Kolona të gjata janë krijuar në pikën kufitarë të Morinës, në hyrje për Kosovë, shkruan Gazeta Sinjali.

Kështu ka bërë të ditur një sinjalizues i Sinjalit, i cili ka thënë se janë duke pritur që 40 minuta në kolonë.

Kujtojmë se nga nesër janë në fuqi masat e reja, në bazë të së cilave ata që hyjnë në Kosovë duhet të posedojnë njërën nga dëshmitë e mëposhtme.

Miku i madh i Kosovë, ish-senatori republikan dhe kandidati presidencial Bob Dole vdiq të dielën në mëngjes, sipas një deklarate të lëshuar nga familja e tij.

“Senatori Robert Joseph Dole vdiq këtë mëngjes herët në gjumë. Me vdekjen e tij, në moshën 98-vjeçare, ai i kishte shërbyer me besnikëri Shteteve të Bashkuara të Amerikës për 79 vjet” thuhet në deklaratë.

Gjykata e Prishtinës ka njoftuar se caktuar masën e paraburgimit prej një muaji kundër 31 të arrestuarve në aksionin “Subvencioni 2021”.“Gjyqtarja e procedurës paraprake kërkesën e prokurorit të shtetit për caktimin e masës së paraburgimit kundër 31 të pandehurve e ka aprovuar si të bazuar dhe të njëjtëve iu ka caktuar masën e paraburgimit në kohëzgjatje prej një (1) muaji për secilin veç e veç”, njofton Gjykata.

“Departamenti Special ka vendosur lidhur me kërkesën e Prokurorisë Speciale të Republikës së Kosovës, për caktimin e masës së paraburgimit kundër të pandehurve L.K., R.R., F.O., M.B., H.H. për shkak të veprës penale Mashtrimi në detyrë nga neni 419 paragrafi 1 lidhur me paragrafin 3 dhe lidhur me nenin 31 të KPRK-së”, njofton Gjykata.

Gjykata i ka caktuar masë të paraburgimit të arrestuarit me inicialet N.I. për veprën penale – keqpërdorim i pozitës apo autoriteti zyrtar, – marrja e ryshfetit në bashkëkryerje dhe ushtrimi i ndikimit.“B.G për shkak të veprës penale Mashtrimi në detyrë nga neni 419 paragrafi 1 lidhur me paragrafin 3 dhe lidhur me nenin 31 të KPRK-së, J.S, A.R, A.GJ, për shkak të veprës penale Keqpërdorimi i pozitës apo autoritetit zyrtar nga neni 414 paragrafi 1 të KPRK-së dhe Falsifikimi i dokumentit zyrtar nga neni 427 paragrafi 1 i KPRK-së”, thuhet në njoftim.

Ndërsa G.L. i është caktuar masë e paraburgimit për veprën penale – keqpërdorim i pozitës apo autoritetit zyrtar.“B.M për shkak të veprës penale Keqpërdorimi i pozitës apo autoritetit zyrtar nga neni 414 paragrafi 1 lidhur me paragrafin 2 të KPRK-së dhe Falsifikimi i dokumenteve nga neni 390 i KPRK-së dhe Marrja e ryshfetit në bashkëkryerje nga neni 421 i KPRK-së, D.M, GJ.M, D.M, S.K, A.I, H.A, B.SH, SH.M, H.B, F.SH, S.Q, B.S, A.F, B.B, L.M për shkak të veprës penale Mashtrimi me subvencione nga neni 324 i KPRK-së, Falsifikimi i dokumenteve nga neni 390 i KPRK-së dhe Dhënia e ryshfetit nga neni 422 i KPRK-së, E.M, L.M, D.Z, A.N për shkak të veprës penale Mashtrimi me subvencione nga neni 324 i KPRK-së dhe Falsifikimi i dokumenteve nga neni 390 i Kodit Penal të Republikës së Kosovës”, thuhet ndër të tjera në njoftim.

Sipas Gjykatës, kundër këtij aktvendimi palët kanë të drejtë ankese në Gjykatën e Apelit përmes kësaj gjykate.Të premten, me urdhër të Prokurorisë Speciale, Policia e Kosovës ka realizuar një aksion i cili është vazhdim i aksioneve të mëhershme për rastin “Subvencioni 2021”, në disa lokacione të ndryshme të Kosovës.

Kryeministri i Kosovës, Albin Kurti, ka pranuar se shteti që e qeverisë nuk ka problem më të madh se ai i raportit me Serbinë.

“Problemi ynë më i madh është Serbia, e cila as nuk mund ta mendojë e as ta pranojë Kosovën si shtet të barabartë dhe fqinj”, ka thënë Kurti në një intervistë për gazetën malazeze “Pobjeda”.

Ai e ka akuzuar Serbinë për sjellje armiqësore edhe ndaj shteteve tjera të dala nga ish-Jugosllavia, ndërsa e ka krahasuar me Rusinë.

“Serbia po sillet në Ballkanin Perëndimor sikur Rusia me fqinjët e saj: entitetin e Republikës Serbe në Bosnjë tenton ta shndërrojë në Bjellorusi, ndërsa Malin e Zi në Ukrainë.

Në thelb, Serbia nuk e njeh shtetësinë e vendeve që nuk janë anëtare të Bashkimit Evropian – Bosnjën dhe Hercegovinën, Malin e Zi, Kosovën, e madje as Maqedoninë e Veriut. Përkundrazi; këto shtete i konsideron si të përkohshme, dhe me të gjitha kapacitetet e veta angazhohet ta shkatërrojë shtetësinë e tyre”, ka thënë Kurti.

Ai po ashtu qartësoi se nuk do të ketë themelim të Asociacionit të Komunave Serbe, meqë sipas tij, është në kundërshtim me nenin 23 të Kushtetutës së Kosovës.

“Një krijesë të tillë e kemi në Bosnjë dhe Hercegovinë: quhet Republika Srpska, është ndërtuar në Dayton dhe i shërben Beogradit e jo serbëve. Pra, Beogradi e don një krijesë të njëjtë edhe në Kosovë”.

Ndërkohë, ka ripërsëritur qëndrimin kundër projektit të “Ballkanit të Hapur”.

“’Ballkani i Hapur’ më shumë i ngjan një Ballkani që është i hapur ndaj ndikimeve nga Lindja, veçmas nga Federata Ruse dhe Kina, i hapur për autokraci, korrupsion, krime lufte… Gjithçka kundër vlerave evropiane të demokracisë dhe sundimit të ligjit”.

Kurti nuk është përgjigjur në pyetjen nëse e ka përshtypjen se kryeministri i Shqipërisë, Edi Rama kuptohet më mirë se ai me presidentin e Serbisë, Alekandar Vuçiqin, por ka përmendur mbledhjen e fundit të qeverive të Kosovës dhe Shqipërisë, dhe nënshkrimin e 13 marrëveshjeve të reja midis tyre.