Komisioni Qendror i Zgjedhjeve (KQZ) ka bërë të ditur se deri në ora 11:00, në votime kanë dalë 7,21% e qytetarëve me të drejtë vote.
Ndërsa në Prizren deri në ora 11:00, të drejtën e tyre për të votuar e kanë shfrytëzuar 8196 votues ose 5,64%, raporton TV Prizreni.
Rundi i dytë i zgjedhjeve lokale po zhvillohet në 21 komuna të Kosovës.
Në Stacionin e Policisë në Suharekë një qytetar ishte paraqitur duke thënë se posedonte ilegalisht një armë.
Në njoftimin e PK-së thuhet se i dyshuari E.B i lindur në vitin 1990, deklaroi në polici se kishte një mosmarrëveshje me dy persona të njohur rreth një obligimi në të holla.
I njëjti ishte në posedim të armës ilegale të llojit Pistoletë, zoraki M706-B, e cila armë me tre fishek u sekuestruan nga stacioni policor në Suharekë.
Pas deklarimit policia e informoj prokurorin e shtetit i cili lëshoj aktvendim për ndalim në afat prej 48 orë.
Një qytetar nga Podujeva ka vendosur që të shkojë me kali për të votuar.
Ai teksa është nisur drejt qendrës së tij të votimit, ka marrë me vete edhe flamurin kombëtar.
Raundi i dytë i zgjedhjeve është duke u zhvilluar në 21 komuna, ku deri tani procesi i votimit raportohet se është i qetë.
Shumica e liderëve politikë dhe kandidatët për kryetar të komunave kanë hedhur votën e tyre, teksa u kanë bërë thirrje qytetarëve që të dalin në votime.
Qendrat e votimit janë hapur në ora 07:00 dhe do të jenë të hapura deri në ora 19:00.
Votues në raundin e dytë janë 1,260,571 në 21 komuna, ndërsa 575 qendra votimi, 1,638 vendvotime.
Kryeministri I Kosovës, Albin Kurti, ka votuar në Fakultetin Ekonomik, në Prishtinë.
Kurti ka thënë pas votimit se komuna është shumë e rëndësishme, prandaj i ka inkurajuar të gjithë qytetarët me të drejtë vote që ta shfrytëzojnë të drejtën e tyre.
“Komuna është shumë e rëndësishme, në njërën anë është publikja e lagjes e na anën tjetër është qeliza e Republikës. Andaj i inkurajoj të gjithë qytetarët me të drejtë vote që ta shfrytëzojnë mundësinë, ta përdorin këtë rast dhe të përcaktohen për veten e tyre nëpërmjet udhëheqësve që do të zgjedhin sot. Pjesëmarrja sa më masive është e pritshme, mekanizmat shtetërore do të kujdesën për mbarëvajtjen e procesit”, ka thënë Kurti.
Sipas tij, sot po përmbyllet një vit i suksesshëm elektoral në Kosovë.
“Sot mund të themi që po e përmbyllim një vit të suksesshëm dhe të mirë elektoral i cili nisi me zgjedhjet parlamentare të 14 shkurtit, vazhdoi me zgjedhjet lokale të 17 tetorit dhe sot e kemi balotazhin. Republika e Kosovës e ka dëshmuar se është një shtet demokratik, në të cilin respektohen të drejtat e të gjithë qytetarëve të cilët në mënyrë të lirë dhe të ndershme, zgjedhin ata të cilët do të zgjedhin në vijim për neve”, ka shtuar ai.
I pyetur nëse do të mbështesë kryetarët e zgjedhur të komunave në balotazh, pavarësisht se cilit subjekt politik i takojnë, Kurti ka thënë se sot flasin vetëm qytetarët.
“Dje kishim heshtje zgjedhore, sot flasin qytetarët”, është shprehur Kurti.
I ngarkuari me punë në Ambasadën Amerikane në Kosovë, Nicholas Giacobbe ka ftuar sot qytetarët që të dalin në votime dhe t’i formësojnë prioritetet lokale.
Giacobbe në një postim në Twitter thotë se duhet votuar për të siguruar demokracinë.
“Mos e humbisni mundësinë për të formësuar prioritetet dhe vendimmarrjen në qeverisjen lokale. Dilni dhe votoni për të siguruar demokracinë për ju dhe familjen tuaj”, shkruan ai.
https://twitter.com/USAmbKosovo/status/1459808323612467208?ref_src=twsrc%5Etfw%7Ctwcamp%5Etweetembed%7Ctwterm%5E1459808323612467208%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Fambasada-amerikane-fton-qytetare-te-dalin-ne-votime%2F
Kryetari i Lidhjes Demokratike të Kosovës, Lumir Abdixhiku, ka votuar për zgjedhjet lokale që po mbahen këtë të dielë.
Abdixhiku tha se sot është një ditë e veçantë dhe demokratike për vendin.
“Sot është një ditë e veçantë dhe demokratike për Kosovën, një ditë kur vendimmarrja kalon tek qytetarët aty ku duhet të jetë gjithmonë. I uroj qytetarët për festë të demokracisë dhe të ruajmë këtë standard demokracie që e tash e sa kohe e dëshmojmë.
Në 21 komuna të Kosovës sot zhvillohet rundi i dytë i zgjedhjeve lokale të 17 tetorit.
Numri i qytetarëve me të drejtë vote në këto 21 komuna është 1 milion e 260 mijë e 571 votues.
Edhe për këto zgjedhje, janë shtypur më pak fletëvotime, rreth 10% apo rreth 125 mijë fletëvotime me pak se numri i përgjithshëm i votuesve të këtij rundi.
Votimi do të mbahet në 1,638 vendvotime ndërkohë që, KQZ-ja do të mundësojë edhe votimin e personave me nevoja dhe rrethana të veçanta si dhe të atyre të infektuar me COVID-19.
KQZ-ja ka pranuar për zgjedhjet e rundit të dytë 1,571 pako me fletëvotime nga jashtë, të cilat janë dërguar nga mërgata nga 29 tetori deri më 12 nëntor.
Ndërkaq, numri i vëzhguesve që do ta monitorojnë rundin e dytë është 10,510.
Komunat ku do të mbahen zgjedhjet për balotazh janë: Prishtina, Prizreni, Gjakova, Gjilani, Podujeva, Kamenica, Drenasi, Dragashi, Istogu, Kaçaniku, Klina, Fushë-Kosova, Obiliqi, Rahoveci, Shtimja, Vitia, Vushtrria, Malisheva, Juniku, Mamusha dhe Kllokoti.
Sot në 21 komuna të Kosovës është duke u mbajtur raundi i dytë i zgjedhjeve lokale.
Të gjitha qendrat e votimit janë hapur më kohë, kështu kanë njoftuar nga Komisioni Qendror i Zgjedhjeve.
Të drejtën për të votuar e kanë shfrytëzuar dhe qytetarët në Prizren.
Prizrenasi në një intervistë të shkurtër pas votimit ka treguar se nuk ka fjetur tërë natën nga vesi për të votuar.
Një rast i dhunës në familje ka ndodhur në Prizren dje rreth orës 12:00.
Sipas Policisë, janë arrestuar dy persona (babë e djalë), pasi që pas një mosmarrëveshjeje janë përleshur fizikisht mes vete.
Me vendim të prokurorit, të dyshuarit janë dërguar në mbajtje.
Rasti po trajtohet si dhunë familjare.
Policia e Kosovës ka suspenduar përkohësisht dy zyrtarë policorë, njëri me detyrë në kuadër të departamentit të hetimeve dhe tjetri me detyrë në kuadër të departamentit të kufirit.
Ata dyshohet se janë përfshirë në aktivitete dhe komente politike gjatë fushatës parazgjedhore-balotazhi 2021, që paraqet shkelje të rëndë disiplinore.
Sipas njoftimit të Policisë, suspendimi i tyre është mbështetur në autorizimet ligjore, udhëzimin administrativ Nr.04/19 për shkeljet, masat dhe procedurat disiplinore në Policinë e Kosovës, për të vazhduar me procedurat e mëtejme.
