Drejtoria e Shëndetësisë në Prizren, njofton të gjithë qytetarët që kanë të drejtë të marrjes së shërbimeve në QMF ” Lakuriq”, se shërbimet shëndetësore të pacientëve që gravitojnë në këtë qendër, për shkak të kalimit të vaksinimit kundër Covid-19 nga Qendra Sportive në QMF ” Lakuriq”, do të realizohen në Qendrën Kryesore të Mjekësisë Familjare, njoftojnë zyrtarë të kësaj Drejtorie.
Lidhur me këtë çështje, DKSH në Prizren kërkon mirëkuptim nga banorët e lagjes ” Lakuriq”.
Ka përfunduar për këtë javë gjykimi ndaj ish-krerëve të Organizatës së Veteranëve të Luftës së UÇK-së ku është dëgjuar dëshmitari i tretë i Zyrës së Prokurorit të Specializuar(ZPS). Gjyqi do të vazhdojë më 4 nëntor me pyetjet e avokatëve mbrojtës.
Pas pyetjeve të prokurorisë, dëshmitari Miro Jukiq, i cili është udhëheqës i ekipit për siguri dhe trajtim të dëshmitarëve pranë ZPS-së, u është përgjigjur pyetjeve të trupit gjykues.
Ai ka thënë se pasi kanë rrjedhur në publik dosjet e ZPS-së, shumë prej dëshmitarëve janë shprehur të shqetësuar dhe disa prej tyre ishin kërcënuar.
Ai nuk ka treguar sa prej tyre kishin marrë kërcënim të drejtpërdrejt.
“Shumë pak kishin marrë kërcënim të drejtpërdrejtë, jo shumë, më pak se 100”, ka thënë dëshmitari i ZPS-së.
Ai ka thënë se ZPS i ka zhvendosur nga Kosova dy persona, për shkak se kanë qenë të frikësuar.
“Më shumë se një, dy persona janë zhvendosur…Deri ndaj 30 personave u morën masa sigurie”, është përgjigjur dëshmitari Jukiq.
Gjatë dëshmisë së tij, Jukiq ka thënë se një prej dëshmitarëve e kishte telefonuar dhe i kishte thënë se e ka kuptuar nga miqtë e tij se emri i tij përmendej në dokumentet konfidenciale dhe menjëherë ka ndërmarrë masa për të rritur sigurinë e tij dhe të fëmijëve.
Dëshmitari është pyetur nga gjykatësi nëse ka ndonjë arsye për të besuar nëse ndonjë anëtar i ZPS-së është i përfshirë në dorëzimi ne dokumenteve në OVL-UÇK, por ai e ka mohuar një gjë të tillë.
Në kohën e rrjedhjes së dokumenteve Miro Jukiq ka qenë punonjës i sigurisë së dëshmitarëve në ZPS dhe gjatë dëshmisë së tij ka thënë se ka kontaktuar me rreth 30 dëshmitarë.
Sipas tij, dëshmitarët me të cilët ka biseduar kanë qenë të frikësuar si shkak i publikimit të dokumenteve.
Kroati Miro Jukiq është dëshmitari i tretë i Zyrës së Prokurorit të Specializuar(ZPS) në gjykimin ndaj ish-krerëve të Organizatës së Veteranëve të Luftës së UÇK-së.
Para tij, në gjykimin ndaj ish-krerëve të OVL-UÇK, ka dëshmuar koordinatorja e hetimeve në ZPS dhe një ish-gazetar kosovar.
Ish-krerët e Organizatës së Veteranëve të Luftës së UÇK-së, Gucati e Haradinaj akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.
Në organizatën që ata drejtonin kishin arritur disa pako që pretendohej të ishin me dokumente që kishin rrjedhur nga Zyra e Prokurorit të Specializuar. Të gjitha këto ata i kishin bërë publike përmes konferencave për media dhe paraqitjeve të tjera publike.
Kryeredaktori i deritanishëm i grupit Koha, Agron Bajrami, është propozuar për ambasador të Republikës së Kosovës në Bruksel.
Edhe pse nuk ka njoftim zyrtar, shefja e grupit parlamentar të Lëvizjes Vetëvendosje, Mimoza Kusari-Lila, e uroi Bajramin për detyrën e re, njofton Klankosova.tv.
“Shumë suksese Agron Bajrami e shumë fat e suksese edhe grupit Koha e Flaka Surroi në rrugëtimin tuaj tutje”, ka komentuar Kusari në një postim të shefes së grupit të Kohës, Flaka Surroit.
Pas kërkesës nga Policia e Kosovës, Prokuroria Themelore ( departamenti i Krimeve të rënda) në Prizren, ka miratuar autorizimin për publikimin e fotografisë dhe të dhënave të të dyshuarit për veprën penale ‘blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge’.
KËRKOHET:
I dyshuari: KOLA TOM BAFTIJAJ
Data e lindjes: 03.09.1969 në Prizren
Vendbanimi: Fshati SALLAGRAZHDË- SUHAREKË
Vepra Penale: ‘Blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge’
Ministrja e Drejtësisë, Albulena Haxhiu ka pritur sot në takim ambasadorin e Gjermanisë në Kosovë, Jorn Rohde.
Haxhiu dhe Rohde kanë biseduar për disa tema me interes për Ministrinë e Drejtësisë me ç’rast ndanë së bashku objektivat për të vijuar më tej bashkëpunimin e mirë që ka kjo ministri me Ambasadën.
Në njoftimin e MD-së thuhet se në takimin e sotëm theks i veçantë u vu edhe tek procesi i noterisë si dhe çështja problematike e shpëlarjes së parave.
Sa i përket procesit të noterisë, Haxhiu e njoftoi Rohden se Ministria e Drejtësisë mbetet në pritje të vendimit përfundimtar të Gjykatës lidhur me këtë proces.
Haxhiu tha se Ministria e Drejtësisë mbetet e përkushtuar që në raport me këtë çështje të veprojë në përputhje me përgjegjësitë dhe kompetencat kushtetuese dhe ligjore të cilat i ka. Në takim është diskutuar edhe për tema të tjera në kuadër të Sundimit të Ligjit.
Rohde falënderoi ministren Haxhiu dhe shprehu vullnetin për bashkëpunim të përbashkët me qëllim të forcimit të shtetit të së drejtës dhe sundimit të ligjit në vend.
Kryeministri i Kosovës, Albin Kurti, mori pjesë në ceremoninë e hapjes së fushatës së përbashkët vetëdijësuese të Bashkimit Evropian dhe Këshillit të Evropës, “Blloko urrejtjen. Fal Dashni”.
Ai përmendi vendimin nga mbledhja e djeshme e Qeverisë, për miratimin e programit pesë vjeçar për mbrojtjen dhe promovimin e të drejtave të njeriut.
“Me Programin tonë qeverisës jemi zotuar të punojmë për një shoqëri me gjithëpërfshirëse dhe me mundësi për të gjithë. Këtë do ta arrijmë duke promovuar dhe respektuar diversitetin dhe barazinë, si dhe duke garantuar mbrojtjen e të drejtave dhe lirive të njeriut,” tha kryeministri.
“Vendimet që marrim në jetë janë vërtetë zgjedhje dhe përgjegjësi individuale, por askush nuk duhet të vuaj për to për shkak të mungesës së lirive e të drejtave, por edhe mundësive,” tha kryeministri Kurti, duke theksuar se mundësitë e barabarta nuk vijnë vetëm nga garantimi i lirive dhe të drejtave, por edhe nga krijimi i parakushteve për rezultate dhe sukses.
Në këtë ceremoni të mbajtur në sallën e Bibliotekës Kombëtare “Pjetër Bogdani” në Prishtinë, me fjalë rasti ju drejtuan të pranishmëve edhe z. Frank Poëer, Shef i Zyrës së Këshillit të Evropës në Prishtinë, ambasadori Tomáš Szunyog, Përfaqësues Special i Bashkimit Evropian / Shef i Zyrës së Bashkimit Evropian në Kosovë, znj. Verena Taylor, Drejtore e Zyrës së Drejtorisë së Përgjithshme të Programeve të Këshillit të Evropës si dhe z. Naim Qelaj, Avokati i Popullit.
Fushata e nisur sot në Prishtinë “Blloko urrejtjen. Fal Dashni.” synon të informojë dhe edukojë shoqërinë dhe veçanërisht rininë, për rolin që secili ka në luftën kundër formave të ndryshme të gjuhës së urrejtjes ndaj grupeve dhe individëve të veçantë.
Gjermania, Italia, Franca dhe nëntë shtete tjera evropiane i bënë thirrje të enjten Izraelit që të tërhiqet nga vendimi për avancimin e planeve për ndërtimin e rreth 3.00 njësive të banimit në Bregun Perëndimor.
Në një deklaratë të përbashkët të Ministrive të Jashtme të Gjermanisë, Italisë, Francës, Spanjës, Suedisë, Belgjikës, Danimarkës, Finlandës, Irlandës, Holandës, Norvegjisë dhe Polonisë thuhet se këto vende e kundërshtojnë zgjerimin e vendbanimeve nëpër Territoret e pushtuara Palestineze, shkruan Reuters.
“U bëjmë thirrje të dyja palëve që t’i përforcojnë hapat e marrë në muajt e fundit për ta përmirësuar bashkëpunimin dhe për t’i ulur tensionet”, thuhet në deklaratë.
Edhe Shtetet e Bashkuara janë deklaruar kundër planeve të Izraelit për ndërtimin e vendbanimeve hebreje në Bregun e pushtuar Perëndimor.
“Ne jemi thellësisht të shqetësuar rreth planit të qeverisë izraelite për avancimin e mijëra njësive të banimit nesër, të mërkurën, shumë prej tyre thellë në Bregun Perëndimor”, tha zëdhënësi i Departamentit të Shtetit, Ned Price, në një konferencë për gazetarë.
“Ne e kundërshtojmë fuqishëm zgjerimin e vendbanimeve, që është tërësisht në shpërputhje me përpjekjet për uljen e tensioneve dhe për sigurimin e qetësisë dhe kjo e dëmton perspektivën për zgjidhjen me dy shtete”, tha Price.
Sekretari amerikan i Shtetit, Antony Blinken, e ka telefonuar minsitrin izraelit të Mbrojtjes, Benny Gantz dhe se biseda ka qenë e tensionuar, citohen të kenë thënë zyrtarët izraelitë për një gazetar të vendit të tyre.
Drejtori i Zyrës Serbe për Kosovën, Petar Petkoviq, ka biseduar sot me zëvendësambasadorin e sapoemëruar të SHBA-së në Serbi, John Ginkel.
Duke e informuar bashkëbiseduesin për rezultatet e zgjedhjeve lokale të mbajtura më 17 tetor, dai theksoi se serbët janë pajtuar të marrin pjesë në këto zgjedhje, duke pritur zbatimin e menjëhershëm të të gjitha marrëveshjeve të arritura deri më tani, veçanërisht formimin e Asociacionit të Komunave me shumicë serbe, raporton Kosovo Online.
Ai ka përmendur deklaratën e kryenegociatorit kosovar Besnik Bislimi se nuk do të ketë formim të Asociacionit, gjë që siç tha ai tregon se “Prishtina nuk dëshiron normalizim të marrëdhënieve dhe se po bën gjithçka për mbylljen e derës së dialogut”.
“Në takimin e radhës në Bruksel, Beogradi do të insistojë me vendosmëri dhe në mënyrë të palëkundur në ndërmarrjen e hapave konkretë drejt formimit të Asociacionit të Komunave me shumicë serbe”, tha ai.
Dy vëllezërit kosovarë Valon dhe Visar Avdyli janë duke u kërkuar tash e disa ditë nga autoritetet norvegjeze, ndërsa ata po akuzohen për vrasjen e Hamse Hashi Adan, 20-vjeç në Mortensrud, vrasje kjo që ndodhi dy javë më parë.
Valon dhe Visar Avdyli janë duke u kërkuar edhe nga Policia e Kosovës, të cilët janë duke bashkëpunuar me policinë norvegjeze për arrestimin e tyre.
Kështu kanë konfirmuar për Telegrafin, zyra për media e Policisë së Kosovës.
“Me datë 15.10.2021, Policia e Kosovës lidhur me çështjen në fjale ka pranuar informacionin nga autoritetet Norvegjeze dhe nga ajo kohe është në komunikim dhe bashkëpunim të vazhdueshëm me Policinë Norvegjeze. Po ashtu lidhje me urdhër arrestet ndërkombëtare të lëshuara nga autoritetet Norvegjeze, janë njoftuar autoritetet kompetente”, thuhet në përgjigjen e Policisë për Telegrafin.
Lexo po ashtu:
Policia norvegjeze në kërkim të dy vëllezërve kosovarë për vrasje, besohet se herën e fundit ishin parë duke udhëtuar nga Oslo për në Prishtinë
Policia norvegjeze në kërkim të dy vëllezërve kosovarë për vrasje, besohet se herën e fundit ishin parë duke udhëtuar nga Oslo për në Prishtinë
Gjatë 7 tetorit, Hamse Hashi Adan u qëllua derisa po qëndronte me disa persona tjerë para shkollës Lofsrud në Mortensrud. Të nesërmen ai ndërroi jetë nga plagët e marra.
Pas dy javëve hetime intensive, policia arriti të arrestojë një person rreth të 40-ve nga Oslo. Ai tani është në paraburgim. E policët janë në kërkim edhe të dy personave tjerë të cilët akuzohen për këtë vrasje. Ata kërkohen nga policia norvegjeze. Mediat norvegjeze raportojnë se policia beson se dy vëllezërit Valon dhe Visar Avdyli janë të përfshirë në këtë rast.
Policia ka konfirmuar emrat e të dyshuarve gjatë një konference për media. Gjithashtu publikuan fotografitë e tyre të marra nga kamerat e sigurisë në aeroportin e Oslos gjatë 9 tetorit, dy ditë pas të shtënave, nga ku besohet se udhëtuan për në Prishtinë.
Ndryshe, në vitin 2016, Valon Avdyli, 35-vjeç, ishte dënuar për pjesëmarrje në organizatën terroriste ISIS. Ai ishte dënuar me katër vite e gjashtë muaj burgim.
Ndërkaq vëllai i tij i vogël Visar Avdyli, 31-vjeç, ishte dënuar me tetë muaj burgim për të njëjtin rast.
Ata janë vëllezërit e Egzon Avdylit, i cili u vra në Siri gjatë vitit 2014 si pjesë e ISIS-it. /Telegrafi/
Kompania Rajonale e Ujësjellësit “Hidroregjioni Jugor” në Prizren, përmes një komunikate për media ka njoftuar se me datë 29.10.2021 prej ores 09:00-16:00 për shkak të punimeve nga ana e KEDS-it do të nderpritet energjia elektrike në fshatrat Maxharrë, Shkozë dhe Aztrazup, si rrjedhojë e ndërprerjes se rrymes pa ujë do të mbesin këto fshatra:
· Maxharrë
· Dragobil
· Shkozë dhe
· Astrazup
Me kthimin në funksion të rrymes, do të rikthehet edhe furnizimi i rregullt me ujë në këto fshatra, thuhet në njoftim nga zyra për informim e Hidroregjionit Jugor -Prizren
