Kryetari i Shoqatës së Gastronomëve, Petrit Kllokoqi, ka kërkuar nga Qeveria e Kosovës që t’ia mundësojë këtij sektori që të punojnë pa masa kufizuese edhe këto ditët e mbetura të dhjetorit, kur janë festat dhe bashkatdhetarët kthehen në vendlindje, shkruan Gazeta Sinjali.

Sipas tij, nëse hapja bëhet në janar ose në shkurt do të jetë e kotë.

“Kërkoj që së paku për këto 3 javë të punojmë, kur edhe mundemi ne, por edhe shteti me përfitu sepse nëse na lironi me punu në janar ose shkurt gjithçka është e kotë”, shkroi ndër të tjera ai në Facebook.

Kllokoqi vlerëson se kushtet për hapje tani janë shumë më të mira sesa gjatë stinës së verës, kur nuk kishte masa dhe kur numri i të vaksinuarve ishte shumë më i vogël.

Ai kërkoi nga Qeveria që të mundësojë edhe hapjen e klubeve të natës dhe sallave të dasmave.

“Tani me vaksinim edhe frekuentimi i klubeve të natës/dasmave është 70% ma i ulët se verës, thjesht nga kjo po kërkoj me punu edhe sektori i vetëm që është i mbyllur (klubet e natës dhe vendet për ahengje) me dëshmi të vaksinimit sikurse gjithë bota që po punon”, shkroi Kllokoqi.

“Subvencionim jo, me punu jo, dikah po duhet me ja majtë edhe na… Me na lon mbyll nuk o zgjidhje! Nuk ishte menaxhim! Mos këqyrni veç bardh e zi. Hajde gjejmë zgjidhje.”/GazetaSinjali/

Ministri i Mbrojtjes, Armend Mehaj ka publikuar video gjatë stërvitjes së kadetëve të patrullës “Triumfi Dardan”, të Forcës së Sigurisë së Kosovës.

Në këtë video dëgjohet edhe kënga “Besa-besë”, këngë kjo e përdorur për motivim më së shumti nga Klubi i tifozëve të Prishtinës, “Plisat”.

“Patrulla “Triumfi Dardan” – sfidë krenarie për kadetët tanë”, shkruan Mehaj krahas pamjeve.

Për ta parë videon klikoni KËTU. /Telegrafi/

Masat e anti-COVID-19 të vendosura së fundmi nga Qeveria e Kosovës ka ngritur sërish pakënaqësitë dhe ka rritur revoltën e gastronomëve.

Gastronomët po kërkojnë subvencionim të pagave të punëtorëve, për çka thonë edhe se klubet e natës dhe sallat e dasmave janë mbyllur tash e sa kohë e po trajtohen si të burgosur. Meqë kërkesat e tyre nuk po realizohen, atëherë ata paralajmërojnë protesta.

Sekretari i Shoqatës së Gastronomëve të Kosovës, Arian Vrainca tha se duhet të bëhet ligj i ri që ndryshon politikat fiskale. Nëse nuk përfillen kërkesat e tyre, atëherë ata së shpejti do të protestojnë.

Ai në një intervistë për KosovaPress tha se nga Qeveria e Kosovës është dashur një mbështetje më e madhe ndaj gastronomeve dhe bizneseve në përgjithësi pasi që kanë ishin të mbyllura po thua se për një vit.

“Nëse shohim që tre muaj kemi një gjendje epidemiologjike stabile, me procesin e vaksinimit, ani pse kemi filluar të fundit jemi të parët në rajon të cilët jemi në procesin e vaksinimit të shembull, kjo do të thotë nuk është shfrytëzua.

Nëse nuk ka pasur mundësi një mbështetje financiarë është dashur një mbështetje e liberalizimit të ekonomisë dhe funksionimit më të gjerë të gastronomisë në këtë rast, sepse po shohim që është shumë vështirë, sepse klubet e natës dhe sallat e dasmave, të cilat janë pjesë e domenit të gastronomisë, po mbahen. Nëse shohim në total për 19 muaj të mbyllura dhe po trajtohen si një i burgosur, të cilëve nuk u sigurohet as bukë as ujë. Do të thotë as gjërat elementare nuk janë siguruar nga ana e shtetit”, ka shtuar ai.

Vrainca ka potencuar se qeveria duhet të veprojë si trung e jo si degë e veçantë dhe se duhet t’i gjejë gjitha mundësitë që kur të ka mbyllje duhet të ketë edhe mbështetje financiare. Ai po thekson se duhet të bëhet një ligj i ri që ndryshon politikat fiskale që i lehtëson gastronomisë të bërit biznes.

“Nëse nuk munden pse nuk po i hapin, çfarë po mendojnë të bëjnë me këta dy sektorë, duan t’i shuajnë, është një situatë e jashtëzakonshme andaj edhe revolta e gastronomeve është rritur shumë, po i shohim të gjithë, ne pa përjashtim, Oda e Hotelierëve të Kosovës, është duke paralajmërua një lloj të protestës.

Ne jemi duke tentu me të gjithë grupet parlamentare, në të gjitha format me ministrin e Financave, me ministrinë e shëndetësisë sepse nga ekonomia duhet të funksionojë Qeveria si trung jo si degë të veçanta dhe duhet t’i invojlvojë të gjitha mundësitë për të lehtësuar nëse ka mbyllje nëse ka mbështetje financiare, duhet të bëhet një projektligj i ri, duhet të bëhet një ligj i ri që ndryshon politikat fiskale, që i lehtëson të bërit biznes të gastronomisë”, ka shtuar ai

Prej fillimit të pandemisë COVID-19, Vrainca thotë se mos ta kenë takuar asnjëherë të parin e Qeverisë së Kosovës, Albin Kurti.

“Asnjëherë as në Qeverinë ‘Kurti 1’ as në Qeverinë ‘Kurti 2’, me kryeministrin Kurti nuk kemi pas takim vetëm njëherë kemi pas takim me ish kryeministrin Hoti, ku ka qenë para se të votohej ligji për rimëkëmbjen ekonomike atëherë i kemi dhënë edhe propozimet tona, kaloj 8% ajo ka qenë për tu përshëndet shumë sene të tjera kanë qenë për tu kritiku sepse ligji për ndarje buxhetore nuk i parashihte këto të ligjit për rimëkëmbjen ekonomike”, tha ai.

Ndërkohë që Vrainca ka përmendur tri masat mbështetëse dhe financiare që ka pas gastronomia në Qeverinë “Kurti 1”

Kujtojmë që sipas masave të reja të Qeverisë që hynë në fuqi më 6 dhjetor kundër pandemisë Covid-19, gastronomia lejohet të punojë nga pra 05:00 deri në orën 23:00 të darkës, kurse sa i përket muzikës ajo lejohet vetëm deri në orën 21:30./kp/Telegrafi/

Përfaqësuesi i Sindikatës së Bashkuar e Arsimit, Shkencës dhe Kulturës (SBASHK), Ymer Ymeri, gjatë intervistës për “Përballje”, në Telegrafi.com, ka thënë se nëse kryeministri i Kosovës, Albin Kurti ua ngrit pagat 50 për qind, ata do ta “simpatizojnë atë.

Sipas Ymerit, ish-kryeminisri i Kosovës, Hashim Thaçi kishte kontribuar më së shumti për sektorin e arsimit në Kosovë.

Ymeri: Kurti i quajti fashiste partitë PDK-AAK dhe përmendi takimin e SBASHK-ut në atë kohë me Kadri Veselin, Bujën dhe Hoxhajn
“Asnjëherë në jetë nuk kam qenë anëtar i PDK-së. Ish-kryeministri Hashim Thaçi ka bërë më së shumti për arsim. Kur një kryeministër ia rrit punëtorëve të arsimit pagat njëherë 50%, pastaj edhe 25%, atëherë normalisht që udhëheqësit e sindikatës kanë me pas simpati”, tha Ymeri.

SBASHK – Qeverisë: Kur Kurti të jap dorëheqje nga kreu i LVV-së, atëherë kryetarët e sindikatave mund ta ndjekin shembullin e tij
Tutje tha se “Kryeministri Kurti le ta rrit rrogën 50%, krejt kemi me u bë me të”.

Ndërkaq Ymeri thotë se nuk e din ku janë mospajtimet mes sindikatave dhe Qeverisë pasi nuk ka pasur asnjë takim me ta. /Telegrafi/