Ministria e Punëve të Jashtme e Kosovës ka reaguar pasi iu ndalua hyrja në Serbi boksierëve nga Kosova.

MPJ nëpërmjet një reagimi ka bërë të ditur se Qeveria e Kosovës së bashku me aleatët, po punon fuqishëm që t’i largojv barrikadat ilegale të Serbisë në Kampionatin Botëror.

“Pasi ekipi kombëtar i boksit të Kosovës është bllokuar ilegalisht nga Serbia në kufirin mes Kosovës dhe Serbisë, qeveria së bashku me aleatët po punojnë fuqishëm që të largojnë barrikadat ilegale kundër garës fer në kampionatin botëror”, thuhet në njoftimin e Ministrisë së Punëve të Jashtme të Kosovës.

Ekipi përfaqësues i Kosovës në boks nuk u lejua të hyjë në Serbi, për të marrë pjesë në Kampionatin Botëror të boksit që mbahet nga 24 tetori deri më 6 nëntor.

Ekpsedita e Kosovës në boks ishte nisur sot në orët e hershme për në Beograd, por u ndaluan në kufirin e Konçulit dhe përkundër pritjeve disa orë, policia serbe nuk i ka lejuar të futen në Serbi.

/Telegrafi/

Një fjalë e urtë popullore thotë se baxhanaku duhet sikur vëllau!

Por, kjo teori ka rënë poshtë në Istog.

Burime të Indeksonline bëjnë të ditur se dje në fshatin Stupe ka patur tentim vrasje.

Një person ka gjuajtur me kallashnikov në drejtim të një personi tjetër. Bëhet e ditur se sulmuesi ka shkrepur plumba në drejtim të baxhanakut të tij.

Për fat të mirë, asnjë nga plumbat nuk ka qëlluar cakun.

Sipas policisë, i dyshuari është arrestuar dhe në vendin e ngjarjes janë gjetur dhe konfiskuar një gëzhojë dhe arma AK-47 me pesëmbëdhjetë fishekë. I dyshuari është dërguar në mbajtje.

Sipas Policisë, nga janari i këtij viti deri në shtator, 5 mijë e 556 shoferëve u është ndaluar drejtimi i automjeteve.

Ndërkaq 13 mijë e 532 shoferëve të tjerë u janë vendosur pikë negative.

“Apelojmë që të respektohen rregullat në trafikun rrugor, në të kundërtën mund të mbeteni pa patentë shoferi!”, thuhet në njoftimin e policisë.

Raporti i Komisionit Evropian për Kosovën edhe këtë vit ka theksuar se cilësia e arsimit vazhdon të mbetet e dobët dhe e njëjta ka nevojë të përmirësohet konsiderueshëm.

Këto të gjetura po vlerësohet se kanë qenë të pritura nga qeveria e nga shoqëria civile, derisa potencohet që këto të gjetura duhet të merren seriozisht për të pasur përmirësim të cilësisë së arsimit.

Përkundër kritikave për cilësi të arsimit, Raporti i BE-së megjithatë ka vlerësuar se ka pasur progres të kufizuar në këtë sektor, ku përmendet përpjekja për përfshirjen e grupeve të margjinalizuara, trajnimet e MASHTI për ekipet për fëmijët me nevoja të veçanta dhe punën e Agjencisë së Kosovës për Akreditim për anëtarësim në ENQA dhe EQAR.

Për shkak të adresimit të pjesshëm të rekomandimeve nga viti i kaluar, Komisioni Evropian ripërtëritë të njëjtat rekomandime, duke nënvizuar se Kosova duhet të zbatojë mekanizmat e sigurimit të cilësisë, përfundimin e implementimit të kornizës së re kurrikulare për arsimin parauniversitar për tekste cilësore dhe trajnim të qëndrueshëm për mësimdhënësit.

Ministrja e Arsimit, Shkencës, Teknologjisë dhe Inovacionit, Arbërie Nagavci, deklaron se duhet të punohet shumë për të përmirësuar cilësisë në arsim, por që shprehet se si qeveri janë të përkushtuar në këtë drejtim.

Nagavci thotë se përkundër qeverisjes relativisht të shkurtër në këtë raport janë shënuar disa zhvillime pozitive, teksa potencon se të gjitha rekomandimet që janë dhënë do të përfshihen në Planin Strategjik të Arsimit për vitin 2022-2026.

“Në lidhje me cilësinë në arsim të gjithë jemi dëshmitar se duhet të punojmë akoma shumë për të përmirësuar cilësinë në arsim dhe si ministri e Arsimit dhe qeveri e Republikës së Kosovës natyrisht që jemi të përkushtuar në këtë drejtim. Më gëzon fakti që ndonëse periudha e qeverisjes sonë është relativisht e shkurtër tashmë janë shënuar edhe në raport për vendin disa zhvillime pozitive në fushën e arsimit, konkretisht është përmendur si një gjë pozitive përzgjedhja e anëtarëve të KSHC-së…

Rekomandimet tjera janë pjesë e punës sonë, planifikimit që tashmë veçse e kemi bërë si ministri dhe të njëjtat po adresohen edhe në planin strategjik të arsimit për vitin 2022-2026 dhe po ashtu janë adresuar edhe në planifikimin e buxhetit i cili do të mundësojë shënimin e hapave pozitiv për vitin e ardhshëm”, thotë ajo.

Organizatat që merren me monitorimin e fushës së arsimit theksojnë se të gjeturat e këtij raporti duhet të merren seriozisht nëse synohet përmirësimi i cilësisë së arsimit.

Drejtori ekzekutiv i Institutit EdGuard, Rinor Qehaja, thotë se institucionet e Kosovës duhet të bëjnë adresimin e rekomandimeve të raportit si pikënisje për përmirësim të qëndrueshëm të cilësisë në arsim.

Në Raportin e BE-së theksohet se shteti investon buxhet shumë të ulët në fushën e arsimit apo vetëm 4.7 për qind të GDP-së, e për këtë Qehaja thotë se rritja e buxhetit duhet të jetë prioritet i qeverisë.

“Ministria e Arsimit duhet të ketë përkushtim institucional që të prioritetizojë një reformë më të thellë në arsim, e pastaj kjo reformë do të na sillte outpute që i përgjigjen edhe kërkesave specifike të agjendës evropiane. Ndërkaq të përgjigjurit vetëm në agjendën evropiane kam frikë që do të na anashkalojë në shumë prioritete të tjera që në të vërtetë prekin sistemin tonë arsimor…