Lloji, i njohur shkencërisht si B.1.1.529, aktualisht njihet për potencialin e tij për t’u përhapur më shpejt se variantet e mëparshme dhe për t’i dhënë rezistencë më të madhe mbrojtjeve imune aktuale.

Ndërsa virusi vazhdon të rritet, rriten edhe përpjekjet shkencore globale për të zgjeruar njohjet mbi llojin e ri. Në zhvillimet e fundit, një mjek ka vërejtur raporte të përhapura të dhimbjes së tepërt të trupit pas kontraktimit të variantit.

Mjeku i përgjithshëm Dr. Unben Pillay, nga Departamenti i Shëndetësisë i Afrikës së Jugut, tha gjatë një konference se ai po sheh shumë pacientë që paraqiten me “shumë dhimbje trupi”.

Sipas mjekut të përgjithshëm, janë raportuar gjithashtu raste të djersitjeve gjatë natës që e lënë shtratin tuaj të lagur. Mjeku i përgjithshëm vuri në dukje gjithashtu se pacientët e vaksinuar në përgjithësi ishin “shumë më mirë” pas infektimit me variantin.

Dhimbja e trupit është një simptomë e zakonshme e infeksionit, pasi trupi përdor inflamacionin për të luftuar infeksionet ose patogjenët e tjerë.

NHS shpjegon: “Disa njerëz kanë dhimbje të përhapura që mund të vijnë dhe të shkojnë për një kohë ndërsa shëroheni”. Raportet e infeksioneve me variante të mëparshme përshkruan dhimbje të forta në shpatull dhe krahë pas kontraktimit të COVID-19.

Këto probleme shpesh ndodhën së bashku me ngurtësimin në krahë dhe dobësinë në disa muskuj, sipas NHS.

Organizata shëndetësore shtoi: “Shumë nga këto probleme do të përmirësohen ndërsa përmirësoheni, por nëse keni probleme të rënda kontaktoni me një mjek ose fizioterapist. Disa njerëz kanë gjithashtu ndjesi të çuditshme ose të ndryshuara si mpirje apo gjilpëra dhe dobësi në krahët apo këmbët e tyre”. /Telegrafi/

Bëhet e ditur se një përleshje mes 100 persona ka ndodhur të shtunën rreth orës 20:00 në Qarkun e vogël në mes të Baselit dhe Delemont, përcjell albinfo.ch.

Akoma nuk dihet se cili ishte shkaku i kësaj përleshjeje masive, por, sipas dëshmitarëve shkaku i rrahjes ishte një grua.

Thuhet se përleshja nisi fillimisht në mënyrë verbale para “Sheshit të Akullit” në mes të dy të miturve, një 15-vjeçari shqiptar dhe një moshatari të tij zviceran.

Më pas përleshjet u zhvendosën në drejtim të stacionit të trenit, i cili është rreth 650 metra larg. Policia e Basel-Landschaft njofton se disa persona kanë pësuar lëndime të lehta, njofton Blick.ch.

Me të mbërritur policia, personat e përfshirë në rrahje janë larguar në drejtime të ndryshme.

Dy grupe të ndryshme nga Thierstein dhe Laufental.

“Me sa dihet, dy grupet janë të rinj dhe të rinj të rritur që identifikohen me rajonin Thierstein SO nga njëra anë dhe rajonin Laufental BL nga ana tjetër”.

Organet e rendit janë akoma në kërkim të dëshmitarëve.

Sipas një dëshmitari në rrahje janë përdorur edhe thika dhe shkopinj bejsbolli.

Ky tregon që përleshja nisi një për një, por që më pas shqiptari thirri shumë “përforcime”.

Dëshmitari thotë se shokët e shqiptarit ishin dukshëm më të rritur “nga mosha 15 e deri në moshën 30-vjeçare”.

Treni do të udhëtojë përgjatë linjës hekurudhore që lidh qytetin Lijiang me zonën panoramike të malit Yulong Snow, në provincën jugperëndimore kineze të Yunnan.

Specialisti i “Crrc”, Yang Ying, shpjegoi se treni plotëson nevojën për zhvillimin e turizmit të gjelbër dhe me karbon të ulët.

Dritaret e kabinave të trenit janë rregulluar elektrikisht sipas intensitetit të dritës së diellit dhe të dizajnuara për t’u ofruar pasagjerëve një fushëpamje nga 120 gradë deri në 150 gradë, ndërsa treni ecën përgjatë shpatit të malit.

Me një shpejtësi maksimale prej 70 km në orë, treni mban një kapacitet total prej 351 personash.