Jo vetëm në verë, por edhe gjatë vjeshtës shqiptarët e Kosovës kanë zgjedhur Shqipërinë për fundjavë.

Ditën e sotme është konstatuar një fluks i lartë makinash në pikën e kalimit kufitar Morinë.

Si duket qytetarët kanë dashur që të shfrytëzojnë motin e mirë me diell këtë fundjavë në vendin tonë.

Policia kufitare prej mëngjesit punon me procedurë të përshpejtuar dhe shtatë sportele.

Dokumenti i ri i Kombeve të Bashkuara njeh lëvizshmërinë si një të drejtë themelore të njeriut dhe një të mirë të përbashkët shoqërore.

Rreth 1.3 milionë njerëz vdesin në rrugë në mbarë botën çdo vit. Kjo është arsyeja pse Kombet e Bashkuara po përpiqen të veprojnë dhe të ndikojnë në legjislacionin kombëtar kur bëhet fjalë për sigurinë në trafik.

Një plan i ri i OKB-së për të reduktuar numrin e viktimave në rrugë i afrohet rrënjësisht trafikut rrugor. Përkatësisht, plani global për periudhën 2021-2030 propozon të kufizohet shpejtësia në zonat urbane në 30 km/h, më pas të zvogëlohet në 80 km/h në rrugë të hapura, si dhe maksimumi 100 km/h në autostrada.

Kombet e Bashkuara po bëjnë thirrje gjithashtu për investime në infrastrukturën rrugore, veçanërisht për vendet në zhvillim. Kërkohen gjithashtu vetë vlerësimet e sigurisë rrugore (projekte të tilla si EuroRAPA) dhe një standard prej të paktën tre yjeve nga maksimumi pesë.

Në Evropë, të gjitha veturat e homologuara nga 6 korriku i vitit 2022 duhet të kenë teknologji të tilla si paralajmërimi i përgjumjes së shoferit, regjistruesi i të dhënave ose “kutia e zezë”, zbulimi dhe paralajmërimi i trafikut pas veturës, ndihmë në mbajtjen e automjeteve në korsi dhe sistem frenimi automatik në raste emergjence. Gjithashtu do të vendoset një instalim i testit të alkoolit në automjete.

Presidentja e vendit, Vjosa Osmani, ka deklaruar se korrupsioni në Kosovë i përket të shkuarës.

Osmani në një intervistë për “DN” në Portugali vlerëson se institucionet e sapozgjedhura në vend po punojnë aktivisht në platformën kundër korrupsionit, njofton Klankosova.tv.

“Absolutisht. Mund të them që korrupsioni i përket së shkuarës, sepse është shumë e rëndësishme të thuhet se institucionet e sapozgjedhura po punojnë aktivisht në platformën kundër korrupsionit”.

Tutje Osmani ka folur edhe për reformat në drejtësi duke thënë se përpjekjet për këtë nuk janë bërë vetëm pse kërkoi BE-ja.

“Reforma e parë e madhe e institucioneve të reja është në sistemin gjyqësor, sepse ne besojmë se pa shtetin e së drejtës nuk mund të kemi sukses në asnjë fushë tjetër, qoftë ekonomia, integrimi, investimet në të rinjtë, barazia gjinore. E gjithë kjo lidhet me të paturit e një sistemi të fortë gjyqësor të aftë për të garantuar siguri dhe barazi për të gjithë. Ky është prioriteti ynë sepse lidhet drejtpërdrejt me suksesin tonë në të gjitha fushat e tjera”.

“Dhe përpjekjet tona për reformën në drejtësi nuk janë bërë vetëm sepse e kërkon BE-ja, por mbi të gjitha sepse është ajo që ne besojmë se është më e mira për qytetarët. Ne po punojmë së bashku me BE-në dhe është e qartë se kemi nevojë për mbështetjen e disa vendeve anëtare, veçanërisht për aksesin në instrumentet financiare për të siguruar që mekanizmat që po ndërtojmë të jenë të suksesshëm. Në të njëjtën kohë kemi nevojë edhe për mbështetje politike dhe morale, sepse kjo nuk është një betejë e lehtë”, deklaroi Osmani.

Lidhur me luftimin e korrupsionit, në anën tjetë, Raporti i Komisionit Evropian i publikuar së fundmi ka theksuar se është shënuar përparim i kufizuar.

“Kosova ka bërë përparim të kufizuar në luftën kundër korrupsionit dhe krimit të organizuar, por duhet shtuar përpjekjet për hetime më aktive, vendime përfundimtare gjyqësore dhe konfiskim përfundimtar të pasurive të paligjshme”, thuhet në Raportin e KE-së.

Ministria e Shëndetësisë bën të ditur se qendrat e vaksinimit punojnë vetëm gjatë ditëve të punës dhe jo edhe ditëve të vikendit.

Në njoftimin e MSH-së thuhet se kanë rënë terminet e paracaktuara për vaksinim kundër COVID-19 dhe kundër Gripit sezonal gjatë ditëve të vikendit në qendrat statike.

“Vaksinimi i një numri të konsiderueshëm të qytetarëve me dozën e parë dhe të dytë të vaksinës kundër COVVID-19 dhe situata epidemiologjike më e qetë ka ndikuar që edhe kërkesat për vaksinim gjatë muajit tetor të jenë në trend të ulët, ndërsa ekipet e vaksinimit gjatë pesë ditëve të punës ja kanë dalë që pa asnjë problem t’i përgjigjen çdo kërkese për vaksinim”.

“Gjithashtu, duke qenë që gjatë javës që po mbetet pas ka filluar vaksinim edhe kundër Gripit sezonal, pas arritjes në Kosovë të 140.000 vaksinave kundër gripit sezonal, vaksinimi i kategorive që vaksinohen më këtë vaksinë bëhet gjatë pesë ditëve të javës në Qendrat e Mjekësisë Familjare dhe në disa komuna, por edhe në qendrat ku bëhet aktualisht vaksinimi kundër COVID-19, varësisht prej asaj se ku kanë vendosur komunat që të bëhet vaksinimi”.

“Ministria e Shëndetësisë njofton se numri i vaksinave kundër COVID-19, ashtu edhe kundër gripit sezonal është i mjaftueshëm, prandaj inkurajohen qytetarët që duhet vaksinuar që t’i shfrytëzojnë oraret e përcaktuara gjatë pesë ditëve të punës brenda javës dhe të vaksinohen”, thuhet në njoftimin e MSh-së.