Komisioni Qendror i Zgjedhjeve (KQZ) mori vendim për rinumërimin e një numri të vogël të vendvotimeve, të cilat nuk kanë mundur të procedohen si të rregullta, për shkak të problemeve të natyrave të ndryshme, kryesisht teknike, raporton EO.

Numri i vendvotimeve që do të rinumërohen është 23 vendvotime, prej të cilave vetëm 8 për kryetarë të komunave dhe 15 të tjera për kuvende komunale.

Procesi i rinumërimit të tyre do të fillojë pasditen e së enjtes në Qendrën e Numërimit dhe Rezultateve.

KQZ-ja ka lënë të hapur mundësinë që kësaj liste t’i shtohet edhe ndonjë vendvotim, i cili do të rinumërohet.

Sami Kurteshi i VV-së, kërkoi sqarime përse po ndodhin gabime të kësaj natyre.

“Për gjitha këto sqarime dhe rekomandime, po dua me ditë pse çdo herë këso lloj gabime po ndodhin. A po bëhen qëllimisht apo jo”, tha ai, teksa edhe anëtarët tjerë kërkuan sqarime të tilla.

Në Qendrën e Numërimit dhe Rezultateve pritet që gjatë kësaj jave të fillojë edhe numërimi i votave me kusht, votave të personave me nevoja të veçanta dhe votave të ardhura përmes postës nga votuesit jashtë Kosovës.

Për shpalljen e rezultateve përfundimtare të Zgjedhjeve për Kryetarë të Komunave, KQZ-ja nuk ka dhënë akoma një datë të saktë. Raundi i dytë i Zgjedhjeve për Kryetarë të Komunave do të mbahen më 14 nëntor.

Vaksina kundër koronavirusit e kompanisë Pfizer/BioNTech është shumë efektive në parandalimin e infeksionit dhe simptomave të sëmundjes nga varianti Delta tek të rinjtë e moshës 12 deri në 18 vjeç, thuhet në një hulumtimi të kryer në Izrael.

Rezultatet e hulumtimit të botuara në New England Journal of Medicine, mbase do të ofrojnë më shumë siguri se vaksina është efektive kundër variantit tek të rinjtë derisa Agjencia Federale e Barnave (FDA) në Shtetet e Bashkuara po shqyrton autorizimin e përdorimit të vaksinës tek fëmijët e moshës pesë vjeç.

Hulumtimi tregoi rezultate se efektiviteti i vaksinës kundër infeksionit të COVID-19 tek adoleshentët ishte 90%, dhe 93% kundër simptomave të COVID-19, në ditën e shtatë deri në 21 pas dozës së dytë.

Organizata izraelite për shëndetin Clalit dhe studiuesit e Universitetit të Harvardit rishikuan të dhënat nga 94.354 persona të moshën 12 deri në 18 vjeç që kishin marrë vaksinën të cilat u krahasuan me një numër identik të adoleshentëve të pavaksinuar nga e njëjta grupmoshë.

Hulumtimi u krye midis qershorit dhe shtatorit, kur varianti Delta dominonte rastet në Izrael.

Në fillim të kësaj jave, një analizë e publikuar nga ana e Qendrave për Kontrollin dhe Parandalimin e Sëmundjeve (CDC) në SHBA u tha se vaksina Pfizer/BioNTech ishte 93% efektive në parandalimin e shtrimeve në spital te personat e moshës 12 deri në 18 vjeç.

Vaksina Pfizer/BioNTech është e autorizuar për fëmijët e moshës 12 vjeç e lart dhe kompanitë po kërkojnë miratim të mëtejshëm nga Administrata e Ushqimit dhe Barnave për përdorim te fëmijët që janë pesë vjeç

Raportuesja për Kosovën në Parlamentin Evropian, Viola von Cramon ka thënë se Samiti i BE-Ballkani Perëndimor ka qenë një paradë e hipokrizisë.

Eurodeputetja në fjalimin e saj në Parlamentin Evropian tha se BE-ja duhet që të jetë kredibile në Ballkan dhe mes tjerash t’i liberalizojë vizat për Kosovën.

“Samiti i Bërdos mes BE-së e Ballkanit Perëndimor në Slloveni ishte një paradë e hikokrizisë, fjalëve boshe, zmbrapsjes autokratike dhe mbi të gjitha, shtirjes. BE-ja duhet të jetë kredibile në ofertën e saj për Ballkanin Perëndimor dhe vlerësimet në rajon duke: Riforcuar EUFOR-in në Bosnje e Hercegovinë, duke i hapur bisedimet e anëtarësimit menjëherë për Maqedoninë e Veriut dhe Shqipërinë, duke e realizuar liberalizimin e vizave për Kosovë dhe kushtëzim për shtet ligjor të rreptë për Serbinë dhe Malin e Zi”, ka thënë Cramon.

Tutje ajo ka thënë se nëse BE-ja nuk luan rol vital në Ballkan atëherë ëndërra që të bëhet një bashkim gjeopolitik mbetet vetëm ëndërr.

“Ballkani Perëndimor nuk është fqinji jonë, është oborri ynë i brendshëm. Është një rajon që do të thotë shumë për BE-në, pasi ne ndajmë kaq shumë së bashku. Nëse Bashkimi Evropian nuk mund të luajë një rol kryesor atje, atëherë ëndrra jonë për t’u bërë një bashkim gjeopolitik është me të vërtetë vetëm një ëndërr”, ka thënë Von Cramon.

Ministria e Punëve të Brendshme ka nënshkruar kontratën për furnizim me letërnjoftime.

Nga kjo ministri deklaruar se nga muaji nëntor pajisja me letërnjoftime pritet që t’i kthehet normalitetit.

“Pas nënshkrimit të kontratës ne jemi furnizuar me një sasi të letërnjoftimeve dhe pasaportave dhe presim që në muajin nëntor të kemi rikthim në normalitet”, kanë bërë të ditur MPB-ja për Reporterin.

Mungesa e materialit për prodhimin e letërnjoftimeve u ka krijuar qytetarëve pritje me muaj.

Shkak i mungesës së materialit, Ministria e Punëve të Brendshme ka marrë vendim që të gjithë shtetasve të Kosovës, pavarësisht afatit të skadimit të letërnjoftimit, dokumenti identifikues t’iu konsiderohet i vlefshëm edhe për gjashtë muaj./FrontOnline

Ministri i Mbrojtjes së Kosovës, Armend Mehaj, ka njoftuar se sot është hapur konkursi për rekrutimin e 840 ushtarëve të rinj në Forcën e Sigurisë së Kosovës.

Ministri Mehaj në një konferencë për media ka thënë se ky është konkursi për rekrutimin e numrit më të madh të ushtarëve, ndërsa u ka bërë të gjithë të rinjve të aplikojnë.

“Kam kënaqësinë të njoftoj se sot zyrtarisht shpallim konkursin për pranimin e 840 ushtarëve të rinj të FSK-së. Konkursi për pranimin e numrit më të madh të ushtarëve të FSK-së deri më tash. I ftoj të gjithë të rinjtë e të reja nga të gjitha komunitetet, pa dallim, që të aplikojnë. Ministria e Mbrojtjes garanton proces fer e transparent. Do të zgjidhen më të mirët prej më të mirëve”, ka thënë sot Mehaj, në një konferencë për media.

Ndër të tjera, Mehaj u deklarua edhe vizitën e tij në Shtetet e Bashkuara të Amerikës, ku është takuar me zyrtarë të lartë të sigurisë kombëtare të SHBA-së.

Ai ka thënë se gjatë takimeve në SHBA ka marrë përkrahje të plotë, ndërsa është diskutuar për stërvitje të përbashkëta mes dy ushtrive.