Në objektin e ri të Komunës së Prishtinës nga një trafo elektrike ka shpërthyer zjarr, pasditen e së enjtes.

Sipas njoftimit të Komunës së Prishtinës, nga zjarri nuk raportohet sa ka pasur të lënduar, ndërsa punëtorët dhe personat e gjendur brenda komunës janë evakuuar, ndërsa zjarri është shuar pak më pas nga ekipi i zjarrfikësve.

“Me qëllim të evitimit të rrezikut nga ndonjë zjarr i ri, punëtorët komunal si dhe qytetarët janë evakuuar me kohë, ndërsa puna është ndërprerë në objekt për ditën e sotme. Shkaqet e zjarrit janë duke u hetuar”, thuhet tutje në njoftim.

Në mbledhjen e Komisionit për Ekonomi, Industri, Ndërmarrësi dhe Tregti të kryesuar nga kryetari Ferat Shala sot ka formuar Grupin e punës për nismën legjislative për hartimin e Projektligjit për kriptovaluta.

Kryesuese e këtij grupi është zgjedhur deputetja Mimoza Kusari-Lila, derisa anëtarja e këtij grupi Jeta Statofci theksoi se me anë të këtë këtij ligji synojnë ta krijojnë një bazë ligjore sa më e përshtatshme për kriptovalutat.

“Siç e kemi të paraparë edhe në Planin e punës është edhe projektligji për kriptovalutat. Ne kemi pranuar hulumtimin, kështu që mendoj që është e udhës edhe formimi i grupit punues, i cili do të angazhohet në këtë projektligj. Propozoj që krahas edhe grupit formues, të ketë edhe angazhim të ekspertëve pasi që është fushë e re për të dhënë kontributin e tyre në krijimin e një baze ligjore sa më të përshtatshme edhe konform nevojave që identifikohen në treg”, theksoi Statovci.

Ndryshe, shumë qytetarë në Kosovë kanë investuar në kriptovaluta, megjithëse nuk është e rregulluar me ligj deri tash. /KP

Kryetari i Kuvendit të Kosovës, Glauk Konjufca, mori pjesë në punëtorinë për shqyrtimin e draft-rregullores së Kuvendit të Republikës së Kosovës, të organizuar nga grupi punues.

Në fjalën e tij të rastit, kryekuvendari Konjufca i dha mbështetje të plotë hartimit të rregullores së re, duke theksuar nevojën e përmbylljes sa më të shpejtë të këtij procesi.

Nëpërmjet një komunikate për media nga Kuvendi i Kosovës thuhet se “Kreu i legjislativit theksoi rëndësinë që rregullorja e re të plotësojë kërkesat e Kuvendit dhe në këtë mënyrë të lehtësojë funksionimin e punës brenda institucionit”.

Rregullorja e Kuvendit përcakton rregullat për organizimin dhe funksionimin e Kuvendit të Republikës së Kosovës, organeve të tij drejtuese dhe trupave të tij të punës, në ushtrimin e funksionit ligjvënës, mbikëqyrës dhe përfaqësues.

Po ashtu Rregullorja përcakton edhe rregullat për organizimin dhe funksionimin e Administratës së Kuvendit të Republikës së Kosovës. /Telegrafi/

Përmes një komunikate për media, dega e LDK-së në Prizren ka kritikuar qeverinë lokale për paaftësi për të realizuar projektin e sigurimit të shujtave ditore për mësimdhënës .
Komunikata plotë
Në vazhdën e dështimeve të njëpasnjëshme, Komuna e Prizrenit është shfaqur e paaftë të realizoi edhe projektin e sigurimit të shujtave ditore për mësimdhënës.
Në bazë të kontratës kolektive, arsimtarëve ju takojnë;
– një shujtë ditore dhe pagesa e udhëtimit (për ata që udhëtojnë).
Përmbushja e këtyre, sipas kontratës, janë obligative për komunat.
Komuna e Prizrenit, e paaftë siç është nuk ka arritur ti përmbushi këto dy zotime kontraktuale me procedurë të rregullt, duke bërë që këto të drejta, arsimtarët ti realizojnë vetëm përmes procedurave gjyqësore që nënkupton se Komuna e Prizrenit, tash po i paguan me përmbarues që rritë shumë koston dhe për rrjedhojë i shkakton dëme të mëdha buxhetit komunal.
Lidhja Demokratike e Kosovës në Prizren është në vazhdimësi në kontakt me komunitetin arsimor të cilët janë jashtëzakonisht të pakënaqur me keqmenaxhimin, keqpërdorimet, nepotizmin e theksuar dhe dështimet e shumta të administratës komunale për të përmbushur nevojat dhe kërkesat e këtij komuniteti.

Periudha e aplikimit për t’u regjistruar si votues jashtë Kosovës, e cila ka filluar më 10 korrik, është duke vijuar.Kjo periudhë përfundon më 18 gusht, raporton Gazeta Blic.
Nga KQZ bëhet me dije se deri me datën 14 korrik janë pranua 699 aplikacione për regjistrim.

“Sipas të dhënave të fundit, deri më 14 korrik kemi pranuar 699 aplikacione për regjistrim. Pas shqyrtimit të tyre nga shërbimi votues janë aprovuar 653 aplikacione, ndërsa 46 të tjera nuk janë aprovuar deri më tani për shkak se aplikuesit nuk kanë plotësuar kriteret juridike për t’u përfshirë në listën votuese jashtë Kosovës.

Të gjithë personat që arrijnë të regjistrohen suksesshëm si votues jashtë Kosovës do të mundet të votojnë në një fazë të mëvonshme përmes postës, e cila fillon më 15 shtator, ndërsa fletëvotimet në adresë të KQZ-së duhet të arrijnë deri më 15 tetor” njofton KQZ-ja.