Veriu i Shqipërisë është goditur nga 2 tërmete gjatë natës.

Lëkundja e parë është ndjerë rreth orës 04: 20 dhe kishin magnitudë 4.1. Sipas EMSC tërmeti ka pasur epiqendrën 12 km në veri të Koplikut si dhe thellësi prej 10 km.

Ndërkohë lëkundja e dytë janë ndjerë rreth orës 04:40 me një magnitudë më të ulët, 3.4 të shkallës Rihter. Kjo lëkundje është matur 102 km në Perëndim të Prizrenit.

Deri tani, nuk ka informacione për dëme në njerëz apo materiale në zonat ku është ndjerë lëkundjet e tërmetit. /Tch/

Baton Berisha, 36-vjeçar, dyshohet se i dha fund jetës së tij, sot në fshatin Sferrkë e Thatë të Pejës.

Ai ishte larguar dje nga shtëpia dhe familjarët e tij e raportuan të zhdukur në polici. Sot, rreth orës 13:00, ata e gjetën 36-vjeçarin pa shenja jete në një fushë të këtij fshati, me një vrimë në kokë, që dyshohet të jetë shkaktuar nga arma e zjarrit.

Një burim i afërt me viktimën i ka thënë Sinjalit se arsyeja se pse Batoni ka kryer vetëvrasje është për shkak të presionit që e ka pasur nga fajdexhitë.

Ai thotë se Batoni kishte marrë fillimisht 8 mijë euro borxh nga disa fajdexhi të Deçanit dhe tani borxhi ndaj tyre kishte arritur në 100 mijë euro.

Për këtë, ky sinjalizues thotë se fajdexhitë kanë shkuar te shtëpia e Batonit dhe e kanë kërcënuar atë dhe familjen e tij, duke tentuar që t’i largojnë nga shtëpia dhe t’ua marrin atë në këmbim të borxhit.

Ditën kur fajdexhitë i shkuan 36-vjeçarit në shtëpi, ai thotë se ua kanë prezantuar familjarëve një listë të borxheve, që kanë arritur shumën e 100 mijë eurove.

Kërcënimet ndaj Batonit ishin aq serioze, saqë i afërmi i tij thotë se ai ka dalë nga shtëpia dhe ka shkuar në truallin e një dhëndri të tij në fshatin Sferkë e Thatë dhe aty dyshohet se ka qëlluar veten me armë zjarri në kokë.

Trupi i pajetë i tij është dërguar për obduksion në Institutin e Mjekësisë Ligjore.

Batoni ishte me prejardhje nga Kamenica e Lugut të Baranit dhe jetonte në Pejë. Ka punuar si agjent i shitjes në ELKOS. Ai ishte i martuar dhe baba i tre fëmijëve./FRONTONLINE./

Marrëveshja e përkohshme për targa ndërmjet Kosovës dhe Serbisë, përfundon këtë të mërkurë (nesër).

Qeveria ka paralajmëruar se do të marr vendim për vendosjen e reciprocitetit për targa me Serbinë, por një ditë para skadimit të kësaj marrëveshje ekzekutivi ende nuk është deklaruar lidhur me këtë çështje.

Për përfundimin e kësaj marrëveshje, foli zëvendëskryeministri i Kosovës, Besnik Bislimi, me t’u kthyer nga takimi në Bruksel.

“Në takimin ku është diskutuar për targat ne kemi deklaruar se afati përfundon më 15 shtator dhe nuk shohim arsye për vazhdim. Përdorimi i targave ka filluar në prill në vitin 2011 dhe palët pastaj kanë devijuar dhe kanë tentuar ta bëjnë marrëveshje të përhershme. Nevoja që kjo të trajtohet në Bruksel është artificiale”, tha ai.

Pyetjeve të FrontOnline se a do të merr sot Qeveria “Kurti” vendim për vendosjen e reciprocitetit për targa, nuk i janë përgjigjur kabineti i Kurti e as zëvendëskryeministri Bislimi.

Ish-ministri i Brendshëm tregon arsyet e mos vendosjes së reciprocitetit

Por zbatimin e reciprocitetit për targa, nuk po e sheh problematike, ish-ministrit i Punëve të Brendshme të Kosovës, Ekrem Mustafa.

Rënia e rasteve ditore me COVID-19, ka bërë që në Kosovë të bie edhe numri i rasteve aktive.Aktualisht, në Kosovë janë edhe 15 mijë e 835 raste aktive.Në total, janë dhënë 1 milion e 66 vaksina, teksa me të dy dozat janë imunizuar gjithësej 369 mijë qytyetarë.

Aktualisht janë në fuqi masat restriktive të vëna nga qeveria Kurti të cilat do të jenë në fuqi deri më 26 shtator.Varësisht nga situata epidemiologjike, pritet të ketë lirim të tyre, varësisht edhe nga numri i të vaksinuarve.

Bazuar në të dhënat e Institutit të Gjeoshkencave në Shqipëri, në orët e mëngjesit të sotëm kanë ndodhur tri tërmete të njëpasnjëshme.
Dridhjet me të forta raportohet se janë ndjerë 28km në veri të Shkodrës, ku sipas të dhënave të këtij instituti shkalla e lëkundjdes ka qenë me magnitudën 4. Lëkundjet janë raportuar në intervale të ndryshme kohore.

Më poshtë ju sjellim dëshmi:

Përfaqësuesi Special i Bashkimit Evropian për Dialogun Beograd-Prishtinë dhe çështje të tjera rajonale të Ballkanit Perëndimor, Miroslav Lajçak, do të arrijë sot për vizitë treditore në Kosovë.Ai gjatë kësaj vizite do të takohet me udhëheqës politikë, parlamentarë, komunitetin ndërkombëtar, përfaqësues të komunitetit të biznesit dhe mediave, si dhe të rinj.
Diplomati sllovak planifikon të diskutojë gjendjen e zbatimit të marrëveshjes së dialogut dhe rrugën përpara në negociatat për marrëveshje gjithëpërfshirëse të normalizimit, thuhet në njoftim.