Ka disa ditë që zjarret janë përhapur në disa rajone të vendit, ndërsa përhapjes së zjarrit i kanë ‘kontribuar’ edhe temperaturat e larta si dhe djegia e sipërfaqeve hamullore. 

Gjendja më problematike është paraqitur në rajonin e Pejës, saktësisht në Shtupeq të Madh të Rugovës.

Më poshtë mund ta gjeni raportin 24 orësh të Policisë së Kosovës për zjarret:

Sankoc, Gllogoc 04.08.2021-13:19. Në rrethana të panjohura ka shpërthyer zjarri në pronën e ankuesit ku janë djegur hamullore dhe  pylli në hapësirë prej rreth tre hektarëve. Njësitet e zjarrfikësve kanë lokalizuar zjarrin, nuk raportohet për të lënduar.

Brus, Lipjan 04.08.2021-12:10. Në rrethana të panjohura ka shpërthyer zjarri në malet e fshatit, ndërsa njësitet e  zjarrfikësve  të Lipjanit, Llapnasellës e Novobërdës së bashku edhe me njësitet policore kanë arritur që të lokalizojnë zjarrin.  Sipas rojës së pyllit janë dëmtuar rreth 20 –hektarë pronë shtetërore dhe 5-hektarë male pronë private. Lidhur me rastin është informuar edhe prokurori, ndërsa rasti është duke u hetuar.

Gushtericë e epërme, Graqanicë 04.08.2021 -17:10. Për shkaqe ende të pa njohura është përfshirë nga zjarri një objekti ndihmës pronë e ankuesit mashkull kosovar. Njësiti i zjarrfikësve ka lokalizuar dhe fikur zjarrin.

Ramjan, Viti 04.08.2021-10:30. Ankuesi kosovar ka njoftuar se disa ara të papunuara  janë përfshirë nga zjarri. Njësitet e zjarrfikësve ka lokalizuar zjarrin. Nuk raportohet për të lënduar dhe të dyshuar.

Rr. Nato-99, Gjilan 04.08.2021-18:50. Është arrestuar i dyshuari  kosovar pasi që i njëjti në oborrin e depos së tij kishte ndezur një zjarr për t’i djegur disa mbeturina të depos, por pasi që zjarri kishte filluar të merrte përmasa, me ndihmën e qytetarëve dhe njësitet policore, kishin arritur ta lokalizojnë zjarrin. Në konsultim me prokurorin i dyshuari pas intervistimit është liruar në procedurë të rregullt.

Shurdhan, Gjilan 04.08.2021-19:30 I dyshuari mashkull  kosovar  u kishte vënë zjarrin disa barishteve në një hapësirë prej rreth 2 ari, të cilat ndodheshin në pronën e tij. I dyshuari ka arrit që ta lokalizojë vet zjarrin.

Cernillë, Ferizaj 03.08.2021 – 18:30. Si pasojë e një zjarri që ka shpërthyer për shkaqe të pa njohura deri më tani janë djegur rreth 50 hektarë të hamulloreve të grurit. Zjarrfikësit kanë dalë në vendin e ngjarjes dhe e kalë lokalizuar zjarrin. Të lënduar nuk ka.

Softaj, Ferizaj 04.08.2021 – 15:15. Si pasojë e një zjarri që ka shpërthyer për shkaqe të pa njohura deri më tani janë djegur rreth 30 hektarë të hamulloreve të grurit. Zjarrfikësit kanë dalë në vendin e ngjarjes dhe e kalë lokalizuar zjarrin. Të lënduar nuk ka.

Peqan, Suharekë 04.08.2021-14:05. Raportohet se, si pasojë e prishjes së një përçuesi elektrik ka shpërthyer një zjarr ku është përhap në kodrinat e fshatit Peqan dhe Sllapuzhan. Njësitet e zjarrfikësve janë duke  tentuar që ta shuajnë zjarrin.

Më datën 31 korrik 2021 në orën 23:55, Policia në Prizren kishte pranuar një informacion se në rrugën ‘Tranziti i Ri’ të Prizrenit, në një lokal kishte  ndodhur një rrahje masive me gota të qelqit dhe grushte. Të dyshuarit në këtë incident ishin në ndikim të alkoolit, ndërsa dje janë arrestuar gjashtë të dyshuar.

Sipas policisë, reagimi i tyre ka qenë i menjëhershëm duke dërguar njësitet policore  në vendin e ngjarjes dhe në konsultim me prokurorin e shtetit janë ndërmarrë të gjitha veprimet si dhe është iniciuar rasti.

“Katër persona të lënduar kanë kërkuar ndihmë mjekësore, njëri prej tyre është duke u trajtuar edhe më tutje në Spitalin Rajonal të Prizrenit”, njofton policia tutje.

“Pas veprimeve operative – hetimore  në lidhje me rastin, me 04.08.2021, është arritur që të sigurojmë video-incizime nga lokali, ku dyshohet të ketë  ndodhur rasti, pas analizimit të video- incizimeve është  arritur që të i identifikojmë gjashtë të dyshuarit e këtij rasti: M.  XH. i datëlindjes 1994, E. A. i datëlindjes 1995, D. K. i datëlindjes 1991, D. D. i datëlindjes 1993, SH. H. i datëlindjes 2000 dhe M. H. i datëlindjes 1996“, thuhet në njoftimin e policisë.

Në prezencën e avokatëve mbrojtës janë marrë deklarata nga gjashtë të dyshuarit , të cilët deklarojnë se atë natë kishin konsumuar shumë pije alkoolike dhe sipas tyre ishin provokuar vazhdimisht nga pala tjetër të përfshirë në këtë përleshje fizike.

Me vendim të prokurorit të shtetit  të  dyshuarit  ndalohen në qendrën e ndalimit për 48 orë.

Rasti është duke u hetuar nga hetuesit e Stacionit Policorë në Prizren.

Kohëve të fundit ka një rritje të konsumit që po shoqërohet me një shkallë të madhe të keqpërdorimeve të ujit të pijshëm. Si rrjedhojë e kësaj, Kompania Rajonale e Ujësjellësit “Hidroregjioni Jugor” sha , përmes një komunikate për media, ka njoftuar për aktivitetet që do të zhvillohen në bashkëpunim me Drejtorinë Regjionale të Policisë së Kosovës në Prizren dhe Drejtorinë e Inspektoratit Komunal të Komunës së Prizrenit për parandalimin e keqpërdorimit të ujit, duke thënë se personat që do të hasen duke keqpërdorur ujin e pijes do të ndëshkohen me gjobat e parapara sipas ligjeve dhe rregulloreve në fuqi.

Njoftimi i plotë:

” KRU “Hidroregjioni Jugor” sha, me qëllim të furnizimit me ujë edhe në këto ditë të nxehta të verës, në  takimin e mbajtur sot me Drejtorin Regjional  të Policisë së Kosovës në Prizren, Drejtorin e Inspektoratit Komunal të Komunës së Prizrenit, jemi dakorduar që ekipet tona së bashku me policinë e Kosovës të inspektojnë në lokacionet, ku kemi keqpërdorimet më të mëdha të ujit. Personat që do të hasen duke keqpërdorur ujin e pijes do të ndëshkohen me gjobat e parapara sipas ligjeve dhe rregulloreve në fuqi.

Konsumatorë të çmuar, kohëve të fundit ka një rritje të konsumit që po shoqërohet me një shkallë të madhe të keqpërdorimeve të ujit të pijshëm, kryesisht në disa lokacione specifike.

Si pasojë e këtyre keqpërdorimeve nga konsumatorët e pandërgjegjshëm, kohë pas kohe është i pamundur furnizimi për disa pika më të larta.Prandaj, te kjo kategori e konsumatorëve kërkojmë mirëkuptim në pamundësinë e furnizimit të rregullt me ujë të pijes.

Andaj, me qëllim të furnizimit me sasi të mjaftueshme dhe të barabartë për të gjithë konsumatorët, Kompania Rajonale e Ujësjellësit “Hidroregjioni Jugor” sha, apelon te të gjithë që të racionalizohet shpenzimi i ujit të pijes dhe të mos keqpërdoret për arsye të panevojshme.”

Sot ka mundësi që në vende të izoluara të ketë riga shiu në formë stuhie. Temperaturat minimale do të lëvizin ndërmjet 15-16 gradë Celsius, ndërsa maksimalet e ditës parashihen të lëvizin ndërmjet 33-35 gradë Celsius. Do të fryjë erë nga drejtimi i veriperëndimit mesatare dhe lokalisht e fortë.