Kryetari i Komunës së Deçanit, Bashkim Ramosaj, ka njoftuar se sot do të ndizen qirinj në shenje proteste për vrasjen e trefishtë që ka ndodhur mbrëmë në Gllogjan.

Ramosaj ka ftuar qytetarët të dalin në qendër të qytetit në ora 16:00, transmeton Telegrafi.

“Të dashur qytetarë të komunës së Deçanit, ju ftoj që sot, në ora 16:00, të takohemi në qendër të qytetit, për të ndezur qirinj në shenjë proteste dhe solidarizimi me familjet që mbrëm tragjikisht humbën më të dashurit e tyre”, ka pohuar ai.

Ndryshe, mbrëmë rreth orës 19:00 është sulmuar me armë zjarri një autobus në Gllogjan të Deçanit, ku të vrarë kanë mbetur tre persona, shoferi dhe dy nxënës.

Autori i krimit ka qenë i maskuar, ndërkohë Policia është në kërkim të tij.

Policia përmes raportit 24 orësh, ka njoftuar se autobusi është sulmuar me armë zjarri që dyshohet të jetë AK-47, transmeton Telegrafi.

“Është raportuar se një autobus derisa ishte duke bartur udhëtarë (nxënës) është sulmuar me armë zjarri (dyshohet të jetë AK-47) nga një i dyshuar i panjohur. Në këtë rast lëndime vdekje-prurës ka pësuar drejtuesi i autobusit, viktima mashkull kosovar, vdekjen e të cilit e ka konstatuar ekipi mjekësor në vendin e ngjarjes. Ndërsa tri viktima, dy meshkuj dhe një femër (nxënës) janë dërguar në Spitalin Rajonal Pejë, dy prej tyre kanë ndërruar jetë (një mashkull dhe një femër ) ndërsa viktima tjetër është duke u trajtuar në spital”, thuhet në njoftimin e Policisë. /Telegrafi/

Po t’i vëzhgosh nga larg duken vetëm dy objekte fetare, ku besimtarët shkojnë për tu lutur dhe kryer obligimet fetare. Por në fakt, këto dy objekte tregojnë shumë më shumë, tregojnë tolerancën ndër-fetare në Kosovë, me të cilën mburren qytetarët e Kosovës.

Një nga simbolet më të njohura në qytetin e Ferizajt është xhamia dhe kisha ortodokse, që prej shumë e shumë vitesh ndajnë të njëjtin oborr.

.

Edhe pse bashkëjetojnë në mënyrë perfektë me njëri-tjetrin tash e sa vite në oborrin e xhamisë ku shërben si kult fetarë për komunitetin mysliman dhe kishës ortodokse i ndanë një mur i vetëm, por që nuk është edhe i lartë.

Imami i kësaj xhamie në Ferizaj, Naser Kosumi, thotë për Telegrafin se ekziston dëshira mes palëve që ta shembin edhe murin që gjendet midis objekteve fetare, për faktin që kjo të shërbejë si afrim mes qytetarëve të Ferizajt pavarësisht besimit që i takojnë ata.

“Ne me priftin ortodoks kemi një raport të shkëlqyer, shumë herë kemi takime, po ashtu pimë kafe dhe dalim shëtisim… Shumë herë e kemi diskutuar një temë që paksa na brengosë jo vetëm neve por i brengosë edhe qytetarët e Ferizajt, sepse në mes të kishës dhe xhamisë është një mur i ndërtuar mes tyre dhe meqenëse janë në një oborr kishte me qenë shumë mirë që mos të ketë fare mur ”, thotë hoxha.

E me faktin që këto dy objekte fetare janë në të njëjtën tokë, kjo tregon shumë shumë për qytetarët e Ferizajt dhe tolerancën ndër-fetare në Kosovë.

“Mirë se erdhët në qytetin e bukur të Ferizajt, mirëserdhët në xhaminë qendrore të Ferizajt. Këtu kemi xhaminë dhe kishën ortodokse të ndërtuar një vend që është karakteristikë për këtë qytet se kjo do të thotë shumë, jo vetëm që kisha dhe xhamia janë në një të njëjtin oborr por kjo tregon edhe një tolerancë të mrekullueshme të qytetarëve të Ferizajt”, thotë hoxha, duke na pritur ngrohtësisht dhe duke na uruar një mirëseardhje në atë vend të bekuar për ta.

Xhamia dhe Kisha në Ferizaj- Foto:Arben LLapashtica

E imami Kosumi thotë që janë duke zhvilluar edhe bisedime me kishën ortodokse për shembjen e murit, në mënyrë që të afrohen edhe më shumë këto dy fe.

“Nga ana jonë jemi të gatshëm dhe jemi duke zhvilluar bisedime edhe me palën tjetër që të afrohen më afër këto dy simbole që ta tregojnë edhe më afër bashkimin”, përfundon hoxha, duke nxituar që të hyjë në xhami për t’ua falur namazin e drekës besimtarëve që ishin mbledhur aty.

Madje, gjatë qëndrimit të ekipit të Telegrafit u pa që në pjesën e oborrit kah ndodhet kisha, saktësisht çezma, ajo u përdor nga një besimtar mysliman për të marr abdes për faljen e namazit të drekës. /Telegrafi/

Në kuadër të manifestimit të shënimit të Ditës së Forcës, 27 Nëntorin, ministri i Mbrojtjes, Armend Mehaj, i shoqëruar nga zëvendësministrat Shemsi Syla dhe Adnan Rexheplar, Komandanti i FSK-së, gjenerallejtënant Rrahman Rama, u.d. Sekretarja e Përgjithshme, Fahrije Sadiku, zyrtarë të lartë të Ministrisë së Mbrojtjes, gjeneralë dhe oficerë të FSK-së, bënë homazhe pranë varrit të komandantit legjendar, Adem Jashari dhe familjes Jashari, në Memorialin përkujtimor në Prekaz.Me këtë rast, ministri Mehaj u shpreh se duke respektuar të kaluarën tonë të lavdishme, gjakun e derdhur të familjes Jashari, dëshmorëve të Ushtrisë Çlirimtare të Kosovës dhe gjithë dëshmorëve të rënë për liri, garantojmë të ardhme të sigurt të vendit dhe do të jetë burim frymëzimi të atdhedashurisë për brezat e ardhshëm.Ndryshe, Forca e Sigurisë së Kosovës, me rastin e Ditës së Forcës sot duke filluar nga ora 11:00 deri në ora 14:00 organizon “Ditën e Hapur”.

Manifestimi qendror do të jetë në Kazermën “Adem Jashari” në ora 10:00, ku do të marrin pjesë udhëheqësit më të lartë shtetërorë.Në të njëjtën ditë, në të gjitha kazermat e FSK-së si në: Prishtinë, Mitrovicë, Istog, Gjilan, Prizren, Ferizaj dhe Pomozotin, para qytetarëve të pranishëm do të ekspozohen dhe demonstrohen aftësitë dhe kapacitetet ushtarake e FSK-së të shoqëruara edhe me aktivitete tjera.“Dita e Forcës na ofron mundësinë të falënderojmë dhe shprehim mirënjohjen më të lartë për qytetarët, të cilët janë mbështetësit tanë më të fuqishëm”, thuhet në njoftim.

Serbia ua ka refuzuar hyrjen ministres së Arsimit, Arbërie Nagavci, ministrit të Financave, Hekuran Murati , ministrit të Kulturës, Hajrullah Çekut dhe ministrit të Infrastrukturës, Liburn Aliu.

Aliu me anë të një postimi në rrjetin social Facebook ka shkruar se Serbia ua ka refuzuar pa asnjë arsye kërkesën për vizitë në Medvegjë, Bujanoc dhe Preshevë në momentin para nisjes.

“Duke filluar nga sot, bashkë me ministrat, Arbërie Nagavci, Hekuran Murati dhe Hajrullah Çeku, planifikonim të fillonim vizitën dy ditore, në Medvegjë, Bujanoc dhe Preshevë. Vizita jonë, nga autoritetet në Beograd, u refuzua, pa asnjë arsyetim pak para nisjes së delegacionit tonë”.

“Në harmoni me procedurat dhe marrëveshjen në Bruksel, ne kemi bërë kërkesë të rregullt me datë 24 Nëntor, duke prezantuar edhe agjendën e vizitës. Refuzimi na është bërë sot në oren 07:13. Në përgjigjen negative të marrë përmes zyrës sonë ndërlidhëse në Beograd, nuk shprehet asnjë arsye, për refuzimin”.

Ai ka shtuar se arsyeja e kësaj vizite ishte festa e 28 nëntorit.

“Agjenda e aktivitetit të planifikuar, përfshinte vizitën, në datat 27 dhe 28 Nëntor, në të tre komunat e banuara me shqiptarë dhe takime me kryetarët e komunave, përfaqësuesit në parlament, në nivelin lokal dhe me krerët e subjekteve politike”.

“Refuzimi i kërkesës është pengim i hapur për të ndihmuar qytetarët e diskriminuar shqiptarë në Preshevë, Medvegjë dhe Bujanoc”,ka thënë Aliu.

Aktualisht në vendin tonë janë 335 raste aktive me COVID-19.

Ndërkaq, në 24 orët e fundit janë konfirmuar 17 raste të reja me këtë virus, nga gjithsej 1 mijë e 263 testime.

Gjatë kësaj nuk ka pasur asnjë rast të vdekjes si dhe janë shëruar pesë pacientë.

Prej fillimit të vaksinimit në të gjitha qytetet e Kosovës janë dhënë 1.612.311 doza të vaksinës.