Qytetarët po vazhdojnë që të mos i respektojnë masat antiCOVID-19. Shkak i mosrespektimit të masave të vendosura për mbrojtjen dhe parandalimin e përhapjes së virusit korona, policia po shqipton edhe gjoba.

Vetëm gjatë së premtes policia shqiptoi 337 gjoba për qytetarët që nuk i përfillën masat antiCOVID-19.

Që nga pjesa e dytë e muajit gusht kur edhe filloi të përhapet me shpejtësi varianti Delta, Qeveria mori masa antiCOVID-19, masa këto që herë pas herë kanë pësuar ndryshime.

Ndërsa nga e hëna kanë hyr në fuqi masat e reja kundër COVID-19, të cilat u prezantuan nga kryeministri i Kosovës, Albin Kurti dhe ministri i Shëndetësisë, Rifat Latifi nëpërmjet një konference për medie të dielën që lamë pas.

I pasi i ekzekutivit të shtetit pati thënë se rreziku i lartë i shpërndarjes së COVID-19, i detyron që ta rrisin vigjilencën, derisa kapërmendur edhe shkallën e ulët të vaksinimit si dhe variantin Omicron, që është përhapur në 34 vendet e botës.

Në kuadër të masave, të gjithë personat mbi 12-vjeç do të duhet që t’i ofrojnë dëshmitë e vaksinimit me dy doza për udhëtim me jetët e transportit publik dhe atij privat, si dhe për hyrje në qendrat tregtare dhe lokalet e gastronomisë.

Që nga 3 janari dëshmitë e vaksinimit të plotë do t’iu kërkohen të gjithë udhëtarëve që hyjnë në Kosovë.

Mbajtja e maskës vazhdon të jetë e detyrueshme. Sipas masave, kufizimi i lëvizjes do të vazhdojë të jetë në fuqi nga mesnata deri në orën 05:00.

As orari i gastronomisë nuk është ndryshuar. Ky sektor lejohet të punojë deri në ora 23:00, ndërkaq muzika ndalohet pas orës 21:30. Klubet e natës dhe organizimi i ahengjeve vazhdon të jetë i ndaluar, thuhet në vendimin e Qeverisë së Kosovës lidhur me masat kundër pandemisë COVID-19.

27 vendet anëtare të BE-së do të takohen në Këshillin që udhëhiqet nga presidenca e Sllovenisë për të adresuar çështjet që kanë të bëjnë me Ballkanin Perëndimor.
Në draftin e konkluzave që do të prezantohet javën e ardhshme do të diskutohet edhe liberalizimi i vizave për Kosovën.

Në atë draft s’parashihet ndonjë veprim konkret për heqjen e vizave për kosovarët dhe çështja është ende në shqyrtim në Këshillin e BE-së.

“Këshilli e kupton rëndësinë e liberalizimit të vizave për qytetarët e Kosovës dhe kujtohet se Komisioni Evropian e ka dhënë rekomandimin, Parlamenti Evropian e ka mbështetur, porse tash çështja ndodhet në shqyrtim në Këshill”, thuhet në draftin e konkluzave që e posedon REL.

Por aty thuhet që Kosova duhet t’i respektojë dhe zbatojë marrëveshjet që kanë dalë nga dialogu i deritanishëm.
“Këshilli përsërit pritjet e fuqishme që të gjitha marrëveshjet nga e kaluara, të respektohen dhe zbatohen pa vonesa. Të dyja palët duhet, po ashtu, t’i shmangin veprimet që dëmtojnë stabilitetin, si dhe retorikën që nuk është e favorshme për dialogun”, thuhet në këtë draft konkluzash.

Nuk ka asnjë indikator që tregon se mund të ketë zhbërje të Qeverisë, kështu ka thënë deputetja e Lëvizjes Vetëvendosje Mimoza Kusari-Lila.

Madje, ajo tha se Qeveria është e përkushtuar për një mandat të plotë, duke shtuar se ka pasur ngecje në Kuvend shkaku i zgjedhjeve lokale.

Kusari-Lila vitin 2022 nuk e sheh si vit zgjedhor, por si vit të dinamikës së punës institucionale në ekzekutiv dhe legjislativ.

“Nuk shoh asnjë indikator i cili tregon për zhbërjen e qeverisë. Shohim se kemi një qeveri stabile e cila programin dhe mandatin të cilin e ka marrë në këtë vit që po e përmbyllim është e përkushtuar ta realizojë në një mandate të plotë dhe si asnjëherë më parë një stabilitet qoftë në nivelin e qeverisë qoftë në nivelin e kuvendit. Ne patëm një ndërprerje si kuvend me procesin e zgjedhjeve lokale një ngecje të cilën po e zëvendësojmë me një dinamikë të përshpejtuar. Prandaj ne vitin 2022 nuk e shohim vit zgjedhor por si vit të dinamikë të punës institucionale si në ekzekutiv si në legjislativ”, tha Kusari-Lila.

Sipas deputetes Kusari-Lila, dialogu ka sfidat e veta, duke shtuar se Kosova vetëm si e barabartë mund të jetë pjesë e proceseve që lidhen me Ballkanin Perëndimor.

“Dialogu vërehet se ka sfidat e veta të theksuara. Ajo çka është evidente është se ka ndryshim të qasjes dhe ka një mënyrë të angazhimit të Kosovës e në veçanti me propozimet të cilat kryeministri Kurti i ka vendosur para përfaqësuesve të BE-së qoftë me marrëveshjen e përbashkët të tregtisë e vendet e rajonit ku Kosova është palë e barbartë qoftë në deklaratën e paqes në mënyrë proaktive ka propozuar ide të reja dokumente të reja të cilat po vërehet që nuk janë marrë parasysh ose nuk janë trajtuar dhe ne duhet të punojmë më shumë në të gjitha nivelet që të tregojmë se Kosova vetëm si e barabartë mund të jetë pjesë e proceseve që lidhen me Ballkanin Perëndimor”.

“Ndërsa në anën tjetër vërejmë se Serbia duke kaluar në një vend i cili prej vendit që është portretizuar se është i hapur ndaj të gjithëve po e tregon me blerjet ushtarake, me provokimet e vazhdueshme me Bosnje pastaj javë më parë me kufijtë e Kosovës se nuk është faktor stabilitet, por është faktor i sigurisë për rajonin”.

Është vështirë e parashikueshme se kur mund të ndodh njohja reciproke duke i marrë parasysh këto rrethana, thotë Kusari-Lila, raporton eo.

“Dhe nuk mundemi që të dy palët në njërën anë Kosovën e cila vazhdimisht ka lënë teste të demokracisë siç e kemi pasur rastin me procesin zgjedhor me rendin e ligjit të barazohet me një shtet i cili tashmë intensifikon bashkëpunimin me Rusinë, hynë në blerje të armëve dhe ndryshon retorikën në raport me sigurinë dhe mandej të kërkohet që të gjitha kompromiset t’i bëjë Kosova ku palët nuk kanë qenë të barabarta në kuptimin që Serbia ka qenë agresori ndërsa Kosova ka qenë viktima. Prandaj nuk mund të ndryshohet këto rrethana, por unë jam e bindur se shpejt do të ketë vlerësim të drejtë edhe të qasjes së Kosovës edhe nga BE-ja”.

“…sa i përket njohjes ajo është një proces të cilin duhet të dy palët, gjegjësisht Kosova e do përparimin e vet, por nuk mund të punojë ose t’i bëjë ndryshimet në Serbi. Atë duhet ta bëjë Serbia vetë. Është vështirë e parashikueshme se kur mund të ndodh njohja reciproke duke i marrë parasysh këto rrethana”, tha ajo.

Vetëm 100 dollarë në muaj. Kjo është paga që Skënder Qerimi nga Ferizaj ka deklaruar se ka marrë për 7 vite qëndrimi në zonat e luftës në Siri.

Autoritet kosovare, me ndihmën e FBI-së kanë gjetur prova se Skënder Qerimi, që xhihadin e tij në vitin 2014 e nisi me një kallashnikov, dy vite më vonë arriti që të inkuadrohet në një kontingjent të snajperistëve të brigadës “Dabik”.

Skënder Qerimi i njohur me nofkën “Ebu Dher”, ishte riatdhesuar në Kosovë verën e këtij viti, bashkë me 10 persona tjerë që mbaheshin në kampe në Siri. Me të arritur në vendlindje, 30 vjeçari nga fshati Muhovec i Ferizajt, u arrestua nga autoritet kosovare dhe vazhdon të mbahet në paraburgim, për t’u përballur me akuzat e ngritura nga Prokuroria Speciale e Kosovës nën dyshimin se e ka kryer veprën penale “Organizimi dhe pjesëmarrja në grup terrorist”, e dënueshme nga 5 deri në 10 vite burg.

Prokuroria pretendon se Qerimi për 7 vjet rresht ka qenë pjesë aktive në luftërat e ISIS-it, në qytetet Mosul, Zumer e Sedfaruk, e ku sipas tyre ka qenë i angazhuar edhe në Batalionin e Snajperistëve.

Në aktakuzë thuhet se Qerimi udhëtoi për në Siri më 27 qershor 2014, së bashku me dy shokët e tij, poashtu nga Ferizaj, tashmë të deklaruar si të vdekur në luftime atje./TCH