Janë bërë më shumë se tri javë prej kur ka nisur viti i ri shkollor dhe nxënësit ende nuk janë pajisur me të gjitha tekstet shkollore nga Ministria e Arsimit, Shkencës, Teknologjisë dhe Inovacionit. Më shumë se 30 për qind e nxënësve, kanë mungesë të teksteve shkollore.
Kryetari i Asociacionit të Komunave të Kosovës-së, Sazan Ibrahimi, tha se me legjislacionin në fuqi MAShTI është përgjegjësi kryesor për sigurimin e librave shkollorë për të gjithë nxënësit.

“Në bazë të informatave që i kemi nga kolegjiumi jonë i arsimit, mungesa është në një përqindje shumë të lartë, mirëpo ka një përqindje shumë të lartë e cila kalon edhe 30%, kjo është në bazë të informatave që i kemi nga drejtoritë komunale të arsimit”.
Ai ka thënë se të gjitha drejtoritë komunale të arsimit i kanë plotësuar katalogët të cilat janë kërkuar nga niveli qendror, ku shihet qartë numri i nxënësve se sa janë pajisur me libra dhe sa prej tyre kanë mungesë.

“Më legjislacionin në fuqi, Ministria e Arsimit, Shkencës, Teknologjisë dhe Inovacionit është përgjegjëse kryesore për sigurimin e librave shkollorë për të gjithë nxënësit e Kosovës. Komunat e Kosovës në bazë të përgjegjësive ligjore, duhet ta bëjnë shpërndarjen e teksteve mësimore të cilat i posedojnë, mirëpo të gjitha drejtoritë komunale të Arsimit i kanë plotësuar katalogët të cilat janë kërkuar nga niveli qendror ku aty shumë qartë shihet se sa nxënës janë nëpër shkolla, sa nxënës janë të pajisur me libra dhe sa nxënës kanë mungesa të librave shkollor, dhe këto shënime janë dërguar në Ministrinë e Arsimit”.

E problemet më të shumta Ibrahimi thotë se shfaqen te kthimi i librave, derisa thotë se nuk po pasojnë pasoja ligjore për nxënësit që nuk i kthejnë librat. Përveç kësaj shumica prej librave plotësohen gjatë një viti shkollorë dhe ato nuk mund të përdoren pastaj nga nxënësit e tjerë.

“Ekziston edhe një udhëzim administrativ ku thuhet se tekstet duhet të barten nga gjenerata në gjeneratë, mirëpo kemi shumë probleme te ky proces sepse në disa raste nxënësit që po e mbarojnë një vit shkollor nuk po i kthejnë tekstet mësimore nëpër shkolla dhe nuk ka pasoja ligjore nëse aj nxënës nuk i kthen librat në shkolla, pastaj ka tekste mësimore që shfrytëzohen gjatë një viti dhe ato nuk mund të përdoren, gjithashtu ka tekste që plotësohen dhe ato nuk mund të përdoren prej gjeneratës së ardhshme”.

“Shpresojmë shumë shpejtë që kjo problematikë të zgjidhet sepse dihet nga aspekti ligjor se kush është përgjegjës për to”, ka thënë Ibrahimi për EO.
Në bazë të informatave të DKA-ve, Ibrahimi pohon se shpërndarja e librave nuk është bërë në bazë të kërkesave.
“Por të ishin shpërndarë në bazë të katalogëve të nivelit lokal atëherë nuk do ta kishim këtë problem, mirëpo në bazë të informatave që i kemi nga DKA-të, librat shkollorë nuk janë shpërndarë në bazë të kërkesave të drejtorive, duke marr parasysh që librat e parë janë prodhuar me 10 shtator, ka qenë edhe kohë jo e përshtatshme dhe jo e mjaftueshme për shpërndarjen e qind për qind të teksteve shkollore, mirëpo te problemi neve synojmë që problemet e tilla të zgjidhen duke bashkë biseduar”.
Ndërsa, i pari i Sindikatës së Bashkuar të Arsimit, Shkencës dhe Kulturës, Rrahman Jasharaj, po kundërshton që tekstet shkollore të vitit të kaluar të kalohen këtë vit të nxënësit, pasi që shumica prej tyre nuk janë për t’u përdorur.

“Që në takimet e para me mësimdhënësit ata kanë shprehur shqetësimin e madh dhe ky shqetësim është edhe te Këshilli i Prindërve, për mungesën e dukshme të teksteve, dhe ajo që na brengosi pastaj ishte një përplasje mes AKK dhe MAShTI-it duke fajësuar njëra-tjetrën, dhe MASHT po deklaron se i ka përgatitur të gjitha tekstet dhe e vërteta është se në shumë shkolla ka pasur mungesë të teksteve, dhe ajo që SBAShK-u e kundërshton është ideja e MAShT-it që tekstet e vitit të kaluar shkollor të kalohen në këtë vit dhe kjo është e pamundur, pasi që fëmijët punojnë me ato tekste sepse ata i nervozojnë mësimet”.

Ndërkohë, Ministrja e Arsimit, Arbërie Nagavci, ka shkruar se ditëve të fundit kanë pranuar ankesa të shumta në lidhje me mungesën e disa teksteve shkollore, andaj ka informuar se më 15 qershor, Ministria e Arsimit ka njoftuar të gjitha drejtoritë komunale të arsimit se këtë vit do të shpërndajë tekstet për nivelin I-5 për nxënësit e klasës së 8. tekstet alternative për nxënësit e klasave 6 dhe 7, si dhe tekstet shkollore për lëndën e gjuhës gjermane dhe frënge

Sonte në mesnatë në Kosovë fillon heshtja zgjedhore, përpara zgjedhjeve lokale për kryetarë dhe këshilltarë të komunave, të cilat do të mbahen të dielën, më 17 tetor.

Në këto zgjedhje do të garojnë 48 subjekte politike, nga të cilat 18 janë parti politike, një është një koalicion, 17 nisma qytetare dhe 12 kandidatë të pavarur për kryetarë të komunave nga 165 sish që janë në garë.

Gjithashtu garojnë më shumë se 5,000 kandidatë për këshilltarë të kuvendeve komunale, transmeton Telegrafi.
Fushata zgjedhore filloi më 16 tetor dhe zgjat deri në mesnatën e sotme.

Për shkak të pandemisë me virusin COVID-19 fushata zgjedhore u zhvillua kryesisht përmes mediave dhe rrjeteve sociale.
Në pesë ditët e fundit, fushata ishte shumë më aktive dhe me pjesëmarrjen e një numri të konsiderueshëm qytetarësh, gjë që bëri edhe të mos ketë respektim të masave anti-COVID

Votimi në zgjedhjet e së dielës do të ndiqet nga më shumë se 20,000 vëzhgues, përfaqësues të shoqërisë civile, partive politike, mediave dhe ambasadave të huaja.

Qeveria e Kosovës ka vendosur që për shkak të zgjedhjeve lokale, të mos zbatohet kufizimi i lëvizjes për anëtarët e vendvotimeve dhe vëzhguesit e zgjedhjeve nga 16 tetori në orën 22:00 deri më 18 tetor në orën 5:00

Të shtunën reshjet pushojnë, e nga e diela edhe intervale me diell. Në fillim të javës mot stabil, me diell e vransira si dhe me rritje të temperaturave gjatë ditës.

16.10 – Kryesisht vranët, në mëngjes me mundësi për riga lokale shiu, e në zona malore me borë. Pasdite dhe në mrbëmje të reshurat pushojnë.

17.10 – Paradite vransira, që gjatë ditës fillojnë të shpërndahen ku priten edhe intervale me diell.

18.10 – Vransira dhe intervale me diell. Orëve të mëngjesit nëpër ultësira me mundësi për mjegull/vransira të ulëta.

19.10 – Intervale më të gjata me diell, e ditën edhe vransira kalimtare.

18.10 – Kryesisht me vransira, që deri në mbrëmje pritet të shpërndahen.

Temperaturat minimale luhaten nga 4C-6C, e maksimale në rritje graduale deri në 12C ditën e diel, e të mërkurën edhe deri në 17C.

Do të fryjë erë e lehtë dhe mesatare drejtimesh të ndryshme, por më dominuese nga veriu 3-9m/s.

Shtypja atmosferike shënon rritje lartë mbi vlera normale

Fushata 30-ditore për zgjedhjet e së dielës është vlerësuar nga shoqëria civile si e qetë dhe me gjuhë më të butë ndërmjet partive dhe kandidatëve. Sipas Lëvizjes FOL, kandidatët janë fokusuar më shumë në shpalosjen e programeve. Mirëpo, për parregullsi gjatë fushatës tri partitë politike më të mëdha janë gjobitur me mijëra euro.
15 ankesa nga subjektet politike kanë shkuar në adresë të Panelit Zgjedhor për Ankesa dhe Parashtresa (PZAP) gjatë fushatës për zgjedhjet lokale të së dielës.

12 prej ankesave për parregullsi gjatë fushatës janë vendosur, ndërsa tri të tilla janë në procedurë të shqyrtimit.

“Tri ankesa janë aprovuar të cilat kane rezultuar me dënime me gjoba, një ankesë është përcjellë për ne Komisionin e Pavarur të Mediave. Tjerat janë refuzuar apo janë hedhur te pa lejuara”, ka thënë Mulë Desku, kryesues i Sekretariatit të PZAP-së.

LDK-ja, Vetëvendosja dhe PDK-ja janë tri partitë ndaj të cilave PZAP-ja deri më tani ka shqiptuar gjoba.

Pas ankesës së LVV-së, PZAP-ja ka gjobitur LDK-në me pesë mijë e 100 euro për vendosjen në hapësirë publike të tendave dhe tavolinave me material zgjedhor për kandidatin për kryetar të Prishtinës.

1 mijë e 200 euro i ka kushtuar LVV-së vendosja e posterit të kandidatit të saj për kryetar të Novobërdës në një pronë komunale. Kjo gjobë është shqiptuar ndaj partisë në pushtet pas ankesës së LDK-së.

Për takimin e kandidatit të PDK-së për Prishtinën me stafin shëndetësor të Qendrës së Mjekësisë Urgjente në kryeqytet partia është gjobitur me tre mijë euro. Kjo pas ankesës së LVV-së.

Të gjitha këto gjoba janë shqiptuar për shkak të shkeljes së Kodit të Mirësjelljes për Subjektet Politike, Mbështetësit e tyre dhe Kandidatët.

Monitoruesit nga shoqëria civile vlerësojnë se fushata 30-ditore, e orientuar kryesisht në formë digjitale, në përgjithësi është përcjellë pa incidente e me gjuhë më të butë ndërmjet kandidatëve.

Këtë, Erblin Hoxha nga Lëvizja FOL e quan avancim të demokracisë në Kosovë.

“Në zgjedhjet e kaluara kemi parë një fushatë shumë më agresive, një gjuhë ndoshta edhe më të ashpër ndërsa në këtë fazë ose në këto zgjedhje gjuha është përdorur pak më e butë, kanë qenë shumë më të fokusuar në disa çështje madhore që pothuajse secili kandidat në komunat përkatëse është pajtuar dhe ka provuar të mos ketë aso gjuhe të fajësimit por të provojë të japë mesazhin”, ka thënë ai.

E shtuna do të jetë heshtje zgjedhore, para se qytetarët të dielën t’u drejtohen kutive të votimit.