Kryetari i AKR-së, Behgjet Pacolli, ka bërë të ditur se një shtet të cilit nuk ia ka përmendur emrin, e ka njohur Pavarësinë e Kosovës.

Përmes një letre i është drejtuar kryeministrit Albin Kurti, duke thënë se presidenti i shtetit në fjalë kanë shprehur gatishmërinë për ta vizituar Kosovën, në mënyrë që të fromalizohet njohja.
Ai ka hedhur akuza ndaj Kurtit, për neglizhim pasi thotë se i ka dërguar në Whatsapp letrën e presidentit dhe konfirmimin e tij ndaj Kosovës.

Tuje ka përmendur votën e tij për zgjedhjen e Presidentit, dhe mospërgjigjen e Kutit ndaj mesazheve edhe siç thotë Pacolli, lirimin e instrumenteve mjekësore për spitalin e pediatrisë që ishin bllokuar në terminalet doganore.

“Takimi ynë i fundit me ju ishte një natë para zgjedhjeve presidenciale, kur ju kishit nevojë për votën time. Duke e ditur se ju nuk përgjigjeni ne letrat e mia, ( ashtu siç nuk iu përgjigjët dhe as atyre letrave që kërkoja lirimin e instrumenteve mjekësore, sipas rregullave, për spitalin e pediatrisë që i kishit bllokuar në terminalet doganore”.

“Duke ditur këtë, më mbetet vetëm t’ju drejtohem publikisht; Në WatsApp, më datën 18/12 ju kam dërguar letrën dhe mesazhin e Presidentit të shtetit që konfirmon se janë të gatshëm (javën e ardhshme) të vizitojnë Kosovën, për të kryer formalitetet e njohjes dhe të diskutojnë për vizitën e juaj në këtë shtet.

“Gjithçka është e rregulluar, zotëri Kryeministër, unë kam punuar gjatë për këtë njohje dhe pritet vetëm miratimi juaj. Unë, si gjithmonë jam në dispozicion për gjithçka që keni nevojë rreth kësaj njohje”, shkroi Pacolli./Telegrafi/

Lëvizja Vetëvendosje ka vendosur të shpallë zgjedhjet e brendshme të cilat do të rinisin në fillim të vitit të ri.

Postimi i plotë:

Sot u mbajt mbledhja me qendrat e Lëvizjes VETËVENDOSJE!, në të cilën morën pjesë kryeministri, njëherazi kryetari i Lëvizjes, Albin Kurti, sekretarja organizative, Vlora Haxhimehmedi dhe koordinatori i qendrave, Valon Hoti.

Sa i përket situatës politike kryeministri Kurti njoftoi edhe njëherë përfaqësuesit e qendrave të Lëvizjes për miratimin e buxhetit për vitin 2022 që është edhe buxheti më i madh deri tani në vlerë prej 2 miliardë e 748 milionë eurosh.

Ky është buxheti i zhvillimit, mirëqenies, solidaritetit dhe investimeve. Aty gjenden fondet e ndara për mbështetje të prodhuesve vendor dhe bujqve, fondet për ringjallje të ndërmarrjeve publike, shtesat për nënat lehona e fëmijët, shtesat për familjet me asistencë sociale dhe pensionistët, e deri te investimet në fushat si ajo e shëndetësisë, sigurisë, infrastrukturës, kulturës e rinisë.

Në anën tjetër, Lëvizja VETËVENDOSJE! do të jetë e përkushtuar edhe në komunat ku qeveris, dhe do të jetë opozitë kryesore nëpër komunat tjera të Kosovës.

Në mbledhjen e përbashkët me qendrat u fol edhe për zgjedhjet e brendshme të cilat do të rinisin në fillimvitin që po vjen, të cilat ishin ndërprerë për shkak të pandemisë dhe zgjedhjeve të përgjithshme parlamentare.

Të gjitha qendrat ishin njëzëri dakord për të filluar procesin e brendshëm zgjedhor prej nga do të dalim edhe më të fuqishëm edhe më të organizuar. Mbështetjes dhe rritjes së madhe të LV-së duhet t’ja mbështesim një organizatë edhe më të fortë.

Në fund të mbledhjes qendrat u njoftuan edhe për hapjen e aplikimit për Nivelin Teorik në kuadër të Shkollës Politike afati për aplikim i së cilës përmbyllet me 10 janar 2022.

Një dem i tërbuar ka arritur që të ikë nga pronari, derisa po shkarkohej nga kamioni në Prizren, me ç’rast ka shkaktuar disa dëme materiale raporton Gazeta Sinjali.

Në vendin e ngjarjes ka dalë Policia dhe Shoqata e Gjahtarëve “Sharri”.

Kjo shoqatë në koordinim me Policinë dhe me urdhër të prokurorit, e ka vrarë demin e tërbuar, gjatë ditës së djeshme, në rrugën “Besim Shala”, në Prizren.

Lajmin për Gazetën Sinjali e kanë konfirmuar nga kjo shoqatë, ekipi i së cilës e qëlloi për vdekje demin.

“Ne kemi marrë informacione nga pronari i demit, i cili e ka thirrë Policinë, e më pas na kanë ftuar. E kemi ekipin që në rast nevoje veprojmë kundër demave të tërbuar. Rasti ka ndodhë në rrugën ‘Besim Shala’, në drejtim të Nashecit. I ka bë disa dëme, por posa kemi arritë, me urdhër të prokurort, e kemi ekzekutu.”

“Gjatë shkarkimit nga kamioni i ka ikë pronarit. Por, kur kemi arritë në vendin e ngjarjes në koordinim me Policinë dhe prokurorin, e kemi vra”, thanë për Sinjalin nga kjo shoqatë./GazetaSinjali/