Kolegjet e Gjykatës Supreme kanë vendosur lidhur me ankesën e Xhezide Selimit, komisioneres së Lëvizjes Vetëvendosje në Gjilan.

Supremja e ka refuzuar si të pabazuar ankesën e Selimit. E njëjta do të detyrohet të paguajë dënimin prej 1 mijë eurove. E asaj PZAP-ja ia ka ndaluar pjesëmarrjen në zgjedhje, si kandidate, apo si pjesë admistrative e ndonjë organi zgjedhor për pesë vite.

Ajo kishte bërë postimin dhe shpërndarjen e materialeve zgjedhore në rrjetin social Facebook, ku kishte postuar një fotografi duke votuar – teksa pati ftuar qytetarët që të dalin dhe të votojnë numrin 144 në ditën e zgjedhjeve.

“Kolegji i Gjykatës Supreme e ka refuzuar si të pabazuar ankesën e Xh.S., anëtare e Komisionit zgjedhor në Vendvotimin QV2614/01D nga subjekti politik “Lëvizja Vetëvendosje”, e paraqitur kundër pikës III të vendimit të Panelit Zgjedhor për Ankesa dhe Parashtresa (PZAP), A.nr.630/2021, të datës 20.10.2021”, thuhet në vendimin e gjykatës.

Vetëvendosje ishte munduar të arsyetohet se ajo nuk është komisionere e tyre.

“Nga shkresat e lëndës, shihet se subjekti polik Lëvizja Vetëvendosje, përkatësisht komisionierja e këtij subjekti, Xhezide Selimi, gjatë ditës së votimit, në rrjetin social facebook, ka bërë fushatë zgjedhore dhe ka udhëzuar që të votohet subjekti politik LVV. Pretendimet e Lëvizjes Vetëvendosje se nuk vërtetohet se Xhezide Selimi është komisioniere e LVV-së, Paneli i vlerëson të pa bazuar për arsyeje se nga fotoja e paraqitur në ankesë, shihet se e njëjta bartë ID, me të cilën identifikohet si komisioniere. PZAP ka bërë kërkesë në KQZ, për të verifikuar komisionieren në fjalë në Gjilan. Paneli, vendimin e tij e mbështetë në dëshmi të qarta dhe bindëse, konform nenit 117 të LZP-së”, thuhet në vendimin e PZAP-së.

Andaj Paneli, duke iu referuar provave, konstaton se LVV, përkatësisht komisionierja e saj është përgjegjëse për veprimet e saj, pasi ka shkelur nenin 36, paragrafi 1, pika b të LZP.

Supremja e kthen si të bazuar ankesën e PDK kundër shkuarjes së Hanit të Elezit.Njoftimi i plotë:Kolegjet e Gjykatës Supreme, kanë vendosur lidhur me tri ankesat e pranuara ndaj vendimeve të Panelit për Ankesa dhe Parashtresa (PZAP), që kanë të bëjnë me parregullsitë në procesin zgjedhor për zgjedhjet lokale të mbajtura me 17 tetor 2021.

1. Kolegji i Gjykatës Supreme e ka aprovuar si të bazuar ankesën e kandidatit për kryetar të komunës së Hanit të Elezit, Mehmet Ballazhi, nga Partia Demokratike e Kosovës (PDK), dhe ka anuluar vendimin e PZAP-së, duke e kthyer çështjen në rivendosje. 2. Kolegji i Gjykatës Supreme e ka refuzuar si të pabazuar ankesën e subjektit politik Lista e Pavarur Bekim Jashari, me seli në Skenderaj, e paraqitur kundër vendimeve të Panelit Zgjedhor për Ankesa dhe Parashtresa Anr.673/2021, Anr.674/2021, Anr.675/2021, Anr.676/2021, Anr.678/2021, Anr.

679/2021 të gjithë të datës 20.10,2021, Anr.671/2021, Anr.672/2021, dhe 680/2021. Ankesa e subjektit të njëjtë, kundër vendimit të PZAP-së, A.nr.637/2021 hidhet si e palejuar. 3. Kolegji i Gjykatës Supreme e ka refuzuar si të pabazuar ankesën e Xh.S., anëtare e Komisionit zgjedhor në Vendvotimin QV2614/01D nga subjekti politik “Lëvizja Vetëvendosje”, e paraqitur kundër pikës III të vendimit të Panelit Zgjedhor për Ankesa dhe Parashtresa :(PZAP), A.nr.630/2021, të datës 20.10.2021

Një vendim i pazakontë është nxjerrë dy muaj më parë nga Gjyqtarja e Gjykatës Themelore në Pejë, Florije Zartriqi.

Ajo e ka dënuar një person të akuzuar për dhunim të një 15 vjeçareje me vetëm 8 muaj e 8 ditë burgim, ndonëse sipas Ligjit dënimi i paraparë në këso raste, parashihet të jetë nga 5 deri në 20 vite burgim.

Përpos dënimit, të pazakontë këtë vendim e bënë edhe fakti se si gjyqtarja Zatriqi nuk ka arritur ta gjejë asnjë rrethanë rënduese kundër të akuzuarit, përderisa në favor të tij i ka gjetur 10 rrethana lehtësuese ndër të cilat edhe rrethanën se viktima gjatë dhunimit nuk kishte pësuar lëndime.

Ngjarja për të cilën u shqiptua ky dënim, sipas aktakuzës kishte ndodhur në janar të vitit 2012.Aktakuza përshkruan se e mitura 15 vjeçare në atë kohë ishte duke dalë nga spitali kur edhe ishte kërcënuar me thikë e më pas ishte marrë nga i akuzuari P.K së bashku me një person të mitur, të cilët më pas e kishin dërguar atë në një shtëpi të pabanuar.
Sipas prokurorisë pasi viktima ishte dërguar në atë shtëpi, i mituri e kishte thirrur në telefon edhe një të mitur tjetër dhe aty gjatë tërë natës të tre e kishin dhunuar 15 vjeçaren.

E mitura kishte arritur të ikë nga ajo shtëpi në mëngjes dhe menjëherë e kishte raportuar rastin në Polici.Për këto veprime në seancën e datës 12 korrik të këtij viti, i akuzuari P.K e kishte pranuar fajësinë.

Në fund të vendimit gjyqtarja e kishte arsyetuar dënimin e ulët të shqiptuar ndaj P.K duke u bazuar të rrethanat lehtësuese se ai kishte pasur sjellje korrekte, kishte shprehur keqardhje, e kishte pranuar fajësinë, gjatë aktit viktima nuk kishte pësuar lëndime, nuk është i dënuar më parë, ndaj tij nuk ka ndonjë procedurë tjetër, ka qenë i moshës 21 vjeçare, ka qenë i papjekur, ka fëmijë dhe se nga koha kur është kryer vepra penale tashmë kanë kaluar gati 10 vite.Për më tepër edhe më të rëndë këtë rast e bënë fakti se tashmë i dënuari P.K nuk do të dërgohet asnjë ditë në burg pasi këtë kohë i akuzuari e ka kryer në paraburgim.

Ndryshimi i Ligjit për Lotarinë e Kosovës si dhe mosmarrja e pagave për 60 punëtorë kanë bërë që serish para Qeverisë të ketë protestë, raporton Ekonomia Online.

Punëtorët e Lotarisë po kërkojnë që të drejtat e tyre të kamotshme të plotësohen nga Qeveria.

Shkumbin Goqi, kryetar i Sindikatës Lotarisë së Kosovës tha se punëtorët janë në gjendje të keqe financiare.

Madje ai ka paralajmëruar edhe hyrjen në grevë nëse nuk marrin përgjigje nga Qeveria e ministria e Financave.

“Sikur edhe çdo protestë tjetër edhe sot kemi dalë mi kërkuar të drejtat tona të cilat po na mohohen gjithmonë. Kemi dalë të kërkojmë pagat, ligji mu proceduar sa më shpejt. Kemi shumë probleme. Punëtorët janë në gjendje të keqe financiare. Edhe sot dhe do të vazhdojmë edhe ditëve të tjera obligimet që ka Qeveria”.

“Jemi 60 punëtorë, është gjendja shumë e keqe financiare e këtyre punëtorëve. Na do të vazhdojmë të mërkurën të premtn3 dhe do të vazhdojmë edhe me grevë. Premtimet që na kanë thanë që ligji është i gatshme të procedohet sa më shpejt dhe ligji për paga. Prej ministrisë askush nuk u përgjigj vetëm një zyrtar. Protestat s’do të ndalet derisa të përmbushen kërkesat tona”.

Luljeta Rexhepi, punëtore e Lotarisë tha se kanë dalë të kërkojnë të drejtat e tyre dhe se nuk do të ndalin deri sa të plotësohen ato.

“Për drejtat tona punën tonë rrogat tona. Qe dy vite e gjysmë pa punë kemi mbetur”.