Zëvendësndihmës Sekretari i Shtetit i SHBA për Çështjet Europiane dhe Euroaziatike, Gabriel Escobar ka mbërritur ditën e sotme në Tiranë, ku ka zhvilluar një takim në selinë e Partisë Demokratike, Lulzim Basha, ndërsa ishte i shoqëruar edhe nga ambasadorja Yuri Kim.

Pas këtij takimi, në një deklaratë për mediat Kryedemokrati Basha u shpreh se u fol për aktualitetin politik në Shqipëri por edhe më gjerë në rajon.

“Kënaqësi e veçantë të mirëpres përfaqësuesin e lartë të SHBa, Escobar. Lufta kundër korrupsionit është përcaktuar si një interes kombëtar i SHBA, është edhe më shumë interes kombëtar i Shqipërisë ajo që PD ka luftuar dhe është përpjekur më shumë se gjithçka tjetër në këto 8 vite, nga ndryshimi i kushtetutës për Reformën në Drejtësi, deri tek ligji për SPAK dhe BKH, të miratuara me iniciativën e mbështetjen amerikane, për vettingun e politikanëve. Këto dëshmojnë se PD ka qenë dhe mbetet e vendosur në luftën kundër korrupsionit. Nga demokracia e plagosur rëndë nga masakra e 25 prillit dhe sa i përket lidhjes së politikanëve dhe oligarkëve.

Betejat e PD kanë qenë këto e jashtëzakonshme të shofim si prioritet të SHBA të një beteje që kemi luftuar. Me zotin Escobar folëm për situatën politike në vend, por edhe në rajon, megjithatë qëndruam gjatë tek Kosova. Ia bëra të qartë qëndrimin e PD ndaj integritetit territorial të Kosovës. Në këtë qëndrim kam marrë mbështetjen e mirëkuptimin e Escobar. Diskutuam edhe reformat, kyç mbetet një drejtësi e pavarur”, tha Basha

Basha pranoi se në takimin me Escobar kanë diskutuar edhe rreth shpalljes ‘non grata’ të ish kryeministri Sali Berisha, ndërsa tha para gazetarëve: “Pa diskutim që çështja e pandëshkueshmërisë ishin pjesë e diskutimit, çështjeve që i takojnë DASH do keni mundësi të dëgjoni nga Escobar”.

Më tej, Basha shtoi se: “Është një ftesë e përsëritur dhe po planifikoj një vizitë në Washington që të shtyjmë përpara daljen e kësaj gjendje pezullimi, plogështie që ka shkaktuar 25 prilli dhe ecjen përpara të një Shqipërie të pavarur”./Tch

Një vrasje e trefishtë ndodhi më 26 nëntor në Gllogjan të Deçanit. Autoritetet në Kosovë kanë ripërsëritur se kanë disa pista dhe hetimi po vazhdon. Megjithatë, deri sot nuk ka asnjë të dyshuar dhe asnjë informacion të ri që çon drejt zbardhjes së rastit. Vrasjet në Kosovë, viteve të fundit vazhdojnë të jenë fenomen shqetësues për shoqërinë. Një prej arsyeve që po çon drejt vrasjeve, është edhe mbajtja e armëve ilegale.

Policia e Kosovës në një përgjigje për Gazetën Online “Reporteri.net”, tha se vrasjen në Gllogjan po e trajton duke u bazuar në ligjet e aplikueshme në vend, dhe në konsultim me Prokurorinë kompetente po ndërmerr të gjitha masat e nevojshme për kompletim dhe procedim të rasteve në organet e drejtësisë.

Prej vitit 2016, siç ka parë Reporteri.net në të dhënat e marra nga Policia e Kosovës, kanë ndodhur 154 vrasje, përfshirë këtu edhe të rënda.

Vetëm gjatë vitit 2021 ndodhën 7 vrasje, që sipas nenit 172 cilësohen vrasje, dhe 12 vrasje të rënda sipas nenit 173.

“Rastet e vrasjeve në përgjithësi janë shqetësues dhe shkaktohen për motive të ndryshme, përderisa vendimet lidhur me rastet e tilla dhe përcaktimi i dënimeve është kompetencë e organeve të drejtësisë”, thotë Policia në përgjigjen e saj.

Policia pohon se disa raste të vrasjeve janë me kryerës të njohur për drejtësinë, por disa nga rastet janë në proces hetimor dhe Policia në bashkëpunim me Prokurorinë po vazhdon t’i trajtojë ato.

Të dhëna shqetësuese për vrasjet në Kosovë

Prej vitit 2016 në Kosovë kanë ndodhur 154 vrasje. Në vitin 2016 qenë 30 vrasje – 14 vrasje dhe 16 vrasje të rënda. Më 2017 pati 24 vrasje të rënda. Në vitin 2018 u kryen 34 vrasje – 22 vrasje dhe 12 të cilësuara të rënda. Në vitin 2019 u kryen 20 vrasje – 8 u cilësuan vetëm vrasje dhe 12 të rënda. Në vitin 2020 u kryen 27 vrasje – 12 të cilësuara vrasje dhe 15 të rënda.

Në vitin 2021, që jemi në mbarim të tij, ndodhën 19 vrasje – 7 prej tyre u cilësuan vrasje dhe 12 tjera të cilësuara si vrasje të rënda.

“Ne në vazhdimësi kemi ndërmarrë veprime konkrete për parandalim qoftë përmes operacioneve policore për konfiskimin e armëve ilegale apo edhe përmes fushatave të ndryshme për vetëdijsim për të gjitha aktivitetet e kundërligjshme që mund të ndikojnë drejtpërsëdrejti apo tërthorazi në rrezikimin e sigurisë së përgjithshme apo që mund të çojnë tek kryerja e akteve të tilla”, njofton tutje Policia në përgjigjen për Reporteri.net.

Vrasja në Deçan – tronditëse

Për vrasjen e trefishtë në Deçan ende po hetohet. Drejtori i Përgjithshëm i Policisë së Kosovës, Samedin Mehmet, ditë më parë në një konferencë për media tha se ende nuk kanë një motiv lidhur me sulmin me armë zjarri ndaj një autobusi, me ç’rast u vranë shoferi dhe dy nxënës. Ndërkaq, edhe një nxënës mbeti i plagosur.

“Aktualisht mund të flasim për një sistem të dytë, përkatësisht tri pistave të mundshme të hetimit dhe të gjitha informacionet që jemi duke i mbledhur, por edhe provat materiale nga vendi i ngjarjes çojnë në këtë drejtim. Po flasim për një person, por me mundësi të ndërlidhjes edhe me persona të tjerë, që nënkupton se mund të ketë më shumë se një të dyshuar. Në kuptimin e qarkullimit të personit, janë duke u ekzaminuar prova teknike të ndryshme, të cilat do të na tregojnë saktë se prej nga ka ardhur, ku ka qëndruar dhe nga ka shkuar”, tha Mehmeti.

Sipas Policisë, vrasjet dyshohen se u kryen me armë zjarri të llojit AK-47.

Kjo vrasje tronditi qytetarët madje edhe institucionet, të cilat kanë bërë thirrje që dorasi të vihet sa më parë para drejtësisë.

Ultimatum vrasësit

Ministri i Punëve të Brendshme, Xhelal Sveçla, pasi ndodhi vrasje, i bëri ultimatum dorasit që të dorëzohet dhe ftoi qytetarët, që kanë informacione, t’iu drejtohen organeve të rendit.

“Unë i bëj ultimatum vrasësit që të dorëzohet sepse për çdo ditë ai rëndon të tjerët. E dimë shumë mirë që kushdo që ndihmon vrasësit implikohet në vepër të rëndë penale”, ishte shprehur Sveçla.

Konfiskimi i armëve ilegale – Faktor i parandalimit të vrasjeve

Policia e Kosovës, në përgjigjen për Reporteri.net, tha se për të parandaluar vrasjet ka ndërmarrë disa operacione, përfshirë këtu, edhe konfiskimin e armëve ilegale.

Viti 2018 qe viti me më së shumti vrasje në Kosovë. Atë vit u kryen 34 vrasje.

Nga Policia e Kosovës thonë se në tre vjetët e fundit kanë konfiskuar mbi 3,400 armë të llojeve të ndryshme, kryesisht ilegale.

Nga një hulumtim që ishte kryer në vitin 2015, në Kosovë janë reth 250,000 armë ilegale që i posedojnë qytetarët.

Reporteri.net nuk ka mundur të marrë një përgjigje nga Ministria e Punëve të Brendshme për të kuptuar se sa të tilla janë aktualisht./Gazeta Reporteri/

Lëvizja “FOL” ka publikuar gjetjet e hulumtimit “Perceptimet e sektorit privat rreth prokurimit publik”.

Yllka Buzhala, nga Lëvizja “FOL”, tha se bizneset e anketuar i takojnë 18 profileve dhe se 60% e anketave janë realizuar në Prishtinë.

Sipas saj, në anketa janë përfshirë biznese që janë pjesë në aktivitete të prokurimit publik.

“FOL merret me monitorimin e prokurimit publik. Ka realizuar një varg aktivitesh siç janë lansimi i portalit transparent. Këtë vit FOL e ka fokus edhe bizneset që lidhin kontrata me institucione. Sa është prokurimi publik i qasshëm ndaj bizneseve”.

“Sa i përket profilit të bizneseve janë 18 biznese. Ndërsa 60% anketa janë realizuar në Prishtinë. Llojet e prokurimit janë shërbime, ndërtim dhe furnizime. Ne kemi marrë biznese që janë pjesë në aktivitete të prokurimit publik”.

Ardi Shatri, tha se 67% e bizneseve janë ballafaquat me sfidat gjatë pandemisë. Sipas tij, mbi gjysma e bizneseve thonë që korrupsioni është i pranishëm në prokurim publik, raporton EO.

“Mbi gjysma e bizneseve mendojnë që korrupsioni është i pranishëm në prokurim publik. Ata që ndikojnë janë zvarritja e proceseve gjyqësore. Prokurimi publik bëhet në formë ta hapur”.

“Partitë politike i konsiderojnë faktor të rëndësishëm se si zhvillohet prokurimi publik. 45% e bizneseve e kanë përmend tenderin si problem kyç në prokurimin publik. Partitë politike kanë rol se qysh rregullohet prokurimi publik”./EO/