Paketat e cigareve, por edhe të gjithë nënproduktet e tjera të duhanit, do të shënojnë rritje të akcizës në pesë vitet e ardhshme, teksa në listën e taksimit është përfshirë tashmë edhe shisha apo nargjileja. Në 5 vjet, akciza do të rritet gjithsej me 5 lekë në vit/paketë, ose 25 lekë për të gjithë periudhën.

Paketa fiskale e vitit 2022 parashikon ndër të tjera disa ndryshime në ligjin ”Për akcizën” dhe konkretisht sa u takon produkteve të duhanit do të ndjekë politikën e viteve të fundit, ku nga 2018 e në vazhdim ka pasur rritje çdo vit. Relacioni që shoqëron draftin nënvizon se niveli aktual i akcizës së cigareve prej 6500 lekë/1000 copë, është larg nivelit minimal të parashikuar në Direktivë dhe pikërisht arritje drejt këtij niveli.

“Për këtë qëllim dhe me synimin për t’iu afruar gradualisht nivelit të Direktivës, nëpërmjet këtij projektligji është parashikuar rritja e nivelit të akcizës në 5 vitet e ardhshme me 5 lekë për paketë sipas këtij kalendari i cili shprehet në fije jo paketë:

– 6750 lekë/1000 fije duke filluar nga 1 janari 2022;

-7000 lekë/1000 fije duke filluar nga 1 janari 2023;

-7250 lekë/1000 fije duke filluar nga 1 janari 2024;

-7500 lekë/1000 fije duke filluar nga 1 janari 2025;

-7750 lekë/1000 fije duke filluar nga 1 janari 2026.

Nga rritja e akcizës në grupin e duhaneve, parashikohet efekt vjetor në rritjen e të ardhurave nga akciza rreth 750 milionë lekë më shumë” thuhet në relacion.

Lexo edhe: Në 28 nëntor hapet kantieri i aeroportit Ndërkombëtar të Vlorës
I njëjti shton se përfshirja e kategorisë shisha apo nargjile vjen dhe arsyeja për këtë është se në tregun vendas po tregtohet gjerësisht ky produkt me një trend në rritje të bareve dhe klubeve që ofrojnë këtë lloj produkti. Financat vlerësojnë se një sasi tepër e vogël është riregjistruar, pajisur me pullat përkatëse të akcizës dhe rrjedhimisht zhdoganua.

“Është shtuar një kategori e re T403 “Shisha, nargjile” me kod 240311 dhe nivel akcize 6750 lekë/kg, nga 1 janari 2022 duke u rritur më pas për 4 vitet në vijim me 500 lekë/kg, si dhe në kategorinë T401 “Nikotinë lëng” është propozuar të shtohet nënndarja me përshkrim “Qeska Nikotine – Duhan i prodhuar dhe produkte nikotine me aplikim oral pa djegie”, me nivel akcizë 6750 lekë/kg, duke u rritur më pas për 4 vitet në vijim me 500 lekë/kg.

Nëpërmjet këtij ndryshimi synohet të kemi një taksim të drejtë me akcizë për produktin nargjile, i cili pas përpunimit të tij, ka në përmbajtjen e produktit 10 apo 15% “duhan”, por që aktualisht taksohet sikur e gjithë përbërja të ishte prej duhani. Ky propozim vjen i bazuar me frymën e ligjit 61/2012, që akciza paguhet vetëm për sasinë e produktit të akcizës (për shembull Birra, pijet alkoolike bazuar në % e alkoolit, duhani me ngrohje bazuar në sasinë e duhanit në produkt), si edhe për mbrojtjen e të ardhurave nga erozioni i mundshëm i konsumit drejt produkteve të reja” saktëson relacioni./monitor

Mendim Blakaj, i cili është vlerësues i licencuar për pasuri të paluajtshme, ka komentuar vendimin e Qeverisë së Kosovës për ndarjen e 10 milionë eurove për blerjen e objekteve të ambasadave nëpër vendet mike.Blakaj tha se faktorë për çmimin e objekteve në këtë rast janë lokacioni, sipërfaqja, zona ku ka për t’u vendosur, kushtet apo çdo kërkesë shtesë që mund ta ketë ambasada.

“Përderisa qeveria nuk i caktoi vendet se ku do të blihen pronat e paluajtshme, atëherë nëse do t’i blinte në Gjermani, në Zvicër, apo ShBA, pra në vendet ku bashkatdhetarët tanë janë më të koncentruar atëherë çmimet e tregut në atë zonë janë shumë më të larta se sa jemi mësuar ne në Kosovë”, është shprehur Blakaj në Klan Kosova.

Tutje, ai përmendi qytetin e Berlinit, zonë kjo ku tani gjendet Ambasada e Kosovës në Gjermani, ku tha se bazuar në indeksin e çmimeve të pronave të paluajtshme në këtë shtet, atëherë çmimet sillen prej 6 mijë deri në 8 mijë euro për metër katror.
“Nëse kushtet minimale për sipërfaqe të një ambasade do të ishin 200 metra katrorë, çmimi do të sillej prej 1.2 milionë deri në 1.5 milionë euro në qytetin e Berlinit”, është shprehur Blakaj.Shembull tjetër ishte edhe shteti i Zvicrës, përkatësisht zona ku ndodhet Ambasada e Kosovës në këtë shtet, ku tha se çmimet në zonën e Cyrihut sillen prej 10 mijë deri në 13 mijë franga.

“Në Zvicër çmimet sillen prej 10 mijë deri në 13 mijë frang në zonat ku tani gjendet Ambasada e Kosovës, atëherë në një sipërfaqe prej 200 metrave katrorë, çmimi do të sillej rreth 2 milionë franga”, ka thënë Blakaj.Kurse, çmime shumë më të ulëta kanë vendet e rajonit, ku në Shqipëri çmimet e zyrave apo ambienteve komerciale, sipas Blakajt sillen prej 1 mijë e 500 euro deri në 2 mijë euro.“Ndërsa, në Shqipëri, çmimet e zyrave apo ambienteve komerciale, çmimet sillen prej 1 mijë e 500 euro deri në 2 mijë euro për metër katrorë, ndërsa në Kroaci prej 3 mijë deri në 4 mijë euro për metër katrorë, por këtu duhet të kihen gjithmonë parasysh kërkesat e shtetit të Kosovës”, është shprehur Blakaj.

Ngjarjet kryesore të planifikuaraFillon rinumërimi i 292 vendvotimeve të cilat u takojnë Zgjedhjeve Lokale për Kuvende Komunale të cilat u mbajtën më 17 tetor. (Qendra e Numërimit dhe Rezultateve, ora 10:00)Bëhet përurimi i projektit “PUMPTRACK”, të realizuar nga Drejtoria e Turizmit dhe Zhvillimit Ekonomik në Prizren.

(Hapësirat e Qendrës Sportive në Prizren, ora 10:00)Qendra Kosovare për Luftimin e Kancerit të Gjirit JETA/VITA në mbështetje të Fondacionit Jahjaga dhe në bashkëpunim me Agjencinë për Barazi Gjinore, përmbyllin aktivitetet e shënimit të muajit të kancerit të gjirit, përmes një instalacioni në objektin e Qeverisë. (Para ndërtesës së Qeverisë, ora 11:00)

Kryeministri Albin Kurti, së bashku me kryetarin e Komunës së Prizrenit, njëherësh kandidat për kryetar të Prizrenit nga Lëvizja Vetëvendosje, Mytaher Haskuka, do të realizojnë vizita të ndryshme në këtë komunë.Agjendën e aktiviteteve:
16:00 – Tubim në fshatin Piranë (në oborrin e shkollës fillore “Dy Dëshmorët”)
17:00 – Tubim me gra (në platon e Kino Evropës)18:00 – Tubim në Lagjen e Trimave (Tusus – në oborrin e shkollës fillore “Fadil Hisari”)19:00 – Tubim në lagjen Arbanë (Terreni sportiv në shkollën fillore “Ibrahim Fehmiu”)20:00 – Festivali Ndërkombëtar Zgjimi me Art (Hamami Gazi Mehmet Pasha)

Shefi i Zyrës së BE-së në Kosovë Tomas Szunyog thotë se vërtet Kosova ka problem të theksuara në sistemin e drejtësisë por sipas tip procesi i vettingut do të ishte hapi i fundit për të përmirësuar këtë sistem.Szunyog në RTV Dukagjini thotë se vetting duhet të jetë masë e jashtëzakonshme.“Kosova ka mjete të mira për të matur integritetin e gjyqtarëve dhe prokurorëve dhe ka mjete për të matur punën e tyre.

Ne nuk e shohim vettingun si diçka që duhet të jetë gjëja e parë për të përmirësuar sistemin e drejtësisë. Vettingu është mjeti i fundit. Pra nëse asgjë nuk funksionon duhet të vijë në pyetje vettingu”, deklaroi ai.
Shefi i Zyrës së BE-së në Kosovë thotë se ka ende mjete që nuk janë përdorur për të përmirësuar sistemin e drejtësisë.

“Ne kemi analizuar koncept-dokumentin për vettinguun dhe nuk i kemi të qarta disa koncepte. Kuvendi e qeveria mund ta miratojnë vettingun, por ne mbështesim vetëm proceset që ne ndihemi rehat”.Szunyog thotë se para se qeveria të hedh hapin e radhës për vettingun të konsultohet më shumë me partnerët ndërkombëtarë.

Ai thotë se vettingu merr shumë kohë që të jetësohet dhe kërkon shumë mjete financiare.“Në Shqipëri vettingu ka marrë pesë vjet dhe ende nuk ka përfunduar. Unë nuk kam besim se vetting në Kosovë do të përmirësonte sistemin e drejtësisë”, tha ndër të tjera Szunyog.

Mbrojtja e Hashim Thaçit, avokati Gregory W. Kehoe ka kërkuar udhëzime nga gjyqtari i procedurës paraprake Nicolas Guillou, lidhur me hapat që duhet ndjekur rreth kërkesës për lirim të përkohshëm të Thaçit dhe të tjerëve.

Në konferencën mbi ecurinë e çështjes ndaj Thaçit dhe të tjerëve, avokati Kehoe ka thënë se duket që ka ende shumë kohë deri në fillimin e gjykimit, andaj ka kërkuar udhëzime se cilat rrugë duhet ndjekur për të proceduar çështjen e lirimit me kusht.

Ai ka theksuar se tashmë ka një përgjigje nga Policia e Kosovës e cila është në proces të përkthimit.

“Do të doja t’u kërkoja juve se çfarë rruge duhet të ndjekim ne sa i takon kërkimit të lirimit të përkohshëm. Kemi një përgjigje nga policia që është në proces përkthimi, kemi një proces të tillë që ju e dini deri në çfarë pike ka shkuar, kështu që duam të kërkojmë mendimin tuaj se çfarë rruge të ndjekim ne për të kërkuar për lirimin e përkohshëm të tyre sepse duket që ka goxha kohë derisa të fillojë procesi i gjykimit”, ka thënë mbrojtja e Thaçit, shkruan KP.

Por, gjyqtari Guillou ka thënë se një çështje të tillë ai mund ta parashtrojmë me shkrim meqë konferenca e sotme nuk e ka në rend dite një diskutim të tillë.

Kandidati për kryetar komunë të Prishtinës Arben Vitia nga radhët e Lëvizjes Vetëvendosje, e bëri të qartë se nuk do të rikthehet në krye të Ministrisë së Shëndetësisë, pavarësisht rezultatit të 14 nëntorit.

Këtë e bëri me dije për herë të parë në emisionin Rubikon me Adriatik Kelmendin, në mbrëmjen e së enjtes.

Derisa këtë përgjigje e dha vetëm pas 28 dite prej largimit të tij nga i pari i shëndetësisë.

Aktualisht Ministria e Shëndetësisë udhëhiqet me ushtruesen e detyrës, ministren Dafina Gexha, të cilës Vitia ia dorëzoi detyrën me një tetor të këtij viti.