Njofton KEDS: Në këto vende do të ketë sot ndërprerje të energjisë elektrike

July 29, 2021

KEDS ka bërë të ditur se si pasojë e punimeve në rrjet, do të ketë ndërprerje të energjisë elektrike në disa lokacione sot.

Me anë të një komunikate për media, KEDS ka njoftuar për vendet dhe orarin e ndërprerjeve.

Njoftimi i plotë nga KEDS:

Prishtinë

Nga TS 110/10(20)kV Prishtina 5 do të ndërprehet:

Dalja 10 kV j12 Kodra e Trimave 7 (kodi: 13000006) prej orës 09:30 deri në ora 10:30

Vendet: Kodra e trimave, Kolovica e re, Kolovica e vjetër

Arsyeja: Energjizimi i segmentit te Lp 10 kV Kolovice e Re -Kolovice e Vjeter

Prizren

Nga TS 110/35/10 kV Prizreni 1 do të ndërprehet:

Dalja 10 kV Fabrika e Duhanit Neë Aromatic (kodi: 30000006) prej orës 11:00 deri në ora 12:00

Vendet: Fabrika e Duhanit Neë Aromatic

Arsyeja: Shqyrtimi i mbrojtjes rele

Nga TS 110/35/10 kV Prizreni 1 do të ndërprehet:

Dalja 10 kV Valvis (kodi: 30000008) prej orës 12:00 deri në ora 13:00

Vendet: Valvis

Arsyeja: Shqyrtimi i mbrojtjes rele

Nga TS 110/35/10 kV Prizreni 1 do të ndërprehet:

Dalja 10 kV 5 Dëshorët (kodi: 30000016) prej orës 13:00 deri në ora 14:00

Vendet: 5 dëshmorët

Arsyeja: Shqyrtimi i mbrojtjes rele

Nga TS 110/10kV Prizreni 3 do të ndërprehet:

Dalja 10 kV Malësia e re (kodi: 31000030) prej orës 15:00 deri në ora 16:00

Vendet: Malësia e Re, F.sh. Legjenda, afariste: Mullini Rexhep Ukaj, Firma Vesel Rexhaj, Fabrika e lëngjeve Novak.

Arsyeja: Shqyrtimi i mbrojtjes rele

Nga TS 110/10kV Prizreni 3 do të ndërprehet:

Dalja 10 kV Levisha (kodi: 31000012) prej orës 10:00 deri në ora 14:00

Vendet: Levisha, Sporti, Njegoshi, Aradha e Sharrit, Ujesjellesi, Qyteti, Jabllanica, Novoselan .

Arsyeja: Shqyrtimi i mbrojtjes rele

Nga TS 110/35/10 kV Theranda do të ndërprehet:

Dalja 10 kV Studenqani -Gurëthyesi(kodi: 32000018) prej orës 08:00 deri në ora 09:00

Vendet: Studenqan,Doberdelan,Samadraxhë, Motel Illyria,Gurëthyesi ENISI,Celi AG,Sejdi Binaku,Flori Kopshtar,Fab.Plastikës Gani Sallauka.Pompat e ujit:Studenqan,Doberdelan,Samadraxhë

Arsyeja: Shtrengimi i përquesve, ndrrimi i izolatorëve të TM

Mitrovicë

Nga TS 110/10 kV Vushtrria 2 do të ndërprehet:

Dalja 10 kV Tregu i blertë (kodi: 73000002) prej orës 11:00 deri në ora 12:00

Vendet: Rr,Bedri Pejani,Kadri Zeka,Nexhip dhe Ferat Draga,Mic Sokoli, Adem Jashari, Gjergj Fishta, Lidhja e Lezhës, 22Maj, Alpet Shqiptare, Isa Boletini, Bajram Curri, Ramiz Sadiku.

Arsyeja: Shqyrtimi i mbrojtjes rele

Nga TS 110/10 kV Vushtrria 2 do të ndërprehet:

Dalja 10 kV Poleti (kodi: 73000007) prej orës 12:00 deri në ora 13:00

Vendet: Lagjeja Sitnices, Barakat, Sahiti 2, TSB Vushtex, TS Nr. 8

Arsyeja: Shqyrtimi i mbrojtjes rele

Nga TS 110/10 kV Vushtrria 2 do të ndërprehet:

Dalja 10 kV Nadakovc (kodi: 73000014) prej orës 13:00 deri në ora 14:00

Vendet: Btp Petroll, te përmendorja e Hamdi Feratit, Nadakovc- Gubetini, Nadakovc-blinda, Naser Imeri, Sfaraqak dhe lagja Xhafaj.

Arsyeja: Shqyrtimi i mbrojtjes rele

Nga TS 110/10 kV Vushtrria 2 do të ndërprehet:

Dalja 10 kV Maxhunaj (kodi: 73000011) prej orës 14:00 deri në ora 15:00

Vendet: Dumnica, Samadrexha, Cicilia, Sllakovci, Ropica, Vilanci dhe një pjesë e fshatit Maxhunaj

Arsyeja: Shqyrtimi i mbrojtjes rele

Nga TS 110/10 kV Vushtrria 2 do të ndërprehet:

Dalja 10 kV Grupi i Bizneseve (kodi: 73000013) prej orës 15:00 deri në ora 16:00

Vendet: Emona, Edona Objektin e Kedsit

Arsyeja: Shqyrtimi i mbrojtjes rele

Nga TS 110/10(20) kV Skenderajdo të ndërprehet:

Dalja 10 kV Runiku (kodi: 74000005) prej orës 09:30 deri në ora 15:00

Vendet: Klinë e epërme , L.Mecini dhe Berani, Qubrel, Kotorr, Vitak dhe Kastriot. Runik.Banjë.Surigan.Radishev.Qitaket.Leqin.Terrnov

Arsyeja: Rregullimi i urave në shtyllat e betonit LP 20kV dhe pastrimi i trasesë.

Ferizaj

Nga TS 35/10kV Kaçaniku do të ndërprehet:

Dalja 10 kV Kaçaniku i vjetër (kodi: 40043007) prej orës 10:00 deri në ora 12:00

Vendet: Doganaj, Duraj, Kaçanik i vjetër, Stagovë, Begracë, Elezaj.

Arsyeja: Pastrimi i trasesë

30.07.2021

Punime në projekte investive

Prishtinë

Nga TS 110/10(20)kV Prishtina 3 do të ndërprehet:

TS 10/04kV Hoxhë Kadri Prishtina (kodi: 12000015071) prej orës 09:00 deri në ora 21:00

Vendet: Hoxhë Kadri Prishtina

Arsyeja: Energjizimi I daljeve të reja 0.4kV

Gjakovë

Nga TS 35/10 kV Malisheva do të ndërprehet:

TS 10kV Mirusha (kodi: 82082002) prej orës 09:00 deri në ora 18:00

Vendet: Rr.603 Adem Jashari (1 konsumatorë), Rr.Imer Krasniqi (7 konsumatorë), Rr.605 Hamdi Berisha (1 konsumatorë), Rr.606 Pavarësia (1 konsumatorë), fshatrat: Bubël, Burim, Carallukë (3 konsumatorë), Damanek, Gurbardhë, Llapçevë, Lubizhdë, Lubizhdë e Malishevës, Lumnishtë, Mirushë, Mrasor, Panorc (një pjesë), Turjakë.

Arsyeja: Nderrimi i konzollave te tensionit te mesem

30.07.2021

Punime nga palët e treta

Mitrovic

Nga TS 110/10(20) kV Skenderaj do të ndërprehet:

Dalja 10 kV Qyteti II (kodi: 74000010) prej ores 12:00-12:30 dhe nga ora 15:30-16:00

Vendet: Shkolla Teknike, Morava (Fidanishte), Afrim Durmishi, Shkolla Norvegjeze, Rukolli, Banesat te Komuna, Kuvendi Komunal, Rr. 28 Nëntori, Bekim Berisha Abeja, Harun Beka, Isa Boletini, Dëshmorët e Kombit, Osman Geci, Ali Gashi

Arsyeja: Krijimi i kushteve të punes pa tension, manipulim me ndarsa TM

Nga TS 110/10(20) kV Skenderaj do të ndërprehet:

TS 10/04 kV TS Ujësjellsi (kodi: 74000010012) prej ores 12:00 deri në ora 16:00

Vendet: Ujësjellsi

Arsyeja: Realizimi i sistemit Hyrje/Dalje TM, sipas PEE

Ferizaj

Nga TS 35/10kV Ferizaj II do të ndërprehet në TS Arben Hasani :

TS 10/04 kV TS afër Permendorës ”D. Islami” (kodi: 40041001200) prej orës 11:00 deri në ora 14:00

TS 10/04 kV TS Heset Quza (te kombinati) (kodi: 40041001231) prej orës 11:00 deri në ora 14:00

TS 10/04 kV TS Kulla (Meti) (kodi: 40041001059) prej orës 11:00 deri në ora 14:00

TS 10/04 kV TS Drebangu (kodi: 40041001001) prej orës 11:00 deri në ora 14:00

TS 10/04 kV Hasan Elezi (kodi: 40041001278) prej orës 11:00 deri në ora 14:00

TS 10/04 kV TS Pllaci I Krasniqve (kodi: 40041001003) prej orës 11:00 deri në ora 14:00

TS 10/04 kV Armani (kodi: 40041001104) prej orëes 11:00 deri në ora 14:00

TS 10/04 kV TS, afer Spitalit ”Elita” (Jezerci Xhamprerës) (kodi: 40041001201) prej orës 11:00 deri në ora 14:00

TS 10/04 kV Pompa e benzines (Gllavicët-afer Ben-Af) (kodi: 74000 40041001211) prej orës 11:00 deri në ora 14:00

Vendet: Armani, TS afer Permendores ”D. Islami”, TS Heset Quza (te kombinati), TS Kulla (Meti), TS Drebangu, Hasan Elezi, TS pllaci I Krasniqëve, TS, afer Spitalit ”Elita” (Jezerci Xhamprerës), Pompa e benzinës (Gllavicët-afer Ben-Af)

Arsyeja: Zhvendosja e rrjetit 10kV dhe 0.4V, sipas ZT

Prizren

Nga TS 35/10 kV Prizreni IV do të ndërprehet:

Dalja 10 kV Shkolla normale (kodi: 30033004) prej ores 11:00 deri në ora 15:30

Vendet: Lagjja Tusus 1, Lagjja Tusus 2, Lagjja Tusus 3, Lagjja Tusus 4, Lagjja Tusus 5, Shkolla Normale, KFOR-i turk, Lagjja e Trimave.

Arsyeja: Zëvendësimin e Transformatorit dhe Panelit të TU.

Hasani: BE dhe SHBA mund të kërkojnë pauzë në dialog

TV Prizreni

July 29, 2021

Ish-kryetari i Gjykatës Kushtetuese, Enver Hasani ka thënë se me këtë qasje të Qeverisë së Kosovës dhe asaj të Serbisë ndaj dialogut, ndërmjetësuesit mund të kërkojnë ndërprerje të këtij procesi.

“Në qoftë se mbyllen dyert, sepse kështu po shkohet me mbyllje të dyerve, lehtësuesit mund të thonë bëni pauzë, bëni pauzë për disa vite ose muaj, pushoni dhe kur t’i ndërroni qasje, sepse pikëpamjet finale nuk thotë askush se duhet të ndërrohen, por kur t’i ndërroni qasjet që mund të flasim për diçka përmbajtjesore hajdeni”, tha Hasani në KlanKosova.

Sipas Hasanit ndërprerja e dialogut i shkon në favor vetëm Serbisë.

“Kjo na dëmton neve shumë, na dëmton sepse Serbia është shtet i konsoliduar dhe për ne është problem anëtarësimi në organizatat ndërkombëtare. T’i mund të aplikosh, por pas shtatorit Serbisë i del afati për embargo për çnjohje dhe unë jam i bindur se Serbia tinëz ka lobuar për çnjohje, por pas 1 shtatorit nisë praktikën e çnjohjeve dhe nëse niset ajo është keq për neve”, tha Hasani.

Duke folur për mundësinë që Serbia të tërhiqet nga dialogu, ish kryetari i Gjykatës Kushtetuese tha se edhe në këtë situatë Kosovës do t’i mbetej faji, për shkak të mos respektimit të procedurave të lehtësuesve.

“Procesi i dialogut është procedurë, sikur kjo derë, ti mund të dalësh për dere por mund të dalësh edhe për dritare, por rregulli është që të dalësh për dere. Në qoftë se ne nuk i ndjekim procedurat e lehtësuesve të cilët po ndërmjetësojnë sipas një detyrimi që e kanë marrë nga Asambleja e Përgjithshme, atëherë neve na ngelet faji se nuk po duam të dialogojmë”, tha Hasani.

Sot pritet të lirohen nga spitali i Kroacisë edhe tre mërgimtarë që u lënduan në aksident

TV Prizreni

July 29, 2021

Sot do të lirohen nga spitali i Kroacisë tre kosovarë që mbetën me lëndime më të rënda trupore dhe po merrnin tash e disa ditë trajtim mjekësor.

Lajmin e ka bërë të ditur mbrëmë, ministri i Punëve të Brendshme, Xhelal Sveçla kur ka njoftuar se janë dje liruar nga spitali i Kroacisë edhe dy bashkatdhetarë që pësuan lëndime gjatë aksidentit tregjik të dielën në Slavonski Brod të Kraocisë, kurse tre të tjerë do të lirohen sot.

“Përderisa gjatë tërë ditës ndajmë dhimbjen me familjarët e viktimave të aksidentit në Sllavonski Brod, të cilët u sollën sot dhe po varrosen në vendlindjet e tyre, lajme të mira vijnë nga Kroacia. Dy bashkëkombës u liruan nga spitali e tre lirohen nesër kurse edhe Muharremi ka dal nga kujdesi intensiv dhe është në gjendje stabile. Gjithë të lënduarve shërim sa më të shpejt, e familjarëve të viktimave forcë për ta përballuar dhimbjen”, ka thënë ai mbrëmë.

Aksidenti tragjik i autobusit nga Kosova, që po udhëtonte në linjën Frankfurt-Prishtinë, ndodhi të dielën, ku si pasojë kanë vdekur 10 persona humbën jetën dhe mbi 40 të tjerë u lënduan.

Trupat e pajetë u sollën dje në Kosovë, ku edhe iu është dhënë lamtumira e fundit.

Aliu, IHMK: Temperaturat e larta mbi vendin tonë do të vazhdojnë deri në fillim të gushtit

TV Prizreni

July 29, 2021

Vendi ynë këto ditë është përfshirë nga temperatura shumë të larta.

E temperatura të njëjta do të vazhdojnë edhe ditëve në vijim në Kosovë

Kështu ka konfirmuar për “Gazeta Blic”, Bekim Aliu Nga Instituti Hidrometereologjik i Kosovës.

Aliu tha se temeperaturat do të vijojnë të njëjta deri me datën 7 gusht dhe se do të jenë mbi 30 Gradë Celcius.

“Këto temperatura do të vazhdojnë, janë masa të nxehta të ajrit të ardhura nga Afrika Veriore, konkretisht nga Çabi dhe Nigeria. Do të fokusohen edhe për disa ditë të ardhshme, diku deri me 6 apo 7 gusht. Do të kemi temperatura mbi 30 Gradë Celcius” konfirmoi Aliu për “Gazeta Blic”

Ngritja e tmeperaturave ka sjellë edhe fluks të lartë të pacientëve në QKUK.

Mjeku kujdestar në Qendrën Emergjente në QKUK, Avdush Bajgora, tha për “Gazeta Blic” se gjendja momentalisht në këtë klinikë është alarmante.

Ai tha se ka një fluks të lartë pacientësh që kërkojnë ndihmë si pasojë e goditjeve nga dielli.

“Vetë fakti se në vendin tonë po dominojnë temperatura afrikane, numri i pacientëve në Qendrën Emergjente është rritur mjaft shumë. Sidomos ata që janë me sëmundje kronike, sëmundje kardivaskulare, respiratore, gjithashtu kemi një numër të shtuar të pacientëve që paraqiten me gjakderdhje inskenike, iskemi e trurit nga goditjet e diellit, me shifra nuk mund të të tregoj. Gjendja është mjaft alarmante. Në Qendrën Emergjente jemi të obliguar t’i trajtojmë vetëm pacientët me prioritet, pacientët me politrauma, me arrest kardiak etj. Prioritet ne kemi pacientat që vijnë nga aksidentet në trafik, nga arrestet kardiake”Bajgora i’u bëri thirrje pacientëve dhe sidomos atyre me sëmundje kronike që të shmangin pikun e të nxehtit gjatë këtyre ditëve” deklaroi Bajgora për “Gazeta Blic”.

Hoti: Edhe bashkatdhetarët që ndodhen në Kosovë mund të vaksinohen

TV Prizreni

July 29, 2021

Zëdhënësi i Ministrisë së Shëndetësisë, Faik Hoti tha se tashmë janë krijuar të gjitha kushtet që vaksinimi në masë të rrjedhë me një dinamikë më të shtuar dhe vjeshta të na zë me shumicë të popullatës të vaksinuar kundër COVID-19.

Hoti theksoi se të gjithë bashkatdhetarët që jetojnë jashtë vendit, por që kanë shtetësi të Kosovës mund të vaksinohen në Kosovë.

“Procesi i vaksinimit ka fituar një dinamikë të re gjatë kësaj jave kur kemi një rritje të interesimit për të vaksinuar. Në veçanti ajo që na jep kuroja është që të rinjtë po vaksinohen shumë dhe në bazë të shënimeve po shohim që një numër i madh i studentëve janë vaksinuar”, tha ai.

Ai tha se nga Klinika Infektive sinjalizojnë se të shtrirët në spital janë kryesisht qytetarët që janë infektuar me coronavirus si pasojë e mosvaksinimit ose ata që ende nuk e kanë kaluar virusin.

Zëdhënësi i MSH-së në një deklaratë për RtvDukagjini tha se tashmë ekziston mundësia për zgjedhje dhe kombinim të vaksinave.

“… Po ashtu janë thjeshtuar procedurat për caktim të terminëve. Janë krijuar të gjitha kushtet që vaksinimi masiv të rrjedh me dinamikë të shtuar dhe ne ta mbërrijmë vjeshtën me një shumicë të popullatës të vaksinuar kundër COVID-19”, tha ai.

Zëdhënësi i MSH ka folur edhe për kartonin e vaksinimit.

“Katroni i vaksinimit të cilën e jep MSh është mjaft i avancuar edhe e ka QR kodin dhe ky do të njihet edhe ndërkombëtarisht. Dhe do të jetë një dokument që do të mundësojë qytetarëve që ka kompletuar procesin e vaksinimit që çdo kalim në shtet tjetër përmes skanimit që bëhet t’i kenë autoritetet kontrolluese të gjitha të dhënat dhe të verifikojë statusin e të vaksinuarve, të qytetarit nga Kosova”.

Hoti më tej tha se edhe të gjithë bashkatdhetarët që jetojnë jashtë vendit, por që kanë shtetësi të Kosovës mund të vaksinohen në Kosovë.

Të gjitha vendimet e Qeverisë Kurti në mbledhjen e së mërkurës

TV Prizreni

July 29, 2021

Qeveria e Republikës së Kosovës, e drejtuar nga kryeministri Albin Kurti, ka zhvilluar të mërkurën mbledhjen e 21-të të rregullt në të cilën ka miratuar dy projektligje dhe vendime e dokumente të tjera nga fushat e përgjegjësive të saj kushtetuese dhe ligjore.

Në fillim të mbledhjes, Kurti ka shprehur edhe njëherë ngushëllimet për të gjitha familjet që kanë humbur më të dashurit e tyre në fatkeqësinë e rëndë të komunikacionit në afërsi të Sllavonski Brodit, në Republikën e Kroacisë.

Kryeministri ka falënderuar shtetin e Kroacisë, institucionet dhe drejtuesit shtetërorë të shtetit kroat për ndihmën e pakursyer dhe ka shprehur gatishmërinë e Qeverisë së Kosovës që t’ju qëndrojë afër familjeve të viktimave të këtij aksidenti të rëndë.

Këto janë vendimet e Qeverisë Kurti në mbledhjen e së mërkurës:

Projektligji për punimet nga metalet e çmuara ka marrë miratimin e Qeverisë. Me këtë Projektligj përcaktohen kushtet e veprimtarisë dhe kërkesat teknike për përbërjen, përmbajtjen dhe pastërtinë e punimeve nga metalet e çmuara si dhe kushtet e kontrollimit dhe shënjimit të punimeve, si dhe mbikëqyrjen metrologjike. Pas miratimit nga Kuvendi i Republikës së Kosovës, ky ligj do të zbatohet nga Agjencia e Metrologjisë së Kosovës dhe subjektet që merren me përpunimin, importin dhe shitblerjen e punimeve nga metalet e çmuara, gjysmë punimeve dhe lëndëve përpunuese.

Projektligji për ratifikimin e Amendamentit të marrëveshjes së bashkëfinancimit për projektin “Programi mbështetës për ujësjellës dhe kanalizim në zonat rurale, Faza (dalëse)VI”, ndërmjet Qeverisë së Republikës së Kosovës dhe Qeverisë së Zvicrës, është Projektligji i dytë që ka marrë miratimin nga kabineti qeveritar në mbledhjen e sotme. Me amendamentin e kësaj marrëveshjeje, rritet kontributi nga Qeveria e Zvicrës në këtë bashkëfinancim për 572 mijë franga zvicerane, me çka kontributi i përgjithshëm i Qeverisë Zvicerane shkon në 7 milionë e gjashtëqind e shtatëdhjetë e dy milionë franga zvicerane. Amandamentimi i marrëveshjes modifikon edhe kohëzgjatjen e marrëveshjes dhe do të mbulojë periudhën 1 janar 2019 deri më 30 qershor 2022.

Qeveria ka miratuar në mbledhjen e sotme edhe Raportin gjashtëmujor, 1 janar-30 qershor 2021, të buxhetit të Republikës së Kosovës. Sipas Raportit, të hyrat e përgjithshme në këtë gjashtëmujor kapin shifrën prej 1,185.41 milionë euro, dhe paraqesin 45 për qind të planifikimeve, ndërsa krahasuar me gjashtëmujorin e parë të vitit paraprak, ka një rritje prej 20% më shumë.

Shpenzimet e Buxhetit në këtë periudhë, sipas Raportit, kapin shumën prej 1026.98 milionë euro dhe paraqesin 38 për qind të shpenzimeve të planifikuara. Krahasuar me vitin paraprak, ka një rritje prej 93.24 milionë euro, ose 10% më shumë.

Në mbledhjen e sotme është riaprovuar edhe Raporti vjetor financiar për vitin 2020. Ky vendim shfuqizon vendimin Nr.06/06 të datës 12 prill 2021 të Qeverisë së Republikës së Kosovës dhe ky raport do të procedohet në Kuvendin e Republikës së Kosovës, sipas kërkesave të Ligjit për menaxhimin e financave publike dhe të përgjegjësive. Riaprovimi është bërë pas rishqyrtimit dhe evitimit të lëshimeve teknike dhe sqarimeve të nevojshme të këtij raporti.

Qeveria ka miratuar edhe vendimin për themelimin e Komisionit ad hoc për përzgjedhjen e pesë (5) anëtarëve të Bordit në Komisionin e Pavarur për Miniera dhe Minerale në këtë përbërje: Sami Dvorani, kryesues; Fadile Dyla, Zv.Sekretare e Përgjithshme e Ministrisë së Arsimit, Shkencës, Teknologjisë dhe Inovacionit, anëtare; Irfan Lipovica, Zv.Sekretar i Përgjithshëm i Ministrisë së Industrisë, Ndërmarrësisë dhe Tregtisë, anëtar.

Miratimin nga kabineti qeveritar në mbledhjen e sotme e ka marrë edhe vendimi për ndryshimin dhe plotësimin e Vendimit për kushtet e hyrjes, kalimit transit, qëndrimit në territorin e Republikës së Kosovës dhe regjimin e vizave në Republikën e Kosovës, nr. 15/158 të Qeverisë së Republikës së Kosovës, të datës 29.11.2013 si në vijim:

3.Bartësit e dokumenteve të udhëtimit për të huaj dhe dokumenteve valide të udhëtimit të lëshuara në bazë të Konventës për Statusin e Refugjatit (1951) dhe Konventës për Statusin e Personave pa Shtetësi (1954), të lëshuara nga vendet anëtare të BE-së dhe Zonës Schengen, si dhe Mbretëria e Bashkuar dhe Irlanda Veriore, Shtetet e Bashkuara të Amerikës, Kanadaja, Australia, Japonia, Zelanda e Re, lirohen nga nevoja për t’u pajisur me vizë kosovare për hyrje, transit dhe qëndrim në territorin e Republikës së Kosovës deri në 15 ditë pa vizë.

Ndërsa pika 4 e Vendimit nr. 15/158 të Qeverisë së Republikës së Kosovës, të datës 29.11.2013 plotësohet si në vijim:

Shtetasve të: Shteteve anëtare të BE-së; shteteve anëtare të Zonës Schengen; Mbretërisë së Bashkuar dhe Irlandës Veriore; Selisë së Shenjtë; Principatës së Andorës; Principatës së Monakos; Republikës së San Marinos; Republikës së Shqipërisë; Republikës së Malit të Zi, dhe Republikës së Serbisë,

Ju lejohet hyrja, transiti dhe qëndrimi deri në 90 ditë për një periudhë gjashtë (6) mujore, me letërnjoftim biometrik valid.

Shtojca 1 e Vendimit Nr. 15/158 të datës 29.11.2013 ndryshohet duke hequr asteriskun nga Mbretëria e Bashkuar dhe Irlanda Veriore, si shenjë dalluese për vendet anëtare të BE-së.

Pjesët e tjera të vendimit nr. 15/158 të datës 29.11.2013, vendimi nr. 08/167 i datës 22.01.2014 si dhe vendimi nr. 14/55 i datës 06.07.2018 mbeten në fuqi.

Qeveria ka ndarë 430 mijë euro për Ministrinë e Shëndetësisë, mjete këto që do të përdoren për pagesën e specializantëve për muajin korrik 2021. Ndërsa, pesë (5) milionë euro janë ndarë për Ministrinë e Bujqësisë, Pylltarisë dhe Zhvillimit Rural për zbatimin e Masës 2.5 të Pakos për Ringjalljen Ekonomike.

Me propozimin e Ministrisë së Mbrojtjes, Qeveria e Republikës së Kosovës ka miratuar vendimin për pezullimin e përkohshëm të zbatimit të nenit 22 (Shtojca 1) të Rregullores për pagat, shtesat mbi pagë dhe kompensimet e tjera në Ministrinë e Mbrojtjes dhe Forcës së Sigurisë së Kosovës, deri në plotësimin dhe ndryshimin e Rregullores nga Qeveria e Republikës së Kosovës.

Miratimin e Qeverisë e ka marrë edhe nisma për lidhjen e aneksit të marrëveshjes për ndryshimin e shtojcës II të Marrëveshjes së tregtisë së lirë ndërmjet Republikës së Turqisë dhe Republikës së Kosovës, në lidhje me përkufizimin e konceptit të “produkteve të origjinës dhe metodat e bashkëpunimit administrativ”.

Qeveria në mbledhjen e sotme ka aprovuar edhe Koncept Dokumentin për sistemin e menaxhimit të performancës komunale dhe skemës së granteve të bazuara në performancë.

Me propozimin e Ministrisë së Administrimit të Pushtetit Lokal, Qeveria ka miratuar vendimin për rialokim të mjeteve në shumën prej 500 mijë euro. Mjetet e rialokuara do të përdoren për realizimin e 11 marrëveshjeve të mirëkuptimit për realizimin e projekteve kapitale të nënshkruara mes Ministrit të Ministrisë së Administrimit të Pushtetit Lokal dhe kryetarëve të komunave.

Miratimin e Qeverisë e ka marrë edhe propozimi tjetër i Ministrisë së Administrimit të Pushtetit Lokal për rialokimin e mjeteve në shumë prej 150 mijë euro për projektin kapital “Rehabilitimi i rrjetit të ujësjellësit” në Komunën e Deçanit, në përputhje me marrëveshjen e nënshkruar nga ministri i Ministrisë së Administrimit të Pushtetit Lokal dhe kryetarit të Komunës së Deçanit.

MSH dhe IKSHPK vazhdojnë t’u bëjnë thirrje qytetarëve që të vaksinohen

TV Prizreni

July 29, 2021

Numri i të infektuarve me coronavirus është rritur në dy ditët e fundit, ndërkaq Ministria e Shëndetësisë dhe Instituti Kombëtar i Shëndetit Publik në vazhdimësi i bëjnë thirrje qytetarëve që të vaksinohen.

Aktualisht, në vend në total numri i rasteve aktive është 250.

Në 24 orët e fundit janë dhënë 13.867 doza të vaksinës kundër COVID-19, ndërkaq prej fillimit të vaksinimit në të gjitha qytetet e Kosovës janë dhënë 388.073 doza të vaksinës.

Deri më sot 124.226 qytetarë janë vaksinuar me dozën e dytë.

MSH dhe IKSHPK një ditë më parë u kanë bërë thirrje qytetarëve që të vaksinohen.

MSh thekson se vaksinimi është e vetmja mënyrë për t’u mbrojtur nga varianti Delta i COVID-19 i cili mund të përhapet më lehtë se variantet tjera.

“Varianti Delta i COVID-19 mund të përhapet më lehtë sesa variantet tjera që qarkullojnë mes njerëzve, duke rritur kështu numrin e rasteve, shkallën e hospitalizimit dhe të vdekjeve, veçanërisht midis individëve jo të vaksinuar plotësisht”, thuhet në njoftimin e MSh-së.

Ministria ka theksuar se të dhënat tregojnë qartë se marrja e të dy dozave të vaksinimit ul ndjeshëm rrezikun nga simptomat e rënda të sëmundjes dhe vdekjes.

“Nëse jeni mbi 18 vjeç, shfrytëzojeni mundësinë për t’u vaksinuar duke u regjistruar në https://ekosova.rks-gov.net/për të mbrojtur kështu vetën dhe njerëzit më të dashur”, thuhet në njoftim.

Edhe IKSHPK ka ftuar qytetarët që të vaksinohen. Instituti thekson se vaksinimi është metoda më e mirë, më e lirë dhe me efikase në luftë kundër COVID-19!

“Asnjëra vaksinë që është në përdorim në Kosovë nuk përmban virus të gjallë që shkakton COVID-19. Kjo domethënë se nuk mund të sëmureni me COVID-19 nga vaksina. Disa po ngurrojnë për t’u vaksinuar sepse frikësohen nga efektet anësore të cilat deri tani në Kosovë kanë qenë minimale por dobia e mbrojtjes nga COVID-19 është shumë herë më e madhe”, thuhet në thirrjen e IKSHPK-së për tu vaksinuar.

“Nëse nuk vaksinohemi mund të rriten rastet e reja duke u përcjellë me shtim të hospitalizimeve, vdekjeve, mbingarkesë të sistemit shëndetësor, rikthim të kufizimeve, goditje të shëndetit mental, shkollës, ekonomisë, kulturë, artit e sportit”.

250 raste aktive me Covid-19, numri i të infektuarve po vazhdon të rritet

TV Prizreni

July 29, 2021

Dy ditë e fundit në vend është shënuar rritje e të infektuarve me coronavirus.

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka informuar se në 24 orëshin e kaluar nga 3,669 teste të kryera, 58 persona kanë rezultuar pozitivë me COVID-19.

Numri i përgjithshëm i të shëruarve është 105.616, ndërsa nga fillimi i pandemisë nga coronavirusi kanë vdekur 2,265 persona.

Në total numri i rasteve aktive është 250.

Në 24 orët e fundit janë dhënë 13.867 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 388.073 doza të vaksinës.

Deri më sot 124.226 qytetarë janë vaksinuar me dozën e dytë.

Minishengeni: Rama-Zaev-Vuçiq takohen në Shkup

TV Prizreni

July 29, 2021

Iniciativës së shteteve të rajonit, e cila u paraqit për publikun si “minishengen”, pritet t’i ndërrohet emri gjatë ditës së sotme.

Këtë e ka paralajmëruar kryeministri i Shqipërisë, Edi Rama dhe presidenti serb, Aleksandër Vuçiq.

Kryeministri i Maqedonisë së Veriut, Zoran Zaev do të takohet sot me homologun nga Shqipëria Edi Rama dhe Presidentin e Serbisë Aleksandër Vuçiç në Shkup në kuadër të Forumit Ekonomik për Bashkëpunimin Rajonal.

Mbi 300 kompani nga të tre vendet por edhe shtete të tjera te rajonit janë pjesëmarrëse.

Kryeministri shqiptar, Edi Rama, bëri me dije se do të ndryshohet emri i ri i nismës që deri më sot e njohim si minishengeni, por është kontestuar deri tani nga kryeministri i Kosovës, Albin Kurti, i cili nuk ka marrë pjesë në asnjë takim.

Për këtë emër kanë qenë skeptikë edhe Bosnja e Mali i Zi pasi disa herë i janë bashkuar tryezave të mëparshme.

“Janë disa vendime, marrëveshje për tu nënshkruar, është dhe një Forum Ekonomik me komunitetin e biznesit dhe vazhdojmë punën”, ka thënë Rama.

Ai ka treguar pse do i ndërrohet emri kësaj iniciative.

“Shengeni Rajonal është vetëm korniza e një formule që është formula e BE, pra korniza e katër lirive të BE, lëvizja e lirë e njerëzve, mallrave, e shërbimeve dhe kapitalit. Duke qenë se shumëkush është kapur pas këtij emri dhe është menduar që të ketë një emër tjetër thjesht si nisëm, unë mendoj se kush do të kapet me emrin, do të kapet prap me emrin, nuk është se do të zgjidhet gjë nga kjo anë”, ka thënë ai.

Edhe presidenti serb, ka folur për ndryshimin e emrit të kësaj iniciative rajonale.

Presidenti i Serbisë, Aleksandar Vuçiq, thotë se emri i ri i nismës rajonale, i cili deri më tani njihej si “Mini-Shengen”, do të shpallet sot.

“Nesër do të mësoni emrin e vërtetë të kësaj nisme dhe si do të quhet në të ardhmen,” u tha Vuçiq gazetarëve dje pasi mbërriti në një vizitë dy-ditore në Shkup, ku do të takohet me Edi Ramën dhe Zoran Zaev si pjesë e iniciativën të quajtur Mini-Shengen.

Edhe sot mot i nxehtë, temperatura deri 38 gradë Celsius

TV Prizreni

July 29, 2021

Instituti Hidrometeorologjik i Kosovës (IHMK) ka njoftuar se temperaturat maksimale të ditës parashihet të lëvizin ndërmjet 35 dhe 38 gradë Celsius.

“Masat e nxehta të ajrit të ardhura nga Afrika Veriore (Shkretëtira e Çadit dhe Nigerisë), do të mbeten të qëndrueshme edhe për ditët vijuese, duke krijuar mot shumë të nxehtë dhe me vapë. Nëpër disa zona parashihen vranësira, kryesisht rreth relievit malor, ku parashihet edhe ndonjë rigë e dobët.

Temperaturat minimale do të lëvizin ndërmjet 16-18 gradë Celsius, ndërsa maksimalet e ditës parashihen të lëvizin ndërmjet 35-38 gradë Celsius. Indeksi UV mbetet në vlera ekstreme, prandaj kujdes nga kontakti direkt me rrezet e diellit, sidomos personat në moshë dhe shtresa tjetër e popullatës me sëmundje kronike.

Do të fryjë erë e lehtë deri mesatare nga drejtimi i juglindjes dhe verilindjes”, thuhet në njoftimin e IHMK-së.

1...4,2694,2704,271...5,573 Page 4,270 of 5,573

Pulses PRO