Ambasadori gjerman në Kosovë, Jorn Rohde është pajtuar me raportuesen për Kosovën në Parlamentin Evropian, Viola von Cramon, se zbatimi i vendimit të Gjykatës Kushtetuese të Kosovës për Manastirin e Deçanit është vonuar shumë.

Ai shkroi në Twitter se zbatimi arbitrar i sundimit të ligjit nuk është rruga përpara.

Pajtohem plotësisht: Zbatimi i vendimit të Gjykatës Kushtetuese të Kosovës të vitit 2016 është vonuar prej kohësh siç rikujtoi Gjykata së fundmi. Zbatimi arbitrar i sundimit të ligjit nuk është rruga përpara”, shkroi ambasadori Rohde.

Raportuesja për Kosovën në Parlamentin Evropian, Viola von Cramon e ka vizituar Manastirin e Deçanit. Ajo tha dje se Qeveria e Kosovës duhet ta zbatojë vendimin e Gjykatës Kushtetuese për këtë manastir.

“Toleranca dhe respekti i ndërsjellë janë thelbi i shoqërisë multietnike. Trashëgimia e Kishës Ortodokse serbe në Kosovë duhet të mbrohet dhe të gëzojë të drejta të plota. Prandaj i bëj thirrje Qeverisë së Kosovës që ta zbatojë vendimin e Gjykatës Kushtetuese, të vonuar prej kohësh tashmë, pasi sundimi i ligjit nënkupton trajtim të barabartë për të të gjithëve. Deçani duhet të jetë vend që bashkon gjithë qytetarët e Kosovës dhe ta zvogëlojë hendekun mes komuniteteve të saj, siç mund të luajnë rol konstruktiv Manastiri i Deçanit dhe ati Sava në dialogun shoqëror”, ka shkruar Von Cramon në Twitter.

Në pikë kalimin kufitar të Vermicës oficerët doganor kanë parandaluar futjen e telefonave mobil.“Në pikë kalimin kufitar të Vermicë është paraqitur kombi-bus me targa kosovare i linjës Prishtinë-Ulqin-Prishtinë, pas pyetjes nga ana e oficerve doganor personi përgjegjës është përgjigjur qe nuk ka asgjë, pastaj i njëjti automjet është selektuar për kontrollë në vijën e dytë.

Gjatë kontrollës nën karrikën e parë është hasur në mallra të padeklaruara: telefona të mençur Samsung Galaxy A32 në sasi prej 10 copë në paketim së bashku me adaptera (mbushëse)”, thuhet në njoftim.

Të gjitha mallrat janë konfiskuar si dhe rasti ka vazhduar për kundërvatje doganore.

Qeveria e Kosovës është duke pritur ndryshime pozitive të vendeve skeptike të Bashkimit Evropian për liberalizimin e vizave. Në ekzekutiv shprehën të bindur se në shtatë muaj qeverisje kanë treguar qëllimet e tyre të qarta për luftimin e krimit, korrupsionit dhe reformën e sistemit të drejtësisë. Megjithëse në Qeveri nuk dhanë ndonjë datë, njohësit e integrimeve evropiane si mundësi reale për liberalizim të vizave e shohin gjashtë mujorin e parë të vitit 2022, pikërisht atëherë kur presidencën e Këshillit të BE-së, e merr Franca, e cila është një ndër vendet skeptike.

Zëdhënësi i Qeverisë Kurti, Përparim Kryeziu, thotë për KosovaPress, se Kosova ka plotësuar të gjitha kriteret për liberalizim të vizave.

Megjithatë, ai tregon se janë në komunikim me vendet hezituese dhe se të njëjtat janë në dijeni për zhvillimet pozitive në Kosovë.

“Ky është një vendim i cili i takon BE-së, përkatësisht vendeve që vazhdojnë të shprehin një dozë skepticizmi ndaj Kosovës, sa i përket çështjes së liberalizimit të vizave. Kjo qasje, ky qëndrim dhe këto vendime përcaktohen nga dinamikat e brendshme politike të këtyre vendeve. Pavarësisht kësaj, vazhdimisht janë në komunikim me këto shtete dhe përfaqësuesit e këtyre shteteve. Ato kanë misione diplomatike në Kosovë ku janë në dijeni për çdo zhvillim pozitiv që shënohet në Kosovë. Ne shpresojmë se BE-ja do të tejkalojë këtë hezitim, përkatësisht këto shtete karshi Kosovës dhe të ndryshojnë qëndrimin e tyre, pasi në Kosovë kanë ndodhur ndryshime. Kemi një qeveri të re që gëzon legjitimet të madh popullor dhe politik që ka qëllime të qarta për luftimin e krimit, korrupsionit dhe reformën e sistemit të drejtësisë… Kjo qeveri brenda 7 muajve tashmë ka miratuar strategjinë për sundimin e ligjit, një dokument tejet i rëndësishëm për reformën e sistemit të drejtësisë. Njëjtën kohë ka miratuar koncept-dokumentin për vetingun që është domosdoshmëri për të krijuar një shtet të mirëfilltë”, thotë ai.

Lajme të mira për liberalizim të vizave pret profesori universitar, Afrim Hoti, i cili thotë për KosovaPress, se në pjesën e parë të vitit 2022 mund të ketë lëvizje pozitive për Kosovën.

“Nuk besoj se do të ketë diçka të re brenda këtij viti, sepse definitvisht Sllovenia përkundër dëshirës, nuk mendoj se e ka potencialin ta shtyjë këtë çështje, që eventualisht të marrim liberalizimin e vizave. Ndërkohë, Parlamenti Evropian tash e sa kohë po trumbeton, bile është i vetmi institucion i BE-së qe njeh Kosovën dhe me të njëjtën ka konstituar marrëdhëniet kontraktuale. Sido që të jetë, çështja e liberalizimit të vizave tashmë ka mbet çështje e Këshillit të Ministrave. Disa vende hezitojnë sot e kësaj dite të japin dritën e gjelbër për këtë çështje. Mbase lajme të mira dhe tone optimiste priten në pjesën e parë të vitit të ardhshme, kur udhëheqjen e këshillit do ta merr Franca. Nisur nga fakti se edhe Franca është vendi që deri tani ka shkaktuar më shumë problem”, thekson Hoti.

Më i rezervuar në afate kohore shprehët zëdhënësi Kryeziu. Ai thotë se Qeveria Kurti nuk do të bëjë gabimet e qeverive paraprake kur kanë folur në emër të BE-së.

“Kjo qeveri nuk mund të bëjë gabimet që kanë bërë qeveritë paraprake kur kanë folur në emër të BE-së. Ky vendim nuk i takon Kosovës, ndonëse ne punojmë dhe zotohemi se çfarëdo lloj hezitimi që këto shtete kanë në raport me Kosovën ti adresoj në kohën dhe mënyrën më të mirë”, shton Kryeziu.

KosovaPress ka kontaktuar edhe eurodeputetën, njëherësh raportuesen për Kosovën në Parlamentin Evropian, Viola von Cramon, por e njëjta kësaj radhe nuk ka qenë e qasshme për të treguar pritshmëritë e saja rreth këtij procesi.

Të paqasshëm kanë qenë edhe në partitë opozitare, PDK dhe LDK.

Kosova ka plotësuar gjitha kriteret për liberalizim të vizave qysh në vitin 2018. Mirëpo disa vende të BE-së, veçmas Franca, Holanda dhe Danimarka kanë shprehur rezervat e tyre për ndërmarrjen e një hapi të tillë.

Pesë raste të dhunës në familje janë raportuar në Polici gjatë 24 orëve të fundit.Sipas të dhënave të raportit policor, rastet kanë ndodhur në këto qytete: Fushë Kosovë, Hani Elezit, Ferizaj, Gjakovë dhe Mitrovicë e Jugut.Në Ferizaj një grua ka raportuar se është sulmuar nga vjehrra e saj me një mjet të fortë druri.
Ngjarja ka ndodhur mbrëmë rreth orës 18:00. Sipas Policisë viktima ka pranuar tretman mjekësor dhe më pas së bashku me foshnjën e saj janë dërguar në strehimore.E dyshuara pas intervistimit është liruar në procedurë të rregullt, thuhet në raportin e PK.Në Hani Elezit dje rreth orës 11:30 është arrestuar një burrë , pasi që dyshohet se ka ushtruar dhunë ndaj bashkëshortes së tij.
Viktima ka pranuar tretman mjekësor. Me vendim të prokurorit, i dyshuari është dërguar në mbajtje, thuhet në njoftimin e Policisë.
Në Ferizaj një burrë dyshohet se ka ushtruar dhunë ndaj vajzës së tij.Ngjarja ka ndodhur dje rreth orës 17:00. Sipas raportit të Policisë, me vendim të prokurorit, i dyshuari është dërguar në mbajtje.Policia e Kosovës ka arrestuar për dhunë në familje një burrë në Gjakovë.I njëjti dyshohet që ka ushtruar dhunë ndaj bashkëshortes së tij. Sipas njoftimit të Policisë viktima ka pranuar tretman mjekësor.

Me vendim të prokurorit, pas intervistimit palët janë liruar dhe rasti shkon në procedurë të rregullt, thuhet në njoftim.Një rast i dhunës në familje është raportuar edhe në Mitrovicë të Jugut.Mbrëmë rreth orës 18:00 një grua ka raportuar në Polici së është sulmuar fizikisht nga bashkëshorti i saj.Policia ka njoftuar se viktima është dërguar për tretman mjekësor dhe pas tretmanit është liruar. Rasti mbetët nën hetime.

Valentina Bytyqi, zëdhënëse e ATK-së, thotë se sa ka qenë dispozitë ligjore funksionimi i lojërave shpërblyese në Ligjin për Lojërat e Fatit, bizneset që kanë organizuar këso lloj veprimtarish kanë qenë të detyruara të marrin miratimin e organizimit nga ATK-ja, porse më nuk ndodh një gjë e tillë
Prishtinë, 31 tetor – Që nga prilli i vitit 2019, kur është shfuqizuar Ligji për Lojërat e Fatit, lojërat shpërblyese organizohen e mbahen pa kontroll nga askush.

Ka më shumë se dy vjet që shteti i Kosovës nuk ka kontroll mbi këtë veprimtari, për të cilën, sa ka qenë ligji në fuqi, monitorimin e ka kryer Administrata Tatimore e Kosovës.

Valentina Bytyqi, zëdhënëse e ATK-së, thotë se sa ka qenë dispozitë ligjore funksionimi i lojërave shpërblyese në Ligjin për Lojërat e Fatit, bizneset që kanë organizuar këso lloj veprimtarish kanë qenë të detyruara të marrin miratimin e organizimit nga ATK-ja, porse më nuk ndodh një gjë e tillë.

“Prej momentit kur është shfuqizuar Ligji për Lojërat e Fatit në të cilin kemi pasur kompetencë për monitorimin dhe dhënien e licencave për lojërat e fatit, njëkohësisht edhe për dhënien e miratimit për organizmin e lojërave shpërblyese, me shfuqizimin e atij ligji janë shfuqizuar të gjitha, ose janë hequr të gjitha kompetencat që kemi pasur si institucion”, ka thënë Bytyqi.

Në Ligjin për Lojërat e Fatit që është shfuqizuar, shpërblimet nga konkurset shpërblyese lejohej të jepeshin në produkte, shërbime ose edhe në para të gatshme, por pa tejkaluar shumën një mijë euro.

Në mungesë të mbulueshmërisë ligjore, në Kosovë kushdo mund të organizojë lojëra shpërblyese me shifra të larta shpërblimesh, pa pasur përgjegjësi ligjore për skemat e mundshme të mashtrimit.

Ani pse ATK-ja nuk ka më kompetencë për monitorimin e kësaj fushe, fillimisht për një gjë të tillë nga Ministria e Financave nuk kanë pasur njohuri, pasi për pyetjet shtruar atyre e kanë referuar KOHËN që përgjigjet t’i kërkojnë në ATK.

Por për këtë çështje ka pasur një përgjigje shefi i kësaj ministrie, Hekuran Murati.

Derisa ka paralajmëruar rregullimin e organizimit të tyre, mungesën e mbulueshmërisë ligjore nuk e ka konsideruar fort problem, për shkak të ekzistencës së Departamentit për Mbrojtjen e Konsumatorëve.

“Ligji që ka rregulluar apo dispozita që e ka rregulluar këtë fushë është shfuqizuar tash e sa kohë, mirëpo, megjithatë, në kuadër të Ministrisë së Ndërmarrësisë dhe Tregtisë është edhe Departamenti për Mbrojtjen e Konsumatorit, e që realisht do të duhej të trajtohej në këtë aspekt, pra, meqë kemi të bëjmë me lojëra shpërblyese që organizohen nga shitës të produkteve të caktuara dhe bëhet fjalë për mbrojtje të konsumatorit”, ka thënë ministri Murati.

Në këto lojëra shpërblyese, përveç të tjerash, jepen edhe banesa e makina luksoze në vlerë prej mijëra eurosh ose të paktën ashtu proklamohet.

Në klinikat për COVID-19 dhe spitalet e përgjithshme në Kosovë po trajtohen 67 pacientë me koronavirus. Shërbimi Spitalor Klinik dhe Universitar i Kosovës (SHSKUK) ka njoftuar se 33 pacientë janë në oksigjenoterapi dhe 3 në kujdes intensiv.

Numri i pacientëve sipas klinikave COVID-19 dhe spitaleve të përgjithshme:

Klinika Infektive, 10 pacientë

Klinika e Pulmologjisë, 24 pacientë post-covid-19

Mjekimi Intensiv në Klinikë Infektive, 1 pacient

Spital i Pejës, 5 pacientë

Spitali i Gjakovës, 12 pacientë

Spitali i Gjilanit, 1 pacient post-covid

Spitali i Mitrovicës, 10 pacientë

Spitali i Ferizajt, 4 pacientë