Ministria e Shëndetësisë u ka bërë thirrje qytetarëve që të vaksinohen kundër COVID-19.

Përmes një postimi në Facebook, MSH tha se të gjithë qytetarët 12 vjeç e lart mund të vaksinohen.

“Marrja e vaksinës kundër COVID-19 është e shpejtë, e lehtë dhe falas. Mbroni veten dhe të dashurit tuaj në këtë sezon festash me një vaksinë të sigurt dhe efektive kundër COVID. Të gjithë qytetarët 12 vjeç e lart mund të vaksinohen”, thuhet në njoftim.

Gjeni qendrën më të afërt të vaksinimit në: https://bit.ly/3o9WNPv

Në total numri i rasteve aktive me koronavirus në Kosovë është 321.

Në një ceremoni të veçantë, Presidentja e Kosovës, Vjosa Osmani, sot do të gradojë Gjeneralmajor Bashkim Jasharin, në gradën Gjenerallejtënant.

Kështu është bërë e ditur në njoftimin e bërë për media nga Presidenca, ku thuhet se ceremonia do të fillojë në ora 10:00.

“Në orën 10:00, Presidentja e Republikës së Kosovës, Vjosa Osmani duke u mbështetur në kompetencat e saj kushtetuese dhe ligjore, në një ceremoni të veçantë gradon Gjeneralmajor Bashkim Jashari në gradën Gjenerallejtënant”, thuhet në njoftimin e Presidencës.

Jashari ka pranuar detyrën e komandantit të përgjithshëm të FSK-së më datën 1 dhjetor .

Para Jasharit, në krye të FSK-së ishte Rrahman Rama.

Kuvendi i Kosovës sot do të diskutojë për pagat e sektorit publik.

Seanca plenare e Kuvendit të Kosovës do të fillojë në orën 11:00, ndërkaq në rend të ditës janë 14 pika për diskutim.

Pikat e rendit të ditës:

-Deklarimet jashtë rendit të ditës,

-Pyetjet parlamentare,

-Miratimi i procesverbaleve nga seancat e mëparshme,

-Shqyrtimi i Projektligjit për ratifikimin e këmbimit të Notave Diplomatike në lidhje me asistencën e ofruar në formë granti sipas Aktit për ndihmë të jashtme të vitit 1961 dhe Aktit për kontroll të shitjeve të armëve mes Republikës së Kosovës dhe Shteteve të Bashkuara të Amerikës,

-Shqyrtimi i Projektligjit për ratifikimin e “Amendamentimit nr. 1 të Marrëveshjes Financiare për IPA 2016 ndërmjet Republikës së Kosovës dhe Bashkimit Evropian”,

-Shqyrtimi i Projektligjit për ratifikimin e Marrëveshjes në mes të Republikës së Kosovës Përfaqësuar nga Ministria e Financave, Punës dhe Transfereve dhe Qeverisë së Zvicrës përfaqësuar nga Departamenti Federal i Punëve të Jashtme përmes Agjencisë Zviceranë për Zhvillim dhe Bashkëpunim mbi programin Menaxhimi i Integruar i Burimeve Ujore në Kosovë,

-Shqyrtimi i parë i Projektligjit për ndryshimin dhe plotësimin e Ligjit për festat zyrtare në Republikën e Kosovës,

-Shqyrtimi i parë i Projektligjit për Pijet e forta alkoolike,

-Shqyrtimi i parë i Projektligjit për ndryshimin dhe plotësimin e Ligjit për mbeturina,

-Shqyrtimi i parë i Projektligjit për Bujqësi dhe Zhvillim Rural,

-Shqyrtimi i dytë i Projektligjit për dërgimin e Forcës së Sigurisë së Kosovës jashtë vendit,

-Shqyrtimi i kërkesës së Fondit të Kursimeve Pensionale për miratimin e taksave vjetore për vitin 2022,

-Shqyrtimi i Raportit vjetor të Komisionit Qendror të Zgjedhjeve për vitin 2020,

-Debat parlamentar në lidhje me pagat në sektorin publik.

Mori rrugën nga Gjermania për në Kosovë, për të kaluar festat e fundvitit bashkë me familjen e tij. Por, mërgimtarit i ndodhi e papritura në Serbi.

Ai në një postim në rrjetet sociale tregoi që mbrëmë pas mesnate, rreth orës 00:30 në Serbi, afër 20 km pa hyrë në Kosovë, iu dëmtuan gomat e veturës.

Siç thotë ai, disa serb kanë vendos disa gurë me armatura në rrugë dhe të njëjtat i kanë mbuluar me borë.

Kështu, ka dëmtuar gomat bashkë me felge, ku për pasojë ka paguar 150 euro për transport deri në Merdare.

“Deshta tju tregoi qa me ka ndodh prom. Tuj ardh ne Kosove rreth ores 00:30 isha ne Serbi, afersisht 20 km pa hy ne Kosove ( Merdare ) ku disa Serb i kan qit disa gur me armatur ne rrug dhe te mbulume me bore. ( nuk u vrejke mire) dhe e prisha Gomen me gjith Felge. Pas 2 minutave ka ardh Policia dhe ju thash qe po du me thirr ADAC me thaten Jo me thirr, na ta thirrim Schlepwagen.

Deshta mi ba disa foto te gureve dhe armaturave. Nuk me kan Leju ( ma banen hyn ne Kerr dhe mos bon foto te vendit ) kan shku dhe i kan largu gurt dhe armaturat i kan qit ne skaj te rruges. Mas aferisht 5 minutave ka ardh Schlepi ku mi murr per 20 km 150 euro deri ne Merdare. Nuk me kan lan me pas zgjidhje tjeter. I falenderoj Policin e Kosoves qe kan ba ni pun shum tmir dhe me kan ndihmu ne at ore. Ju apeloj te gjitheve Ruhuni, sepse nuk eshte hera e par qe ndodhin ksi sende“, ka thënë ai.

Instituti Hidrometeorologjik i Kosovës ka bërë të ditur se gjatë kësaj jave do të ketë mot kryesisht të vranët.

Sipas IHK-së, në fillim dhe në fund të javës priten reshje të dobëta bore, ndërkaq temperaturat minimale do të lëvizin ndërmjet -4 deri -1 gradë Celsius, derisa ato maksimalet e ditës parashihet të lëvizin ndërmjet 1-3 gradë Celsius.

“Mot kryesisht i vranët dhe i ftohët do të na shoqërojë gjatë javës që po na pret. Kjo situatë meteorologjike vije si pasojë e prezencës së masave të ftohta të ajrit me origjinë nga veriu i kontinentit. Parashihet që herë pas here të ketë fjolla të dobëta bore, sidomos në fillim javë dhe gjatë vikendit. Temperaturat minimale do të lëvizin ndërmjet -4 deri -1 gradë Celsius, ndërsa maksimalet e ditës parashihen të lëvizin ndërmjet 1-3 gradë Celsius”, thuhet në njoftim.

Njoftimi i plotë i IHK-së:

Parashikimi i motit për pesë ditë (13 – 17 dhjetor 2021)

Mot kryesisht i vranët dhe i ftohët do të na shoqëroj gjatë javës që po na pretë.

Kjo situatë meteorologjike vije si pasojë e prezencës së masave të ftohta të ajrit me origjinë nga veriu i kontinentit. Parashihet që herë pas here të ketë fjolla të dobëta bore, sidomos në fillim javë dhe gjatë vikendit.

Temperaturat minimale do të lëvizin ndërmjet -4 deri -1 gradë Celsius, ndërsa maksimalet e ditës parashihen të lëvizin ndërmjet 1-3 gradë Celsius.

Në viset malore me lartësi mbidetare mbi 850m temperaturat do të jen për 2-3 gradë më të ulëta në të dy vlerat ekstreme. Do të fryjë erë kryesisht nga verilindja e lehtë dhe lokalisht e fortë.

Minsitrja e Drejtësisë, Albulena Haxhiu, ka reaguar lidhur me Reformën e thellë në Sistemin Prokurorial dhe Opinionin e Komisionit të Venecias.

Sipas saj, në disa media vazhdojnë të raportojnë kinse Komisioni i Venecias është “shokuar” me iniciativën për ndryshime ligjore në sistemin prokurorial dhe Komisioni ka “rrëzuar” këtë iniciativë të filluar nga Ministria e Drejtësisë.

Këto raportime ajo i ka quajtur të pavërteta duke thënë se nuk kanë qëllim të mirë.

“Komisioni i Venecias u thotë PO këtyre ndryshimeve. Të premten që shkoi, si Ministre e Drejtësisë e shoqëruar me ekipin tim, kam qenë në seancën plenare të Komisionit në Venedik, me ç’rast edhe njëherë kemi paraqitur argumentet tona se si duhet të bëhet kjo reformë përmes kësaj nisme ligjore”, shprehet Haxhiu.

Postimi i saj i plotë:

Lidhur me Reformën e thellë në Sistemin Prokurorial dhe Opinionin e Komisionit të Venecias.

Ka disa ditë që disa portale, vazhdojnë të raportojnë kinse Komisioni i Venecias është “shokuar” me iniciativën për ndryshime ligjore në sistemin prokurorial dhe Komisioni ka “rrëzuar” këtë iniciativë të filluar nga Ministria e Drejtësisë.