Marsi i vitit tjetër parashihet të jetë muaji kur Komisioni i Venecias do të ofrojë opinion për koncept-dokumentin e Ministrisë së Drejtësisë mbi çështjen e vetting-ut. Për këtë të fundit, Qeveria ka marrë edhe vërejtje nga faktorët ndërkombëtar.

Afati për opinionin e Komisionit të Venecias është bërë i ditur në uebfaqen zyrtare të kësaj të fundit, derisa thuhet se më datën 10 ose 11 dhjetor do të jetë edhe pjesë e seancës plenare së këtij komisioni, shkruan lajmi.net.

“Kërkesa për këtë opinion është dorëzuar nga Ministri i Drejtësisë së Kosovës më 26 tetor 2021. Draft opinioni do të jetë në rendin e ditës të seancës plenare të dhjetorit të Komisionit (10-11 dhjetor 2021)”, thuhet në njoftimin e komisionit gjyqësor të BE-së.

Në nëntor, ministrja e Drejtësisë, Albulena Haxhiu, në takimin e parë të grupit punues për hartimin dhe finalizimin e legjislacionit për procesin e Vettingut në sistemin e drejtësisë, pati njoftuar për koncept-dokumentin që e kanë dërguar për vlerësim në Komision të Venecias.

“Koncept-dokumentin e kemi dërguar edhe në Komision e Venecias. Kemi marrë përgjigje pozitive që i njëjti koncept-dokument, me opsionet që i kemi ndjekur do të trajtohet dhe do të na vijnë përgjigje nga Komisioni i Venecias”, pati thënë Haxhiu.

Procesi është kritikuar nga diplomatë ndërkombëtarë që shërbejnë në Kosovë, e së fundmi edhe nga ambasadori britanik në Kosovë, Nicholas Abbott.

“Por në çdo vend ku është vendosur një sistem i tillë vettingu, është gjithmonë një proces delikat që kërkon maturi për t’u zbatuar me sukses. Për këtë arsye, ne kemi inkurajuar qeverinë që të konsultohet me Komisionin e pavarur të Venecias për këtë, dhe të dëgjojnë me kujdes shqetësimet e partnerëve të tjerë ndërkombëtarë”, ka deklaruar ai.

Raporti i Progresit për vitin 2021 në Kosovë ka kritikuar hapat e ndërmarrë për rivlerësimin profesional të gjyqtarëve e prokurorëve, duke e cilësuar si “shqetëim serioz”.

“Qeveria e re ka shqyrtuar disa opsione për një proces për ‘vetting’ të gjyqësorit dhe prokurorisë. Në këtë kontekst, prezantimi i mundshëm i një rivlerësimi të plotë të njëhershëm të të gjithë prokurorëve dhe gjyqtarëve paraqet një burim shqetësimi serioz. Një proces i tillë do të duhej të konsiderohet vetëm si një masë e jashtëzakonshme e mjetit të fundit, pasi të jenë shteruar të gjithë mjetet dhe mekanizmat ekzistues për të siguruar integritetin dhe për të luftuar korrupsionin e titullarëve të detyrave gjyqësore, dhe do të duhej të jetë në përputhje me standardet evropiane dhe ndërkombëtare, si dhe me këshillat e Komisionit të Venecias”, u tha në raportin e Komisionit Evropian.

Përkundër zërave kritik, procesi i vetting-ut ka marrë edhe mbështetjen e presidentes Vjosa Osmani dhe kryeministrit Albin Kurti.

Avokati Arianit Koci, ka thënë se hetuesia e ka humbur momentumin lidhur me zbulimin e autorit të krimit në Gllogjan.

Koci ka thënë se ditën e parë pas krimit gjurmët janë të freskëta dhe se për këtë arsye, ai ka insistuar që të bllokohet tërësisht rrafshi i Dukagjinit, menjëherë pas sulmit.

Shoqata “Jetimat e Ballkanit” ka realizuar edhe një projekt madhor, në bashkëpunim me Komunën e Vushtrrisë. Sot në këtë qytet është vendosur gurthemeli i objektit të Qëndrimit Ditor për të moshuar dhe kuzhinës humanitare për familjet skamnore.

Drejtori i shoqatës “Jetimat e Ballkanit”, Halil Kastrati tha se ky projekt është me standarde të larta dhe do të jetë në shërbim të të moshuarve.

“Ne sot po e nisim më të dashurit tonë për këtë projekt me shpresën që do të qetësohet, do të thotë shpirtërore për të kaluar në këtë objekt.” standardi i mirë”, u shpreh Kastrati.

Edhe kryetari aktual i Vushtrrisë, Xhafer Tahiri e vlerësoi të rëndësishëm projektin në fjalë, teksa falënderoi Kastratin për angazhimin e vazhdueshëm për ndihmë qytetarëve të kësaj komune.

Ky projekt do të ndërtohet në një hapësirë prej më shumë se dy hektarësh, ndërsa kap koston e rreth 1 milion eurove.

Drejtori i “Jetimave të Ballkanit”, Halil Kastrati paralajmëroi projekte të tilla edhe në qytete të tjera të vendit.

Ministria e Shëndetësisë ka njoftuar se në 24 orët e fundit në Kosovë janë vaksinuar kundër Covid-19 dy mijë e 777 qytetarë.

Sipas MSH-së, Deri më tani me dozën e dytë janë vaksinuar 765 mijë e 669 persona, kurse me dozën e parë 858 mijë e 915.

Kurse që nga fillimi i procesit të vaksinimit në Kosovë janë administruar gjithsej një milionë e 624 mijë e 584 doza ta vaksinave.

Më 1 dhjetor u regjistruan tetë raste të reja me COVID-19 në Kosovë. Incidenca 7-ditore është aktualisht 9. Megjithatë, kjo nuk do të reflektohet në numrin e infeksioneve aktuale, pasi numri i testimeve në Kosovë është i vogël dhe shumë pak persona kanë sigurim shëndetësor, ndërsa vizita te mjeku nuk është e përballueshme për shumicën, raporton media austriake Kurier.

Sipas saj, nëse pyet qytetarët e Kosovës për situatën me pandeminë, dëgjon shpjegime të tilla si “COVID-19 nuk ekziston më, pasi të gjithë e kanë pasur”.

Statistikat tregojnë se në fund të verës së këtij viti, Kosova u përball me valën më të rëndë të virusit që nga fillimi i pandemisë dhe në fund të gushtit dhe klinikat u kërcënuan me kolaps.

Fillimi i vitit shkollor u shtye për dy javë, jeta e natës u kufizua në të gjithë vendin dhe bartja e maskës në ambiente të jashtme u bë e detyrueshme.Deri në këtë momënt, sipas Kurier, Kosova radhitej si vendi i fundit në Evropë me shkallë të vaksinimit prej rreth 15 për qind. Rreth 41 % të popullsisë janë të vaksinuar plotësisht, raporton Krurier.

Kryetar i Shoqatës së Urologëve të Kosovës, Dr. Xhevdet Çuni është deklaruar rreth grevave të fundit që po mbahen nga sistemi shëndetësor në vend.

Përmes një postimi në Facebook, ai ka pyetur se “A do të ishte më mirë sikur deputetët, gjyqësori dhe shumë e shumë pozita të tjera në Kosovë ta tregojnë atdhedashurinë e tyre duke zbritur rrogat e tyre në sistemin publik në 600 euro, aq sa i merr një mjek me shkollim superior dhjetëra here më të gjatë se sa ai i tyre?”

Postimi i plotë:

Dhune, viktima, ngatërresa familjare dhe prape Reciklim dhune…!

Mungesa e Programeve Edukative dhe Arsimore neper shkolla, ne programet televizive dhe ne familjet tona po e bejne Kosoven tone te brishte çdo dite e me shume Arene te gladiatoreve! Nuk ka asnje dite te vetme qe sallat operative emergjente ne QKUK nuk trajtojne rastet e tilla kur nuk kemi as kohen e nevojshme qe paraprakisht ti diagnostikojme si duhet por urgjent duhet t’i fusim ne salla operative se koha nuk pret! Shpenzojme materialet mjekesore te nevojshme per te semure te tjere qe presin zgjidhje operative, i dermojme kirurget kujdestar deri ne oret e mengjesit te dites se ardhshme, konsumojme rezervat e Transfuzionit dhe e demtojme akoma me shume edhe ashtu te dermuar Shendetesine kosovare!

Pas tere ketyre ngjarjeve tmerruese edhe per vete Gladiatoret e Athines, keta supernjerez i detyrojme te bejne Greve per te drejta bazike!

Athua a do te ishte me mire sikur Deputetet, Gjyqesori dhe shume e shume pozita te tjera ne Kosove ta tregojne atdhedashurine e tyre duke zbritur rrogat e tyre ne Sistemin publik ne 600 Euro aq sa i merr nje mjek me shkollim superior dhjetera here me te gjate se sa ai i tyre!

Atehere sigurisht se do te kishim Fonde per specializantet, pensionistet, artistet, arsimtaret, policine, Fsk ,OVL, te semuarit me nje fjale per te gjithe!

Atehere besoj se te gjithe ne, Kosoven do ta kishim dashur me shume dhe njesoj!

/GazetaSinjali/