Që nga përhapja e pandemisë janë shfaqur variante të reja të Covid-19 në gjithë botën.

Varianti i ri Omicron po përhapet në një masë më të madhe duke prekur grupmoshat e mesme 40 vjeç, kështu ka thënë në një intervistë për Ekonomia Online, infektologu Shemsedin Dreshaj.

Sipas, doktorit Dreshaj edhe përkundër kësaj ministria e Shëndetësisë duhet të marrë masa në raport me kufizimin e lëvizjes e jo ta mbyllë vendin.

“Përvojat në botë lidhur me përhapjen e këtij varianti janë të limituara. Prek më shumë grupmoshat e mesme rreth 40 vjet të cilët janë aktiv në jetën e përditshme. Covidi është Covid dhe ndaj tij duhet t’i respektojmë të gjitha masat që i kemi rekomanduar prej fillimit distancën, maskën dhe pastrimin e duarve”.

“Ministria duhet të këshillohet me trupin këshill dhënës të cilin e ka brenda dhe bazuar në rekomandimet e tyre duhet të respektohen në atë mënyrë që të jemi të përgatitur në rast se vije dhe përhapet në vend. Unë mendoj që jo vetëm Kosova, por e gjithë bota ka pësuar nga pandemia e Covidit ndaj hapat e ardhshëm që duhet të merren janë më tepër në raport kufizimin e lëvizjes e jo me mbylljen”.

“Mendoj që shëndetësia dhe arsimi si prioritet kryesore nuk kanë qenë prioritet i Qeverisë së vendit. I kemi pasur deri në 1 000 raste të cilat i kemi trajtuar në qendrat e klinikës universitare dhe në spitalet rajonale të vendit. Mendoj që ato kapacitete janë dhe të reja deri më tani nuk ka”, tha Dreshaj.

Ndërsa, kryetari i Federatës së Sindikatave të Shëndetësisë në Kosovë, Blerim Syla tha se varianti Omicron po përhapet me shpejtësi të madhe edhe në Kosovë.

Sipas Sylës, duhet të ketë masa rigoroze, por jo mbyllje. Mes tjerash, ai shtoi se të gjithë ekspertët thonë që duhet të merret doza e tretë sepse po tregohen efikase, duke e konsideruar tejet të domosdoshme, raporton EO.

“Varianti i ri i cili është ka paraqitet Omicron është ka afrohet. Definitivisht do të arrij edhe në Kosovë. Ajo çka dihet se Omicron përhapet shumë shpejt. Por për fat të mirë deri më tash nuk kemi indikacione që është më i keq sesa Delta. Duhet të kemi kontrolle rigoroze se kush na vije nga jashtë, a janë të vaksinuar dhe duhet vendoset menjëherë para festave”.

“…të vaksinohemi sa më shumë. Unë jam kundër mbylljes. Jemi vendi ndër të paktë që nuk i kemi lënë pacientët të trajtohen rrugëve apo me vdes rrugëve. Ne jemi të përgatitur profesionalisht. Jam për një kontroll më të rreptë. Por me këtë numër të vogël të inspektorëve është e pamundur të kontrollohet popullata. Andaj unë konsideroj që kanë bërë gabim në hapa. Për momentin kapacitete. Është mirë që sistemi i oksigjenimit është i mirë dhe i kemi disa furnizime”.

“Të gjithë ekspertët thonë që duhet të merret doza e tretë dhe unë jam ithtarë që të vazhdohet me dozën e tretë. Po tregohen efikase sidomos në variantin ku po kombinohen vaksinat. Unë shpresoj që ekspertët tanë të marrin vendimin që sa më shpejt të mundësohet edhe vaksinimi i dozës së tretë”, tha Syla.

Kryeministri i Kosovës, Albin Kurti, do të udhëtojë të hënën për në Bruksel.

Klankosova.tv ka mësuar se Kurti do të niset bashkë me zëvendëskryeministrin e parë, Besnik Bislimin, dhe me ministren e Punëve të Jashtme dhe Diasporës, Donika Gërvalla-Schwarz.

Ministri i Bujqësisë, Faton Peci, ka thënë se e përshëndet aksionin e sotëm të Policisë së Kosovës, për rastin “Subvencioni 2021” .

Ai, me anë të një postimi në rrjetin social Facebook, ka deklaruar se paratë e taksapaguesve të qytetarëve të Kosovës duhet të destinohem vetëm në adresa meritore, në këtë rast vetëm tek fermerët meritorë.

“E përshëndes aksionin e sotëm të policisë së Republikës së Kosovës, rasti “subvencioni 2021″ dhe organeve tjera të drejtësisë në përpjekjen për sundimin e së drejtës në institucione tona. Paratë e taksapaguesve të qytetarëve të Republikës së Kosovës duhet të destinohem vetëm në adresa meritore, në këtë rast vetëm tek fermerët meritorë”.

“Këto arrestime janë në vazhdën e arrestimeve të mëhershme të muajit shkurt dhe qershorit të këtij viti. Bashkëpunimi me organet e drejtësisë për ti dhënë epilog të gjitha keqpërdorimeve dhe abuzimeve të parasë publike në Institucionet e Republikës së Kosovës nuk ka alternativ, është imperativ i kohës”,ka thënë Peci.

Siç ishte paralajmëruar, Këshilli Federal reagoi sot ndaj numrit në rritje të rasteve me korona duke vendosur për një sërë masash. Masat shtrënguese do të hyjë në fuqi të hënën më 6 dhjetor dhe do të zbatohen deri më 24 janar. Rregulloret e reja të hyrjes në Zvicër hyjnë në fuqi të shtunën.

Zgjerimi i detyrimit për maskë: Tani ky detyrim është i vlefshëm në të gjitha ambientet e mbyllura në të cilat zbatohet edhe detyrimi për certifikatë, transmeton albinfo.ch. Takimet private përjashtohen nga ky rregull.

Ulja e detyrueshme në restorante, të dhënat e kontaktit në trajnimet sportive: Aty ku nuk është e mundur të vihet maskë, zbatohen masat zëvendësuese: Në restorante dhe klube për shembull, ulja është e detyrueshme për të ngrënë dhe pirë. Nëse është zbatuar rregulli 2G, atëherë kjo masë nuk zbatohet. Për aktivitetet sportive dhe kulturore si trajnimi në ambiente të mbyllura ose provat e korit, duhet të mblidhen detajet e kontaktit.

Mundësia për t’u kufizuar në 2G: Këshilli Federal parashikon në mënyrë eksplicite zbatimin e rregullit 2G: Të gjitha institucionet publike për të cilat vlen detyrimi për certifikatë mund të kufizojnë qasjen për personat e vaksinuar dhe ata të shëruar. Në këmbim, mund të hiqet detyrimi për maskë.

Në mënyrë të ngjashme, rregulli 2G mund të zbatohet edhe për të gjitha ngjarjet në ambiente të brendshme ose të jashtme. Prandaj, aplikacioni i testimit për certifikatat Covid do të zgjerohet deri më 13 dhjetor. Deri atëherë, organizatorët e aktiviteteve duhet të kontrollojnë manualisht nëse një person është vaksinuar apo është shëruar.

Pjesëmarrësit kanë nevojë për testin PCR: Që nga e shtuna, të gjitha vendet do të hiqen nga lista e karantinës. Të gjithë personat, përfshirë edhe ata që janë vaksinuar dhe ata që janë shëruar, duhet të kryejnë testin PCR përpara se të hyjnë në vend. Të gjithë personat duhet gjithashtu t’i nënshtrohen një testi PCR ose antigjen midis ditës së katërt dhe të shtatë pas hyrjes. Po ashtu tüë gjithë të prekurit nga kjo duhet të përballojnë vetë kostot e testimit. Personat e pavaksinuar lejohen të hyjnë në vende ose rajone në rrezik jashtë zonës Shengen për qëllime private vetëm në raste të rënda. Vizitat apo udhëtimet turistike preken veçanërisht në këtë pikë. Përjashtimet zbatohen për udhëtarët ndërkufitarë. Ata nuk kanë nevojë të bëjnë test.

Zgjerimi i detyrimit për certifikatë: Kërkesa për certifikatë shtrihet në të gjitha ngjarjet e hapësirave të brendshme të qassshme nga publiku dhe në të gjitha aktivitetet sportive dhe kulturore amatore në ambiente të mbyllura. Për eventet në natyrë, detyrimi për marrjen e certifikatës tani vlen nga 300 persona në vend të 1000 personave sa ishte. Për takime private, ekziston një “rekomandim urgjent” për të përdorur certifikatën për 11 persona ose më shumë. Fillimisht, Këshilli Federal kishte propozuar një detyrim certifikate për tubime të tilla.

Rekomandim urgjent për zyrën në shtëpi dhe maskë në vendin e punës: Një rekomandim urgjent për punën nga shtëpia (Home Office) zbatohet në vendin e punës. Gjithashtu, të gjithë punonjësit duhet të mbajnë maskë në ambiente të mbyllura, në të cilat qëndrojnë disa persona.

Vlefshmëria e certifikatave të testit është shkurtuar: një test i shpejtë antigjen është ende i vlefshëm për 24 në vend të 48 orësh. Një test PCR është ende i vlefshëm për 72 orë.

Më 15 dhjetor do të mbahet konferenca e radhës për ecurinë e çështjes ndaj Hashim Thaçit, Kadri Veselit, Rexhep Selimit dhe Jakup Krasniqit në Gjykatën Speciale. Konferenca do të fillojë të mërkurën, nga ora 14:30.

Në këtë seancë dëgjimore, gjyqtari i procedurës paraprake do t’u kërkojë palëve nëse ka përditësime mbi çështjet e pazgjidhura nga Konferenca e tetë.

Gjithashtu, do të kërkohen përditësime nga Zyra e Prokurorit të Specializuar, mbrojtja dhe çështje në lidhje me pandeminë COVID-19.

Thaçi dhe të tjerët akuzohen që nga viti i kaluar për krime lufte si ish-krerë të Ushtrisë Çlirimtare të Kosovës.