Këshill Prokurorial i Kosovës (KPK) ka mirëpritur opinionin e Komisionit të Venecias lidhur me draft-amendamentimin e Ligjit për KPK-në.

“Ky opinion siguron ndarjen e pushteteve dhe pavarësinë e sistemit prokurorial duke ritheksuar se iniciativat e ndërmarra nga Ministria e Drejtësisë për të ndryshuar Ligjin për KPK-në me këto propozime janë në kundërshtim me praktikat dhe standardet ndërkombëtare. Në opinion, përkatësisht në pikën 49, theksohet se procedura e zgjedhjes së anëtarëve laik (që nënkupton edhe iniciativën e zgjedhjes së anëtarit prokuror nga Kuvendi i Kosovës) është shumë e ndërlikuar, e paqartë dhe krijon mundësi për manipulime. Komisioni i Venecias në pikën 57 të këtij opinioni, ngreh dy shqetësime kryesore; Një “Këshill i “reduktuar” që do të përbëhej ekskluzivisht prej anëtarëve laik (duke përfshirë edhe prokurorin të zgjedhur me shumicë të thjeshtë nga ana e Kuvendit të Kosovës) do të ketë të njëjtin pushtet si Këshilli Prokurorial i Kosovës me përbërje të plotë, dhe më e rëndësishmja se ai do të vendosë për zgjedhjen e Kryeprokurorit të ri të Shtetit që do të bëhet në fillim të vitit 2022”, thuhet nga KPK-ja.

KPK-ja ka thënë se, bazuar në mendimin e Komisionit të Venecias, ndryshimet e propozuara nga Ministria e Drejtësisë janë në kundërshtim me standardet ndërkombëtare dhe evropiane.

“Çështja e dytë është se i njëjti “Këshill i reduktuar” me përfaqësues laik do të sigurojë kontroll të plotë në komisionin zgjedhor që mbikëqyrë procesin e zgjedhjes së anëtarëve të rinj të Këshillit nga kolegët e tyre. Sipas mendimit të Komisionit të Venecias, ndryshimet e propozuara nga Ministria e Drejtësisë janë në kundërshtim me standardet ndërkombëtare dhe evropiane, dhe këto ndryshime propozojnë largimin e prokurorëve nga qeverisja e sistemit prokurorial në momentin më kritik kur do të zgjidhet Kryeprokurori i Shtetit dhe anëtarët prokurorë nga radhët e tyre. Ndërsa, sa i përket shkëputjes së mandatit të anëtarëve aktual të KPK-së, Komisioni i Venecias në pikën 54, rithekson se ndërprerja e mandatit të parakohshëm të një anëtari të Këshillit (kur nuk vjen për shkak të dorëheqjes vullnetare, shfuqizimit të tërë institucionit ose për arsye të tjera të ngjashme) duhet të lidhet gjithmonë me një keqbërje të identifikueshme ose dështim në ushtrimin e detyrës së tij ose të saj. Anëtarët e KPK-së nuk duhet të “fajësohen” thjeshtë sepse shumica parlamentare ose kolegët e tyre nuk pajtohen me vendimet që ata marrin. Po ashtu, në konkluzionet e opinionit, në pikën 71, shprehimisht thuhet se reforma nuk duhet të qoj në nënshtrimin e Këshillit Prokurorial të Kosovës ndaj shumicës qeverisëse e që propozimi i Ministrisë së Drejtësisë rritë rrezikun e ndikimit të panevojshëm politik mbi KPK-në”, thuhet nga KPK.

Kryeparlamentari Glauk Konjufca, ka shkaktuar edhe një herë të qeshura në seancën që po mbahet në Kuvendin e Kosovës.

Derisa njëri deputet i ka kërkuar fjalën, Konjufca i ka thënë se nuk mund t’ja ofrojë këtë mundësi pasi që pritet të ndërpritet energjia elektrike.

“Ta kisha jep fjalën po tash na ndalet rryma, e pasi ka me u nal rryma deri të dilet në sistemin me gjenerator, ju kërkoj pauzë pesë minuta”, ka thënë Konjufca.

Nesër ne Terminalin e Ri të ANP ‘Adem Jashari’ do të mbahet ceremonia e inagurimit te fluturimit të parë Zagreb-Prishtinë-Zagreb.

Në këtë eveniment do të jenë të pranishëm: Ministri i Infrastrukturës se Kroacisë, Oleg Butkovic dhe Zëvendësministri i Mjedisit, Planifikimit Hapësinor dhe Infrastrukturës, Hysen Durmishi.

Një grua ka therur me mjet të mprehtë një grua tjetër të martën pasdite në një qendër tregtare në ‘Rrugën B’ në Prishtinë, ka konfirmuar Policia e Kosovës.

Siç mësohet, për shkak të lëndimeve që ka pësuar nga therja, gruaja është dërguar për trajtim mjekësor.

E dyshuara është arrestuar.

Policia ka thënë se ka nisur një hetim për rastin.

Kreu i AAK-së, Ramush Haradinaj, ka thënë se qeveria e tij e kishte sjellë Ligjin për Paga dhe ishin lavdëruar nga BE-ja. Por, Haradinaj ka thënë se Qeveria aktuale e ka hequr nga agjenda legjislative ligjin për një kohë të pacaktuar.

“Kjo Qeveri, e ka heq nga gjenda legjislative për një kohë të pacaktuar. Në të njëjtën kohë kësaj Qeverie i teprojnë 400 milionë euro. O jeni të pa zotë, o keni probleme serioze në implementim, o jeni kundër atyre që paguhen nga publiku”, ka thënë ai.

Haradinaj shtoi se Kurti po fshihet për shkak të pazotësisë së tij, teksa i ktheu përgjigje për blerjen e tokës 200 hektarëshe për të cilën e kritikoi kryeministri Kurti.

“Kurti sa herë po do me u fsheh prej pazotësisë, po thotë i ke ble 200 hektarë tokë , po është e vërtet zotëri Kurti, e kom ble me ligje të Kosovës në kohë të OKB-së e kom shfrytëzuar një të drejtë ligjore që ka mundur edhe një shtetas i huaj. Dhe e kam riblerë tokën e babës tim, dhe të katundit tim në Gllogjan”.

“Kryeministër, kur keni me sjellë në Kuvend ligjin e pagës, sa keni me i mashtru atyre që ia keni lypë votën, sepse po shiheni që jeni mashtrues. A është me 1 mars, qershor? Kur është? Unë nuk kam pa ndonjëherë Qeveri më mashtruese se kjo, ju siguroj nuk kam pa. Thotë Kryeministri nuk është urgjencë. Kryeministër nuk është për ty ndoshta. Sepse ndoshta ti je komunist e do me punu pa pare. Për sindikatat që po të vijnë te dera për ata është urgjencë. Ndoshta kryeministri ka qejf mos me pas private, ndoshta ka qejf me nacionalizu edhe njëherë, e vërtetë që tokën njëherë ma ka marrë shteti, sigurt. Le t’ma merr sërish, qaty është. Nëse do le ta nacionalizon sërish, sepse kështu është edhe në Kore të Veriut”, ka thënë Haradinaj.

Qeveria e Kosovës ka publikuar një manual për kursim të energjisë elektrike.

Në manualin e publikuar nga Ministria e Ekonomisë, këshilla e parë është që të kursehet në ndriçim, pasi siç theksohet aty një pjesë e konsiderueshme e energjisë elektrike që e konsumojmë vjen nga ndriçimi.

“Fikja e dritave kur del nga dhoma/shtëpia, zëvendësimi i poçave elektrikë me ata me eficiencë të lartë (LED)”, janë disa nga rekomandimet.

Tutje përmes manualit, bëhet thirrje edhe për shfrytëzim të rrymës në orarin 22:00 – 07:00 kur edhe tarifa është më e ulët.

Në këtë kohë rekomandohet përdorimi i rrobalarëses, enëlarëses dhe hekurit për hekurosje.

Poashtu aty theksohet që nuk duhet të lihen në pozicionin “standby” pajisjet elektronike, duke e përfshirë edhe konsolën e videolojërave, e njohur si “joystick”.

Kryetari i Aleancës për Ardhmërinë e Kosovës Ramush Haradinaj, i tha kryeministrit të Kosovës Albin Kurti, se ligjëratat që i mban ai nuk i zgjidhin dot problemet.

Haradinaj e porositi Kurtin se qytetarët presin se kur do të miratohet Ligji për paga.

“Po më pëlqen nganjëherë që po na mban ligjërata këtu, ju siguroj që këto ligjërata janë edukuese edhe mua më ndihmojnë nganjëherë, por nuk po i zgjidhin temat. Punëtorët jashtë, pesë pare si japin çfarë ligjërate më jepni mua. Ata presin që kur do ta miratoni ligjin, kur do t’i rritni pagat. Ne ju admirojmë për dëshirën e tuaj për të na mbajtur ligjërata. Më mirë dërgoni ata ministra te KEK-u me ndonjë tendë le të mërdhihen pak ndoshta gjejnë zgjidhje”.