Gjykata e Tiranës ka dënuar me 10 vjet burgim ish-policin Nevaldo Hajdaraj që vrau Klodian Rashën më 8 dhjetor të vitit 2020.
Dënimi fillestar ishte me 15 vjet burgim, mirëpo për shkak të gjykimit të shkurtuar u hoqën pesë vite.
Gjatë seancës së sotme, avokati i Hajdarajt kërkoi ndryshim të veprës penale nga “Vrasje me dashje” në “Vrasje në tejkalim të mbrojtjes së nevojshme”, si dhe kërkoi të dënohet në minimum.
Vetë Hajdaraj nuk foli, por avokati shprehu pendesë nga ana e tij./Euronews.al
Në mbledhjen e Komisionit për Integrim Evropian, kryesuesja e Komisionit Rezarta Krasniqi i ka parashtruar pyetje zëvendëskryeministrit, Besnik Bislimi, sa i konsideron të pamartuara dekoratat e ministres Donika Gërvalla.
Krasniqi pyeti lidhur me deklarimin e Gërvallës që BE-ja nuk është fajtore për izolimin e Kosovës, ngase institucionet nuk i kanë kryer detyrat e shtëpisë.
“Kemi parë disa deklarata të pamatura nga zonja Gërvalla a janë qëndrime të qeverisë ato. Ajo e ka mbrojtur BE-në. Me 19 korrik mbahet takime në Bruksel, çfarë strategjie e keni”.
Mirëpo zëvendëskryeministri Besnik Bislimi tha se asnjë deklaratë të Gërvallës nuk e konsideron të pamatur.
Bislimi ka reaguar ndaj kryesueses së Komisionit pasi që ajo ju drejtuar që është jotransparentë, e ky i fundit tha se nga katër infuzione në ditë i po i merr prej kur është kthyer nga Brukseli.
“Sa i përket deklaratave nuk po e di cilave po i referoheni ju, dhe e kam të pamundur me ju përgjigj. Asnjë deklaratë të zonjës Gërvalla nuk e klasifikoj të pamatur. Ne BE-në nuk e kemi armik dhe nuk është krim nësendikush e mbron BE-në. Franca dhe Holanda nuk është se kanë votuar kundër”.
Bislimi ka folur edhe për vizitën e fundit në Bruksel, e që tha se atje nuk kanë dialoguar por vetëm kanë raportuar në lidhje me implimentimin e marrëveshjeve.
“Nuk po më duket korrekte me thënë ka zero transparencë unë kam raportuar në Komisionin për Politikë të Jashtme dhe kemi pasur debat në parlament”.
“Unë jam kthyër të mërkurën në Kosovë, por nuk kam pasur ftesë për të raportuar dhe unë nuk mund të vijë të raportoj vet sepse nuk ka pasur as seancë as kryesi, është i gabueshëm edhe indinjim pse unë nuk kam dal të flasë në medie është se unë dua që në Bruksel të dal dhe të nxjerr marrëveshje të mira, ne në Bruksel nuk kemi dialogu sepse kemi raportuar për implementimin e marrëveshjeve të secilës parë dhe prej 11 marrëveshjeve Serbia nuk i ka zbatuar”.
“Prej ditës së enjte jam me infuzione, nga katër në ditë, dhe këtu kam ardhur direkt nga Klinika”.
Pacientët dhe familjarët e tyre, çdo ditë po ballafaqohen me korrupsion. Të njëjtit detyrohen të paguajnë nga xhepi për të pakta shërbime që marrin, ndërkohë që atyre po u shkelet edhe e drejta për konfidencialitet. Para anëtarëve të Komisionit për Shëndetësi janë përmendur të gjitha të metat e sistemit shëndetësorë, ku një qytetar ka treguar edhe për përvojën jo të mirë që ka pasur. I njëjti ka thënë se pacientëve nuk iu garantohen të drejta të barabarta në ofrimin e shërbimeve shëndetësore.
Bashkim Isari i cili ka përvojë të gjatë në fushën e të drejtave të njeriut ka treguar për përvojën e tij me një anëtar të familjes i cili ka qenë i sëmurë me leukemi akute.
“Shembulli i imi konkret në familje për shkak të një sëmundje të keqe të leukemisë akute, më kanë ballafaquar me shumë probleme. Ato nuk janë vetëm shkelje e të drejtave të pacientëve, por janë edhe një rrezik i jetës së pacientëve të cilët janë të sëmurë. Mund të konstatoj se mbrojta, mjekimi i pacientit dhe rehabilitimi i të sëmurëve me standarde në përputhje me etikën e mjekësisë nuk është në nivele të duhura në Kosovë. Në asnjë institucion, veçmas në QKUK. Pacientëve nuk u garantohen të drejta të barabarta në ofrimin e shërbimeve mjekësore. Kemi shumë mangësi dhe lëshime për kujdes të shëndetit të njeriut. Mungojnë mekanizmat për mbrojtjen dhe sigurinë e të drejtave të pacientëve. Nuk informohen si duhet dhe sa duhet dhe nuk kanë përgjigje adekuate për shumë sëmundje”, rrëfen ai.
Kështu është shprehur ai në tryezën e rrumbullakët me temën “Të drejtat dhe siguria e pacientit” të organizuar nga Komisioni për Shëndetësi dhe Mirëqenie Sociale, ku veç tjerash theksoi se mungon komunikimi mes pacientit dhe mjekut, kështu i sëmuri mbetet pa informacion.
“Në godinën e Klinikës Interne, në hyrje i kemi pesë gardianë ose persona që merren me çështjen e sigurimit, herë të lëshojnë, herë nuk të lëshojnë me byrek me kos. Ndërkaq, prapa ndërtesës është një hyrje tjetër ku shkruan ‘Rrezik për vizitorët’, mirëpo është krijuar një korridor nëpër të cilën kalojnë jo vetëm pacientët, por edhe familjarët e tyre. Unë edhe i kam fotografuar”, ka treguar ai.
Ai ka lutur anëtarët e komisionit që të merren masa në këtë drejtim, meqë sipas tij këto kanë vlerë më shumë se politika.
Tutje, kryetarja e komisionit, Fatmire Mulhaxha-Kollçaku tha se qëllimi i këtij takimi është që të gjithë ata që tash e sa vjet merren me sigurinë e pacientit të japin imputet e tyre në legjislacion.
“Siguria e pacientit është përkufizuar si parandalim i dëmtimit të pacientit. Theksi bie në atë që parandalon gabimet, mësohet nga gabimet që ndodhin dhe ndërtohet mbi një kulturë sigurie, që përfshihet profesionistët e kujdesit shëndetësor, strukturat shëndetësore dhe pacientin”, tha ajo.
Kryetari i Shoqatës së Pacientëve, Besim Kodra tha se jo të gjithë pacientët gëzojnë të drejtën për masën preventive, madje Ligji për Drejtat dhe Përgjegjësisë e Qytetarëve ka mbetur edhe në sirtarët e institucioneve.
“Sipas raportit të Progresit të vitit 2018, thuhet që 18 për qind e qytetarëve të Kosovës nuk kërkojnë fare shërbime shëndetësore, në pamundësi për të paguar tarifat. Edhe këta bëjnë 350 mijë njerëz. 34 për qind kanë vështirësi në qasje në shërbime shëndetësore në pamundësi për të paguar tarifat. Pagesat nga gjepi vazhdojnë të jenë të larta përkundër rekomandimeve të Bankës Botërore dhe kjo pa dyshim që ndikon në gjepin e pacientëve. Kulmi i gjithë kësaj është edhe korrupsioni, të cilin pacienti e atakon çdo ditë dhe pengon qasjen në shërbime shëndetësore. E drejta për informim është një ABC e kujdesit shëndetësor, për të bërë qytetarin partner dhe me angazhua në kujdes shëndetësor duhet të jetë i informuar”, ka thënë Kodra.
Më tej, Kodra ka folur edhe për të drejtën e pacientit për konfidencialitet.
“Më shumë shkelet se sa respektohet. Kemi parë dje gjithë politikanët kanë shpërndarë fotografi nga Deçani, kanë paraqitur pacientë, fëmijë në klinika. Që është shkelje e privatësisë. Për mua më flagrante është shkelje e privatësisë kur në dhomat e ekzaminimit në radiologji vendosen kamera. Dhe kjo përkundër që Agjencioni për Privatësi ka konstatuar që është shkelje, ende personi që ka vendosur aty punon lirshëm”, theksoi ai.
E, kryetari i Odës së Mjekëve të Kosovës, Pleurat Sejdiu ka folur edhe për numrin e madh të profesionistëve shëndetësorë që po dalin jashtë vendit.
“Në si punëtorë shëndetësor nuk e kemi një ligj për të drejtat dhe përgjegjësitë. Jemi i vetmi shtet që nuk e kemi këtë ligj. Më në fund ka filluar, ka filluar koncept-dokumenti… Unë mendoj se është keqinterpretuar për një kohë të gjatë që punëtorët shëndetësorë po kërkojnë paga. Problemi kryesor është te kushtet e punës që automatikisht ndikon në cilësinë e shërbimeve dhe në siguri. Kushtet e punës janë ato që mjekët po shkojnë jashtë. Shifrat e ditës së sotme janë 72 mjekë për gjashtë muaj, kjo deri në fund të vitit do të jetë 150 mjekë”, është shprehur ai.
Ndërsa, kryetari i Odës së Farmacistëve të Kosovës, Arianit Jakupi ka theksuar faktin se shumë pacientë nuk kanë qasje në barna, e kjo edhe për shkak se shumë prej barnatoreve nuk janë të furnizuar me barna të nevojshme.
“Çështja e parë është qasja në barna. A ka pacienti qasje në barna? Në shumë raste nuk ka për shkak se Kosova është vend i vogël dhe kompanitë farmaceutike botërore nuk kanë interes që të regjistrojnë barnat e tyre në Kosovë dhe kjo pastaj ka bërë që udhëzimi administrativ 2/2014, në atë kohë kemi prezantuar një udhëzim të tillë dhe është miratuar nga Ferid Agani, që ua ka mundësuar pacientëve të kenë qasje dhe ajo siguri që kemi dalur në atë kohë ka qenë që këto raste kur barnat janë të paregjistruara të vijnë direkt nga Bashkimi Evropian. Sepse ky udhëzim ofron mundësinë e importit për barnat që mungojnë në Kosovë, vetëm nga Bashkimi Evropian”, ka theksuar Jakupi.
Ndërkohë që gjatë ditëve të fundit, me qindra qytetarë në Deçan janë helmuar, nga organizata joqeveritare “Konsumatori”, kanë bërë thirrje që sa më parë të hetohet ky rast./KP
Vihet në pranga, me qëllim ekstradimi drejt Belgjikës, një shtetas i shpallur në kërkim ndërkombëtar për veprat penale “Kultivimi i bimëve narkotike” dhe “Vjedhja”.
Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar: Djelal Ferati, 38 vjeç, banues në Shkup.
Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga Interpol Bruksel/Belgjikë, pasi autoritetet gjyqësore në Antëerp, Belgjikë e kanë dënuar me 3 vite burg për veprat penale “Kultivimi i bimëve narkotike” dhe “Vjedhja”, parashikuar nga legjislacioni penal i Belgjikës.
Në përfundim të veprimeve hetimore, specialistët e Seksionit për Hetimin e Krimit në Komisariatin e Policisë Kukës bënë arrestimin provizor të këtij shtetasi, me qëllim ekstradimin e tij drejt Belgjikës, mbështetur në “Konventën Evropiane të Ekstradimit” të vitit 1957.
Presidentja e Kosovës Vjosa Osmani, i është drejtuar në gjuhën frënge presidentit të Francës Emmanuel Macron.
Osmani e ka uruar atë për Ditën Kombëtare të Francë të njohur si “Dita e Bastiljes”.
“Dy popujt tanë kanë marrëdhënie të shkëlqyera dhe se bashkëpunimi mes dy vendeve është shumë i rëndësishëm për Kosovën dhe perspektivën e sajë evropiane”.
Vjosa Osmani para disa ditësh në ambientet e Presidencës i ka nisur mësimet në gjuhën franceze.
Në sekuenca të shkurtëra ajo ka treguar se si i ka zhvilluar mësimet.
Zëvendëskryeministri Besnik Bislimi ka thënë se nuk i konsideron të pamatura deklaratat e ministres së Punëve të Jashtme dhe Diasporës, Donika Gërvalla.
Ai është pyetur nga deputetja e LDK-së, Rrezarta Krasniqi lidhur me deklaratat e Gërvallës se “Kosova nuk i ka plotësuar kushtet për pranimin në BE dhe si pasojë nuk ka arsye për t’u fajësuar BE-ja”.
“Nuk po e di për cilat deklarata po i referoheni ju e kam të pamundur me ju përgjigj. Unë asnjë deklaratë të zonjës Gërvalla nuk i konsideroj të pamatura”, ka thënë ai.
Qeveria e Kosovës do të mblidhet sot në ora 15:00.
Kjo është bërë e ditur përmes një njoftimi nga Zyra e Kryeministrit, derisa ende nuk dihet se cila është tema e diskutimit në këtë mbledhje.
Ndryshe kryeministri i vendit, Albin Kurti, është kthyer nga Greqia, ku ka qëndruar që nga data 8 korrik, për vizitë zyrtare.
Në këto ditë vape me temperatura mjaftë të larta Shoqata Humanitare “Porta e mirësisë” ka shpërndarë ujë në rrugët e qytetit të Prizrenit.
Sipas tyre kjo gjë u bë falas për të gjithë kalimtarët dhe shoferët e rastit.
Ekipi olimpik i xhudos është nisur sot drejt Tokios së Japonisë, ku prej 23 korrik – 8 gusht 2021 do të mbahen Lojërat Olimpike Tokio 2020.
Xhudistët të prirë nga trajneri Driton Kuka, do të vendosen fillimisht në Komunën e Sanjos, ku do të zhvillojnë përgatitje, para se të transferohen më 21 korrik në fshatin olimpik në Tokio.
Ekipin e ka përcjellur në aeroportin ndërkombëtar të Prishtinës, edhe shefi i misionit të ekipit olimpik të Kosovës, Jeton Rudari.
Krahas pesë xhudistëve: Majlinda Kelmendi, Distria Krasniqi, Nora Gjakova, Akil Gjakova dhe Loriana Kuka, me ekipin udhëtoi edhe Flaka Loxha, në cilësinë e sparing partneres.
Para nisjes, trajneri Kuka ka folur për fazën përgatitore që do ta zhvillojnë në Sanjo.
“Qyteti Sanjo është nikoqir i ekipit tonë, qytet ky që na ka pritur edhe para botërorit 2019. Atje do t’i përshtatemi klimatizimit të kohës dhe do të kemi përgatitje, në të cilat nuk lejohen sparingjet me sportistë tjerë, për shkak të pandemisë Covid 19. Unë besoj se ekipi është mjaftueshëm në numër për të ndihmuar njëri-tjetrin, si dhe për të mbajtur performancën dhe nivelin e përgatitjeve që tashmë e kemi arritur”, tha Kuka për Komitetin Olimpik të Kosovës.
Të pesë xhudistët janë kualifikuar me normë olimpike. Ekipi olimpik përbëhet prej 11 sportistëve. Pjesa tjetër e ekipit olimpik udhëton prej 19 korrikut.
Një kosovar e ka denoncuar një mërgimtar nga Zvicra te Policia e Cyrihut, meqenëse në një foto të publikuar në media, ai shihet duke e kthyer veturën në një vendkalimin për këmbësorë në Prishtinë.
Për këtë denoncim të tij, ai ka marrë përgjigje nga Policia atje.
Nëpërmjet një postimi në Twitter, Policia zvicerane ka thënë se ndjekja penale e shkeljeve në Prishtinë u takon autoriteteve kosovare.
“Ju falënderojmë për mesazhin tuaj. Për shkak të mungesës së juridiksionit lokal, ne ia lëmë ndjekjen penale të shkeljeve në Prishtinë autoriteteve lokale të policisë”, thuhet në postimin e policisë zvicerane.
https://twitter.com/ImeriArlind1/status/1414996297107611650?ref_src=twsrc%5Etfw%7Ctwcamp%5Etweetembed%7Ctwterm%5E1414996297107611650%7Ctwgr%5E%7Ctwcon%5Es1_&ref_url=https%3A%2F%2Fgazetablic.com%2Fmergimtarin-qe-e-ktheu-veturen-ne-zebra-ne-prishtine-e-denoncojne-tek-policia-zvicerane%2F
Ndryshe, kosovari kishte publikuar në Twitter, foton ku shihet mërgimtari duke e kthyer veturën në vendkalimin për këmbësorë dhe e kishte etiketuar llogarinë e Policisë së Cyryhut në këtë rrjet social.
“Kjo veturë me targë të Cyrihut është fotografuar në Prishtinë. Siç e shihni, ai kthehet në vendkalim! #Faleminderit”, kishte shkruar ai.
