Për shkak të mospagesës së tarifës së anëtarësisë ndaj Odës së Avokatëve të Kosovës (OAK), Këshilli Drejtues i OAK-së ka marrë vendim që të revokohen licencat e 23 avokatëve.

Këtë e ka konfirmuar për “Betimi për Drejtësi”, Besim Abdullahu, nga zyra për komunikim në OAK.“Po, është marrë vendimi për revokimin e licencës për 23 avokatë, pasi unë i transkriptoj procesverbalet e mbledhjeve të Këshillit, por që ende nuk është janë formalizuar vendimet”, ka thënë Abdullahu.

Neni 46 i Ligjit për Avokatinë përcaktohet detyrimi i avokatëve për një pagesë të tillë.“Avokatët e regjistruar në regjistrin e avokatëve janë të detyruar të paguajnë anëtarësinë vjetore dhe të përmbushin të gjitha detyrimet tjera të parapara me statut dhe aktet e përgjithshme të Odës”, thotë ky nen.

Ndryshe, mospagesa e anëtarësisë së OAK-së konsiderohet shkelje edhe në bazë të Kodit të Etikës Profesionale të Avokatit, konkretisht sipas nenit 36.

“Shkelje veçanërisht e rëndë e detyrës së avokatit, konsiderohet: a. Moszbatimi i vendimeve të Odës; b. Dhënia e shënimeve të pavërteta OAK dhe organeve të saj; c. Çdo sjellje fyese gjatë korrespodencës me shkrim ose me gojë me këto organe; d. Mos pagesa e anëtarësisë se OAK-së”, përcakton neni 36.

Por që, sipas Ligjit për Avokatinë, kundër një vendimi të tillë, lejohet ankesa e cila duhet të dorëzohet në Komisionin për Ankesa të Odës, në afat prej 8 ditësh, prej ditës së pranimit.Vendimi i Komisionit për Ankesa është përfundimtar, andaj kundër këtij vendimi, mund të iniciohet konflikti administrativ.

Komisioni për Buxhet, Punë dhe Transfere ka miratuar marrëveshjen për kredinë 40 milionëshe me Bankën Evropiane për financimin e projektit “Reagimi i Kosovës ndaj Pandemisë COVID-19 për ndërmarrjet e vogla dhe të mesme.

Ministri i Financave, Punës dhe Transfereve, Hekuran Murati tha se kapitali prej 40 milionë euro do t’i transferohet Fondit Kosovar për Garanci Kreditore.

Komisioni po vazhdon mbledhjen me pikat e tjera në rend të ditës, ku mes tjerash po paraqitet raporti i punës së Fondit të Kursimeve Pensionale për vitin 2020.

Kryeministri Albin Kurti ka marrë pjesë në takimin e parë të grupit punues për hartimin dhe finalizimin e legjislacionit për procesin e vetingut në sistemin e drejtësisë.

Në këtë takim kryeministri Kurti tha se tashmë reformat në drejtësi janë në proces, e që synim kanë kthimin e besimit të qytetarëve.

Ai më tej ka shtuar se vendit i duhen prokurorë të drejtë dhe gjykatës efikas.

“Pas miratimit të koncept-dokumentit të procesit të vettingut sot kemi takimin e parë të grupit punues. Shtylla kryesore e vendit është drejtësia”.

“Reformat në drejtësi janë prapa nesh dhe nuk kemi dilema se a mund të ndodh apo jo, me këtë proces po i kthehet besimi qytetarëve. Na duhen prokurorë të drejtë dhe gjykatës efikas”.

Tutje Kurti tha se jo vetëm me vettingun, por në përgjithësi kjo Qeveri po sjell reforma dhe profesionalizëm në drejtësi.

“Krahas vettingut, Qeveria e Kosovës ka filluar reformat në drejtësi si ai i plotësim ligji të Lëshillit prokurorial e krejt këto japin zgjidhje të duhura për qytetarët dhe drejtësinë”.

“Përgjigja pozitive ndaj reforma tregon maturi që drejtësisë do t’i sjellin pavarësi, profesionalizëm dhe besim. Llogaridhënia ngrit efikasitetin dhe kthehet besimi në drejtësi e me këtë besim kemi pavarësi të pushtetit”.

Kurti shtoi se janë të vendosur që këtë reformë ta qojnë deri në fund.

Ministria e Punëve të Brendshme po ballafaqohet me mungesë të materialit për prodhim të letërnjoftimeve. Kjo mungesë vazhdon të paraqesë problem me të cilin po përballen qytetarët e vendit të cilët thonë se nuk po ndihen të sigurt që të udhëtojnë vetëm me fletë aplikuese.

Tash e disa muaj, qytetarët e Kosovës nuk po arrijnë që të pajisen me letërnjoftime, për shkak të mungesës së materialit për këtë dokument. Andaj, qytetarët ankohen se po presin me muaj për t’u pajisur me letërnjoftim.

“Sot ne duhet të presim në radhë për të aplikuar për letërnjoftim. 40 minuta kam pritur, dhe na thanë që duhet të presim sepse nuk ka material për letërnjoftim a ne nuk jemi të sigurt të udhëtojmë vetëm me fletën aplikuese pasi që i ka skaduar afati letërnjotimit. Para tre muajve kam aplikuar për letërnjoftim, më kanë thënë se nuk ka material. Kam aplikuar në korrik dhe s’jam pajisur ende me dokument”, tha një qytetar.

Ndërkohë, nga zyrtarë në Ministrinë e Punëve të Brendshme Radio Kosova mëson përmes postës elektronike se furnizimi me material për prodhimin e letërnjoftimit pritet që të bëhet në fund të muajit nëntor, ndërsa deri atëherë, qytetarët e vendit mund të shërbehen vetëm me fleta aplikuese.

Ashtu siç jeni në dijeni, edhe përkundër furnizimit me një sasi të materialit për letërnjoftim, ne akoma po ballafaqohemi me mungesë të materialit.

Në lidhje me këtë, ministri i MPB-së ka nxjerrë vendim, përmes të cilit mundëson përdorimin e letërnjoftimit, pavarësisht afatit të vlefshmërisë, në të gjitha institucionet publike dhe private të Kosovës. Po ashtu Agjencia e Regjistrimit Civil që nga data 05 gusht 2021, u mundëson pajisjen me letërnjoftim të Kosovës çdo qytetari që paraqet dëshmi se do të udhëtojë përmes Serbisë, qoftë biletën kthyese ose dëshmi që ka hyrë në Kosovë përmes Serbisë.

Në këtë përgjigje, po ashtu thuhet se nga fundi i muajit nëntor do të pranojnë furnizimin e radhës, ndërsa nga dhjetori do të stabilizohet procesi i pajisjes së qytetarëve me letërnjoftime./RTK/