Komisioni Qendror i Zgjedhjeve njofton se nga data 10 korrik ka filluar periudha e aplikimit për regjistrim për votim jashtë Kosovës për Zgjedhjet Lokale. Afati për aplikim përmbyllet më 18 gusht 2021.

Gjatë kësaj periudhe 40 ditore, shtetasit e Kosovës me të drejtë vote që jetojnë jashtë Republikës së Kosovës mund të aplikojnë për regjistrim për të votuar përmes postës.

Gjithashtu, edhe ata/ato që nuk kanë shtetësinë e Republikës së Kosovës, por që kanë të drejtë të jenë shtetas të Republikës së Kosovës, sipas Ligjit për Shtetësi, mund të aplikojnë.
Informacionet e detajuara dhe si të aplikohet për regjistrim janë publikuar në ueb faqen e KQZ-së www.kqz-ks.org, në pjesën: Shërbimet e KQZ-së > Shërbimet për votuesit > Votimi përmes postës, apo në linkun direkt: https://www.kqz-ks.org/sherbimet-per-votuesit/votimi-me-poste/

Të gjithë aplikuesit që plotësojnë kriteret ligjore për t’u regjistruar si votues jashtë vendit mund të votojnë gjatë periudhës së votimit përmes postës e cila fillon më 15 shtator dhe përfundon më 15 tetor 2021.

Tre persona janë arrestuar në Prizren pasi që dyshohet se njëri nga të dyshuarit i kishte sulmuar dy të dyshuarit tjerë, dhe gjatë përleshjes dy prej të dyshuarve kishin pësuar lëndime trupore për çka edhe ju është ofruar tretman mjekësor në Emergjencën e spitalit të Prizrenit.

Njësitë relevante policore kanë dalur në vendin e ngjarjes.

Në lidhje me rastin është konsultuar prokurori i shtetit me vendim të së cilit të dyshuarit janë dërguar në mbajtje. /Telegrafi/

Ministria e Arsimit, Shkencës, Teknologjisë dhe Inovacionit në Kosovë ka filluar diskutimet lidhur me mundësinë e heqjes së pagesës për studentë në universitete publike. Arsimi publik falas është njëra ndër pikat e programit të Qeverisë së kryeministrit Albin Kurti.Blerja e mjeteve për përgatitjen e një punimi gjatë studimeve për edukim parafillor, studentes së Universitetit të Gjilanit, Shpresa Sabedini, i ka kushtuar gati sa pagesa për të gjithë semestrin.Ajo është njëra nga studentët e nivelit bachelor në universitetet publike në Kosovë, të cilët paguajnë 25 euro për semestër, përveç vitit të parë të studimeve që është falas.

Tarifat e tjera në të gjitha universitetet publike në Kosovë përfshijnë pagesën prej 150 eurosh për semestër në nivelin master dhe 500 euro për semestër në nivelin e doktoraturës.Sipas Sabedinit, edhe pse pagesa në nivelin bachelor nuk është shumë e madhe, heqja e saj mund të ndihmojë në lehtësimin e barrës për studentë, që kanë shpenzime të tjera gjatë studimeve.“Nëse e krahason me fakultetet private, nuk besoj që është shumë e madhe, por pasi që shumë studentë nuk janë në punë, pse mos ta largojnë krejtësisht pagesën? Do të ishte në favor të shumë studentëve”, thotë Sabedini.

Edhe për Dardan Kajdomqajn, student i juridikut në Universitetin e Prishtinës, heqja e pagesës është ide e mirë, pasi, sipas tij, do të krijonte edhe barazi për studentët me kushte më të rënda ekonomike.Përveç semestrit, Kajdomqaj tregon se shpenzimet e studentëve përfshijnë pagesën e qirave, librave dhe gjërave të tjera gjatë studimeve.“Kur të mblidhen, arrihet një shumë dhe të hiqet kjo (pagesa e semestrit) do të na lehtësonte. Nuk është mrekulli, por është pozitive”, thotë ai.Tarifat nuk hiqen për studentët që ngelinZëvendësministri i Arsimit, Shkencës, Teknologjisë dhe Inovacionit, Dukagjin Pupovci, konfirmoi se plani për heqjen e tarifave pritet të realizohet më së voni vitin e ardhshëm.Sipas tij, po planifikohet që tarifat të mos hiqen për studentë që e përsërisin vitin dhe për studentët e doktoraturës, pasi, sipas tij, “janë në shumicë të punësuar”.“Tarifat për pagesa do të hiqen dhe këto ditë do të formohet grupi i punës për ndryshimin e udhëzimit administrativ. Me siguri që do t’i jepet përparësi heqjes së tarifave për studentët që regjistrojnë vitin për herë të parë, jo edhe për ata që e përsërisin vitin”, tha Pupovci.Sipas llogarisë së Ministrisë, shtatë universitetet publike në Kosovë, nga pagesat e studentëve përfitojnë rreth 1.6 milion euro në vit dhe, sipas Pupovcit, kjo nuk është ndonjë shumë e papërballueshme për kompensim nga Qeveria.Prorektorja për Financa në Universitetin e Prishtinës, Mihane Berisha, tha se buxheti total i këtij universiteti për këtë vit është mbi 31 milionë euro.
Sipas saj, nga kjo shumë, 12.49 për qind e mjeteve vijnë nga të hyrat vetanake dhe pjesa tjetër nga buxheti i shtetit.Ajo tha se deri më tani, UP-ja nuk ka ndonjë njoftim nga Ministria e Arsimit lidhur me planet për heqjen e tarifës.ORCA: Heqja e pagesës, premtim sipërfaqësor
Investimi në infrastrukturë dhe çështje të tjera që kanë të bëjnë me ngritjen e cilësisë në arsim, sipas Organizatës për Rritjen e Cilësisë në Arsim (ORCA), do të duhej të ishin priorite për Qeverinë.Dibran Hoxha, nga kjo organizatë, tha se heqja e kësaj pagese nuk ndikon drejtpërdrejt në përmirësimin e cilësisë së studimeve, e as në heqjen e barrës së shpenzimeve për studentë.“Shpenzimet tjera që lidhen me infrastrukturën, me literaturën – sidomos që duhet ta sigurojnë studentët… Do të duhej që në këtë aspekt të bëhen lehtësime, e jo në këto tarifa që, fundja, më shumë janë taksë administrative, sesa, ku ta dimë, çfarë pagese apo shpenzimi për studentë”, tha Hoxha.Sipas Hoxhës, ky premtim është “shumë sipërfaqësor për arsimin e lartë” dhe me “elemente populiste”.Sipas një studimi që ORCA e ka bërë në vitin 2019, i quajtur “Shporta e Studentit“, studentët shpenzojnë mesatarisht 37.7 euro për semestër në literaturë të nevojshme për studime.“Përveç literaturës së nevojshme për studime, studentët gjithashtu kanë shpenzime të materialeve të tjera të nevojshme. Këto shpenzime variojnë nga fakulteti në fakultet dhe mund të përfshijnë: hamerat, çantat speciale, stilolapsa specialë për fakultetet teknike, mantelin e bardhë, doreza, kapuçat dhe maskat e të tjera”, thuhet në raportin e ORCA-s.Por, pandemia e sëmundjes COVID-19, sipas Erblin Hoxhës, kryetar i Parlamentit të Studentëve në Universitetin e Prishtinës, e ka bërë edhe më të nevojshme heqjen e pagesës për studime.“Pandemia i ka larguar shumë studentë nga puna që kanë punuar me gjysmë orari ose me orar të plotë dhe nuk kanë pasur mundësi të bëjnë pagesa”, tha ai.Të dhënat tregojnë se Kosova është një ndër vendet e vetme në Ballkan që aplikon pagesë të njëjtë për studentë të të gjitha drejtimeve.Në Serbi, studentët në universitetin publik mund të paguajnë nga 350 euro në vit për inxhinieri mekanike e deri në 2,100 euro për drejtime si arkitektura, përpos nëse performojnë mirë në testin aplikues dhe përfitojnë bursë shtetërore.Të dhënat në studimin e ORCA-s, në anën tjetër, thonë se studentët në Maqedoninë e Veriut paguajnë 200 deri në 400 euro në vit dhe studentët në Shqipëri paguajnë 160 deri në 330 euro në vit, varësisht se çka studiojnë./rel

Një person i moshuar, rreth 70 vjeç, është gjetur i vdekur në njërin prej moteleve në magjistralen Prishtinë-Podujevë.

Indeksonline mëson se rasti ka ndodhur saktësisht në “Villa Natyra”, në Besi.

Nuk është rasti i parë që në Kosovë raportohen për vdekje të të moshuarve në motele. /Indeksonline/

Nëse mund të udhëtonit prapa në kohë, cilën periudhë do të dëshironit të shihni? Epokën e bronzit? Kohët mesjetare. Apo ndoshta do të preferonit të qëndronit në të tashmen.Rrugët e Kryqëzimit të Qytetërimeve, të cilat përshkojnë vendet e Ballkanit Perëndimor, ofrojnë një mori periudhash të ndryshme për t’u shijuar.Ndryshe nga rrugët e tjera atje, ato të Kryqëzimit të Qytetërimeve janë konceptuale dhe bazohen në identitetin e rajonit, shkruan euronews.

Ato bashkojnë historinë dhe trashëgiminë në pesë rrëfime kryesore, kështu që vizitorët dhe vendasit ashtu mund t’i hedhin një vështrim më të plotë dhe shpërblyes në një nga zonat më të ndryshme të botës.

Kjo temë ju kthen në rrënjët antike të rajonit. Ju lejon të shihni dhe vlerësoni gjurmët e lëna pas epokës së bronzit, periudhës greke, romake dhe bizantine, transmeton Telegrafi.Malet mbrojtëse që karakterizojnë këtë rajon i kanë mbajtur të sigurt mbetjet e këtyre civilizimeve antike, duke sjellë së bashku legjendën dhe historinë për të treguar historinë.
Në këtë rrugë përfshihen Apollonia, Butrint dhe Antigonea në Shqipëri, Daorson/Stolac në Bosnjë dhe Hercegovinë, Ulpiana në Kosovë, Doclea, Risan dhe Budva në Mal të Zi, Heraclea Lyncestis, Stobi dhe Kokino në Republikën e Maqedonisë së Veriut dhe Gamzigrad, Viminacium , Lustiniana Prima/Cariçin Grad dhe Lepenski Vir në Serbi.Rilindja Kulturore BallkanikeKjo kohë i takon periudhës mesjetare të Ballkanin Perëndimor.Ndikuar nga Kisha Katolike dhe Ortodokse, rajoni është gjithashtu i mbushur me fortesa që kur u gjend në mes të konfliktit kur Perandoria Romake u nda.Itinerari është caktuar për të treguar sesi këto kisha ndikuan në formimin e shteteve sllave dhe shqiptare mesjetare dhe rënien e tyre nën Perandorinë Osmane.Vendet në këtë rrugë përfshijnë Beratin, Gjirokastrën dhe Krujën në Shqipëri, Jajce dhe Travnik në Bosnjë dhe Hercegovinë, Prizren, Vushtri, në Kosovë, Kotor, Bar dhe Svač në Mal të Zi, Ohër dhe Shkup në Republikën e Veriut Maqedonia dhe Baç, Stari Ras dhe Smederevo në Serbi.Një tjetër që duhet parë është ëndrra e perandorëve. Ajo përshkruan trashëgiminë kulturore austro-hungareze të Ballkanit Perëndimor. Itinerari e ka marrë emrin nga fakti se rajoni ishte për shumë perandorë dhe perandori një qëllim ose ëndërr dhe ata donin ta pushtonin atë. Ajo u konsiderua gjithashtu jetike për zgjerimin.Monarkia e Hapsburgut, një parakursor i perandorisë Austro-Hungareze, arriti në brigjet e lumenjve Sava dhe Danub nga fillimi i shekullit të 18-të. Ata u përpoqën të krijonin një prani të përhershme në rajon, por ata patën sukses vetëm pas vitit 1878.Rrugët e ‘Kryqëzimit të Qytetërimeve’ çojnë vërtet në një zbulim të thellë të Ballkanit Perëndimor.

Policia e Kosovës ka njoftuar se dje është gjetur pa shenja jete një person në veturën e tij.Rasti ka ndodhur në komunën e Rahovecit.
“Është raportuar se viktima mashkull kosovar në veturën e tij është gjetur pa shenja jete. Njësit relevante dhe ekipi mjekësor kanë dalur në vendin e ngjarjes dhe është konstatuar vdekja e viktimës”, thuhet në raportin e policisë.

Me vendim të prokurorit trupi i pajetë i është liruar familjarëve për ceremoni mortore.