Ministri i Shëndetësisë, Rifat Latifi nuk i ka pritur në takim një grup të specializantëve që kanë protestuar para objektit të kësaj ministrie.

Anëtar i Këshillit të specializantëve Dijon Musliu, specializant në Ortopedi, ka bërë të ditur se vetëm në korridor i ka pritur një këshilltar i ministrit, i cili u ka thënë se Latifi është shumë i zënë me takime.

Madje Musliu ka paralajmëruar protesta e masa të tjera nëse kërkesat e tyre nuk realizohen deri në javën tjetër.

“Fatkeqësisht ministri nuk pat kohë me na taku tha qe ka takime të caktuara me disa ambasador. U takuam në korridor me një nga këshilltarët e tij na u tha që kanë me na prit në takim javën tjetër”.

“Për momentin nuk kemi ndonjë zgjidhje tjetër përveç të paralajmërojmë protestat e radhës javën e ardhshme nëse nuk takohemi edhe nëse nuk ofrojnë zgjidhje”.

“Do të tentojmë ndoshta duhet të bëjmë diçka edhe më tepër se këto protesta për shkak se tash është hera e tretë që po bëjmë protestë edhe s’po kemi rezultate”.

Presidenti i Shteteve të Bashkuara, Joe Biden, sot do të hapë punimet e Samitit për Demokracinë, një ngjarje e organizuar në mënyrë virtuale, ku do të marrin pjesë liderët e 110 shteteve. Në këtë samit, ku merr pjesë edhe Kosova, pjesëmarrësit pritet të bëjnë zotime të reja ndaj demokracisë.

Samiti do të fillojë në orën 14:15 sipas kohës në vendin tonë, ndërkohë që fjalimin hapës do ta mbajë presidenti Biden.

Sipas orarit të publikuar nga Departamenti i Shtetit, shtetet janë të ndara në disa panele.

Kosova i ka 3 minuta kohë për paraqitje, pas pauzës 15-minutëshe të Samitit. Bashkë me vendin tonë, në panel është edhe Luksemburgu, Malta, Mali i Zi dhe Holanda.

Ndërsa Serbia ka 5 minuta kohë dhe është në panelin me Sllovakinë dhe Slloveninë që fillon adresimin në orën 16:30.

Zyra për Çështje të Kategorive të Dala nga Lufta e UÇK-së, ka lëshuar njoftim për pjesëtarë dhe familjarë të kategorive të dala nga lufta e Ushtrisë Çlirimtare të Kosovës.

Kjo zyrë njofton se ka evidentuar raste të mospërputhjes së të dhënave në mes të certifikatës së statusit dhe listat elektronike që posedojmë në zyrë, për të cilat nuk mund të lëshojë vërtetime, thuhet në njoftim.

Po ashtu, në mungesë të dosjeve fizike të cilat janë të sekuestruara në vitin 2017 nga Prokuroria Speciale, nuk kemi mundësi të lëshojmë kopje të certifikatave.

“Ju njoftojmë se në koordinim me zyrën ligjore të Kryeministrit dhe zyrën e Avokatit të Shtetit, ju kemi drejtuar Kryeprokurorit të Prokurorisë Themelore me propozim për takim të përbashkët, ku do të diskutohet mundësia e rritjes së bashkëpunimit ndërinstitucional dhe të diskutohet për këto paqartësi teknike që lidhen me punën e përditshme të Zyrës për Çështje të Kategorive të Dala nga Lufta e UÇK-së, në kuadër të Zyrës së Kryeministrit, që derivon nga Ligji nr.04/L-054 për Statusin dhe të Drejtat e Dëshmorëve, Invalidëve, Veteranëve, Pjesëtarëve të Ushtrisë Çlirimtare të Kosovës, Viktimave Civile dhe Familjeve të tyre, ligjit përkatës për veteranët e UÇK-së dhe legjislacioni tjetër në fuqi. Jemi në pritje të konfirmimit të propozimit për takim“, thuhet në njoftim.

Për çdo zhvillim të ri në këtë drejtim, kjo zyrë thotë se do të jap informata. /GazetaSinjali/

Prokuroria Themelore ka njoftuar se është duke hetuar një agjenci turistike të quajtur “BCD Travel”.

Sipas njoftimit të Prokurorisë, e njëjta e cila ë herët operonte me seli dikur në Bregun e Diellit, në Prishtinë, tani është duke funksionuar online, në rrjetet sociale, me disa persona të dyshuar se në bashkëkryerje po mashtrojnë qytetarët e Kosovës, por edhe të vendeve fqinje me aranzhmane turistike në Turqi, Dubai, Maldive, Egjipt, si dhe përmes shitjes së biletave të fluturimeve në vendet e Evropës, raporton TV Prizreni.

Sipas njoftimit dyshohet se ky grup i personave ka mashtruar qindra qytetarë të cilët kanë paguar shuma të konsiderueshme të parave, kinse për sigurimin e vizave në vendet evropiane, ashtu që prokurori i shtetit është duke vazhduar me trajtimin e rastit në fjalë dhe ndërmarrjes së veprimeve të tjera hetimore.

“Ju sigurojmë se, Prokurori i Shtetit është duke e trajtuar me përgjegjësi dhe profesionalizëm këtë rast dhe personat e përfshirë në kryerjen e veprave penale do të ndiqen penalisht, andaj u bëjmë thirrje të gjithë qytetarëve të cilët janë të dëmtuar nga ky agjencion turistik, të bashkëpunojnë me organet e rendit, pasi synimi kryesor është luftimi i suksesshëm i krimit dhe sigurimi i sundimit të ligjit, si dhe mos të bien pre e mashtrimeve të tilla”, thuhet në njoftim./tvprizreni.net/

Sot në të gjithë botën shënohet dita ndërkombëtare kundër korrupsionit.

Kombet e Bashkuara nënshkruar më 9 dhjetor të vitit 2003 Konventën Ndërkombëtare Kundër Korrupsionit.

Pikërisht më 9 dhjetor të vitit 2003 në Kombet e Bashkuara u mblodhën më shumë se 100 përfaqësues shtetesh nga e mbarë bota për të nënshkruar Konventën Ndërkombëtare Kundër Korrupsionit.

Korrupsioni ndikon në shumë shtete në mos-mirëqenien e popullatës si dhe mos-funksionimin e mirëfilltë të qeverive.

Korrupsioni është ende prezent në shumë shtete të botës, siç është edhe në vendin tonë, shkruan Klankosova.tv.

Bashkimi Evropian është ai që bën më së shumti thirrje për ndalje të korrupsionit në institucionet kosovare, si para-kusht në rrugën e vendit drejt familjes së madhe evropiane.

Megjithatë, korrupsioni ushtrohet edhe në vendet anëtare të BE-së, sidomos në qeverinë hungareze dhe bullgare. Kritika për korrupsion ka pasur edhe qeveria austriake.