të kufizimit të qarkullimit, për shkak se kanë për të udhëtuar përmes aeroplanit;17.5 Personave ndaj të cilët aplikohet leja e veçantë e përkohshme që lëshohet nga Qendra Operative Emergjente e Ministrisë së Punëve të Brendshme, sipas pikës 19, për shkak të domosdoshmërisë së qarkullimit gjatë orës policore.18. Obligohen punëdhënësit të sigurojnë që punëtorët e tyre që i nënshtrohen kufizimit nga pika 17 të kenë kohë të mjaftueshme për të udhëtuar në banesat e tyre.19. Qendra Operative Emergjente e Ministrisë së Punëve të Brendshme mundet që të lëshojë leje të veçantë, për persona të cilët ofrojnë dëshmi të mjaftueshme për domosdoshmërinë që kufizimi i qarkullimit të orarit të ju zgjatet përkohësisht.Dh. [Institucionet e arsimit]20. Aktiviteti mësimor në institucionet publike dhe private të arsimit parauniversitar, duke përfshirë edhe institucionet e arsimit parashkollor dhe të qëndrimit ditor pezullohet deri me datë 26 shtator 2021. Ky pezullim vlen edhe për aktivitetin mësimor me prezencë fizike në institucionet publike dhe private të arsimit universitar.21. Për familjet me fëmijë të regjistruar në institucione parashkollore dhe me dy prindër të punësuar (ose qe ka vetëm një prind dhe ai prind është i punësuar), njëri prind lirohet nga obligimi për t’u paraqitur fizikisht në punë gjatë periudhës 13 – 26 shtator 2021.22. Studentët në mënyrë që të ju mundësohet regjistrimi në konvikt duhet të posedojnë ndonjërën nga dëshmitë e cekura në pikën 2.1 deri 2.4.23. Studentët në institucionet publike dhe private universitare duhet të posedojnë ndonjërën nga dëshmitë e cekura në pikën 2.1 deri 2.4., në mënyrë që të ju lejohet hyrja në objektin e institucionit.24. Stafi në të gjitha institucionet publike dhe private të të gjitha niveleve të arsimit duhet të posedojnë ndonjërën nga dëshmitë e cekura në pikën 2.1 deri 2.4, në mënyrë që të ju lejohet hyrja në objektin e institucionit.25. Nëpunësi më i lartë i çdo institucioni sipas pikës 22, 23 dhe 24, është i obliguar me vendim të caktojë një apo më shumë persona përgjegjës që do të kontrollojnë posedimin e ndonjërës nga dëshmitë e cekura në pikën 2.1 deri 2.4.26. Të gjitha institucioneve publike dhe private të të gjitha niveleve të arsimit, iu ndalohet organizimi i aktiviteteve jashtë mësimore, siç janë ekskursionet, shëtitjet grupore, ahengjet e ndryshme të stafit mësimor apo të nxënësve – studentëve.E. [Paraqitja për skemat sociale dhe pensionale]27. Ministria e Financave, Punës dhe Transfereve udhëzohet të lirojë të gjithë përfituesit e skemave sociale dhe pensionale që menaxhohen nga MFPT-ja nga paraqitja e rregullt në zyrat përkatëse për qëllime të evidentimit, siç kërkohet me ligjet përkatëse..F. [Kufizimi i mbledhjeve publike dhe private]28. Lejohen grumbullimet në ambiente të mbyllura deri në njëzet (20) persona (punëtori, mbledhje, seminare, trajnime). Organizatori obligohet të siguroj distancën fizike prej 1.5 metër në mes të personave.28.1 Mbledhjet e Kuvendit dhe të Qeverisë lejohen pavarësisht numrit të personave, duke u respektuar mbajtja e maskave dhe distanca sociale.29. Qendra Operative Emergjente e Ministrisë së Shëndetësisë mundet që të lëshojë leje të veçantë, që tejkalon numrin prej njëzet (20) persona, për ngjarje të rëndësisë së veçantë në funksion të interesit publik.30. Lejohen grumbullimet dhe ngjarjet kulturore në ambiente të jashtme deri në pesëdhjetë (50) persona (publiku). Organizatori obligohet të sigurojë mbajtjen e distancës fizike prej 1.5 metër në mes të personave.31. Pavarësisht pikës 28 dhe 30, për koncerte dhe festivale vlen pika 34.32. Mbajtja e pritjes për ngushëllim/kryeshëndoshë ndalohet.33. Lejohen funeralet vetëm me pjesëmarrje të familjes së ngushtë, duke siguruar që pjesëmarrësit të mbajnë distancë fizike prej 1.5 metër nga njëri-tjetri.G. [Ndalimi i veprimtarive dhe organizimeve të caktuara]34. Pavarësisht numrit të personave, ndalohet veprimtaria e klubeve të natës si dhe organizimi i festivaleve, koncerteve, ekskursioneve, pelegrinazheve, dasmave, fejesave, ahengjeve familjare dhe shoqërore, në të gjithë territorin e Republikës së Kosovës.Gj. [Gastronomia]35. Shërbimet e gastronomisë lejohen të zhvillojnë aktivitetin e tyre në përputhje me udhëzuesin përkatës.36. Ndalohet shërbimi në gastronomi në hapësirat e mbyllura. Qëndrimi i klientëve (shërbimi i ushqimit dhe pijeve) lejohet vetëm në hapësirat e hapura të lokaleve të gastronomisë. Lejohet shfrytëzimi i jo më shumë se 70 % e kapacitetit të hapësirës së hapur. Sipërfaqja llogaritet për zonën ku shërbehet ushqimi dhe pijet.37. Kuptimi i shprehjes ‘hapësirë e hapur’ dhe ‘hapësirë e mbyllur’ ka të njëjtin kuptim me Ligjin Nr. 04/L-156 për Kontrollin e Duhanit.38. Klientët duhet të qëndrojnë ulur në çdo kohë në kuadër të lokaleve të shërbimeve të gastronomisë në të cilën lejohet shërbimi i ushqimit apo pijeve, përveç:38.1 Gjatë hyrjes apo daljes nga ambienti i lokalit:38.2 Ndërsa paguan porosinë;38.3 Gjatë shkuarjes apo kthimit nga tualeti;38.4 Kur është e nevojshme për qëllime të shëndetit dhe sigurisë.39. Në rastet nga pika 38.1 deri 38.4 është e obliguar bartja e maskës duke mbuluar hundën dhe gojën.40. Shërbimet e gastronomisë lejohet të zhvillojnë aktivitetin e tyre nga ora 05:00 deri në orën 21:30.41. Muzika lejohet vetëm deri në orën 21:00.
42. Përgjegjësit e lokaleve duhet të sigurohen që distanca ndërmjet klientëve në tavolina të ndryshme të jetë së paku një (1) metër.43. Pjesa e prapme e një karrigeje, me pjesën e prapme të karriges tjetër duhet jenë në distancë së paku një (1) metërshe.44. Çdo tavolinë duhet të jetë e pajisur me dezinfektues që përmbajnë së paku 60% alkool.45. Shërbimi “dërgesë me porosi” lejohet të funksionojë edhe pas orës 22:00, pas pajisjes me leje të veçantë nga sistemi EDI (ATK).H. [Qendrat tregtare dhe operatorët e tjerë ekonomikë]46. Lejohet veprimtaria e qendrave tregtare sipas udhëzuesit përkatës.47. Obligohen të gjithë operatorët, të cilët për veprimtari ekonomike e kanë tregtinë me shumicë dhe pakicë, që të përcaktojnë numrin maksimal të klientëve në lokal në të njëjtën kohë sipas rregullit – 1 person për 8 m2. Këta operatorë obligohen të shënojnë në hyrje numrin maksimal të klientëve të lejuar në të njëjtën kohë. Sipërfaqja llogaritet për zonën ku lejohen të qëndrojnë klientët.48. Në kuadër të qendrave tregtare dhe operatorëve të tjerë ekonomikë, ndalohet puna/përdorimi i këndeve të lojërave për fëmijë. Ndërsa për shërbimet e gastronomisë në kuadër të qendrave tregtare vlen pika 36.49. Nga data 27 shtator 2021, klientët dhe stafi në qendra tregtare dhe qendra të thirrjeve (call center) duhet të posedojnë ndonjërën nga dëshmitë e cekura në pikën 2.1 deri 2.4, në mënyrë që t’ju lejohet hyrja në objekt.50. Në qendrat tregtare dhe qendrat e thirrjeve (call center) është e obliguar të caktohet një apo më shumë persona përgjegjës që do të kontrollojnë posedimin e ndonjërës nga dëshmitë e cekura në pikën 2.1 deri 2.4.I. [Puna me palë]51. Personi përgjegjës i institucionit publik apo privat dhe i operatoreve ekonomikë, obligohet që të ndalojë rreshtimin apo tubimin brenda dhe jashtë ambientit të punës/biznesit, përveç nëse mbahet distancë fizike prej të paktën 1.5 metra nga grupet e tjera të personave.J. [Transporti publik]52. Ndalohet hyrja në mjetet e transportit publik pa maskë.53. Operatorët e transportit rrugor të udhëtareve lejohen të punojnë duke shfrytëzuar 50% të kapacitetit të ulëseve.54. Në taksi lejohen të udhëtojnë deri në dy (2) udhëtarë.K. [Teatrot, bibliotekat, etj.]55. Kinematë, qendrat rinore, qendrat e kulturës me grupe apo institucionet tjera të ngjashme vartëse të MKRS-së apo të Komunave, deri me datë 26 shtator 2021 pezullojnë aktivitetin e tyre.55.1. Teatrot, orkestrat, ansamblet, baleti lejohet të organizojnë shfaqje online (pa prezencë të publikut) si dhe të mbajnë ushtrimet.56. Nga data 27 shtator veprimtaritë sipas pikës 55, lejohet te punojnë duke shfrytëzuar 30% të kapacitetit të hapësirës/sipërfaqeve të objekteve përkatëse. Obligohet mbajtja e maskës dhe distancës fizike prej 1.5 metër në mes të personave.57. Shfrytëzuesit e veprimtarive sipas pikës 55, duhet të posedojnë ndonjërën nga dëshmitë e cekura në pikën 2.1 deri 2.4, në mënyrë që t’ju lejohet hyrja në objekt.58. Bibliotekat dhe muzetë lejohen të punojnë duke shfrytëzuar 30% të kapacitetit të hapësirës/sipërfaqeve të objekteve përkatëse. Obligohet mbajtja e maskës dhe distancës fizike prej 1.5 metër në mes të personave.59. Shfrytëzuesit e bibliotekave dhe muzeve, duhet të posedojnë ndonjërën nga dëshmitë e cekura në pikën 2.1 deri 2.4, në mënyrë që t’ju lejohet hyrja në objekt.60. Në biblioteka dhe muze duhet të caktohet me vendim një apo më shumë persona përgjegjës që do të kontrollojnë posedimin e ndonjërës nga dëshmitë e cekura në pikën 2.1 deri 2.4.L. [Sporti dhe rekreacioni]61. Lejohen organizimi i garave sportive dhe stërvitjeve përkitazi me protokollet dhe rekomandimet e organizatave botërore për organizimin e ngjarjeve sportive dhe me masat mbrojtëse të Qeverisë së Republikës së Kosovës.62. Numri i pjesëmarrësve në garë (sportistë, klube, zyrtarë, dhe pjesëmarrës tjerë të nevojshëm për zhvillimin e garës) përcaktohet nga federatat sportive duke respektuar masën e distancës dhe masat tjera mbrojtëse.63. Në aktivitetet garuese në hapësira të mbyllura nuk lejohet prania e shikuesve.64. Në aktivitetet garuese në hapësira të jashtme lejohet prania e shikuesve deri në 5% të kapacitetit të objektit apo hapësirës sportive (stadium, salla sportive, pishina, hapësira të tjera të mbyllura) duke respektuar masën e distancës prej 1.5 metra dhe masat tjera mbrojtëse.65. Shikuesit në aktivitetet garuese në hapësira të jashtme, duhet të posedojnë një nga dëshmitë e cekura në pikën 2.1 deri 2.4.66. Organizatorët e garës janë të obliguar të caktojnë persona përgjegjës për kontrollimin e posedimit të ndonjërës nga dëshmitë sipas pikës 2.1 deri 2.4, si dhe të ndërmarrin masat specifike, në përputhshmëri me protokollet ndërkombëtare, për menaxhimin e masës (tifozëve) para, gjatë dhe pas hyrjes në hapësirën sportive.67. Lejohet shfrytëzimi i fitneseve, palestrave dhe të ngjashme për aktivitete individuale rekreative. Klientët dhe stafi, duhet të posedojnë ndonjërën nga dëshmitë e përcaktuara në pikën 2.1 deri 2.4 të këtij Vendimi.68. Çdo fitnes, palestër dhe i ngjashëm është i obliguar të caktojë të paktën një punonjës i cili do të kontrollojë posedimin e ndonjërës nga dëshmitë e cekura në pikën 2.1 deri 2.4.69. Shfrytëzimi i fitneseve, palestrave dhe të ngjashme, bëhet në proporcion 1 klient në 10 m2.70. Obligohet vendosja e shenjave informuese dhe dezinfektuesve (apo mjeteve të tjera për pastrimit) në secilën pajisje të fitnesit me qëllimit të vetëdijesimit dhe dezinfektimit të tyre nga secili klient pas përdorimit.LL. [Banjat termale]71. Nga data 13 shtator 2021, për të hyrë në banja termale, klientët dhe stafi duhet të posedojnë ndonjërën nga dëshmitë e përcaktuara në pikën 2.1 deri 2.4 të këtij Vendimi. Obligohet caktimi i të paktën një punonjësi i cili do të kontrollojë posedimin e ndonjërës nga dëshmitë e cekura në pikën 2.1 deri 2.4.M. [Tregjet dhe therja e kafshëve]72. Tregjet publike të automjeteve, kafshëve dhe shpezëve lejohet të zhvillojnë veprimtarinë duke shfrytëzuar 20% të kapacitetit të hapësirës/sipërfaqeve të objekteve përkatëse. Obligohet mbajtja e maskës dhe vendosja e tezgave në distancë fizike prej të paktën 2 metra.N. [Të dhënat personale dhe mënyra e kontrollimit të dëshmive sipas pikës 2.1 deri 2.4]73. Caktimi i personave të autorizuar apo punonjësve të autorizuar sipas pikave 9, 25, 49, 50, 60, 68, 71 bëhet përmes vendimit ku përcaktohet emri dhe mbiemri i personit të autorizuar.74. Prezantimi i dëshmive të përmendura në pikat 2.1 deri 2.4, bëhet në një formë e cila nuk lejon që personat e autorizuar ose shërbimet e autorizuara për të kontrolluar posedimin e tyre, t’i mbajnë, t’i ruajnë, t’i regjistrojnë apo përpunojnë të dhënat që përbehen në dëshmi në çfarëdo forme, përpos nëse subjekti i të dhënave ka dhënë pëlqimin e tij në formë të shkruar për përpunimin e këtyre të dhënave.75. Personat e autorizuar dhe të caktuar me emër, për të kontrolluar dëshmitë përmendura në pikat 2.1 deri 2.4, në rastet kur subjekti i të dhënave ka dhënë pëlqimin e tij në formë të shkruar për përpunimin e këtyre të dhënave, nuk lejohen t’i mbajnë të dhënat ose ripërdorin ato për qëllime të tjera, përveç për konstatimin e posedimit të dëshmive, në interes të shëndetit publik dhe për qëllimet e vetme për të luftuar përhapjen e pandemisë COVID-19.Nj. [Udhëzuesit dhe sqarimet]76. Obligohet Ministria e Shëndetësisë që të nxjerrë udhëzuesit e përkohshëm, të përgjithshëm dhe të veçantë për parandalimin dhe luftimin e COVID-19, si në vijim:76.1. Udhëzues i Përkohshëm për aplikimin e masave të përgjithshme për parandalimin dhe luftimin e COVID-19;76.2. Udhëzues i Përkohshëm për sektorin e shërbimeve personale dhe bizneseve, industrisë, administratës publike dhe OJQ-ve;76.3. Udhëzues i Përkohshëm për institucionet arsimore të të gjitha niveleve;76.4. Udhëzues i Përkohshëm për gastronomi, hoteleri, sektorin e shitjes dhe qendra tregtare;76.5. Udhëzues i Përkohshëm për tubimet fetare, varrime, punëtori dhe aktivitete kulturore,76.6. Udhëzues i Përkohshëm për fitnese, palestra dhe aktivitete tjera rekreative dhe sportive;76.7. Udhëzues i Përkohshëm për transportin publik;76.8. Udhëzues i Përkohshëm për institucionet e kujdesit shëndetësor;76.9. Udhëzues i Përkohshëm për aviacionin civil;76.10. Udhëzues i Përkohshëm për institucionet korrektuese, qendra të azilit dhe të mbajtjes për të huaj;77. Udhëzuesit nga pika 76 janë të detyrueshëm për të gjithë personat dhe sektorët ndaj të cilëve zbatohen.78. Obligohet Ministria e Shëndetësisë që në rast nevoje të nxjerr sqarime për pikat e këtij vendimi.O. [Zbatimi]79. Obligohet Ministri i Shëndetësisë, AUV dhe Policia e Kosovës, që në bashkëpunim me shtabet emergjente komunave, të mbikëqyrë zbatimin e këtij vendimi dhe të dorëzojnë në Zyrën e Kryeministrit raport javor (çdo të premte deri në orën l6:00).80. Obligohet Ministria e Shëndetësisë, ShSKUK dhe IKShPK të dorëzojnë në Zyrën e Kryeministrit raportin javor (çdo të premte deri në orën 16:00) për zbatimin e masave, gjendjen në institucionet shëndetësore, gjendjen epidemiologjike si dhe parashikimet për dy javët në vijim.81. Obligohet Ministria e Shëndetësisë që, bazuar në Ligjin Nr. 07/L-006 për Parandalimin dhe Luftimin e Pandemisë COVID-19, në territorin e Republikës së Kosovës të nxjerrë vendime operacionale varësisht prej situatës epidemiologjike dhe rekomandimeve të IKShPK-së.82. Obligohet Policia e Kosovës dhe inspektoratet përgjegjëse të mbikëqyrin zbatimin emasave, vendimeve të tjera dhe udhëzuesve përkatës në zbatim të Ligjit Nr. 07/L-006 për Parandalimin dhe Luftimin e Pandemisë në territorin e Republikës së Kosovës.83. Për shkelësit e masave, organet kompetente obligohen të shqiptojnë masat ndëshkimore sipas Ligjit Nr. 07/L-006 për Parandalimin dhe Luftimin e Pandemisë COVID-19 në territorin e Republikës së Kosovës dhe ligjeve të tjera në fuqi.84. I vetmi autoritet që mund të interpretojë këtë vendim është Ministria e Shëndetësisë, ndërkaq çdo institucion tjetër mund të ofrojë sqarime për kategoritë respektive për të cilat aplikohet ky vendim, vetëm pas miratimit të atij sqarimi nga ana e Ministrisë së Shëndetësisë.P. [Shfuqizimi i vendimit Nr. 01/32]85. Shfuqizohet Vendimi i Qeverisë Nr. 01/32, i datës 28.08.2021.Q. [Hyrja në fuqi]86. Vendimi hyn në fuqi ditën e publikimit në Gazetën Zyrtare të Republikës së Kosovës.ArsyetimMasat për ruajtjen e shëndetit publik dhe mbrojtjen nga COVID-19 janë provuar si jetike për të kufizuar transmetimin e COVID-19 dhe për të zvogëluar vdekjet. Sipas raporteve të fundit të Institutit Kombëtar të Shëndetësisë Publike të Kosovës, situata epidemiologjike me COVID– 19, në Kosovë vazhdon të jetë e rëndë.Në një situatë të tillë, duke ju referuar të dhënave aktuale mbi situatën epidemiologjike dhe rekomandimeve të IKShPK – së, Qeveria ka ndërmarrë masa të cilat për qëllim kryesor kanë ruajtjen e shëndetit publik si dhe parandalimin e shpërndarjes së COVID-19.Duke konsideruar se në gjendjen e njohurive shkencore në dispozicion, rreziqet e transmetimit të virusit COVID-19 zvogëlohen në mes të njerëzve që janë vaksinuar, shëruar së fundmi apo që sapo kanë rezultuar negativ ndaj pranisë së virusit COVID-19, Qeveria ka ndërmarrë masa kufizuese, me qëllim të kontrollit dhe parandalimit të shpërndarjes së COVID-19, në aktivitetet dhe bizneset të cilat bashkojnë një numër të madh njerëzish në të njëjtin vend, dhe në të cilat ruajta e distancës fizike është e vështirë dhe kështu paraqesin një rrezik në rritje të transmetimit të virusit.Masat e ndërmarra janë proporcionale me rreziqet shëndetësore të shkaktuara dhe të përshtatshme me rrethanat e kohës dhe vendit, si dhe të bazuara në autorizimet e Ligjit Nr. 07/L-006 për Parandalimin dhe Luftimin e Pandemisë Covid-19 në Territorin e Republikës së Kosovës. Masat e ndërmarra përmes këtij vendimi nuk përcaktojnë, në asnjë rast obligimin e vaksinimit të detyrueshëm, duke qenë se kufizimet e vendosura ndaj publikut mund të përmbushen me paraqitjen e dëshmisë së statusit të vaksinimit, të rezultatit të një testimi që arrin në përfundimin se personi nuk është i infektuar me COVID-19, ose se personi është shënuar nga COVID-19 dhe ka antitrupa të mjaftueshëm.Vendimi për masat kundër COVID-19 është bazuar në vlerësimin e situatës së intensitetit të transmetimit dhe kapacitetit të sistemit shëndetësor për t’u përgjigjur, por duke i vlerësuar ato edhe nën dritën e efekteve të këtyre masave që mund të ketë në mirëqenien e përgjithshme të shoqërisë dhe individëve.Ministria e Shëndetësisë ka bashkërenduar vendimmarrjen me palët e interesit, të cilat kanë qenë të ndikuara drejtpërdrejt apo tërthorazi nga pandemia. Qeveria vëren se këto palë kanë ushtruar të drejtën e tyre për ndikim demokratik në vendimmarrje, në përputhje me nenin
45.3 të Kushtetutës.Masat e përcaktuara në këtë vendim si dhe afatet kohore shërbejnë që situata epidemiologjike të mbahet nën kontroll por nuk përjashtojnë mundësinë e ndërmarrjes së masave të reja kufizuese apo lehtësuese.Prandaj, në bazë të rekomandimeve të dhëna nga IKShPK-së, ministritë e linjës, palët e inte- resit dhe ekspertët përkatës, u vendos si në dispozitiv të këtij vendimi.
Mikrobiologu, Lul Raka, në një status në Facebook ka shpjeguar pse disa shtete po praktikojnë dhënien e dozës së tretë anti-Covid tek qytetarët e tyre. Ai ka treguar se kjo vaksinë po jepet pasi që disa persona nuk grumbullojnë numrin e duhur të anti-trupave andaj kjo dozë ua forcon imunitetin atyre.
Po ashtu, ai ka thënë se doza e tretë (ose doza shtesë) u jepet personave me sistem imunitar të kompromituar apo të dobësuar rëndë, pasi që ata nuk arrijnë të krijojnë nivel adekuat të mbrojtjes me vaksinimin standard. Sistemi imunitar i tyre mund të kompromitohet për shkak të sëmundjes shoqëruese ose terapisë mjekësore.Ky është statusi i plotë i tij:
DOZAT SHTESË TË VAKSINAVE KUNDËR COVID-19Çka është doza përforcuese (“booster”) dhe çka është doza e tretë?Dozat përforcuese u jepen personave të shëndoshë, të cilët e kanë përfunduar serinë primare të vaksinimit dhe kanë zhvilluar përgjigje të mirë imunitare. Ky imunitet mund të ulet me kalimin e kohës, prandaj doza përforcuese jepet për ta “përforcuar” imunitetin.
Doza e tretë (ose doza shtesë) u jepet personave me sistem imunitar të kompromituar apo të dobësuar rëndë, pasi që ata nuk arrijnë të krijojnë nivel adekuat të mbrojtjes me vaksinimin standard. Sistemi imunitar i tyre mund të kompromitohet për shkak të sëmundjes shoqëruese ose terapisë mjekësore.PËR DHE KUNDËR VAKSINIMIT SHTESË
• Pyetja kryesore lidhur me kohëzgjatjen e imunitetit pas vaksinimit kundër Covid ende nuk ka përgjigje përfundimtare. Por, disa të dhëna të fundit shkencore të nxjerra nga vendet që kanë programe të avancuara të vaksinimit, dëshmojnë se mbrojtja kundër infeksionit SARS-CoV-2 fillon të ulet me kalimin e kohës pas dozave fillestare të vaksinimit, veçanërisht tek personat me rrezik më të lartë ose tek ata që janë vaksinuar në fillim. Prandaj, sipas këtyre rezultateve do të nevojitet një dozë përforcuese e vaksinës për të rritur në maksimum mbrojtjen vaksinale dhe për të zgjatur qëndrueshmërinë e veprimit të saj.• Në anën tjetër, Organizata Botërore e Shëndetësisë dhe disa ekspertë të tjerë, përfshirë disa nga Universiteti i Oksfordit theksojnë se sot në nivelin global, prioritet absolut është vaksinimi primar dhe mbështetja e imunizimit për vendet e pazhvilluara e jo dozat shtesë të vaksinës. Nga mesatarisht 35 milionë doza ditore të vaksinave kundër Covid-19 që jepen sot në botë, vetëm 1.5% jepen në vendet e pazhvilluara.• Nuk ka ende një konsensus midis shkencëtarëve për nevojën e zbatimit të dozave përforcuese apo të treta të vaksinave, por me rritjen e frikës nga valët pasuese pandemike dhe nga bllokadat e tjera, të cilat janë po ashtu të kushtueshme, një numër i shteteve tashmë kanë filluar t’u japin shtetasve të tyre dozat përforcuese ose të treta të vaksinës.ÇKA THOTË ECDC (EUROPEAN CENTER FOR DISEASE CONTROL) PËR DOZAT SHTESË TË VAKSINAVE KUNDËR COVID-19• Sigurimi i vaksinimit për të gjithë individët e përzgjedhur sipas planit të vaksinimit duhet të jetë prioritet për programet e vaksinimit COVID-19 në Bashkimin Evropian.• Kur të vlerësohet nevoja për doza të mundshme përforcuese të vaksinës COVID-19 duhet të merret parasysh qëllimi kryesor i strategjisë së vaksinimit, i cili në fakt është parandalimi i rasteve të rënda të COVID-19. Efektiviteti i vaksinës kundër formave të rënda të sëmundjes duhet të jetë synimi kryesor për të vlerësuar nëse ka nevojë të qartë për një dozë përforcuese në grupe të veçanta të popullatës.• Dëshmitë aktuale në këtë kohë në lidhje me efektivitetin e vaksinës ‘në botën reale’ dhe kohëzgjatjen e mbrojtjes, tregojnë se të gjitha vaksinat e autorizuara në BE janë aktualisht shumë efikase kundër hospitalizimit, sëmundjes së rëndë dhe vdekjes, duke sugjeruar se nuk ka nevojë urgjente për administrimin e dozave përforcuese të vaksinave për individët plotësisht të vaksinuar në popullsinë e përgjithshme.• Duhet të merret në konsideratë mundësia e administrimit të një doze shtesë të vaksinës për njerëzit që mund të përjetojnë një përgjigje të kufizuar imunitare ndaj vaksinimit COVID-19, siç janë disa kategori të individëve me imunitet të dëmtuar (p.sh. marrës të transplantit).• Për individët me imunitet të komprometuar, duhet gjithashtu të merret parasysh vaksinimi i plotë kundër COVID-19 i të gjithë familjarëve dhe kontakteve të ngushta, përfshirë profesionistët shëndetësorë.• Duhet vazhduar monitorimi i ngushtë i të dhënave të efektivitetit të vaksinave dhe infeksioneve tek të vaksinuarit, veçanërisht midis grupeve të cenueshme.• Masat kryesore për zvogëlimin e rrezikut të transmetimit të SARS-CoV-2 mbeten distancimi fizik, mbajtja e maskave (veçanërisht kur distanca fizike nuk mund të mbahet), higjiena e duarve dhe ajo respiratore. Këto masa parandaluese jofarmaceutike duhet të përplotësojnë gjithmonë vaksinimin, veçanërisht në mjedise me rrezik të lartë, siç janë shtëpitë e pleqve dhe institucionet shëndetësore.• Për të vendosur për politikat e ardhshme mbi dozat përforcuese, nevojiten më shumë të dhëna shkencore solide.• Përfitimet dhe rreziqet nga dozat e mundshme përforcuese duhet të përshkruhen dhe të krahasohen qartë. Përfitimet mund të përfshijnë mbrojtjen kundër trajtave mesatare dhe të rënda të sëmundjes, gjendjen pas COVID-19 ( ‘COVID i gjatë’), infeksionin me SARS-CoV-2 dhe përhapjen e virusit. Rreziqet përfshijnë shqetësimet e mundshme të sigurisë dhe implikimet në shëndetin publik (p.sh. ndikimi tek popullata për besimin dhe marrjen e vaksinave, disponueshmëria globale e vaksinave).• Komunikimi për dozat e mundshme shtesë të vaksinës duhet të konsiderohet me kujdes dhe të bëhet në mënyrë transparente, proaktive dhe të qartë për të shmangur dëmtimin e besueshmërisë në vaksinim.• Në kontekstin e situatës kur shumë vende jashtë BE ende po përpiqen të marrin dhe administrojnë doza të mjaftueshme vaksine për popullatat e tyre, konsideratë e veçantë duhet t’i kushtohet mungesës aktuale globale të vaksinave COVID-19, e cila mund të përkeqësohet më tej nga administrimi i dozave përforcuese të vaksinave COVID-19 për popullatën e përgjithshme në vendet e BE.
(https://www.ecdc.europa.eu/sites/default/files/documents/Interim-public-health-considerations-for-the-provision-of-additional-COVID-19-vaccine-doses.pdf )
SI KANË VEPRUAR SHTETET E NDRYSHME?GJERMANIA – duke filluar nga shtatori, planifikon ta aplikojë dozën shtesë të vaksinës Pfizer-BioNTech ose Moderna për të moshuarit, banorët e shtëpive të pleqve dhe personat me sistem imunitar të komprometuar. Po ashtu, dozë përforcuese planifikon t’i japë çdokujt që ka marrë dy doza AstraZeneca ose një dozë të vetme Johnson & Johnson.IZRAELI- një prijës i hershëm në vaksinimin, por që sot ka mbetur prapa shumë vendeve të BE-së, tashmë ka dhënë mbi 1 milionë doza përforcuese për personat mbi 50 vjeç.TURQIA- ka filluar dhënien e dozave përforcuese në korrik për stafin shëndetësor dhe të moshuarit. Doza përforcuese iu ka dhënë edhe të gjithë qytetarëve për qëllime udhëtimi, në vendet të cilat nuk i pranojnë vaksinat kineze apo ruse.SHBA- nga 20 shtatori, do të ofrojë dozë përforcuese për të gjithë qytetarët amerikanë 8 muaj pas vaksinimit me dozën e dytë. FDA e ka miratuar për përdorim në grupet e pacientëve që kanë pasur transplante dhe ata me imunitet të kompromituar, por ende nuk ka dhënë rekomandim për grupet tjera të popullatës. Prej 18-31 gusht, tashmë afër 1 milionë persona të këtij grupi e kanë marrë dozën e tretë. SHBA nuk do të praktikojë përzierjen e vaksinave përforcuese, por do të japë të njejtën vaksinë sikur në 2 dozat e para.RUSIA- një muaj më parë, vuri në dispozicion doza shtesë për këdo, gjashtë muaj pas vaksinimit.HUNGARIA- filloi t’u ofrojë personave të vaksinuar doza përforcuese katër muaj pas vaksinimit.FRANCA ka filluar më 1 Shtator të japë vaksinat përforcuese për personat me sistem imunitar të dobësuar, personat mbi 75 vjeç dhe ata me probleme serioze shëndetësore.BRITANIA- planifikon ofrimin e dozave përforcuese në shtator për të gjithë personat mbi 12 vjeç me probleme imune ose sëmundje kronike. Lidhur me vendimin për dozat përforcuese për pjesën tjetër të popullatës së shëndoshë priten ende dëshmi shkencore në bazë të të cilave do të merret vendimi.ITALIA dhe SPANJA, po ashtu kanë miratuar dhënien e dozës së tretë për grupet e rrezikuara.URUGUAJI, KAMBOXHA, EKUADORI DHE TAJLANDA- po ashtu kanë ofruar doza përforcuese me Pfizer, pas vaksinimit primar me vaksina Sinovac e Sinopharm.EMIRATET E BASHKUARA ARABE- e kanë bërë vaksinimin me dozë përforcuese obligativ për të gjithë personat që kanë marrë vaksina Sinovac.Këto plane të shteteve të përmendura pritet që të rrisin në maksimum mbrojtjen tek personat e cenueshëm nga Covid-19 përpara muajve të dimrit, kur rritja e mundshme e rasteve së bashku me sëmundjet e tjera sezonale mund t’i vejë përsëri nën presion sistemet shëndetësore.ÇKA DUHET TË BËJË KOSOVA?
• Me një shkallë të vaksinimit të plotë të popullatës prej vetëm afër 20%, Kosova duhet të përqëndrohet në rritjen e shpejtë të kësaj përqindjeje me dozën e parë dhe të dytë.• Autoritetet shëndetësore në Kosovë e botë, nuk e kanë luksin të presin për përgjigjet përfundimtare nga studimet shkencore apo arritjen e konsensusit të plotë mes shkencëtarëve për dozën përforcuese apo të tretë të vaksinës sepse atëherë mund të jetë vonë.• Duke marrë në konsideratë sfidat dhe vonesat eventuale në sigurimin e vaksinave, të panjohurat që e kanë përcjellë vazhdimisht koronavirusin me variantet e reja, Kosova duhet fillimisht të planifikojë të japë dozat shtesë për grupet e rrezikuara të popullates dhe të mendojë për më vonë edhe për grupet e tjera të popullatës. Ato duhet t’i sigurojë tash, sepse më vonë nuk do të ketë vaksina të mjaftueshme në treg.Në ndërkohë, duhet të përcjellim të dhënat e fundit shkencore dhe të jemi të përgatitur për ta modifikuar planin e dozave përforcuese sipas të dhënave më të reja shkencore.
Instituti Hidrometerologjik i Kosovës (IHK) ka bërë të ditur së kjo javë fillon me kushte të qëndrueshme meteorologjike.
Parashihen intervale të gjata me diell dhe me pak vranësira të cilat më të fokusuara do të jenë nga dita e enjte dhe gjatë vikendit.
Këto vranësira do të fuqizohen gjatë ditëve të vikendit duke bërë që të kemi ndryshime në kushtet atmosferike.
Parashihen riga shiu të cilat herë-herë do të jenë të intensitetit mesatar deri të lartë.
Temperaturat minimale do të lëvizin ndërmjet 9-11 gradë Celsius, ndërsa maksimalet e ditës parashihen të lëvizin ndërmjet 26-29 gradë Celsius.
Do të fryjë erë drejtimesh të ndryshme, por dominuese do të jetë drejtimi i verilindjes, ku shpejtësia maksimale parashihet të arrijë deri 11m/s.
Kandidati i PDK-së për kryetar të Prizrenit, Shaqir Totaj, ka shpalosur sot programin e tij zgjedhor në disa fshatra të Hasit.
Totaj thotë se në këto fshatra ka marrë mbështetje për zgjedhjet e 17 tetorit.
“Këtë të diele e kalova në Has, vendin tim të bukur. Edhe kësaj radhe, me hasianët e mijë diskutuam vëllazërisht për Hasin e Prizrenin”, shkruan Totaj.
“Në takimet e shumta me qytetarë, shpalosa programin e PDK-së për Prizrenin. Qytetarët shpjeguan nevojat e kërkesat e tyre, të cilat nuk u plotësuan nën udhëheqjen katër vjeçare të Haskukës”.
“Përkrahja e banorëve në Gjonaj, Krajk, Lukinaj, Romaj, Kushnin, Kabash, Lugisht e Dedaj për PDK-në e ekipin tim është e fuqishme. Nga bashkëbisedimet me banorët e këtyre fshatrave, kuptova se fitorja jonë në zgjedhjet e 17 tetorit është e pashmangshme”.
