Sipas Organizatës Botërore të Shëndetësisë, më shumë se një miliard njerëz në të gjithë botën jetojnë me aftësi të kufizuar.Këta persona, përgjithësisht, kanë më shumë probleme shëndetësore, mundësi më të pakta ekonomike, edukim dhe arritje akademike më të ulëta.

Kjo ndodh më së shumti për shkak të barrierave me të cilat ata përballen në jetën e tyre të përditshme, se sa si rrjedhojë ekskluzive e aftësisë së kufizuar.

Aftësia e kufizuar nuk është thjesht një çështje e shëndetit publik, por gjithashtu e të drejtave të njeriut dhe zhvillimit të shoqërisë. Përpjekjet e OBSH-së për të mbështetur shtetet në aspekte të ndryshme, reflektohen në Planin e Veprimit për Personat me Aftësi të Kufizuar 2014-2021, në Raportin Botëror për Aftësinë e Kufizuar, si dhe në Konventën e të Drejtave për Personat me Aftësi të Kufizuar.

Dita Ndërkombëtare e Personave me Aftësi të Kufizuar 3 dhjetor, u vendos me Rezolutën 47/3 në Asamblenë e Përgjithshme të Kombeve të Bashkuara. Qëllimi i kësaj dite është promovimi i të drejtave, mirëqenies, si dhe rritja e ndërgjegjësimit.Më 11 qershor 2019, sekretari i përgjithshëm i OKB-së Antonio Guterres, lansoi Strategjinë për Aftësinë e Kufizuar në një linjë me angazhimet e tij, për të shndërruar Kombet e Bashkuara një organizatë gjithëpërfshirëse.Strategjia në fjalë, thekson nxitjen e një progresi transformues dhe të qëndrueshëm, riafirmon përmbushjen e plotë të çështjes së personave me aftësi të kufizuar, si pjesë integrale e pandashme e të drejtave dhe lirive themelore të njeriut.

Presidenti i AKR-së, Behgjet Pacolli ka thënë se është kthyer nga Stambolli me avion privat për të votuar Vjosa Osmanin për presidente të Kosovës.

“Unë jam deputet i Kuvendit të Kosovës, kam edhe një parti e cila ka bile edhe disa asamblistë nëpër komuna që tani i ka votuar. Konsideroj se kam një respekt nga njerëzit ku shkoj. Askënd s’e kam gënjyer, askënd s’kam mashtruar, s’e kam zhvatur buxhetin, s’kam marrë as pagë, s’di çka është me marrë pagë për Kosovën”, thotë Pacolli, për RTK-në.

Pacolli tregon si e kishin ftuar për të ardhur e për të votuar Vjosa Osmanin si presidente.

“Unë kam qenë në Stamboll. Fëmijët e mi erdhën prej Zvicrës, unë i prita në Stamboll. I kam futur në aeroplanin tim duke u mbyll dera, se ne shkonim në pushim me fëmijët e mi. Vjen një telefonatë prej Prishtinës: ‘Ju lutem kthehuni se sot do të ketë votim për presidenten’. Unë u dashtë me ju thanë fëmijëve të mi që e kishin prit pushimin: ‘shkoni ju e unë vijë nesër’”, shpjegon ai.

“Unë e kam marrë një aeroplan tjetër privat, e kam paguar 90 mijë euro prej Stambollit, kam ardhur në Prishtinë e kam votua zonjën Osmani dhe jam kthyer prapë në Stamboll, e kam marrë avionin tjetër dhe kam shkuar te fëmijët e mi”, theksoi ai.

Thotë se asnjëherë, nuk është falënderuar për këtë veprim.

“Asnjëherë, as Vjosa Osmani s’më ka thirr. Tre mesazhe ia kam dërguar Vjosa Osmanit”, tha Pacolli.

Anëtari i Lidhjes Demokratike të Kosovës, Agim Veliu, ka thënë se ai asnjëherë nuk do të largohet nga LDK.

Veliu ka theksuar se pavarësisht sjelljeve të lidershipit aktual, ai gjithmonë do të jetë me partinë e tij, LDK, transmeton Telegrafi.

“Unë jam në LDK, kam qenë, jam dhe do të jem gjithmonë, asnjëherë nuk do të largohem pavarësisht sjelljeve të lidershipit aktual në këtë rast. Unë konsideroj se lidershipi dhe kryetari i LDK-së kanë role të përkohshme kurse LDK është parti sipas meje e përhershme dhe unë do të jem anëtari i saj”, ka pohuar ai në Debat Plus të RTV Dukagjinit.

Veliu shtoi tutje se ai për një kohë është sulmuar nga militantët e LVV-së, dhe se nuk është mbrojtur nga partia e tij.

“Kam qenë i sulmuar nga militantët e LVV-së, për shkak të pozicionimit tim në raport më LVV-në. Dhe, fatkeqësisht LDK nuk më ka mbrojtur sepse po të më mbronte mua dhe disa të tjerëve sigurisht se gjërat do të rrjedhnin pak më ndryshe”, ka thënë mes tjerash Veliu.

Ish-ambasadorja e Kosovës në Shtetet Bashkuara të Amerikës, tash nënkryetare e Partisë Demokratike të Kosovës, Vlora Çitaku, është deklaruar rreth procesit të dialogut me Serbinë. Ajo ka thënë se kryeministri Kurti duhet të udhëtojë në SHBA dhe të ketë takime me zyrtarë të lartë.

Çitaku në emisionin “Përpallje” në Telegrafi.com ka thënë se kryeministri Albin Kurti në raport me dialogun është peng i fjalëve të veta.

Megjithatë, nënkryetarja e PDK-së, tha se Kurti duhet ta dijë se kur është në Bruksel, PDK do ta mbështetë atë.

“Nuk është se kam parë konsistencë nga ana e Qeverisë në raport me dialogun, njëherë kanë thënë nuk e kanë prioritet fare, pastaj kanë thënë se është prioriteti i shtatë. Kështu që nuk është se kam parë konsistencë, kryeministri Kurti unë mendoj se në raport me dialogun është peng i fjalëve të veta.

Kryeministri duhet ta di se kur shkon në Bruksel, kur ulet përballë Aleksandër Vuçiqit, Partinë Demokratike të Kosovës e ka mbrapa. Ne do t’i bëjmë opozitë Kurtit për çështje të brendshme, mirëpo për disa pika të rëndësishme të politikës së jashtme, ne duhet të jemi në gjendje të ndërtojmë një konsensuse dhe të jemi bashkë”, ka thënë ajo.

Duke folur për procesin e dialogut, Çitaku ka thënë se kryeministri Kurti duhet të udhëtojë në SHBA, dhe të ketë takime me zyrtarë të lartë.

“Ne duhet ta kemi të qartë se status quo nuk na konvenon neve si Kosovë, ne duhet ta kemi ndjenjën e urgjencës, ne duhet të trokasim në Washington, edhe unë e ftoj kryeministrin që në vend se të debatojë publikisht me zyrtarë amerikanë, duhet të udhëtojë sa më parë në Washington. Ne nuk duhet t’i marrim të mirëqenia raportet me SHBA-në. SHBA nuk na kanë borxh të na qëndrojnë pranë, kur ka shumë sfida në nivel global, bota ka ndryshuar, është multipolare, ka qendra tjera gravitacioni në botë. Ne duhet të bëjmë shumë më shumë që ta mirëmbajmë raportet me SHHBA, dhe ne kemi parë një sjellje të tërësisht të papërgjegjshme të Qeverisë së Kosovës në raport me gaz-përçuesin”, ka thënë mes tjerash ajo.

Çitaku ka shtuar tutje se kyçja në gaz-përçuesin ka qenë në interes të Kosovës.

“Ajo çfarë na ka ofruar SHBA është kyçja e Kosovës, dhe kjo është në interesin strategjik të Kosovës’, deklaroi Çitaku gjatë intervistës për “Përballje”.

Ndër të tjera, Citaku tha se raportet me SHBA-në janë vitale për shtetësinë e Kosovës.

“Raportet me SHBA janë vitale për shtetësinë dhe fuqizimin e subjektivit ndërkombëtarë të Kosovës, ne jemi të fuqishme, po aq sa është e fuqishme aleanca jonë me SHBA-në, andaj unë e lus Kurtin të udhëtojë sa ma parë në Washington, të kërkojë nga SHBA që të emërojnë një të deleguar të posaçëm për dialogun Kosovë – Serbi. Shtetet e Bashkuara të Amerikës duhet të jenë të përfshira drejtpërdrejtë në tavolinë dhe jo në rol mbështetës”, theksoi ajo.

Sa i përket Asociacionit, Çitaku ka thënë se duhet të bëhet mbi bazën e rekomandimeve që ka dhënë gjykata kushtetuese.

“Unë dhe PDK jemi kundër nivelit të tretë të pushtetit, kundër kompetencave ekzekutive të Asociacionit”, ka potencuar ajo.

Në intervistë, Çitaku ka folur edhe për pozicionin e PDK-së pas zgjedhjeve lokale 2021, për reformën në këtë parti dhe rolin e saj në opozitë.