Të shumta janë diskutimet sa i përket zhvillimit të dialogut Kosovë-Serbi, me ndërmjetësim të Bashkimit Evropian.

Por në kuadër të zhvillimit të dialogut, kryeministri i vendit, Albin Kurti dhe presidenti serb, Alekasandar Vuçiq do të takohen më 19 korrik në Bruksel.

Takimi i radhës në mes Kurtit dhe Vuçiq është konfirmuar nga zëdhënësi i Bashkimit Evropian për Siguri dhe Politikë të Jashtme, Peter Stano.

I kontaktuar nga lajmi.net, Peter Stano ka deklaruar se bisedimet në Bruksel janë pjesë e një procesi të vazhdueshëm , por sa i përket Asociacionit dhe diskutimit të kësaj çështje në kuadër të dialogut Stano deklaroi se nuk mund të japin detaje shtesë para se procesi të përmbyllet.

“Bisedimet në Bruksel janë pjesë e një procesi të vazhdueshëm mbi të cilin ne nuk duam të japim detaje shtesë, para se të përmbyllet”, tha Stano.

Ndërsa lidhur me atë se a pritet të zgjasë ende procesi i dialogut dhe arritja e një marrëveshje finale në mes të dy shteteve, Stano theksoi se për këtë nuk vendosin afate artificiale, por që kjo varet nga aftësia e të dy palëve për të gjetur një kompromis të pranueshëm.

Stano poashtu theksoi se puna në kuadër të zhvillimit të dialogut Prishtinë-Beograd është duke vazhduar, por sa i përket takimeve në kuadër të kësaj presin kohën më të përshtatshme për t’i caktuar.

Ndryshe deklarata të shumta pati radhazi nga zyrtarët e Bashkimit Evropian si dhe nga Shtetet e Bashkuara të Amerikës, përmes së cilave i sugjerohet Qeverisë së Kosovës që t’i qaset seriozisht zbatimit të Marrëveshjes së Brukselit, për formimin e Asociacionit të komunave me shumicë serbe.

Zv/kryeministri i vendit, Besnik Bislimi ditë më parë deklaroi se çështja e Asociacionit nuk është përmendur në asnjë fjali të vetme në takimet e ndara apo të përbashkëta në Bruksel të cilat ai i zhvilloi gjatë vizitës së tij.

Bislimi madje tha se e vetmja çështje ku qëndrimi i Kosovës dhe i BE-së nuk ka qenë i njëjtë kishte të bënte me tabelat KS.

Procesi i dialogut Kosovës-Serbi, me lehtësimin e Bashkimit Evropian ka filluar në vitin 2011, si dialogu për çështje teknike, për të evoluar më pas në dialog të nivelit politik.

Raundi i fundit i dialogut u zhvillua gjatë muajit të kaluar.

Njëherësh me këtë rast ishte edhe takimi i parë që kryeministri i Kosovës, Albin Kurti ka zhvilluar me presidentin serb, Aleksandar Vuçiq, në kuadër të dialogut.

Deputeti i Lëvizjes Vetëvendosje, Enver Dugolli, ka thënë se situata me qytetarët e sëmurë në Deçan është nën kontroll.

Ai në Info Magazine të Klan Kosovës ka deklaruar se po të ishte gjendja alarmante kryeministri i vendit, Albin Kurti, do të vinte në Deçan dhe do të ndërprente pjesëmarrjen e tij në samitin e Greqisë, ku është duke qëndruar për shtatë ditë me radhë.

“Kryeministri ka komunikim ditor dhe disa herë në ditë me kabinetin qeveritar dhe me institucionet e tjera. Ai ka biseduar edhe me kryetarin e Komunës së Deçanit, të jeni të bindur se po të kishte indikacione se gjendja po përkeqësohej, kryeministri do t’i linte ato mbledhje dhe tryeza që po mbahen jashtë vendit sado që janë të rëndësishme dhe do të vinte në Kosovë”.

“Kryeministri është jashtë vendit në samite dhe konferenca me një agjendë zyrtare që janë shumë të rëndësishme, kryeministri po e tregon të vërtetën për Kosovën. Në procesin e dialogut që jemi futur nuk mjafton të thuhet diçka vetëm kur shkohet në Bruksel, duhet në çdo forum të thuhet e vërteta për Kosovën. Këtë po e bën Kurti, ai nuk është me pushime, ai është më agjendë pune”.

“Ka kauza të rrejshme nga opozita për agjendën e kryeministrit, ata kanë me çka të merren, të merren me të kaluarën e vet që kur ishin në pozitë kanë lënë shumë çështje që janë akoma pengesë e realizimit të agjendës shtetërore”.

“Sipas raportit të Komunës së Deçanit, situata është nën kontroll. Në ditën e parë janë shfaqur 428 pacientë, në ditën e dytë 324 pacientë, në ditën e tretë dhe të katërt vetëm se ka rënë numri i pacientëve, pra gjendja nuk ka shkuar duke u përkeqësuar, situata nuk ka shkuar jashtë kontrollit”.

Dugolli ka theksuar se Qeveria i është përgjigjur çdo kërkese që ka paraqitur Komuna e Deçanit, duke u ofruar të gjitha gjërat e nevojshme.

“Qeveria Kurti ka bërë gjithçka që t’u jetë pranë qytetarëve. Kërkesa ka qenë që të jetë lista me barna esenciale, ajo është bërë në afat rekord nga niveli qendror, kërkesa e Komunës së Deçanit është plotësuar. Po ashtu në mbledhjen e djeshme të Qeverisë janë ndarë edhe 150 mijë euro për këtë situatë”, ka thënë Dugolli.

Ambasada e Shteteve të Bashkuara te Kosovës ka kërkuar nga qytetarët dhe gazetarët në Kosovë që të mos merren me thashetheme por të presin faktet lidhur me situatën e krijuar në Deçan.

Në një postim në faqen e saj në Twitter, Ambasada ka deklaruar se ndonëse do të kryhen edhe disa teste, Ministria e Shëndetësisë beson se një bakterie është shkaktare e simptomave.

“Mendimet tona janë me ata që po vuajnë nga emergjenca shëndetësore në Deçan. Megjithëse edhe shumë teste do të kryhen, Ministria e Shëndetësisë beson se një bakterie është shkaktare e simptomave. Gazetarë, qytetarë, injoroni thashethemet. Pritni për fakte”, thuhet në postimin e Ambasadës së SHBA-së.

Ndërkohë, presidenti i Serbisë, Aleksandar Vuçiq, ka folur edhe për serbët që janë parë në Deçan, pak ditë para se të paraqiteshin shumë qytetarë të kësaj komunë me të njëjtat simptoma, e që mediat në Kosovë kanë ngritur dyshime se mund të jenë ata që kanë helmuar ujin.

Vuçiqi ka folur për këtë çështje të enjten dhe ka treguar se ka njohuri për lëvizjen e serbëve të kapur nga kamerat e sigurisë.

“E kemi analizën e lëvizjes së veturës me targa të Novi-Sadit, nuk ishte as 500 metra afër burimit të ujit. Po presim të shohim se çfarë do të thonë”, ka thënë Vuçiq gjatë një vizite në qytetin Borç, ku inauguroi një shtëpi shëndeti , përcjell b92.

Ditëve të fundit, mbi 1,500 banorë të fshatrave të Deçanit kanë kërkuar ndihmë mjekësore dhe të gjithë u paraqiten me simptoma të helmimit. Fillimisht pista kryesore ishte burimi i ujit, por pas analizave fillestare nga IKSHPK-ja, është thënë se uji nuk është burim i helmimit. Megjithatë, ministri i Shëndetësisë, Arben Vitia, ka thënë të mërkurën, se disa mostra të ujit do të dërgohen jashtë vendit për analiza më të thella.

Taksa prej pesë eurosh për regjistrimin e veturave e vendosur përmes një marrëveshjeje, ka nxitur reagime ditëve të fundit në Kosovë. Kryetari i AAK-së, Ramush Haradinaj, ftoi qytetarët të protestojnë kundër kësaj takse, por e njëjta marrëveshje kishte nisur qysh në kohën kur Qeverinë e drejtonte ai e ministër i Infrastrukturës ishte Pal Lekaj nga partia e tij, sipas pushtetit aktual.

Marrëveshjen për “tiketa ngjitëse” nga ministria tash, thonë se u detyruan ta nënshkruajnë më 8 qershor sepse në të kundërtën shteti do të pësonte dëme financiare. Zëvendësministri i Infrastrukturës, Hysen Durmishi, ka sqaruar përmes një shkrimi në Facebook se marrëveshja si proces ka filluar në vitin 2018 dhe se për të patën aplikuar disa kompani, nga e cila një ishte zgjedhur fituese.

Kryetari i Komunës së Deçanit, Bashkim Ramosaj, ka thënë se kompania rajonale e ujësjellësit “Hidrodrini” nuk do ta ketë më në menaxhim Deçanin.

“Hapat ligjore janë të përcaktuar sepse janë rekomandime të një instituti kredibil të Kosovës. Do flasë vetëm për hapat politikë dhe administrativë që po ndiqen, kompania rajonale ‘Hidrodrini’ nuk do ta ketë më Deçanin me vete në menaxhim. Kompania do jetë kompani komunale që do ketë adresim dhe do ketë në dispozicion taksat e qytetarëve të Deçanit që kjo kompani të jetë me standard më të lartë, që kjo kompani t’i përmbushë kriteret e standardet që t’i gjendet afër qytetarëve”, ka thënë ai në konferencë për media.

Një mërgimtar që ktheu në zebra veturën e tij luksoze u bë viral në rrjete sociale gjatë javës që po lëmë pas.

E policia e Kosovës e ka dënuar të njëjtin me 60 euro për kundërvajtje në trafik.

Këtë e ka bërë të ditur vet policia e Kosovës me anë të një komunikate për media.

“Ndëshkohet shoferi që bënë kthim të ndaluar (në vendkalim për këmbësorë) ! Respektoni rregullat dhe shenjat në trafik duke mos rrezikuar veten dhe pjesëmarrësit tjerë në trafik”, thuhet në postimin e policisë.