Ministri i Brendshëm, Xhelal Sveçla, ka bërë të ditur se 11 shtetas të Kosovës, gra dhe fëmijë, janë kthyer në vendlindje nga zonat e konfliktit në Siri.

Lidhur me këtë, ka reaguar Ambasada amerikane në Kosovë duke e përgëzuar këtë veprim të autoriteteve kosovare.

Tutje, Ambasada ka shtuar se Kosova është lider në luftën kundër terrorizmit dhe ekstremizmit.

“ShBA përgëzon riatdhesimin e djeshëm të qytetarëve kosovarë nga zonat e konfliktit në Siri. Këto kthime demonstrojnë gatishmërinë e Kosovës për të marrë përgjegjësi për qytetarët e saj duke dhënë një shembull për të tjerët. Kosova është lider në luftën kundër terrorizmit dhe ekstremizmit”, thuhet në postimin e Ambasadës së ShBA-së në Twitter.

Një numër i madh i bashkatdhetarëve ia kanë mësyer vendlindjes për t’i kaluar pushimet verore.

Por, në pikat kufitare ata po përballen me pritje deri në një orë.

Tek pika kufitare Dheu i Bardhë, kolona e automjeteve shkon deri në 500 metra.

Kjo është gjendja e pikave kufitare sipas Qendres Kombëtare për Menaxhim Kufitar e Ministrisë së Punëve të Brendshme.

Anëtari i Lëvizjes Vetëvendosje, Nasuf Aliu, ka njofuar se Vetëvendosje nga sot shpallë zgjedhjet e brendshme për kandidatët për anëtarë të Kuvendeve Komunale.

Sipas tij, ky proces do të jetë i hapur deri më 31 korrik 2021, ora 17:00.

Postimi i plotë:

Për gjashtë muaj në Kosovë janë arrestuar 27 policë, ndërsa janë suspenduar 65 punonjës të tjerë.

Keqtrajtimi gjatë ushtrimit të detyrës zyrtare dhe keqpërdorimi i autorizimeve zyrtare, janë dy veprat më të shpeshta për të cilat po hetohen pjesëtarët e Policisë së Kosovës. Gjatë

kësaj periudhe është rritur edhe numri i ankesave të qytetarëve, ku në Inspektoratin e Policor, janë pranuar 923 ankesa.

Kryeshefi i Inspektoratit Policor të Kosovës, Kushtrim Hodaj ka deklaruar se janë 358 raste penale duke u trajtuar nga departamenti i hetimeve. Ai për KosovaPress ka pohuar se ka rritje të ankesave të qytetarëve, por edhe të arrestimeve dhe suspendimeve të policëve.

“Ka një rritje të ankesave të qytetarëve të Kosovës ndaj punës së policisë. Nga janari deri në fund të qershorit, kemi pranuar 923 ankesa të qytetarëve ndaj punonjësve të policisë për shkelje të ndryshme. Të cilat ankesa janë trajtuar në Inspektorat Policor, 358 prej tyre janë vlerësuar që kanë elemente të veprave penale dhe janë dërguar në Departament të Hetimeve për tu trajtuar konform procedurave të Kodit të Procedurës Penale. Ndërkaq, gjithashtu ka një rritje edhe të numrit të veprimeve hetimore dhe suspendimeve që kemi ndërmarrë këtë vit, si Inspektorat i Policisë. Janë suspenduar 65 punonjës të policisë për këto raste që janë trajtuar. Si dhe janë arrestuar 27 zyrtarë të policor për vepra të ndryshme penale sipas autorizimeve të prokurorëve përkatës”, ka deklaruar Hodaj.

Hodaj ka thënë se krahasuar me vitin paraprak, janë rreth 200 ankesa më shumë, derisa tregon se për çfarë veprash penale janë arrestuar dhe suspenduar zyrtarët policor.

“Prej zyrtarëve të arrestuar dhe të suspenduar janë për vepra të ndryshme penale. Por, kryesisht janë për veprën për keqtrajtim gjatë ushtrimit të detyrës zyrtare dhe për keqpërdorim i autorizimeve zyrtare apo pozitës zyrtare. Këto janë dy veprat që janë më të shpeshta. Ndërkaq, ka edhe vepra për shkaktim të lëndimeve trupore, dhunë në familje dhe vepra të ndryshme penale”, ka shtuar ai.

Të premten gjatë një aksioni të Partisë Socialdemokrate, Policia e Kosovës ka arrestuar aktivistët e kësaj partie. Megjithatë të njëjtit janë ankuar për përdorim të dhunës. Qeveria e Kosovës ka njoftuar se përgjegjësi për operacionin e policisë është suspenduar, ndërsa Inspektoriati Policor i Kosovës po vazhdon hetimet e mëtutjeshme lidhur me rastin.

“Ne e kemi pranuar një ankesë prej njërit prej zyrtarëve që ka qenë pjesëmarrës në atë protestë. Kanë dalë inspektorët tanë për të analizuar dhe verifikuar pretendimet e tyre. Do të vlerësojmë dhe analizojmë se a ka pasur keqtrajtim gjatë ushtrimit të detyrës zyrtare apo ka pasur tejkalim të përdorimit të forcave, kjo do të vlerësohet nga hetuesit tanë në bashkëpunim edhe me punëtorët përkatës, nëse vlerësohet që ka elemente sigurisht që do të trajtohet. Nëse vlerësohet që ka vetëm tejkalim që janë në domenin e procedurave administrative atëherë do të trajtohet nga Policia e Kosovës”, ka njoftuar Hodaj.

Gjatë vitit 2020, janë arrestuar 32 punonjës policorë të dyshuar për vepra penale, ndërkaq janë suspenduar 83 të tjerë./KP

Kryeministri i Kosovës Albin Kurti ka folur pas pjesëmarrjes së tij në festivalin e Kanës në Francë dhe duke e theksuar suksesin e artistëve tanë ai tha se Kosova është bërë forcë ndërkombëtare në kinematografi.

Kurti me krenari tha se nuk takuan asnjë personalitet arti dhe kulture që nuk dinte për Kosovën.

Gjatë kësaj vizite kryeministri tha se u takua me me ministren franceze të Kulturës si dhe personalitete të njohura nga bota e artit.

“Në kuadër të vizitës dyditore në Cannes takova Jerome Paillard, drejtorin e Marche dú Film të Kanës, tregut më të madh të filmit në botë; Stefan Laudyn, Drejtorin e Festivalit Ndërkombëtar të Varshavës; Nikolaj Nikitin, drejtorin e SOFA – shkolla për avancimin e filmit; Katriel Schorry, nga Fondi i Filmit të Izraelit, dhe Helge Albers, nga Fondi i Filmit të Hamburgut”, shkroi ai në Facebook.

Kreu i shtetit premtoi se qeveria të cilën e drejton do jetë pranë artistëve në përkrahje si asnjëherë më parë.

Postimi i plotë:

Kosova është bërë forcë ndërkombëtare në kinematografi. Nuk e takuam asnjë personalitet arti e kulture që nuk dinte për Kosovën. Samir Karahoda dhe Luàna Bajrami ishin krah për krah në Cannes me artistët më të shquar që erdhën këtu prej anekënd globit. Nga shumë mijëra filma ky Festival përzgjodhi rreth një dyzinë sosh për secilën kategori. Shumica dërrmuese e vendeve të botës nuk u kualifikuan. E Kosova kishte dy filma që u shfaqën dhe garuan. Rëndësia e artit dhe vlerat tona po bëhen bashkë për vetëdijen dhe shqisat e miliona shikuesve të huaj dhe mijëra artistëve të famshëm.

Në kuadër të vizitës dyditore në Cannes takova Jerome Paillard, drejtorin e Marche dú Film të Kanës, tregut më të madh të filmit në botë; Stefan Laudyn, Drejtorin e Festivalit Ndërkombëtar të Varshavës; Nikolaj Nikitin, drejtorin e SOFA – shkolla për avancimin e filmit; Katriel Schorry, nga Fondi i Filmit të Izraelit, dhe Helge Albers, nga Fondi i Filmit të Hamburgut. I falenderova për mbështetjen e filmit dhe artistëve nga Kosova si dhe diskutuam për mundësitë e shtimit të bashkëpunimit.

Po ashtu takova edhe Ministren Franceze të Kulturës, znj. Roselyne Bachelot, me të cilën biseduam për avansimin e prodhimit të përbashkët të filmave, si dhe kryebashkiakun e Cannes, z. David Lisnard. E në fund, ishte kënaqësi të takoj Kryetarin e Jurisë sivjet, regjisorin Spike Lee, si dhe regjisorin italian Paolo Sorentino.

Qeveria që e udhëheq do të jetë pranë artistëve tanë dhe do t’i përkrah ata si asnjëherë më parë.

Sot me fillim nga ora 12:00 do të mbahet ceremonia e hapjes së vendkalimit kufitar tjetër në mes të Kosovës dhe Maqedonisë së Veriut.

Ceremonia do të mbahet në Pikën Restelicë – Strazimir.

Kështu bën të ditur nëpërmjet një njoftimi Ministria e Punëve të Brendshme e Kosovës.

“Ministria e Punëve të Brendshme njofton se të dielën, më 18 korrik, duke filluar nga ora 12:00 do të mbahet ceremonia e hapjes së vendkalimit kufitar në mes Republikës së Kosovës dhe Republikës së Maqedonisë së Veriut, në pikën Restelicë-Strazimir. Ftojmë mediat të marrin pjesë duke respektuar masat për parandalimin e pandemisë me COVID-19”.