Policia e Kosovës ka arrestuar dje një person në Prizren, i cili dyshohet se ka kryer veprën penale “dhunë në familje”.
I arrestuari dyshohet se derisa ka qenë në gjendje të dehur ka ushtruar dhunë ndaj bashkëshortes së tij. Policia ka njoftuar se pas arrestimit, është kontrolluar shtëpia e tij.
Gjatë kontrollit, në shtëpinë e të dyshuarit është gjetur dhe konfiskuar një pushkë automatike, dy karikatorë, 8 fishekë dhe një granatë dore.
Me vendim të prokurorit, i dyshuari është dërguar në mbajtje.
Në prill u shpërblye me çmimin si kadetja më e mirë e huaj në Akademinë Ushtarake Sandhurst në Britani të Madhe.
Pak muaj më pas, Ilirianë Bunjaku, njohuritë e marra në një prej akademive më të forta në botë, po i zbaton në Ushtrinë e Kosovës.
Me shumë angazhime e takime nga mëngjesi, Iliriana si nëntogere në FSK aktualisht po kryen detyrat si komandante e kompanisë.
“Aty zhvillohesh më shumë në aspketin e lidershipit apo udhëheqjes, dhe deri në nivel kompanie jam e përgatitur që ato njohuri t’i shfaqë te pjesëtarët e mi”, fillon rrëfimin Iliriana.
Megjithëse, gjithë kjo rrugë nuk ishte e lehtë për Ilirianën.
“Në aspektin taktik kemi pasur stërvitje nët erren me ditë të tëra, në pejët ma malore e kodrinore të Anglisë, me mot mjaft të vështirë dhe kjo ka qenë tejet sfiduese. Përvec terrenit kemi pasur edhe aktivitete tjera në ligjërata të ndryshme brenda kazermës”, thotë nëntogerja e FSK-së për RTK-në.
Madje, me angazhimin e saj, Iliriana arriti të theyjë edhe tabutë.
“Tabutë thehen prej njerëzve që dijnë me i thy, po besoj që është në dorën e personave që me ua provu tët jerëve që kjo tabu do të thyhet dhe të gjithë pjesëtarët që shërbejnë janë në mënyrën më të mirë të mundshme”, shprehet Bunjaku.
Iliriana nuk është ushtarja e vetme e FSK-së që arriti sukses të tillë.
Lexo edhe: Vdes Agim Lluka, njëri nga themeluesit e korporatës Dukagjini
Edhe pjesëtarja tjetër e FSK-së, Arelena Shala diplomoi si e dalluar në Akademinë e njohur amerikane, West Point, para ish-presidentit amerikan, Donald Trump.
Madje Arelena aktualisht po vazhdon edhe studimet master në Shtetet e Bashkuara.
“Edhe në West Point edhe në studimet master që po i bëj këtu synimi është që të përgatitem sa më mirë për të ardhmen kur të kthehem në FSK. Sfidat kanë qenë të shumta por ia kemi dalur, dhe ka qenë krenari ta prezantojmë emrin e Kosovës”, tregon Arelena Shala.
Iliriana e Arelena si dy ushtare me suksese të dalluara, kanë nga një apel për të gjitha vajzat që duan ta veshin uniformën e Ushtrisë së Kosovës, duke kërkuar që secila vajzë të mos ndalet së ndjekuri ëndrrat në ushtri.
Kandidati për kryetar të komunës së Prizrenit nga Lidhja Demokratike e Kosovës (LDK), Anton Quni ka marrë 14.99% të votave në këtë komunë, duke u renditur në listë i treti pas kandidatit të Lëvizjes Vetëvendosje (LVV), Mytaher Haskuka si dhe kandidatit nga Partia Demokratike e Kosovës (PDK), Shaqir Totaj.
Quni në një lidhje direkt në emisionin “Context” në ATV ka thënë se nga dy kandidatët e tjerë që janë në balotazh në këto zgjedhje për komunën e Prizrenit, ka marrë telefonatë vetëm nga ai i PDK-së.
“Deri më tani kam pasur vetëm një telefonat nga z.Totaj kandidatin e PDK-së për kryetar, me të cilin kemi pas një bisedë shumë të shkurtë dhe jemi dakorduar që në një të ardhme të afërme edhe të takohemi, nga autoritetet tjera nuk kam pas ndonjë telefonatë apo ndonjë ftesë për takim,”– u shpreh ai.
Quni tha se janë në bisedime e sipër edhe me kryesinë sa i përket koalicionit me ndonjë parti.
‘Sot kam pasur takim me kryetarin me z. Abdixhiku, kryesisht preferohet që në bazë të specifikave të lokacionit të nevojave rrethanave e të tjera mbetet në autoritetin e kryesisë së degës në Prizren që të marrim vendime për hapa ë mëtutjeshëm por natyrisht gjithnjë duke u konsultuar edhe me qendrën, pra nuk kemi ndonjë kushtëzim, presion, nuk kemi kërkesë të veçantë thjeshtë të bëjmë një vlerësim çka është më e mira për qytetarët,”- tha ai
Rritja e pagave pritet të jetë pak më e lartë se këtë vit, në të cilin, sipas kompanive ka një rritje mesatare të pagës prej 0.6 për qindNë një anketë të realizuar mbi temën e pagave, banka e madhe zvicerane UBS ka pyeturf 314 kompani. Ato presin një rritje të lehtë të pagave në vitin 2022.
Kjo do të thotë se rritja e pagave ka mundësi të jetë pak më e lartë se këtë vit. Për vitin aktual, kompanitë supozojnë të ketë pasur një rritje mesatare të pagës prej 0.6 për qind, raporton srf.ch.Megjithatë, duke marrë parasysh inflacionin, rritja nuk është aq e lartë: ekonomistët e UBS po parashikojnë një normë inflacioni prej 0.5 për qind për vitin e plotë 2021, transmeton albinfo.ch. Kjo do të thotë se niveli i pagave duhet të rritet vetëm me 0.1 për qind në kushtet reale, këtë vit.
Për vitin 2022, ekonomistët presin një normë inflacioni prej 0.4 për qind dhe një rritje reale të pagave prej 0.4 për qind.
Ndërkohë, UBS nuk është e shqetësuar për stagnimin e konsumit. Sipas ekonomistëve, konsumatorët tani kanë madje fuqi blerëse më të lartë. Kjo sepse njerëzit kanë kursyer më shumë gjatë pandemisë.Sipas të dhënave nga Zyra Federale e Statistikave, norma e kursimeve u rrit nga pothuajse 20 për qind në mbi 30 për qind.
“Disa nga këto kursime ka mundësi të kthehen në konsumin privat në tremujorët e ardhshëm dhe të mbështesin ekonominë”, thuhet në parashikim.Ky supozim i bankës së madhe mbështetet edhe nga një perspektivë pozitive të treguar nga kompanitë e anketuara, përcvjell albinfo.ch. Sipas sondazhit, pothuajse 80 për qind e kompanive presin që ekonomia zvicerane të vazhdojë të rritet në vitin e ardhshëm.
Ministria e Shëndetësisë ka njoftuar se edhe sot në shtatë qytete do të ketë ekipe mobile të vaksinimit antiCOVID, duke filluar nga ora 10:00 deri në 17:30.Vaksinimi antiCOVID me ekipe mobile do të bëhet në Prishtinë, Prizren, Pejë, Gjakovë, Mitrovicë, Ferizaj, Gjilan.
“Edhe një mundësi më shumë: Ekipet mobile të vaksinimit do të jenë sot në shtatë sheshe të qyteteve të Kosovës për të ju ofruar qytetarëve vaksinimin kundër COVID-19.
Ndërkohë, të gjitha qendrat e vaksinimit, gjithashtu, vazhdojnë të ofrojnë shpejt, lehtë dhe sigurt vaksinimin për çdo qytetar, sikurse deri më tani.Vaksinohuni për të mbrojtur veten, familjen dhe të tjerët!”, thuhet në njoftim.
Konferenca e radhës për ecurinë e çështjes për ish-krerët e UÇK-së Hashim Thaçi, Jakup Krasniqi, Kadri Veseli dhe Rexhep Selimi do të mbahet më sot.Siç njoftojnë Dhomat e Specializuara, konferenca do të fillojë në orën 14:30.
Aktakuza ndaj tyre është konfirmuar më 26 tetor 2020.
Sipas akuzës së ngritur, “Së paku midis marsit 1998 deri në shtator 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të ndërmarrjes kriminale të përbashkët kishin qëllimin e përbashkët për të siguruar dhe ushtruar kontroll mbi të gjithë Kosovën përmes metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë”.
29.10 – Pas mëngjesit të ftohtë, me kushte për mjegull/mjegullinë në ultësira, ditën kryesisht me diell dhe butë.30.10 – Kryesisht me diell. Në mëngjes ftohtë.31.10 – Kryesisht me diell, e orëve të mëngjesit ftohtë e me ngricë.
1.11 – Kryesisht me diell. Në mbrëmje vransirat do të shtohen.Temperaturat minimale luhaten ndërmjet -2C e 1C, e maksimalet nga 15C, në rrafshin e Kosovës e deri në 17C nga Dukagjini.Era do të fryjë e lehtë dhe mesatare nga lindja e juglindja 2-10m/s.
Shtypja atmosferike në një rënie të lehtë por që mbetet në vlera të larta.
Lideri i LDK-së Lumir Abdixhiku, në një intervistë në emisionin Çim Peka Live në Syri Tv, foli për këto zgjedhje lokale në Kosovë.
Abdixhiku thekson se në këto zgjedhje, LDK ka marrë më shumë se 5 mijë vota se Lëvizja Vetëvendosje.
Ai shtoi se LDK ka reflektuar dhe reflektimi është dukur edhe në rezultat të zgjedhjeve.
“Morëm 5 mijë vota më shumë se Lëvizja Vetëvendosje. Tani çështja është që të mbajmë dhe të rrisim votën tonë. Votuesi ka dhënë verdikt. Më 14 shkurt qytetarët na dhanë një mesazh dhe ne reflektuam. LDK u hap me njerëzit më profesionistë që ka Kosova dhe ne aplikuam dëgjimin qytetar.
Partia në pushtet e ka parë 14 shkurtin si shpërblim infinit. Jam i kënaqur me rezultatin e këtyre zgjedhjeve, por duhet punë e punë, që së bashku me qytetarët, të transformohemi si parti dhe të ndryshojmë Kosovën. Qeveria Kurti gaboi rëndë, rriti nepotizmit”, u shpreh Abdixhiku.
KB Peja ka mbetur në krye të Superligës së Kosovës, përkundër humbjes që e pësoi nga Bashkimi në xhiron e tetë.
Në duelin e luajtur të enjten mbrëma në Rahovec, ku bashkimi ishte vendas, skuadra e Pejës u mposht me rezultatin e ngushtë 85:83
Të enjten ka filluar vaksinimi kundër gripit sezonal. Ky proces po zhvillohet paralelisht në të njëjtin vend ku po zhvillohet edhe vaksinimi kundër COVID-19. Drejtori i QKMF-së qendrore në Prishtinë, Bujar Gashi, tha se ambienti i përbashkët nuk paraqet asnjë problem dhe se çdo person që i ka kaluar dy javë nga vaksinimi kundër COVID-19 dhe ka sëmundje kronike mund të vaksinohet. Vaksinimi gjithashtu ka filluar edhe në qytetin e Prizrenit
Për dallim nga viti i kaluar, këtë vit Komuna e Prishtinës është furnizuar më herët me vaksinën sezonale. 14 mijë dozat e pranuara të mërkurën kanë nisur të administrohen menjëherë. Ky proces po zhvillohet në sallën “1 Tetori”, në vendin ku po vazhdon edhe vaksinimi kundër COVID-19. Një gjë e tillë thuhet se ishte kundër vullnetit të Drejtorisë së QKMF-së qendrore në Prishtinë, por lajmërimi i vonshëm i detyroi për këtë zgjidhje.
“Arsyeja pse kam shku në sallën ‘1 Tetori’ është për shkak të sistemit të rrjetit, është një sistem i ri këtë vit që jemi njoftuar vetëm dje dhe e kemi pasur obligative që sot të fillojmë dhe teknikisht ka qenë e pamundur që të bëhet sipas përgatitjeve që kemi bërë në qendrat e mjekësisë familjare dhe vullneti ynë ka qenë që vaksinimin kundër gripit sezonal ta bëjmë në qendrat tona”, ka thënë Bujar Gashi, drejtor i QKMF-së qendrore, në Prishtinë
